ZKIZ Archives


中環在線:陳啓宗睇唔起i-banker有女都唔畀嫁 李華華





http://hk.myblog.yahoo.com/lynch200705/article?mid=2548

《明報》
2008/11/26


年 薪動輒可以千萬元計的投資銀行家,近年成為不少年輕人的奮鬥目標,不過經歷金融海嘯後,投行神話破滅,更被視為信貸危機的始作俑者之一,投資銀行幾乎成為 貪婪的同義詞。恒隆集團(00010)主席陳啓宗,昨日也「落井下石」,公開說:「我其實最看不起投行的人,我們公司從不請從投行來的。我還讓兒子千萬別 入投行,如果有女兒的話,我都會叫她千萬別嫁給投行的人。」

香港理工大學昨日舉辦的中國經濟發展論壇上,中港兩地學者及公司管理層競相嘲諷投行人士。其中,又以陳啟宗言論最激烈,他將四處流竄的金融資本比作瘋狗,讓與會者出招,看該如何控制。

內 地銀河證券首席經濟學家左小蕾則指投行運作模式脆弱,「賺錢第一,不計後果」,人家是「君子愛財,取之有道」,投行則是「土匪愛財,打家劫舍」。她認為, 金融資本湧入商品市場,令其價格脫離供求關係基礎,永遠無法達至平衡,而那些「助紂為虐的分析報告」,更是在背後「推波助瀾」。至於那些迷你債券的銷售行 為,她將之等同於欺詐,「那些買家已經付出代價,吃了教訓,始作俑者的銷售商更應受罰」。

陳啓宗看投行看不過眼,但如今世道差,投行減花紅,陳指恒隆執董薪酬亦「凍過水」,要減薪。至於普通員工花紅是否縮水,則要到時再看。不過,危中自有機,恒隆如今手頭現金大把,陳表示是時機展開收購計劃。當被問及本地樓市何時才會回暖時,他笑笑答,「明年尾再問我這個問題吧」


陳啟宗:房地產商 我不尊敬 資金集中地產商

《明報》
2008/9/5


華 資地產五虎之一恒隆地產(00101),其董事長陳啓宗昨日出席論壇時,頗有先天下之憂而憂的氣節,對香港整體經濟發展評頭品足一番。演講中,陳啓宗恨鐵 不成鋼,居然冷嘲自家所處的房地產業,陳以普通話說:「香港大部分的錢在誰手上呢?很可惜,都在地產商的手上。」最後竟語「房地產商吧,在我個人的看法裏 面,是我不太尊敬的。」

經營地產 只須時機

香港房地產資金獨大,陳啟宗自嘲,地產是最本土化的、地域性最強的生意;這麽多年來,管理一直都不是太重要。只要抓住市場脈搏,將買地賣樓這兩個時間搞對了就行,加上「供應」永遠追不上「需求」,管理也不太重要。

陳 啟宗昨天出席一個名為《奧運後兩岸三地發展契機》論壇上,分析了香港當前形勢:其一,香港缺乏有國際競爭力的公司。陳說,香港有諸如100多年的匯豐銀 行,於香港起家,但現在總部和主要管理人員都撤離香港;其餘剩下的像創科、德昌等,基本上都屬於比較小的行業。其二,陳認為,香港的優勢正慢慢消失。他不認同內地官員標榜內地市場促進香港發展的說法,他表示,不是內地市場不好,但從歷史角度而言,正因為香港有選擇,所以沒有台灣的破釜沉舟之志,打造出今日高科技地位的成就。

港如只剩金融業 優勢難持久

當前,香港的製造業,甚至專業人士都慢慢北移。陳啓宗半開玩笑地說,香港於剩下的金融業仍有優勢,但預料不能長遠維持,特別是有些是可以離開香港的,例如私募基金,可能最終都會撤出香港,轉戰內地。陳啓宗說,中國內地最大的優勢是市場龐大,並可愈做愈大的。在他看來,30萬「海歸」回國是很大的動力。不過陳告誡,由於內地監管制度和官員都未經過市場的洗禮,內地市場存有潛在風險。





2008-11-26  AppleDaily







華 爾街嘅投資銀行家被指因為放肆貪婪,搞到全球金融市場一鑊熟,所謂人神共憤,恒隆地產(101)主席朗尼.陳啓宗亦係其中之一。佢噚日出席理工大學舉行嘅 中國經濟發展論壇,完全流露佢對呢班i-banker嘅一貫睇法──冇乜好感。佢話公司從來唔請投資銀行家,亦叫個仔唔好做投資銀行;仲話如果有女,都會 叫佢唔好嫁畀投資銀行家;而i-banker設計嘅衍生工具產品,就好似瘋狗一樣,到處亂走。

賺到盡 冇下次

問佢大市係咪到 底,佢話識答嘅人肯定呃你;陳啓宗認為掌握到大方向已經唔錯,無謂一定要撈底或者摸頂。好似已經去世嘅華懋前主席王德輝,一世人精打細算,想話摸頂將華懋 上市,點知試過3次都唔成功,因為大市3次上到頂峯就迅速滑落,結果華懋至今都未上市。講番自己公司恒隆,朗尼陳話重點係要摸清大方向,恒隆過去十幾年買 地成績都唔差,賣樓亦靠近頂點出貨。不過佢話如果吓吓摸頂出貨,唔留番啲水位畀人賺,邊個仲會幫襯你?總結金融海嘯嘅經驗,佢亦有獨到見解,話現階段爆發 金融海嘯,對中國嚟講可算係良機,祖國國運都算好,因為若喺5年前發生,中國亦冇國力喺國際上有發言權;若遲5年發生,資本賬有更大開放,所受打擊會更 大。

國運好 避海嘯

朗尼陳仲話,大家所追求嘅價值亦要好好三思,以免再搞出金融海嘯同毒奶粉事件;對於私人投資基金同對冲基 金要好好管制,「賺咗就要畀20%佣,輸咗就你啃晒!」佢又預期美元、歐元同人民幣將會係未來3大國際貨幣。講到尾,最重要係中國人自強,因為呢個時刻冇 人幫到你。李華華[email protected]
PermaLink: https://articles.zkiz.com/?id=4175

中環在線:馬明哲08年斗零都唔收 李華華


2009-02-28  AppleDaily





 

舊年,平安保險(2318)經歷咗最唔平安嘅一年,巨額融資惹嚟各方譴責,入股富通又蝕到渣都冇咁滯,仲要發出20年嚟首個盈警,就連董事長兼行政總裁馬明哲份人工兼花紅,都俾股東嘈到今時今日。

07年收逾6000萬

07 年馬董破紀錄收咗超過6000萬銀人仔薪酬,點知08年負面新聞一單接一單,結果為咗對得住班股東,馬董已經決定唔收舊年份人工,又唔要花紅,勢要與平保 共進退!《21世紀經濟報道》講,馬董期望以自己「分文不取」嘅行動,同全體員工共度時艱。華華問過平保發言人,佢話馬董的確決定舊年一毫子人工同花紅都 唔收,主要因為集團內外營運環境產生巨大變化,拖累業績表現,馬董今次咁做係希望能夠上下一心,共度時艱。

希望其他高層跟隨

睇 番平保07年年報,馬明哲總薪酬達6616.1萬(人民幣.下同),其中底薪481.9萬、獎金超過4000萬、捐款2000萬。一直以嚟,平保高層薪酬 都係同股價兼業績掛鈎,o依家發盈警,股價又得番高峯期嘅三分一,接近平保消息話,馬董今次斗零都唔收,係希望對其他高層起模範作用。此外,內部仲承諾集 團「不裁員,不減薪」,以免打擊員工士氣咁話。睇嚟,其他高層舊年嘅花紅都危危乎!李華華[email protected]



PermaLink: https://articles.zkiz.com/?id=6210

計一大輪都唔知自己想點──投資最忌計死數(2010/10/01) 脫苦海

http://hk.myblog.yahoo.com/tokuhon_blog/article?mid=15975

在討論區發現有兩個計死數的例子:

http://www1.uwants.com/viewthread.php?tid=3161883

一個人花8塊錢買了一只雞,9塊錢賣掉了,然後他覺得不劃算,花10塊錢又買回來了, 11塊錢賣給另外一個人,問他賺了多少錢?


答案不是一元嗎??
我念呢題唔可以計出黎

8<---本錢
9<---第一次賣所得
賺<---1元

現有9元

10<---第二次買入的本錢,由於之前只有9元,所以這次要另外再攞多1元,因此已把之前所賺得的1元扺消,變成賺0元
11<---在0賺蝕的情況下以10元購得再以11元賣出
因此最後賺了的是1元

大家唔好自己加任何情況落去(本身拎住20蚊 or 問銀行借等等)這會改變左問題既本質

有D人話兩個買賣是獨立的,但很明顯是接著的,利用之前所得再買(其實識中文嘅人都會知啦,如果你仲係堅持係分開計的話,唔該學好D中文先啦;仲有1+1計黎把鬼咩,如果真係既話,叫板主封佢ID啦)

而單純用數字去計,由於不明因素(我真係唔識講>.<是一定會計錯的

大家討論下~~~

我認係念錯左,應該係2元,不過我依然堅持買賣不是獨立的!


http://finance.discuss.com.hk/viewthread.php?tid=13161093&extra=page%3D2&page=1

貶左都唔知...財經透視Edmond個案是很多香港自住業主的縮影
                                                                                    

年多前Edmond以 $1,600,000購入屯門單位,現己升值至 $2,200,000,賬面(表面)賺 $600,000,業主會因此而考慮換貴些或大些單位,如德福,表面上也是正確。但實際上是了$300,000。因為德福年多前 $2,300,000,現也升值至 $3,200,000。Edmond和很多自住業主也計不出和不知道。

以下運用了兩種不同形式去讓大家知道Edmond怎樣 $300,000:

形式一)
-
$900,000 + $600,000 = -$300,000 (未計佣金律師雜費等開支)
(被賺) +   (賺)  =   

形式二)
$1,600,000 (原樓價) + $600,000 (賺) + $1,000,000 (補貼) = $3,200,000 (德福)
除去$600,000賺,即Edmond今天需要用$2,600,000去買入德福

較年多前只買$2,300,000為多
$2,600,000 - $2,300,000 = -$300,000
(今天買)   -    (年多前)  =   

答案:

其實樓價越升,賬面數越升,但自住業主實際就越「」一旦換大些或貴些的單位。
由於Edmond和自住業主只著重自住物業升值,嚴重忽略了周邊物業也同時升值這一環。



計一大輪數做一大堆scenerio,結果都唔知道自己想點至囉到最多著數。
既然人類沒有預知能力,就無可能事前知道邊個係最好決定,有賺咪得囉!
計多左又唔會變先知的,反而令到自己無所適從,睇唔到大方向。

股票、物業等投資呢個遊戲其實好簡單:

在市況淡靜價格較低時,盡你最大的能力同時要穩陣地買入優質資產
到市況火熱人人心紅時,減倉減風險增加資產流動性及變現性

早一兩個月,筆者係咁話樓貴股票平,而家大家知發生緊乜事嗎?
筆者辜且將投資簡化為:錢(含外幣)、股票(包括非衍生的證券及票據)、實物(包括樓),這裏已包含超過七成人的投資額度。
以目前低息環境,錢呢個項目可以不理(包括人民幣,其實升極都有限)。
股票,要精於選擇(大學問黎)
實物,大部份反映貨幣的購買力貶值,而樓宇可以平息借,又可以使用或收租。

請大家看看下圖:



這 裏介紹一個概念:西格爾(Jeremy J. Siegel)常量──6.5-7%的實際股票收益率。根據美國過去二百年的數據,扣除通脹後,股票的年收益率一直處於6.5-7%之間(《投資者的未 來》163頁),即每十年翻一番;債券實際收益率是3.5%;票據和其他短期貨幣市場資產為2.9%;而黃金只有0.1%;貨幣就慘了1美元的購買力經 204年後,只剩下6仙(6%)。

筆者沒有西格爾先生的耐心去計算香港物業的收益率,以下是四叔傳附錄內的資料:



1996年以後的資料在此:

http://www.rvd.gov.hk/en/doc/statistics/his_data_2.pdf


http://www.rvd.gov.hk/en/doc/statistics/rvd1_1.pdf



計算的方法是B類單位每平方米價格,除以10.76,2010年7月的數字如下:

港島區:$8,001(比1965年高156倍)
九龍區:$6,633(比1965年高127倍)
新界區:$4,505(比1965年高104倍)

恆生指數1964年7月31日基數100點,以目前恆指約22000點計,增長了220倍,可見如果能追及大市(比如買盈富基金),股票的回報比物業高。

但不要忘記,物業有槓桿,就算跑得最慢的新界區,大約做兩倍槓桿(五成按揭)已幾乎可以追及(當然要計按揭利息),港島區更只需做1.4倍槓桿(三成按揭)。

用最小本錢,做最大生意,控制最大資產,這些才是大數。鬼唔知買德福(金額)升得多過屯門咩!不如話買九龍站甚至山頂呢!

PermaLink: https://articles.zkiz.com/?id=18286

肥龍發功都唔掂周融自毀台長夢

2008-2-28  NM




「唔可以俾歧視拼搏精神的人得逞!」港台名嘴周融週一打着反歧視旗幟宣布申請廣播處處長一職。 本刊揭發,政府上周降低台長入職學歷要求,的確如外間批評所說是為周融度身訂做,而搭路人是他老友、綽號「肥龍」的前政務司司長許仕仁。

面對各方批評,周融以「歧視」轉移視線,扮受害人在記者會大聲疾呼,但這犯了政府「低調行事」大忌,看來,周融創辦教人搵工的《Recruit》,今次自己卻見唔成工。

記者會上,周融首先向記者派履歷,強調自己由「瞓板間房」爬到「上市公司主席」。周融自詡是前任廣播處長張敏儀請他出山開咪,「睇番個(廣播處長)廣告,照牌面睇(十五年傳媒經驗),我夠資格有餘。」

讚完自己, 周融就拍枱大罵港台節目製作人員工會主席麥麗貞、立法會議員張文光及劉慧卿,指三人話無學位的人不應當廣播處長的言論,是絕對歧視。「係咪無學歷而去做某份工,係侮辱咗份工、侮辱咗個機構呀?我唔可以接受呢啲歧視及侮辱。」

言 論一出,馬上惹來批評。有港台員工大罵:「都唔知佢做乜拖張敏儀落水,算係搵阿一姐嚟壓我哋呀?未做台長已經同工會撐到咁行,咁第日仲使旨意佢開明納諫接 受我哋意見咩?佢根本自知做唔成處長,乘機開個記者會嚟增加自己政治本錢啫,擺明方便第日去大學氹啲後生仔,又講吓自己有幾成功啦!」

「唔通我請中學畢業生,我就歧視小學生,工作經驗要十五年,我就歧視十年經驗嘅人?……係有人轉移視線,政府點解無端端降低門檻,我希望政府解釋,唔係走個人出來話被歧視。」張文光反擊:「我哋係質疑政府在招聘處長上,為何將原有要求突然改變,係咪為人度身訂做。」

搵過陳志雲甘國亮

對 於「內定」一事,周融一概否認,然而,消息人士指,政府降入職門檻原來跟綽號肥龍的前政務司司長許仕仁有關。自從朱培慶去年因醜聞辭去廣播處長,政府派政 務官傅小慧任署理廣播處長,並於十月便公開招聘,接觸過的人,包括曾當政務官、又在港台工作過的無綫總經理陳志雲,但不少人嫌《公營廣播諮詢》遲遲未出 爐,台長一職前途未卜,故一個也傾不成。政府後來找獵頭公司「光輝國際」Korn / Ferry幫忙。

「光輝國際」接觸過前新城電台行政總裁甘國亮、商業二台節目總監鄭丹瑞及周融等,才知道這班老行尊都沒大學學位,不符合廣播處長D5職級要有大學學位的要求,於是向政府建議降低學歷要求。消息人士指:「周融見完獵頭公司後,知道政府第一輪請唔到人,就約埋許仕仁同陳德霖傾,幫手游說政府降低台長門檻。」

肥龍兩度引薦

原 來周融與肥龍自七十年代起共事於廉政公署,當時周任社區關係主任,肥龍是社區服務總處長,周融也承認:「所以大家幾好感情,許仕仁仲係我個仔嘅 godfather(教父)。」周融也因此結交了肥龍「契仔」、特首辦主任陳德霖,周、陳兩人不僅是高球波友,更結伴去美國加州拜師學藝。

○ 五年曾蔭權上台時要物色新聞統籌專員,遭心水人選、前TOM出版總顧問劉細良推卻,當時鄭經翰及許仕仁分別再向煲呔引薦何安達及周融,最終煲呔請了畢業於 中大英文系的何安達,一直恨做官抓大權的周融當官無望。事隔三年,周再找肥龍幫忙,這時肥龍雖已不是政務司司長,但他與許多官員熟稔,加上行政會議成員身 份,連同陳德霖的特首御用智囊身份,游說政府降低入職要求。

對政府來說,最理想是空降政務官(AO)進駐港台,方便日後操控,但又怕招「殺台」話柄,結果寧願降低門檻引入周融,萬料不到最反對周融的聲音,竟來自港台員工。

港台最高薪

有 港台員工說:「我哋做節目一向講批判性,像吳志森、《頭條新聞》和《鏗鏘集》,唯獨周融嘅節目好擦鞋,影衰埋我哋個朵。」周融喜歡耀武揚威,他曾說過自己 入港台時,知道吳明林是人工最高的DJ,就要求人工要比他多十元,就是為做全港台最高薪DJ。周承認自己「騷」錢全台最高,但不透露幾多,港台亦以私隱為 由拒絕披露。

事實上,建制派人士曾多次表示,上港台時事節目「梗係上周融嗰個好過上吳志森嗰個啦!」○二年周融當旅發局委員,○五年他加入 策發會,翌年更獲頒銅紫荊勳章。周融雖否認自己親政府,但有策發會委員透露,「好多曾經在會上衝撞過特首幾句的成員,第二次委任時都被踢走;周融無頂撞過 特首,所以第二輪策發會佢依然有得留低。」

靠攏政府之外,周融跟商界關係又千絲萬縷。據公司註冊處資料顯示,周融現時是七間公司董事,業務包括出版社和公關,其中一間智學系統有限公司因曾與教育局發展一個減輕書包計劃,曾廣被教育界認識。他自稱現時主力主持電台及電視節目、在報刊撰寫企業管理專欄、出書教人如何成功、擔任演講嘉賓及主持培訓工作。「出面搵我做嘢,唔係搵我本人,係透過我間顧問公司搵我,雖然裡面主力開工都係我一個。」

 

周融雖形容自己八面玲瓏,能為港台增加資源,但有員工批評:「我哋有好多節目都唔可以收出面的贊助,最好係要同商界無瓜葛,偏偏周融又曾經係上市公司主席,同商界啲人有千絲萬縷的關係,試問呢類人點樣令我哋相信佢可以真係同商界斷絕所有關係?第日有關一些財團的新聞,我哋點知道會唔會有人叫我哋少啲鬧嗰個財團o架?」

由 於不得人心,港台資深員工上週例會上,聲言寧由AO出任台長,也不願周融擔當。周融見勢頭不對,於是周一絕地反擊,用公關伎倆,高調宣布申請台長一職,希 望轉移視線。可是,他把一句鐘記者會弄到似「抗爭」、「競選」演說,時事評論員李鵬飛勸周融應檢討一下自己記者會上表現能否被市民接受。有聽眾打上電台, 直斥他教壞細路,「就嚟會考,你咁講係咪即係話俾啲細路知,無學歷都可以做台長吖?」

周融將早已極度政治化的廣播處長人選,再扯到「歧視」上,惹來全民指責,不合政府想「低調解決港台」的目的,看來肥龍一番心血都白費。如今港台員工講明「寧要AO、不要周融」,正中煲呔早前想找AO執掌港台的大計,待周融事件塵埃落定,煲呔便可安插適合AO入主港台。

周融簡歷

年齡︰56

家庭︰先後與林寶蓮及陳儀芬結婚,但皆離婚收場。

榮譽︰06年獲頒銅紫荊勳章

工作履歷

67年:中五畢業

67-74年:任英文《星報》記者,後升為採訪主任

74-83年:加入廉政公署任高級新聞主任,後升為總新聞主任

83年:創辦《馬經周刊》,三個月後結業

84-91年:任《英文虎報》總經理及總編輯,創辦《Job Market》,參與收購《快報》、《天天日報》、「文化傳訊」等 ,87年任星島集團總經理

88年:創立「阿二靚湯」,佔股9%,90年阿二靚湯以千四萬售予大家樂

92年:創辦招聘刊物《Recruit》

94年:成立「出版之友」印刷公司

00年:熊貓 Recruit 上市,任行政總裁

02年:被生意拍檔羅嘉瑞踢出Recruit後,創立周融顧問有限公司

05年:任策發會管治及政治發展委員會成員

現主持電台節目《千禧年代》、《與CEO對話》及電視節目《政改透視》


PermaLink: https://articles.zkiz.com/?id=24620

80後買樓記(六) : 揸的士都唔好做銀行? Home Blogger

http://www.homebloggerhk.com/?p=5604

我轉左行做保險公司份工,就好似肥佬老闆跟班咁,同佢出去見客之後將簽好文件送比核保辦理。有時肥佬會用家居保及旅遊保同新客打開話題,傾下車保更可了解客戶財政狀況,原來想快手了解面前客人,都有咁多學問。先講一D佢感興趣既話題,再搵出自己可以係邊方面幫到佢,從而令客戶知道同你做朋友係有好處既。肥佬心情好時都會教下我野,我明白老板教我野唔係必然,因學到既野只屬於係自己,第時辭左工都可帶走的。把握機會從工作中學習,係令我事業轉好,人工增加而買到樓既重要元素。

 

保險公司既經理除左sell單,請人拓寬「下線」係重要工作之一。請一個新人,仲好過佢自己出去跑數。Well,肥佬自己好懶,平均一日都見唔夠兩個客。但係佢叻在識搵人幫佢跑,招募下屬。佢鐘意搵銀行做開既人加入,一黎佢地識賣保險,二黎銀行呢幾年同員工「不斷加壓」,搵人由銀行出走到保險公司,唔係易事。

 

是的! 又係michelle。肥老闆不時係bank收卡片,及後跟進約銀行sales出黎飲野。今次搵埋我一齊見旨在showoff佢有幾掂。Michelle係一個二十有幾既斯文長髮少女,眼細細而勝在皮膚夠白淨。個日我地係佢分行附近既starbuck見佢,成下晝四點michelle趕到黎,放低袋就二話不說走去買三文治食,坐低吞左啖水後先一路啃野一路同我地講佢未食晏。肥佬一貫作風,問多過講,問下佢好咩搞成咁。Michelle話佢已經「N5」,即係nil for 5 days,連續五日冇數交!! 因為5日交唔到數好大鑊! 今日上晝七點幾已經要同分行經理去面聖(見大老闆),最慘既係尋晚call客call到九點幾先返到屋企,訓得幾個鐘又要返工。真係就黎神經失常!

 

最慘係剛入行既新仔,為左一萬幾千既人工捱到咁盡,當然做幾個月之後就失蹤。所以你見而家成日請新人,成日銀行職員做錯野,成日換客戶經理。」Michelle話:「我做左銀行幾年,唔上唔落,轉行又要重頭黎過,咪仲要係度捱。」一路講一路食埋最後啖包。

 

佢話最傷既係今朝面完聖,同成班sales加埋分經(分行經理)開會。經理摔數問Michelle呢個禮拜有信心「做幾多」? 佢低頭唔答,之後細細聲答左十萬。經理就話:「十萬?你唔使旨意! 三十萬啦!」唉咁講不如唔好問,一味被人逼佢跑數。」

 

肥佬話呢份工冇人逼佢做。Michelle話當然可以辭職。不過佢經驗為求佢遞信後仍然專心跑數,一家會威脅佢如果唔到數會寫花佢走人時攞封reference letter,等佢係第間bank應徵時過唔到reference check,等於踢佢出銀行界。 Michelle眼濕濕咁話: 「我到數又使鬼遞信咩…而家 真係唔上唔落。唉,拖都唔使拍,而家分行唔到數,星期日要攪埋「理財日」。老細不斷問有冇人做volunteer,我都唔知咩q野人,仲可以笑笑口係whatsapp like呢件事之後舉手要星期日返工!」 

 

肥佬就同佢講:「鬼咩,而家係香港銀行,客戶經理要一腳踢銷售基金、保險、外幣、股票掛勾產品加埋按揭。我都知而家有人行入分行,櫃面職員已經對人虎視眈眈! 因為佢一日無番兩個銷售推介比sales,「放飯」都未有資格。客戶經理sell唔到你野又要向分行高層交代! 既然你做到咁無癮,不如過黎幫我手啦!」

欲知後事如何,請看下回分解。

PermaLink: https://articles.zkiz.com/?id=43321

乜叉都唔做 人在中環

http://manincentral.blogspot.hk/2014/07/blog-post.html
今日,寫一個趕客的題材。

我現在所身處的行業,大概是廿幾年前開始在香港出現的。而我,大約是在十二年前入行的。

二十幾年裡面,行家的數量,算是穩定地上升。但在過去兩年間,行家的數量忽然瘋狂增加。現在計一計數,此時此刻,本地行家的數量,差不多是兩年前的三倍。

這些行家是甚麼人?我身邊有好幾個富x代的朋友,最近紛紛走來問我:「喂CK,其實你哋嗰行,都幾好賺㗎可?最近有人叫我一齊投資做呀,俾啲意見吖…」

「連你都想話入行既話…」我坦白地回答:「呢行真係走到接近盡頭啦。」

事實上,身邊既富x代朋友想入我呢行,會走嚟問我意見的都算是「保守」和「小心」的了。我有另一個食飽無憂米的朋友,有人找上門叫他投資我們這一行,他二話不說就「科水」了。最近見到他,他還像個專家般,說投資在我這一行,回報會有幾高幾好。他那些數字我聽在耳裡,覺得他被人騙了,而且還是狠狠地當他是個低能仔般去騙,不過我見他講得興高采烈,不太好意思跟他說真話吧。

這個就是我身處行業的現況了。

任何一個行業,都會經歷這種階段。我覺得這個階段是個整固期,會將資金不足,又或者不認真經營的行家淘汰。這個時間,因為入行者眾,市場上的供應霎時間以倍數增加,價格嚴重受壓,利潤隨之而以倍數下降,行業裡的所有人,無一倖免。

這種日子對我們那些入行好一段日子的行家來說,是既討厭又艱難的時間。心裡面覺得最不安的,是不知道這個時間最終要維持多久。一年、兩年?兩年過去了,市場還在繼續整固,一年前才入行的一些行家,現在已經倒閉了(或者是玩厭了?);但一雞死一雞又鳴,一個富二代玩厭了,又換來另一個富三代接力。這種對手難不難纏?難,而且超難,不是因為他們做得特別出色,而是他們那盤生意其實冇需要賺錢。這使行業偏離了正常的商業模式,面對這種「競爭」,正常的商業邏輯也不太用得上。

這種時間,最難調節的其實是心態。你很清楚這種日子不可能直到永遠,但黎明幾時會再來,沒有人知道。靠這盤生意養妻活兒的人,總會擔心「萬一」捱唔到重見光明那一刻咁點算?我比較好一點,入行時間比較長,累積的底子算是相對厚一點,能忍受「捱」的時間也相對比有些行家長一點,但不安的心情仍肯定是有的。

這些日子,另一個讓人坐立不安的詞語,是market share。行家大幅增加,意味著你的market share會有機會遞減。經紀們會在這些時候,用盡方法遊說你去開多幾間舖去擴大銷售網絡,理由是防止你的market share下跌。這個邏輯一點都不難理解,也讓我們這些行家心裡很糾結。為了保住market share,我們要大幅增加開資,但與此同時,利潤卻可能要下跌,一來一回,當你認真計算時,其實唔值。但當每個星期都聽到有新行家入行的消息,擴充營業去保住market share的引誘其實好大,加上經紀把口,往往講到「咁嘅環境你都唔擴充係咪有病呀你?」,要忍得住手,其實都有點挑戰性的。

投資也好,做生意也好;我總覺得有些時候,是「唔好做嘢」會比「做嘢」來得精明。但要逼自己企硬「唔做嘢」,老實講我覺得其實幾考功夫。一般人總會覺得,「乜x都唔做」是好唔妥當的事,但實情是,夾硬「做啲嘢」,往往會種下日後衰敗的禍根…(此時此刻,我正是這樣安慰和催眠自己的。)

所以,我決定放假。冇眼睇就乜都唔洗做。
PermaLink: https://articles.zkiz.com/?id=106869

唔熟唔食 亞視縮數減騷 六合彩周嘉莉:最低工資都唔到

2015-03-26  NM
 
 

 

白武士一直未現身,亞視籌錢出糧、續牌費,令財困壓力雪上加霜,高層葉家寶一直呼籲員工要同公司共渡時艱,但另一邊廂卻出陰招剋扣藝人騷錢。據知有份做六合彩主持的周嘉莉,原本抽到好籤,安排做騷錢較高的外判旅遊節目,但公司突然改變騷錢計算方式,將原本三七分賬變為三日一騷,連月來擔心冇糧出、瘦到得番九十磅的周嘉莉無奈說:「最低工資都唔到。」計騷法次次唔同

近半年亞視財困局面一直未停過,日前撲完七百萬續牌費,接住又要開始籌三月份糧,合共千五萬。葉家寶上週才開大會叫亞視員工要上下齊心,但背後卻諗縮數,向藝人開刀。

「其實近呢兩年,亞視嘅計騷方法成日變,總之自己着數晒,試過有同事發現計少咗,向公司追數,公司根本唔理合約內容,突然改計騷方法,由原本每集計,變為以播出時間計。一時又話財務搞錯,會幫大家追番條數,但到頭來冇件事,全台藝人都試過,總之做咗十個騷,最後剩番一半騷錢。正如(周)嘉莉應承去日本做旅遊節目,本來係日本旅遊局俾亞視嘅outside job,但公司當係自己製作,令嘉莉本來可以同公司三、七分賬,而家只可以計騷錢。佢去十二日得四個騷,總共六千蚊,問題係出trip時間長,一日做成十五個鐘,差啲連最低工資都唔達標。」知情者說。

轉行做打女

據了解,日日等出糧的周嘉莉決定不再續約亞視,過檔冼國林的娛樂公司轉做打女。日前她相約友人到觀塘飲咖啡,對於騷錢被剝削,周嘉莉承認:「出trip連最低工資都唔到,平時計係三日一個騷,北海道trip十二日,當四個騷計,如果要OT,真係唔夠最低工資,原本三月中出發,因為破冰船有問題要延期,我份約三月尾就完,所以仲未知使唔使去?」決定離開,但周嘉莉希望日後以外援身份,為亞視幫手做主持。「我好多謝葉家寶俾機會,如果佢哋要我幫手,我好樂意。始終欠薪係一個人嘅問題,希望快啲有新老闆出現,因為班同事真係好可憐。」

只益自己友

以「文化人」自居的胡恩威原是舞台劇導演,進念二十面體藝術總監,因被王征賞識成為自己友,11年開始先後被欽點主持及監製《我要做特首》、《亞洲政策組》等時政節目後,政治立場亦由不滿政府改為偏幫。不過最令人側目的是,亞視冇糧出,胡恩威卻以三萬蚊一集酬勞幫亞視做節目,包括在2011至2014年間的《我要做特首》共248集;《亞洲政策組》共270集;《東宮西宮》共13集;《特首大辯論》共6集及《政策大辯論》共9集,合共袋走千六萬,加上由他主持及監製的節目,背景永遠以白色襯底,故有「白板人」外號。

 
PermaLink: https://articles.zkiz.com/?id=137154

一條股神都唔識計的數 老狐狸

來源: http://hkcitizensmedia.com/2015/04/29/%E4%B8%80%E6%A2%9D%E8%82%A1%E7%A5%9E%E9%83%BD%E5%94%94%E8%AD%98%E8%A8%88%E7%9A%84%E6%95%B8/

近日有讀者SEND 左一張某投資網站的「戰績」給我看,希望老狐貍「多多學習」人家的投資回報率,但當我謙虛地想去學野,去拜讀呢個盈利表後,老狐貍當堂嚇一跳,然後得啖笑。,作為一個網絡作家,不得不出聲去「糾正」呢個叫人學炒股必勝法、操盤班網站的投資「計算方式」。

咁究竟係乜事呢?大家不妨睇一睇以下係某網站登出的「抽水圖」,我先給大家5分鐘時間去睇睇問題出係邊?好,開始計時…………

(按:小弟已把相片部份用黑色遮蓋了)

有答案未呢?

  1. 老狐貍不才,從來只知如果用同一筆錢去作投資,假設是投資$1,000,第一筆投資賺10%,第二筆投資係輸5%的話,我兩單交易後個倉係變成: $1,000 X (1+10%) X (1-5%) = $1,045,即係總收益係4.5%,而唔係就咁加加減減變成10% – 5% = 5%。但係上面呢個表就好直接地將收益加埋佢,呢D係小學六年級的百份率問題,唔係咁都唔知
  2. 另外一點更有趣的是點解可以同一筆錢同期進行投資既?Fox

按上圖,即係話如果我1月8日買左隻股票,假設投資左$1,000,呢$1000去到出呢個「收益表」的時候,按佢話收益12.33%,即係會變成$1,123.3。

但同一筆錢無可能係1月29 日又去投資另一隻持有到圖表出個日升成35.63%的股票架喎,以佢既計算方法,即係同一筆錢又會變成$1,000 X (1+35.63%),即係變成$1,356.3元。

如果用兩筆錢去進行呢兩筆投資,佢個兩筆錢到呢個戰績出時的 ($1123.3+$1,356.3)=$2,479.6。

回報應該係:(2479.6 – 2000)/2000 X100% = 23.98%。

但呢個股神戰績表就會放大為( 12.33% + 35.63%) = 47.96%。即係話佢筆資金係可以同時投資幾十隻股。

好明顯,單單兩單交易已把個收益回報率唔知有心定無意地放大左一倍有多,唔怪之得呢位近期頻頻上鏡的少年股神可以係2003年買左隻2006年上市的股票輸鑊金。

其實想吸引人地上堂,有人跟你學野好容易,就係先做好自己,唔好唔識就當識,自己諗到就當係,仲有唔好誤人子弟,而每次接受訪問第一句就係:「老實講……..」,即係平時無句真乎…?有麝自然香呢個道理應該明白呱!

不如睇下老狐貍個FP啦,至少唔會收錢喎。

如大家有興趣,歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

PermaLink: https://articles.zkiz.com/?id=142809

施永青都唔識後生女搞3D睇樓app

2016-07-28  NM

日本對於新科技的反應很快,《Pokémon GO》在AR(擴增實境)率先跑出,VR(虛擬實境)AV產業亦發展得如火如荼。至於香港人,亦對新科技觸覺敏銳,打機、AV這些當然不是上進的年輕人發展目標。香港地,最賺錢當然是做地產,今年四月藍穎桐Priscilla聯同幾個朋友,投身地產行業推出room3,將樓盤化為VR短片,讓睇樓客足不出戶便可3D睇樓。意外的是生意與地產息息相關,但Priscilla竟然對地產一無所知。紀惠集團CEO湯文亮了解過這門生意亦覺難做,「香港地產行業很古老,不接受新事物。」

Google主辦的GoogleEYE年輕創業家計劃,有近二百五十個團隊參加,今月初公布了入圍的十五個隊伍,room3是其中之一。評審之一的Matthew說入圍原因是他們的方案是有空間在市場上發展,cardboard有花心思做,產品質量好。只要登記填上地址,room3便會免費送上cardboard,將手機放進紙盒中,播放room3短片,便能3D睇樓,用家亦可不用cardboard,選擇在手機上玩360度睇樓。room3將十四部Go Pro集合,分別向着七個方位,以達到720度全方位,為做到立體效果,每個方位須用上兩部Go Pro。拍攝後以程式將各部相機的畫面連上,後期再以人手調校。目前拍了一個西貢豪宅盤。Priscilla雄心壯志希望能夠與香港、海外發展商合作,「目前與一個發展商傾緊,海外都有。」這門生意牽涉發展商、地產經紀、香港整體樓市,不過Priscilla原來通通不懂,「發展商我講到新世界、新鴻基、信和、合和,老細係邊個我都唔太清楚。」她解釋不會直接與誠哥、四叔等見面,不懂也沒關係。記者再問今年有哪個新盤開賣,未來還有多少樓盤推出,會直接影響生意喎。她面有難色說:「我都唔熟。」未來可能要與中原等地產商合作,識得施永青嗎?「嘩,你真是考起我,施永青我唔識呀。我識做好個產品就得啦。」向地產商收費問題,可以參考他們付出多少錢賣廣告及分佣給經紀,她又知不知呢?「電視、報紙、地鐵站都有落廣告。經紀我相信都應該不會很低,應該有百分之十。」這條答得有自信,不過地產商一般只會給經紀「三隻佣」。她解釋目前只需做好影片,找到發展商合作便可,至於地產的知識、樓市的狀況,並非必要。

用家試玩咁傻?

做豪宅盤的中原經紀蔡先生試用過cardboard,他覺得對他有用,「感覺好真實,如果客人唔得閒,尤其豪宅客,多數係老闆,時間好矜貴。我可以拎手機連個Box去佢公司,足不出戶可以睇晒成個單位,我估客人會好滿意。」但並非所有經紀都合用,而睇細價樓的客人,多數投資經驗較少,一定要親自睇樓。讚過一番後,他試以普通360度短片模式再看一次剛才的單位,他改口說,其實360已經足夠,他解釋有些客人會顧及形象,「個頭岳嚟岳去,會俾人當小丑。」一般市民又點睇呢?睇樓經驗豐富的羅小姐,剛在美孚新邨睇完樓,她拿起cardboard試用,將頭左轉轉、右轉轉,笑說:「我要成個人郁呀?咁傻要自己郁?都幾得意,不過我有啲頭暈啦。」除了形象問題,羅小姐說自己很易頭暈,所以對3D很抗拒,反而 360度對她來說更好。若將來經紀以這個app向她介紹樓盤,她覺得幾方便,「睇樓好辛苦o架,通常單位都丟吉,大熱天時無冷氣,又要走上走落。」而且她說眼罩輕,對經紀與客人都方便,不過最終下決定前還是要看現樓,「影出來幾爛嘅樓,經過相機都好靚,始終要去睇實際環境,而且呢度無影埋景觀。」

專家判決香港地產守舊

紀惠集團行政總裁湯文亮,打理數百億物業資產,對香港地產業瞭如指掌,不過對這個新科技就坦言不太熟悉,「叫我個仔嚟佢可能會熟悉啲,我哋做投資者,最重要是對單位有感覺,你要到現場先會知鍾唔鍾意,呢個可以初步吸引你,但利用這個工具做決定呢,我估暫時未做到。」湯文亮亦說這個新科技暫時局限一手樓市場,「因為相同的單位數量多,二手樓每間都獨立,比較難做。」湯文亮雖然覺得room3新奇,惟對它在香港普及就不太樂觀。「兩個字,入局。當有第一個地產商用,其他就會唔執輸跟住用。」但他認為第一步最難行,要地產商接受新科技談何容易,「今日我未了解清楚,但我會盡量用我方法了解,但地產商點都會先抗拒。」香港地產行業很守舊,湯文亮說他們不接受新事物,「使錢請世界小姐嚟剪綵佢哋捨得,請風水師講嘢捨得,你要佢用在科技上就唔捨得。」

他提醒就算有第一間發展商用,亦不代表生意會陸續有來,「碰啱呢個盤賣得好,佢哋會話不知道是樓盤本身條件好,還是你的產品有效。但如果碰上樓盤賣得唔好,地產商就會怪你的產品沒有用,幫唔到手。」香港樓市前景正正不太樂觀,湯文亮不願令一班青年人創業夢碎,安慰說:「現在市道不太好,從另一面睇,市道差難賣樓,發展商才會考慮一些新科技。」湯文亮亦點了一條明路給他們:背靠祖國。「你話可以慳時間,但香港有幾大呢?國內不同,又要搭飛機,又要坐高鐵、又要過關,很麻煩。國內的地產商好似萬科,嚟香港起樓你估俾香港人住?佢係賣俾大陸人。你做好段片,佢哋唔使嚟香港睇。」

撰文:孫樂祈攝影:葉漢華、廖健昌攝錄:廖健昌[email protected]


PermaLink: https://articles.zkiz.com/?id=208203

湯財文庫可能連壹仔都唔貼得

1 : GS(14)@2011-06-04 10:20:01

http://hk.apple.nextmedia.com/te ... 104&art_id=15310156
列明不屬侵權傳播行為
張錦輝承認新法例下,就算非為牟利,「若符合上述損害版權人權利」,任何人若將版權作品整個下載,事後再加以修飾或改動部份內容進行發佈,如惡搞歌曲或圖片等,亦可能屬違法,至於需否負刑責,由法庭決定,但他強調修訂建議的刑責,主要針對大規模的侵權活動,並不是以日常的滑稽模仿作品或次創作為目標。
2 : 普通會員(10409)@2011-06-04 11:54:54

個Server唔係香港放係大陸"学术交流"會唔會好D??
3 : GS(14)@2011-06-04 12:02:39

要找壇主研究下
4 : GS(14)@2011-06-04 12:03:03

我們一直想入大陸,但是唔得
5 : 普通會員(10409)@2011-06-04 12:17:38

上面係唔係唔比講港股架?? D六合彩网点都係有咁多~ 剎都剎唔灑~
6 : 普通會員(10409)@2011-06-04 12:24:39

仲有北大人絕對唔鍾意壹仔~~ smiley
7 : GS(14)@2011-06-04 12:25:03

至少唔准貼生果的新聞
8 : 普通會員(10409)@2011-06-04 12:33:46

幫生果賣下廣告?? 不過個站好似唔够大可~ smiley
9 : 普通會員(10409)@2011-06-04 12:44:41

好似果D租日本漫畫會員制得唔得?? 都係Download定個teleport pro 用穩陣~
10 : 草帽(1253)@2011-06-04 13:35:22

"何人若將版權作品整個下載,事後再加以修飾或改動部份內容進行發佈".

我相信在網絡世界99.999%都係咁做. 我驚拉人拉到警察局都唔夠擺.smileysmiley
11 : GS(14)@2011-06-04 13:36:33

湯財文庫估計內藏壹仔近十年財經文章,有成一千篇左右
12 : 拔刺者(4132)@2011-06-04 13:39:27

11樓提及
湯財文庫估計內藏壹仔近十年財經文章,有成一千篇左右
儘快備份
13 : 草帽(1253)@2011-06-04 13:46:15

咁搞法提前三十年巳經收歸中國, 一國兩制宣布揼落垃圾桶. 準備定大時大節唱紅. smileysmiley
14 : GS(14)@2011-06-04 13:47:39

12樓提及
11樓提及
湯財文庫估計內藏壹仔近十年財經文章,有成一千篇左右
儘快備份


應該會備的
15 : GS(14)@2011-06-04 13:48:25

13樓提及
咁搞法提前三十年巳經收歸中國, 一國兩制宣布揼落垃圾桶. 準備定大時大節唱紅. smileysmiley


咁是好事來的,睇D人仲夠唔夠膽講未未
16 : 草帽(1253)@2011-06-04 13:58:54

15樓提及
13樓提及
咁搞法提前三十年巳經收歸中國, 一國兩制宣布揼落垃圾桶. 準備定大時大節唱紅. smileysmiley
咁是好事來的,睇D人仲夠唔夠膽講未未


湯sir, 這絕對不是好事. 對中國完全沒有好處. 對你亦絕對冇好處. 將來就算你咩都唔講, 咩都唔犯錯. 只要有一日有人玩你, 你個壇巳經可以消失了. 因為你冇得反抗. 人治同法治是兩回事. 你以為自己唔出聲就冇事, 大錯特錯.

雖然我知道呢個壇D人係比較偏向共產黨生活既模式.
17 : 拔刺者(4132)@2011-06-04 14:04:21

「呢個壇D人係比較偏向共產黨生活既模式」何出此言?小弟絕對不是
18 : GS(14)@2011-06-04 14:04:29

咁我都認為言論自由是好重要的,不然我真是個壇就很快消失了。

現在我們命脈都是阿爺...
19 : 拔刺者(4132)@2011-06-04 14:07:16

18樓提及
咁我都認為言論自由是好重要的,不然我真是個壇就很快消失了。 現在我們命脈都是阿爺...
要弄個梁立人專區嗎?雖然他很久沒有24味了
20 : GS(14)@2011-06-04 14:10:32

總之你認為需要就搞啦,之前郭先生的野都放埋入相關的貼吧
21 : 草帽(1253)@2011-06-04 14:18:26

17樓提及
「呢個壇D人係比較偏向共產黨生活既模式」何出此言?小弟絕對不是


0係呢度傾閒計時感覺總是這樣. 感覺湯sir同幾個管理人員不是土生土長既香港人.
22 : 拔刺者(4132)@2011-06-04 14:21:37

21樓提及
17樓提及
「呢個壇D人係比較偏向共產黨生活既模式」何出此言?小弟絕對不是
0係呢度傾閒計時感覺總是這樣. 感覺湯sir同幾個管理人員不是土生土長既香港人.
那種機械化和絕少感染惡習的個性,又真是幾奇怪....但龍生個壞旦不是吧?
23 : GS(14)@2011-06-04 14:21:51

21樓提及
17樓提及
「呢個壇D人係比較偏向共產黨生活既模式」何出此言?小弟絕對不是


0係呢度傾閒計時感覺總是這樣. 感覺湯sir同幾個管理人員不是土生土長既香港人.


我是香港出生的,也是土生土長香港人
24 : 草帽(1253)@2011-06-04 14:34:44

好似前幾日, 講曷輝事件. 特首欽點建制派中標, 冇人回應既. 一係就話曷輝唔續約先爆料, 原本冇事既. 好似怪晒各輝. 完全冇人會去問下特首或者建制派係咪貪污.

另一次最低工資, 鬧到阿李卓人反晒檯. 又咩野執笠潮之類, 反應極大. 都唔知做咩? 最低工資不是什麼十惡不X卦. 事後到而家亦冇咩執笠潮出現過. 我對李卓人都有反感, 是因為佢支持司徒老狗在政改上, 不過我始終欣賞佢為工人打拼既決心. 我不明白為什麼反應咁大, 除左係共產黨既人. 我諗唔到有咩原因. 土生土長既香港人, 不會咁憎李卓人吧.
25 : 普通會員(10409)@2011-06-04 14:35:26

有偉大既使命支持,沒有感染惡習既時間~

會唔會係咁???
26 : GS(14)@2011-06-04 14:40:39

24樓提及
好似前幾日, 講曷輝事件. 特首欽點建制派中標, 冇人回應既. 一係就話曷輝唔續約先爆料, 原本冇事既. 好似怪晒各輝. 完全冇人會去問下特首或者建制派係咪貪污.

另一次最低工資, 鬧到阿李卓人反晒檯. 又咩野執笠潮之類, 反應極大. 都唔知做咩? 最低工資不是什麼十惡不X卦. 事後到而家亦冇咩執笠潮出現過. 我對李卓人都有反感, 是因為佢支持司徒老狗在政改上, 不過我始終欣賞佢為工人打拼既決心. 我不明白為什麼反應咁大, 除左係共產黨既人. 我諗唔到有咩原因. 土生土長既香港人, 不會咁憎李卓人吧.


但是政治的野之前貼過太正經,無人回貼ge...真是唔夠膽講太多

咁可能我睇得生果多睇到麻目了...有時真是唔太信,但是葛輝呢單野的確是有一些問題,不過這些事是因為利益下均爆出來的醜事,如果唔爆出來是唔知的,我認為可能唔只一單...

李卓人做的事是好,但是真是變相幫了大財團bor,甚至我想把這個網搞成公司都有點困難...我覺得這個不好,我淨係知道,均富的最終就變成均貧
27 : GS(14)@2011-06-04 14:41:14

25樓提及
有偉大既使命支持,沒有感染惡習既時間~

會唔會係咁???


我都有感染惡習,是你不知道吧,呵呵

我都實想搞大個網,最少起晒班人的底
28 : 拔刺者(4132)@2011-06-04 14:41:19

24樓提及
好似前幾日, 講曷輝事件. 特首欽點建制派中標, 冇人回應既. 一係就話曷輝唔續約先爆料, 原本冇事既. 好似怪晒各輝. 完全冇人會去問下特首或者建制派係咪貪污. 另一次最低工資, 鬧到阿李卓人反晒檯. 又咩野執笠潮之類, 反應極大. 都唔知做咩? 最低工資不是什麼十惡不X卦. 事後到而家亦冇咩執笠潮出現過. 我對李卓人都有反感, 是因為佢支持司徒老狗在政改上, 不過我始終欣賞佢為工人打拼既決心. 我不明白為什麼反應咁大, 除左係共產黨既人. 我諗唔到有咩原因. 土生土長既香港人, 不會咁憎李卓人吧.
在最低工資立場上,對自由派來說是很共產的。但我的立場是支持立法,保障工人權益
29 : GS(14)@2011-06-04 14:43:05

有錢的確無所謂,但對於我無錢又想轉型,真是好困難,除非出非常手段
30 : 拔刺者(4132)@2011-06-04 14:43:43

我也很有使命感,且不像有惡習smiley
31 : 普通會員(10409)@2011-06-04 14:49:03

30樓提及
我也很有使命感,且不像有惡習smiley


係咪架~~ smiley

提醒果段日文好X煩~~ smiley
32 : GS(14)@2011-06-04 14:50:10

31樓提及
30樓提及
我也很有使命感,且不像有惡習smiley


係咪架~~ smiley

提醒果段日文好X煩~~ smiley


無了熄那個功能
33 : GS(14)@2011-06-04 14:50:31

30樓提及
我也很有使命感,且不像有惡習smiley

我的惡習是成日偷文
34 : 草帽(1253)@2011-06-04 14:58:14

做網有邊個唔偷文?smiley
35 : 草帽(1253)@2011-06-04 15:00:32

29樓提及
有錢的確無所謂,但對於我無錢又想轉型,真是好困難,除非出非常手段


轉型? 想轉邊類型?
36 : GS(14)@2011-06-04 15:04:33

35樓提及
29樓提及
有錢的確無所謂,但對於我無錢又想轉型,真是好困難,除非出非常手段


轉型? 想轉邊類型?


請番一個人做下貼文,我同一班寫手轉做寫文
37 : GS(14)@2011-06-04 15:05:22

壇主就負責教班網友寫下程式,或者外聘人寫下集財網個系統
38 : GS(14)@2011-06-04 15:05:55

總之就做到一個資料庫式,又可以傾到計,當然有些社交成分的網站
39 : 草帽(1253)@2011-06-04 15:13:20

我覺得你應該定左個收費模式先.
40 : GS(14)@2011-06-04 15:28:49

39樓提及
我覺得你應該定左個收費模式先.


我一直都是提供免費的模式,收費的,我真係想不到
41 : 草帽(1253)@2011-06-04 16:01:50

囉D人冇你有既野去賣啦. 例如, 集文出書. 又可以變電子書. 再勁D, 可以穩幾條友演繹下某隻股既故仔, 3D播出, 3D肉X團幾掂. 畀D創意啦.

做呢行緊係食知識產權啦. smiley
42 : GS(14)@2011-06-04 16:15:57

咁都可以搞下電台ge
43 : 草帽(1253)@2011-06-04 16:22:43

出書先, 提高知名度, 穩周生寫序. 一係穩青姐.
44 : GS(14)@2011-06-04 16:29:11

43樓提及
出書先, 提高知名度, 穩周生寫序. 一係穩青姐.


書就慢慢來啦...周老師同青姐都唔想掂,寧願無序,自資出
45 : Hierro(1191)@2011-06-05 00:08:57

44樓提及
43樓提及
出書先, 提高知名度, 穩周生寫序. 一係穩青姐.


書就慢慢來啦...周老師同青姐都唔想掂,寧願無序,自資出


如你出書,絕對支持
46 : 龍生(798)@2011-06-05 00:22:01

我今日同左條魚同朵花去左新莆江睇寫字樓...(本來係想睇場地, 但我遲到了, 睇唔到)

就係想同你一齊寫文呢

希望真有呢日吧!!!!

記得唔好賣甩我呀~~~
47 : Hierro(1191)@2011-06-05 00:33:59

46樓提及
我今日同左條魚同朵花去左新莆江睇寫字樓...(本來係想睇場地, 但我遲到了, 睇唔到)

就係想同你一齊寫文呢

希望真有呢日吧!!!!

記得唔好賣甩我呀~~~


1. 多謝你餐飯,不過下次記住提我差阿花一餐

2. 問題仍有很多未解決,我也想一起全職寫文呢;到時質素一定很高(發下夢好了)

3. 寫手班,希望聽日draft 到email;第一次主講,好緊張

4. 龍生:我已想好你於寫手班中的角色
48 : 龍生(798)@2011-06-05 00:54:07

我角色??

旗袍知客?

大聲問, 腥生子位??
49 : 龍生(798)@2011-06-05 00:54:42

我都好緊張咁睇文魚開show ...到時我唔出面架, 我溶入群眾中

記得唔好篤我出黎
50 : Hierro(1191)@2011-06-05 01:04:13

49樓提及
我都好緊張咁睇文魚開show ...到時我唔出面架, 我溶入群眾中

記得唔好篤我出黎


正有此意,haha
51 : Hierro(1191)@2011-06-05 01:04:32

繪形繪聲
52 : Hierro(1191)@2011-06-05 01:05:09

del
53 : GS(14)@2011-06-05 11:48:05

文魚,個網就靠你啦
54 : Hierro(1191)@2011-06-05 12:01:07

53樓提及
文魚,個網就靠你啦


我會俾心機的

不過剩我和龍生不夠

希望有更多有心人可以幫幫手
55 : GS(14)@2011-06-05 12:07:58

54樓提及
53樓提及
文魚,個網就靠你啦


我會俾心機的

不過剩我和龍生不夠

希望有更多有心人可以幫幫手


找埋拔刺者同鱷兄、hh0610都搞埋實業那邊都得
56 : passport(1491)@2011-06-05 12:16:38

48樓提及
我角色??

旗袍知客?

大聲問, 腥生子位??
知客大哥~
我1位呀
57 : passport(1491)@2011-06-05 12:18:25

46樓提及
我今日同左條魚同朵花去左新莆江睇寫字樓...(本來係想睇場地, 但我遲到了, 睇唔到)

就係想同你一齊寫文呢

希望真有呢日吧!!!!

記得唔好賣甩我呀~~~
我都好想呀
58 : passport(1491)@2011-06-05 12:18:50

54樓提及
53樓提及
文魚,個網就靠你啦


我會俾心機的

不過剩我和龍生不夠

希望有更多有心人可以幫幫手
三兄
放心吧~我隨時幫手
59 : Hierro(1191)@2011-06-05 12:22:10

55樓提及
54樓提及
53樓提及
文魚,個網就靠你啦


我會俾心機的

不過剩我和龍生不夠

希望有更多有心人可以幫幫手


找埋拔刺者同鱷兄、hh0610都搞埋實業那邊都得


下次約出黎一齊傾下,點睇?
60 : GS(14)@2011-06-05 12:23:05

要等壇主番來,因為這些事都要讓他知道最好的,還要多找幾個總版級人馬出來
61 : GS(14)@2011-06-05 12:24:33

因為壇主有個意思想把股票拆出來做一個網,開一個新website,同埋會用新的系統,估計是Wordpress...睇下大家方唔方便先一齊傾
62 : GS(14)@2011-06-05 12:26:09

最好punpunm,飆、壇主、你同龍生,如果拔刺者加多一位如冰漓小姐,咁七個人講下點分家會好D。

有興趣的話,不如一齊出來,但是一定是假日的下午,因為我晚上要回家
63 : Hierro(1191)@2011-06-05 12:28:42

18/6, 25/6 的下午都可以

湯兄不如由你約大家出黎
64 : GS(14)@2011-06-05 12:30:16

等壇主番來得閒先,因為他近來好似好忙,我會同拔刺者傾下,同埋全部總版睇下點
PermaLink: https://articles.zkiz.com/?id=274616

Next Page

ZKIZ Archives @ 2019