中環在線：李福兆、金勞詹拍檔棟篤笑 李華華
|
|
做大事，一定要氣勢奪人，好似有遷拆王之稱嘅王征，入主長期積弱不振嘅亞洲電視，五大國企（國壽、招行、中海、粵海和北京銀行）馬上用真金白銀（買廣告）撐場。
證券商協會大搞就職禮
證 券商協會新一屆理事會就職典禮，啱啱今年係30周年，協會決定大搞，呢個party聲勢比王征更「升呢」，點解？據華華所知，當日單係有「校長」之稱嘅聯 交所前主席李福兆「久休復出」，同金牌莊家「金勞詹」詹培忠大玩類似「棟篤笑」節目（暫定），加埋李業廣同周文耀一齊表演，你話個陣容係咪勁先？
請得呢四位超班嘉賓，自然係靠同「校長」深交嘅蔡陳葆心啦！蔡太係副主席及永遠名譽會長，仲有佢愛兒蔡思聰係今屆主席。蔡太同籌委會負責人楊黛思（楊受成個女）、金利豐朱太等，一於為協會做個「醒神」生日會。
李華華
|
Next Page