吳耀漢睇《五個小孩》喊爆
1 :
GS(14)@2015-03-11 19:18:12
由陳木勝監製及關信輝執導、楊千嬅、古天樂和五位小童星合演的《五個小孩的校長》於下周四上映，最近幾位演員走訪戲院、電視台和電台做宣傳，反應十分熱烈，上周日吳耀漢帶着戲中的女兒小雪去了戲院謝票，當他看這部電影時，竟然由頭哭到尾，還要身旁的工作人員安慰他，他跟現場觀眾分享感受：「我拍咗咁耐戲，從來冇拍過一部咁純又冇雜質嘅勵志電影，我自己睇到好感動，好想帶個仔嚟睇，話畀佢聽，乜嘢先係真電影。」
■千嬅帶着五位小童星到電台受訪。
有影迷跟他要求合照時，他表示：「頭先睇戲，唔去得廁所，唔好意思，我想先去一吓廁所先。」另外，五位小童星與楊千嬅轉去電台，為鄭裕玲主持的節目《口水多過浪花》做嘉賓，五個小女孩可愛過人，所到之處都大受歡迎。撰文：鍾國仁
來源:
http://hk.apple.nextmedia.com/entertainment/art/20150311/19071199
吳耀漢不解囝囝被淋油
1 :
GS(14)@2016-03-09 16:26:03吳耀漢昨晚在油麻地出席電影《緣來說再見》的首映，談到兒子吳嘉龍（Carl）早前在中環被人淋紅油，吳耀漢說：「到而家都唔知道點解？點解香港嘅社會會變成咁，只係知道嗰個人收咗錢做呢件事，不過完全唔肯講係乜嘢人叫佢做，搞到佢（Carl）一頭霧水，唔知係喺夜場嗰度講錯啲說話得罪咗人，抑或係有啲說話惹人誤會。」他續說：「我哋都冇得擔心，呢件係不幸發生嘅事，媽咪當然好擔心，惟有用啲幽默啲手法去令佢唔擔心。」另外，同場的周家怡透露即將要為與林保怡合作的新劇開工，對於柳俊江為易角一事失落？她說：「當時係佢哋邀請我去拍，其他嘢我真係唔知，我好期待同保怡合作。」採訪、攝影：馬建華
來源:
http://hk.apple.nextmedia.com/entertainment/art/20160309/19521506
【點只平安包】長洲吳耀漢 40年不變手做月餅
1 :
GS(14)@2016-09-09 05:11:55郭錦全創立郭錦記餅店，是長洲歷史最悠久的餅店之一。
「我不是吳耀漢，哈哈！我叫郭錦全，今年65歲了。」第一眼看到全叔，還以為自己真的和明星吳耀漢，在長洲的茫茫人海中遇上。他，在長洲出生，在這小島土生土長，中學還未畢業，就回來跟開餅店的舅父學做潮州餅，一做就40多年。「我任何行業也未做過，一出身就做到現在，也是種情意結吧！」他笑說。
長洲的北社街，說近不近，說遠不遠。避開最熱鬧的幾條大街，隱於北帝廟附近，而全叔一手創立的郭錦記，偏偏屹立在這條寂靜小街上，難怪他曾揶揄是「全長洲最衰舖位」。然而，他做的平安包、傳統月餅及雞仔餅等，卻賣個街知巷聞，遠近馳名，連長洲平安包名店康蘭餅店的老闆，也師承於他。而每逢中秋，就算工序多繁複，全叔也堅持用人手製做傳統月餅，「一定是中秋才做月餅，跟足傳統，由初一做到十五，年年都做。」來幫襯的，不乏是已出香港的老街坊，或許，也是全叔一直堅持做月餅的原因。「這一行，開心也有，捱苦也有；至少我能賺到兩餐飯仔，養大仔女，全部大學畢業，自己有很大滿足感呢！」不過，他也並非孤身作戰，舖內還有第二任太太和弟弟幫手，做月餅做平安包，樣樣皆能，「我細佬也很有感情，他50多歲了，也是做得一日得一日，也想維持下去。」他還笑言，就算將來退休，也希望兒子能繼承這間陪伴他大半生的長洲老餅店。記者︰黃依情攝影︰鄧鴻欣
每年中秋全叔也會以人手做月餅，每盒四隻$148。
月餅做法40年不變，惟獨買月餅的人越來越少，現已棄手做蓮蓉，改用現成。
全叔弟弟也是餅店的師傅之一，兩兄弟合作打江山。
來源:
http://hk.apple.nextmedia.com/su ... t/20160908/19763683
吳耀漢健身防鬆弛
1 :
GS(14)@2017-06-10 12:22:59■吳耀漢日前到健身中心做運動，他表示想保持活力。讀者提供圖片
77歲的吳耀漢於數年前曾心臟病發，更短時間內做了兩次心臟手術，之後注重飲食及做運動養生。日前，有讀者在坑口的Physical目擊他做gym，當時下午1時許，他獨自在練習輕磅器械操，見他好有節奏推上拉落，做了一會就稍作休息，更順手撳電話，大概運動了半小時就離開去沖身。記者前日致電吳耀漢，他說：「我有去健身，好嘅每星期去三次，唔好嘅去兩次，我每次去都唔係做好多嘢，主要去用部跑步機，校到好斜好似行山咁慢慢行，我唔會去操肌，只係拎啲機器去做吓，等身體啲肌肉唔好鬆弛，都唔係做得好重，輕輕郁吓，保持番個活力啫！」採訪：李森
來源:
http://hk.apple.nextmedia.com/entertainment/art/20170605/20044279
剝光豬通屋走吳耀漢整蠱節目鼻祖
1 :
GS(14)@2017-06-10 12:23:00吳耀漢演喜劇一流，好快成為香港一代笑匠。佢喺83年同洪金寶、馮淬帆、秦祥林、岑建勳合作《奇謀妙計五福星》，其一幕話佢學識咗「隱形」，除晒衫通屋跑，仲衝咗入浴室裝鍾楚紅沖涼。呢一幕坦蕩蕩嘅場面，吳耀漢喺訪問中曾解釋話：「我係一個演員，個場戲有需要就要演出！」嘩，幾有氣勢！當時洪金寶仲好肯定咁要由吳耀漢演出，原因係「因為你（吳耀漢）個樣夠戇居。」吳耀漢憶述呢場戲，佢話「小吳耀漢」完全無遮無掩無黐膠紙，結果剝光出度嚟一刻，連攝影師都忍唔住笑，結果不停NG，一場戲要拍足一日。呢個喜劇角色，以唔同方式延續落去，仲令吳耀漢成為咗香港整蠱節目嘅鼻祖！所講嘅，喺亞視節目《吳耀漢攪攪震》，以低成本製作道具，親身走上街整蠱途人，好似有扮牆上油畫、匿入假嘅郵箱幫人收信、捐入地底彈出嚟嚇人咁。佢哋仲有一招好叻，就係幾個工作人員拎住幾張大地圖遮擋視線，趁混亂偷龍轉鳳，呢招萬試萬靈，例如假model公仔變番真人、細狗換大狗，次次被整蠱嘅人都笑埋一份。
來源:
http://hk.apple.nextmedia.com/entertainment/art/20170605/20045098
Next Page