📖 ZKIZ Archives

笨方法（３） 陸羽仁

http://blogcity.me/blog/reply_blog_express.asp?f=5YTPBH5B812303&id=284583&catID=&keyword=&searchtype=

  中國第4季經濟增長超預期，令投資者擔憂中國可能加碼推出貨幣緊縮政策，上證綜指大跌近3%，歐洲股市全線下挫超過1%。不過，美國昨日公佈的就業與房地産市場數據都好過預期，利好消息頂住跌勢，美股先跌後回穩，杜指收市只係微跌2點，收報11823點；標普500指數挫2點，收1280點；納指差些，跌21點，造2704點。杜指期貨最新報11781點，較現貨低水42點。

港股美國預託證券靠穩，ADR港比指數收報23985點，比香港收市低18點。匯控收86.45元，比香港高0.4%，中移動收77.71元，比香港高0.5%。

　　中國第四季GDP增長9.8%，2010年全年增長10.3%，而全年通脹3.3%，高過國家指標3%，市場憂慮中國會進一步推出收緊流貨幣政策，以壓抑通脹。在加息的預期下，大宗商品市場受壓。中國經濟要降溫，原油需求勢必減少，二月期油跌穿每桶90美元至88.86可美元，原油今個月已下跌近3%；黃金昨日下跌23.7美元至每安士1346.5美元，銀價及銅價亦下跌4.6%及2.2%。銀價跌幅尤其厲害，今個月已跌了11%，市場傳言銀價今年會下挫兩成。

資源股領跌大市，全球最大銅金生產商Freeport McMoRan Copper & Gold昨日公佈業績，銅價於2010年跳升三份一，Freeport第四季收入56億美元，好過預期，每股盈利3.25美元，亦遠遠好過預期的2.88美元，不過股價難敵大勢，下挫3.7%。

昨日頂住大市的主要係金融股。原因係昨日公佈的勞工及房地產市場都有不錯表現。美國首次申請失業救濟人數較上月下降3.7萬至40.4萬，低過市場預期，扭轉了前一周人數大幅攀升的不利勢頭。美國房地産經紀商協會(NAR)發布12月的二手房銷量大漲12.3%，年化總量增至528萬幢，超出市場預期。另外，美國12月份的先行經濟指標指數增長1%，指標中有6個指標出現增長，其中包括營建許可、利率息差、首次申請失業救濟每週平均人數、股價、消費者預期指數以及非國防資本産品製造商新訂單，反映美國經濟將繼續復蘇。杜瓊斯金融指數逆市升0.4%，其中美銀升1.2%，摩根大通漲2.4%，係表現第二及第四好的杜指成份股。

網友chu chu再問到「笨方法」月供的問題，「月供: 我是3年有月供2800 / 2628的, 成績OK呀, 好過放銀行沒有息及好像買3933一樣亂買一通. 但想請問, 因我只是每隻股每月供$2000 , 如市高時就把平均價拉高許多了, 是否應市旺時把他們賣出, 待市況淡時再供呢??  另外, 你認為如想供多1-2隻, 有什麼好的提議?」佢又問:「短炒: 我檢討過自己, 買的股票都是會選擇優質的股票.  不會亂跟軲巴買. 但問題是從來都是在不適當的時候買入及賣出, 很想知道應參看什麼資料來定下價位呢?  技術分析好像看人說得很易, 但自己看時卻不太明白.  怎樣去改善呢?? SORRY, 我是真的對投資很無知, 希你可以給點意見.  我身邊真的沒有人可請教得到.  有時想問網友, 但問題太低能, 真的不好意思問.  謝謝. 」

可能不少散戶也如chu chu那樣，唔識炒就落水炒緊股票了。短炒講走勢，順勢而炒，易賺到錢，但散戶可能簡單到睇一隻股的走勢都未識睇，就已經炒緊。3、4線股的走勢圖好容易人為製造出來，但聯邦製藥(3933) 有170億市值，大隻鱓，好少少，可以睇纒圖。佢去年9月出見鰦17.24元的高位，到9月尾再試高位不穿，最高見16.46元，已經破壞鰦上升軌，首先出現鰦見頂之象，走勢轉弱，若之前有貨的短炒者可以在這時離場。離鰦場不代表不能再進場，若再見隻股上穿高位，可以在穿位時追入(可定5%止蝕)，佢在12月中出現疑似穿高位現象，後來最高見17.12元，穿唔到高位就回吐，即係話唔使追入，亦出現一個典型的雙頂現象，之後回落在16元左右橫行，到今年1月6日開始穿位向下，更加確認下行走勢，短炒唔使再望住。

我講聯邦製藥純講走勢，一鱓基本因素都無講，因為短炒真係睇走勢多過基本因素，chu chu在15.9元時買，我估係最近在橫行時買，如我所講，係見鰦雙頂之後，本身唔係一個好好買入時機，因為隻股走勢偏弱，輸面大過贏面。要買可以定在17.3元買，即係唔上破高位唔買，咁贏面會大小小。

你可能會問，點解唔在佢回落橫行時買，要在佢上升穿高位咁貴時買?　咁咪好笨? 長獱睇基本因素，唔平唔買，短炒講時機，唔升唔買，佢走勢已轉弱，你仲在佢橫行時買，唔好話佢破位向下機會較大，即使繼續橫行三個月半年，你點短炒? 所有機會成本輸哂，所以高位回落鰦之後橫行都買唔過; 對短炒者來說，在升穿高位時買，看似笨，其實精。我叫你分清長獱和短炒，因為即使買同一隻股，目標唔同，方法亦有好大分別。你想短炒，先練纒睇大股的走勢圖先啦。

(月供問題下周一再答)

陸羽仁