| ||||||
訂咗有線而睇唔 到英超球賽嘅朋友，有好多位，包括好激氣嘅秘書V在內，佢負責屋企嘅收費電視事宜。世界盃開波前，佢與有線電視續約，在電話中與有線營銷員講到明：「新約 要包埋英超嘅噃，我地要睇英超o架。」營銷員猛咁話得，續約後一定有英超睇。哦，英超開波嘞，秘書V家人坐在電視機前預備睇熱刺對曼城，點知……如左丁山 一樣，激到彈起，冇得睇呀。打咗兩日電話去投訴，聽電話嘅有線職員話：「我地翻查電話錄音約莫要十至十四日，聽完錄音再覆實你！」秘書V家人為之怨聲載 道，好似秘書V辦事不力咁，唔怪得佢突然告一日病假，話有神經痛喎。 冇波睇啫，唔駛咁㷫。唔見銀紙先至㷫，股票金魚缸常客B上星期五收市 後，知道政府再度出招，打壓樓市炒風，報紙猛話樓價可能下調，星期二拍賣土地嘅預測價格下調半成至一成。於是星期一開市後，股票B就沽出手上嘅地產股，諗 住避一避先。點知到咗星期二，紅磡灣賣地竟然造價三十五億一千萬元，呎價去到九千幾，破晒測量師之預期上限，地產股急急反彈，股票B就真係激氣個激，大 駡：「乜啲傳媒與專家咁水皮o架，估錯晒嘅！」
估錯有乜出奇，地產商以七十六億一千萬元勇奪亞皆老街與紅磡灣地皮，顯然信 心十足，不受政府新措施影響。曾司長招數立即失靈，應了內地一句話：「總理說了不算，總經理說了算。」司長呀司長，當按揭利率低於或者等於一厘嘅時候，政 府又唔可以加息，你有乜辦法可以㩒低樓價呀？本欄以前引述過基金L講過，聯繫匯率係製造負利率、製造資產價格通脹嘅工具，在今天利率低迷嘅時候，政府根本 無計可施，曾司長、金管局宣佈嘅行政措施，只會扭曲市場，打低小炒家之時，連小買家都一棍扑低埋。可以咁講，按揭利率未回升至五厘之前，假設沒有金融海嘯 與衰退嘅話，樓價唔會真正下跌，過去十六年來，由1994年計起，優惠利率在97年10月升至9.5厘，98年3月係10厘，之後樓價就係咁跌，04年先 至反彈回升至今。一兩年之內，你認為利率會係咁升咩？ | ||||||