|
||||||
|
西方國家爭相迎 合中國，爭取生意訂單，係不可否認之現實。中國對外國若有不滿，譬如外國領袖接見達賴喇嘛，頒和平獎予達賴及劉曉波等，外交部一定話：「傷害中國人民感 情。」講完之後，會唔會有實際行動呢？外國一啲經濟學家非常勤力，就中國之「傷害感情」做實證研究，利用聯合國嘅國際貿易數據（1991-2008，用 159國數據），做實證分析。 外電報導，德國Georg August University of Goettingen兩位經濟學家Andreas Fuchs及Nils-Hendrik Klann發表研究，證實確有「達賴喇嘛效應」（The Dalai Lama Effect）呢回事。簡單嚟講，外國低級官員接見達賴，中國唔會嘈。但係某國之國王、總統、總理接見達賴嘅話，中國就有強烈反應：一般係外交部強烈抗 議，取消部委訪問；阻止官商代表簽約等等。佢地量度到嘅效果就係在「達賴訪問」之後兩年，中×兩國之雙邊貿易會倒退8.1%，倒退最多嘅會係交通設備與機 械，點解呢？因為呢兩種貨品通常係由官商代表團互訪時簽訂貿易協議嘅。 但係唔係中國政府直接下令杯葛×國呢？呢兩位學者發現，未必噃，好有 可能係上有不滿，下有動作之故，即係我地俗語講「皇帝唔急太監急」，一啲國企、大型民企自動識做。 既然如此，各國咪好驚、怕晒，唔准達賴入 境？之不過，原來呢類「達賴效果」係短暫嘅，大約只會維持兩年，因為道氣過咗之後，中方知道貿易減少並不有利於中國，故此靜靜雞咁就恢復正常雙邊商貿。最 佳例子就係德國總理、法國總統見完達賴喇嘛之後，中國大怒，發晒脾氣，但今年中德、中法關係直情正常過正常啦。 一九八九年達賴得諾貝爾和平 獎，中國警告挪威領袖不可出席頒獎典禮，今年劉曉波得和平獎，中國同樣發出警告，但有冇人聽呀？好快就知，總之中國GDP越大，豪富越多，中國在外交上就 越硬！ |
||||||