中環在線：「我條命唔值錢咩？」黃光裕否認自殺 李華華
|
|
國美電器 （493）大股東黃光裕（圖）單case搞咗一年有多，前排暫告一段落。不過，呢單案嘅案情，一直有啲撲朔迷離。事關呢單嘢偵查同審訊嘅過程唔公開，所以 市場成日都充斥住好多疑幻似真嘅傳聞，甚至傳過黃光裕喺獄中自殺，話佢覺得自己爆得太多「罪孽深重」，又驚有朝一日出冊被人尋仇，搞到要割脈，你話幾凄 凉。
不過，事隔成年，黃光裕呢幾日終於透過親信，向關心佢嘅朋友澄清，?對無做過任何輕生嘅糊塗事！黃光裕仲反問大家：「唔通我條命咁唔值 錢咩？」不過，佢話晒都曾經係全國首富，又身繫咁多「國家機密」，邊個夠膽話佢「唔值錢」呀？
講開又講，呢位黃光裕親信又向內地傳媒放風， 話黃光裕喺判決前有晒心理準備，估咗最好、一般同最差三種結果，結果最後宣判居然係黃光裕最差嘅估計。
|
| |
Next Page