【壹週刊】【MUSIC+】勇闖《好聲音》陳樂基出殺手鐧
1 :
GS(14)@2014-09-18 13:51:16【壹週刊】喺google打Rocky，好快就可以搵到佢，Rocky Chan，啫係《中國好聲音》嘅陳樂基。當喺google再打K-I-L，你已經見到一個字，Killersoap。「我舊年上過一次(中國好聲音)，評判唔轉身，節目根本就唔會播。」原來Rocky上年曾經參賽，不過影都冇，但講到唱歌，佢仍然充滿自信。「比你上，你都要夠膽上。上台係要證明我嘅努力。」不斷努力，嘗試，目的只得一個，就係令更多人認識Killersoap。「我哋喺香港都唱左好耐，又有做China Tour，但聽過Killersoap殺手鐧嘅人唔多。呢十年來，喺香港每個星期都起碼有三四場演出，如果要認識我哋嘅，應該要識左嫁喇，係咪？」要更多人認識自己隊band，就要等價交換，踏上台板只可以得Rocky一個。「會唔會令人有假象，陳樂基想單飛，想自己紅唔要隊band，大家有留意嘅話，你可以從我講嘅野，我嘅眼神，你知道我一心係為Killersoap，我扮都冇用，扮係睇得出嘅。」「你要咁諗唔緊要，睇十年囉，睇廿年囉！之後就可以證明。」表面係單飛上台，背負成隊Band嘅夢想。實際上，Killersoap係Rocky嘅最強後台。「而我真正嘅力量係需要5個人一齊先至有，我對自己好唔好嘅評價，一路以來都係源自Killersoap！」「我絕對想一開始喺《好聲音》唱自己嘅歌，因為我自己嘅歌係度身訂造，我會更有信心！大家聽過嘅《月半小夜曲》同《光輝歲月》，我係唔滿意嘅，我係可以好更多！」
iPhone版下載：
http://goo.gl/1SDaWF
Android版下載：
http://goo.gl/xfQS8D
來源:
http://hk.apple.nextmedia.com/entertainment/art/20140918/18869530