【美食博覽】全場最大紅皇帝蟹腳 即燒即食夠豪
1 :
GS(14)@2016-08-13 14:50:54如果你仲心思思，仲考慮緊應唔應該俾多15蚊門票到美食博覽「尊貴美食區」，咁睇下呢個全場最大蟹腳吸唔吸引到你？呢隻蟹腳係俄羅斯紅皇帝蟹，足有半個身體咁高，每隻重1至2公斤，要雙手捧起都有少少難度，半隻大概1200蚊左右，據聞已經被人買咗。蟹腳可以逐隻買，現場有生同熟版，生就按重量計算，可以買急凍貨番屋企食，現場仲可以即燒即食，一隻蟹腳劃一賣150蚊，每隻燒四、五分鐘左右，可以邊行街掃貨邊食，堪稱全場最豪！共洋海鮮有限公司美食博覽「尊貴美食區」3B A07美食博覽2016詳情地址：灣仔港灣道1號香港會議展覽中心展覽日期及時間：8月11日-15日門票：1.美食博覽公眾館、尊貴美食區及家電．家品．博覽：每位$402.美食博覽公眾館及家電．家品．博覽：每位$25門票於指定7-11、OK便利店、快達票售票網及現場有售記者：黃映嫚、何嘉茵攝影：梁志永
來源:
http://hk.apple.nextmedia.com/su ... t/20160812/19732866