ZKIZ Archives


炒ELN勁輸七千萬:諗過恒生總行跳落嚟!

2009-08-06  NExtMagazine





以往私人銀行是身份象徵,但近期卻如同箭靶,先有年逾七十歲的隱世富婆入稟控告瑞銀,接着有十名內地大客專程來港向金管局投訴銀行,指錯信銀行炒燶Accumulator,勁輸數億元。

有錢人除了玩Accumulator輸得甘外,炒股票掛鈎票據(ELN)亦隨時破產收場。本身有數千萬元資產的退休人士阿偉,貪私人銀行服務,結果經不起恒生私人銀行職員游說狂炒ELN,一鋪清袋蝕了七千萬元,兼被恒生追債二百萬元,瀕臨破產,更想過自殺。

「我諗過由恒生總行天台跳落嚟!」五十五歲的阿偉激動地說,在旁的太太補充:「朋友講個比喻,話我哋本來安安樂樂住喺山腳,但恒生話我知山上風景更好,我哋上到去後,原來係懸崖,我哋連人帶屋一齊碌落山,粉身碎骨。」

阿偉自小家貧,中二已輟學打工,「十幾歲就喺工廠打鈕門,當時三毫子一碗雲吞麵,我每個月得二十蚊人工。由細到大,我嘅積蓄都係一分一毫咁慢慢儲番嚟,連搭車都要諗清楚至搭。」

後來他轉行做高級影音器材,一做便三十多年,更由小職員做到行內出名的店鋪老闆,五十歲未夠已累積數千萬元財富。捱了多年世界的他,遂在七年前將公司賣盤,與太太居於早已供滿的大埔獨立屋聚豪天下歎世界,在家有工人服侍,三不五時約朋友飲茶、學跳舞、學瑜伽、去旅行。

覺得私人銀行好威

但 在○五年,阿偉人生起了變化,一直使用星展銀行的他,突然轉投恒生懷抱,「星展無咩服務,但恒生有私人銀行,唔係個個人都開到,最少要八百萬先可以開 戶。」轉去恒生後,阿偉頓感身份升級,不單有專人服侍,毋須再親自到銀行辦理手續,恒生每年更邀請他和太太到中環總行博愛堂晚宴,「我嗰刻覺得真係幾 威。」

「恒生有專人服侍我,佢叫林慶芬,態度好友善,成日打電話同我傾吓市況。」他遂不自覺向對方透露自己曾在星展買ELN,林慶芬即打蛇隨棍上,不斷向他推銷各式各樣的ELN。由掛鈎單一股票到掛鈎一籃子股票的,總之花樣百出。

阿偉以往在星展僅買年期較短的 ELN,林慶芬卻慫恿他改玩合約年期達兩三年的產品,「佢話長年期的折扣又多,利息又好啲,仲話叫我放心,會幫我睇實。」結果阿偉抵受不住年息三十釐的引誘,開始他的勁炒ELN生涯。

在○五至○八年,阿偉透過林慶芬買入了逾二百隻ELN,總金額達三億元。有業內人士表示,銀行職員每月若成功出售五百萬元ELN,便可獲兩萬元佣金,計落林慶芬單靠賣ELN給阿偉,便袋了過百萬元佣金。

借上借惹禍

事 實上,隨着股市上揚,阿偉最初炒ELN,幾乎有贏無輸:「收息都收咗成二千萬,就算偶爾要接貨,但啲貨後來都賺番!」結果阿偉被勝利衝昏頭腦,自以為是 ELN聖手,故就算林慶芬更進一步,罔顧他作為退休人士的風險承擔能力,建議他有風駛盡『巾里』亦應承,「佢話依家利息咁低,不如用埋貸款額嚟買ELN, 唔使嘥晒。」

繼後甚至教他把貸款買入的ELN再作抵押,從而加大貸款額再賭過。這就像他向恒生借一百萬元買入ELN後,再將這ELN合約抵押給恒生,再借錢買其他的ELN,藉此重複不斷。阿偉回憶道:「我相信用貸款簽咗三、四十次ELN單。」

結果,貸款雪球愈滾愈大,阿偉共貸款了四千多萬元,加上自己全副身家所買的ELN,合共近一億元。惟去年股市下挫,作為抵押品的ELN價格急跌,林慶芬遂很客氣請他從星展調些資金來補倉,「我開戶時,俾佢睇過我喺星展有幾多錢。」

阿偉遂分多次存了總值二千萬元的股票到恒生補倉,「其實我都有少少擔心,不過佢話大市只係調整啫。」

變臉斬倉追殺

直 到去年十月,股市跌勢加劇,林慶芬的追銀call變得愈來愈急。為了慳錢,阿偉辭退工人及變賣四輛私家車,甚至賣掉大埔的獨立屋,改為租住九龍灣的居屋麗 晶花園棲身。直到他將全數資金投入恒生,坦言自己已經「無晒現金」,一向有商有量的林慶芬迅即變臉:「佢打親電話嚟就追數,直接叫我補倉!」

恒 生見阿偉無力還錢,遂開始替他斬倉,但套現所得的,亦資不抵債,仍欠恒生近二百萬元。一生積蓄付諸東流,這個消息對阿偉來說,簡直晴天霹靂,「高峰期我戶 口的ELN加股票值一億一千幾萬,點諗到賣晒都唔夠四千幾萬。」而他最勞氣是恒生一直沒告訴他可以斬倉解決,「佢哋一味叫我補倉,無非係想我將所有錢搾乾 搾盡。如果早啲同我講有得斬,我依家都仲有啲身家旁身。」

阿偉身家敗盡後,現要家人接濟,精神變得極度緊張,「每日朝早五、六點就扎醒,好 擔心又係銀行打嚟追數。」他太太說:「件事發生後,我收起晒所有自殺嘅新聞,唔敢俾佢睇。」但她又何嘗不怨丈夫,「點會咁蠢將所有雞蛋,放晒喺同一個籃 度。」而註冊財務策劃師協會副會長范維綱更認為退休人士根本不應借錢炒ELN:「ELN本身已經係衍生產品,咁樣借錢買ELN,真係風險極大。」慶幸是阿 偉沒有兒女,否則負擔更重。

刻下阿偉只望搵工賺生活費,惟自知非易事,「依家真係好慘,我已經係退休年齡,又離開市場咁耐,真係好難搵工。」而恒生上月中更已發信,向他追討二百萬元,勒令他於二十一日內清還,否則便申請他破產。「我連隻錶都賣埋,仲可以點呀?到最後一步,唯有破產啦!」

由坐擁上億身家,變成瀕臨破產,阿偉嘆道:「第一大錯係我自己,居然無留意ELN咁高風險!跟住就係私人銀行,佢哋好似吸血魔鬼,完全罔顧客人承擔風險能力,為咗做生意,竟然可以不擇手段!」

解構ELN玩法

ELN即股票掛鈎票據,是投資者與發行商之間的對賭遊戲。投資者若睇好某隻股票,雙方便定下一個合約期限,以及該股的行使價。到期時,只要該股仍企穩行使價之上,投資者便可收取利息,反之若股價下跌,投資者便要以行使價購入股票。

此外,部分ELN設有贖回機制,若期內或於指定觀察日,正股價高於贖回價,ELN即自動贖回,投資者可提早收取本金和利息。



PermaLink: https://articles.zkiz.com/?id=10165

國策透視:野蠻人幾時落嚟香港?

1 : GS(14)@2016-09-27 07:11:48

A股險資大戰再起風雲。9月18日,A股乳業股伊利發公告,稱陽光保險已舉牌披露持股5%,成第三大股東。公司隨即進入臨戰狀態,宣佈19日起緊急停牌,籌劃重大資產重組,擺明意圖趕走陽光保險。這種「先停牌,再重組」的做法在港股不會獲允許,既然中保監已批准險資可經港股通南下,險資日後要打股權戰,港股可能是更好選擇。這些「野蠻人」幾時落嚟香港,拭目以待。去年寶能旗下的前海人壽掀起萬科股權大戰,對內地股壇影響深遠。當時寶能在首次持股5%時,亦表示只做財務投資者,但之後越買越多成最大股東,更要求罷免萬科管理層,萬科董事長王石斥其為「野蠻人」。內地上市公司管理層從此見過鬼怕黑,對這類險資心生戒備。內地保險公司總資產規模超過14萬億元(人民幣.下同),中保監允許最多40%可投入股市,即可入市資金超過5萬億元,但目前險資買股規模只有1.7萬億元,換言之,仲有大把水位。在過往,險資缺乏QDII額度,所以很少來港買股,更不會在港股掀起股權戰。但中保監已批准險資可經港股通買港股,形勢已經轉變。中保監允許保險公司境外投資上限為總資產的15%,理論上,至少仲有過萬億元險資可買港股。除估值較便宜外,港股還有一個好處,就是停牌機制更為嚴謹,不會允許上市公司在沒有正當理由下,長期停牌,對險資保障更大。去年12月,萬科為趕走寶能,宣佈停牌重組,其後H股只獲准停牌10日,但A股就允許停牌半年,令重注以高息槓桿資金買入的寶能逃生無門,之後複牌股價暴跌,如果不是恒大(3333)加入股權戰,寶能可能已經一早爆煲。有萬科A股、伊利等先例,無疑增加日後險資南下掃貨的動力。黃尹華
http://fb.com/decodepolicy本欄逢周一、二、四刊出




來源: http://hk.apple.nextmedia.com/financeestate/art/20160926/19781617
PermaLink: https://articles.zkiz.com/?id=310096

達明一派登《蘋果》fb Live呻難北上演唱明哥驚返唔到落嚟

1 : GS(14)@2017-01-22 02:17:09

■黃耀明(右)和劉以達將於3月在紅館開騷,二人直言有粉絲支持已足夠。



本地樂隊「達明一派」成軍31年,兩人風格別樹一幟,黃耀明政治立場鮮明,懶理被封殺也要走在前線為民請命,他昨與拍檔劉以達在紅磡接受《蘋果》facebook live訪問,即使有內地邀請演出都不能成事,明哥自爆拿不到回鄉證之餘,也擔心「上到去返唔到嚟。」



達明一派將於3月23至25日在紅館舉行3場演唱會,後日開始賣飛,雖然這次開騷沒有贊助,但達明一派覺得有粉絲支持已足夠。黃耀明和劉以達昨日在紅磡做《蘋果》fb live,由人山人海總監、港台DJ梁兆輝和明哥愛徒盧凱彤做主持,大家妙問妙答。明哥關心港人港事,四位特首參選人胡國興、葉劉淑儀、林鄭月娥及曾俊華之中,哪一個是心水?明哥避重就輕:「我哋未做功課,?家話可能投白票。呢個唔講住,等佢哋同我哋溝通先決定。」林鄭曾說過上帝叫她參選特首,身為基督徒的達哥說:「佢話上帝?邊度有上帝?等我今晚問吓佢!」明哥也說:「我問咗佢,佢話叫大家買我哋演唱會飛。」


共同進退

林憶蓮最近答應出席內地節目《我是歌手》,假如有《我是Band》邀請達明一派可考慮參加?向來政治立場鮮明、支持雨傘運動的明哥心中有數:「攞到回鄉證先算啦!」相對「不問世事」的達哥返內地暢通無阻,不過他堅持撐兄弟:「要上就大家一齊上!」明哥覺得即使可北上,仍有隱憂:「我想唱嗰啲歌,可能佢哋又唔畀我唱。我諗有好多困難先可以上到呢個節目,畀上去先算,可能攞唔到回鄉證,又入唔到境。」達哥突然有顧慮:「落唔到返嚟呀!」明哥認同:「呢個係最大問題。」梁兆輝笑問不想回來?明哥則說:「樂而忘返。」梁兆輝最後總結:「?家呢個世界今時今日係乜嘢都可以發生嘅。」



■達明一派昨登《蘋果》fb live答問大會,由梁兆輝(左一)和盧凱彤主持。

■多次解散又重組的達明一派,12年曾舉行「達明一派兜兜轉轉演演唱唱會」。

■今年是達明成軍31年,明哥與劉以達將有一連串慶祝活動。資料圖片


明寸馬會

達明一派開騷沒贊助商,但如果他們可以選贊助商,明哥提出:「可唔可以係馬會贊助呀?馬會咁多錢,話吓就拎咗35億出嚟。」此言明寸馬會拿出35億資助西九「香港故宮文化博物館」,明哥表示若馬會贊助,可以搞場免費騷。此外,經過網投票,達明一派順應民意即場演繹《今天應該很高興》,網友大叫「安哥」,明哥最後為滿足網友,再唱了「未食早餐版」的一段《石頭記》。達明一派的fb live,連台灣歌手周蕙也在fb留言:「Love U」支持。採訪:譚倩宜、皓騫攝影:仇志德、馮嘉銘、卓振輝




來源: http://hk.apple.nextmedia.com/entertainment/art/20170121/19903824
PermaLink: https://articles.zkiz.com/?id=323550

Next Page

ZKIZ Archives @ 2019