佔領者有話說
1 :
GS(14)@2014-10-09 13:17:43
首要撤回人大方案
Lincoln（廚師）「9.28之後，我就一直住喺力寶中心天橋底，我已經辭咗廚師份工，同一班朋友守喺前線。我覺得對話嘅首要目標一定係撤回人大方案，我哋要民主發展，如果政府堅持人大方案根本就等於冇得傾。如果繼續走17年來走過嘅路無意思，民主、公義同自由先係香港引以為傲嘅地方。希望政府喺同學聯對話裏面，交代埋警方處理佔領嘅手法。我完全想像唔到警黑可以合作，希望有合理解釋平息民憤。對付手無寸鐵嘅市民，係咪需要用到催淚彈？下次對付暴徒，係咪要出動埋坦克車？有屋企邊個唔想返？如果想佔領人士撤離，政府應該切實回應，畀番個我哋要嘅香港我哋。」
公民提名係我底線
梁小姐（文職）「旺角上星期五爆發暴力衝突後，我先第一次上街支持佔領行動。雖然我唔會走到最前線，但個人坐喺度，新聞圖片影出嚟原來仲有咁多人支持，都係一種幫助。學聯同政府對話，我希望政務司司長林鄭月娥能夠做個有良心嘅中間人，將香港人爭取真普選嘅訴求轉達中央，我要公民提名！連日嚟政府不斷迴避市民嘅聲音，遮掩背後強硬嘅態度，所以我對談判成果不感樂觀。我認為公民提名係底線，如果傾唔成，學聯應該拒絕。如果冇公民提名，我直情覺得唔係一個選舉，你投嘅票，唔係投畀你希望想見到嘅人，或者唔係真心想投畀嗰個人，我覺得只係一個選擇，唔係選舉。」
冇真普選點解要？
梁同學（香港鄧鏡波中學中六生）「政改三人組承諾過會聽民意，佢哋喺政改諮詢中提出『有票，真係唔要？』我會答：『冇真普選，點解要？』提委會組成如果沿用選委會組成方法，即使一人一票同等於冇得揀。希望喺談判中，當局可重啟政改五部曲，等到真正民意能如實反映，令中央讓步。」
有誠意就要時間表
阿冰（中大心理學系碩士生）「我想香港啲官真真正正做個中間人，佢哋冇做過橋樑工作，根本搵個背脊對住你，面向中央，完全聽指令，唔理香港人。如果政治係妥協嘅藝術，但我有我講，你有你做，冇妥協過。我想要公民提名，你話唔符合《基本法》。呢個係法律問題，但法律可以改，例都可以修。如果你有誠意，就要有時間表，話畀我知幾時有真普選，有公民提名，呢個係社會發展進程。」
無論點都支持學生
劉小姐（家庭主婦）「學聯同政府會面，無論係咪有成果，行動係咪升級，我都會支持學生。我唔認為政改三人組有話事權，但我希望政府可以同學生坦誠對話，聆聽學生訴求。」
港人已經冇嘢可輸
DAWN（舞台設計師）「學生同香港人已經冇嘢可以輸，學聯星期五同政府會面係好事，談判結果只要唔再向後倒退就可以。政府
佔領者指清場範圍不清晰
1 :
GS(14)@2014-11-19 08:15:27
【本報訊】中信大廈業主昨根據法庭頒佈的禁制令，在執達主任及警方協助下，清理大廈周邊路障，一度與佔領者僵持。佔領者質疑，若中信清理路障目的是容許車輛出入停車場，則開通龍匯道雙行線、部份迴旋處及添美道南行部份路段已足夠。但中信律師及執達主任堅持依照法庭判令執行，即理論上可清走整條添美道行人路、行車路的路障。按照禁制令，中信可在執達主任協助下，清走大廈出入口、添美道與龍匯道的行車路及行人路障礙物，以便行人或車輛出入大廈。中信人員昨由龍匯道開始清理，佔領者大致配合。
不應解作整條添美道
惟當中信欲清走迴旋處周邊路障時，即遇佔領者阻止，佔領者擔心對方進一步清理整條添美道，包括學民思潮留守帳篷，以及雨傘運動的「起點」－－命運自主舞台。立法會議員何俊仁到場協調，指法庭禁制令用字不清晰，可理解成包括整條添美道，但若以容許車輛出入為考慮，當時清理路段已足夠。何認為，若中信堅持按禁制令許可範圍清理添美道所有路障，是出於政治考慮，恐引起衝突。他稱被告律師曾要求以地圖清楚劃明範圍，但法庭只以文字頒佈，「但其實會產生法官都諗到嘅政治後果，會同佔領區群眾起衝突」。資深大律師李柱銘認為，法官判令應在地圖標明清理位置，若現場人士與執達主任有爭拗，雙方都有權要求法官澄清。
來源:
http://hk.apple.nextmedia.com/news/art/20141119/18940338
議員憂政府截聽佔領者通訊
1 :
GS(14)@2014-12-03 08:17:19
【本報訊】雨傘運動以來，港府及警方一再將暴力「重新定義」，指出市民佩戴眼罩和保鮮紙等都可構成暴力。有立法會議員憂慮，當局會以「保障公共安全」為藉口，對政治人物或佔領人士進行政治監控。截取通訊及監察事務專員邵德煒昨出席周年簡介會時，無直接回應是否有可能出現相關政治監控；保安局局長黎棟國則希望市民信任小組法官審批授權申請時的獨立性。
去年10宗違規個案
截取通訊及監察事務專員邵德煒昨日就2013年周年報告舉行簡介會，法官去年合共發出1,412項截取通訊的授權，相關被逮捕者總共261人。違規個案共10宗，包括有申請人未有按要求，評估對取得法律專業保密權資料或新聞材料的可能性，專員對此表示失望，形容事態嚴重，令人難安。另有個案在法官撤銷授權後，繼續進行22分鐘未獲授權的截取通訊。被問到政府當局是否有可能截取政治人物或雨傘運動參與者的通訊，邵只引述條例實務守則內規定，除非倡議、抗議或表達異見時，相當可能是藉暴力手段進行，否則不得視為對公共安全的威脅，暴力的定義亦不涵蓋輕微推撞或輕微損壞公物等。有報道指，解放軍在大帽山截取本港通訊，邵指無看過相關報道，其角色亦不宜作出評論。至於當局會否截取市民的手提電話短訊或者應用程式的對話，邵德煒表示，不能回答有關問題，只稱執法部門在有需要的時候，可以要求通訊服務供應商提供協助。立法會保安事務委員會昨日討論上述報告。立法會議員涂謹申和梁國雄憂慮當局會以「保障公共安全」為藉口，進行政治監控；另一議員林大輝亦質問與會的保安局局長黎棟國，有否截取佔領人士的通訊。黎棟國回應稱，絕不會利用條例作政治監控，所有申請都要經獨立的小組法官審批。當局已就《截取通訊及監察條例》進行全面檢討，包括授權專員查核執法機關的截聽成果，以阻嚇執法部門作出或隱瞞不當行為。黎棟國指，條例修訂草案會於本月底至下月初提交。
來源:
http://hk.apple.nextmedia.com/news/art/20141203/18956255
岑敖暉遺憾令佔領者感挫敗
1 :
GS(14)@2016-09-28 04:51:33【本報訊】傘運過後，背負群眾期望的雙學領袖從高處摔下來，遍體鱗傷。回望兩年前佔領區人海，時任學聯副秘書長岑敖暉欲言又止，「最大挫敗，係令到好多人覺得好挫敗」。
陷低谷逾年 自信消散
「好多人將全副心機、精神擺喺呢場運動，好多人辭咗工或者付出好多代價，因為佢哋覺得今次一定要贏」，然而政府沒絲毫退讓，「最令我遺憾嘅事，係有好多呢啲挫敗出現」。岑對此充滿自責，「當初要令到人覺得呢件事好逼切，啲『修辭』就會出現：『我哋一定要點點點』、『係最後機會』，但係你可能深知未必可以one-off就促進社會變革」，「可能基於目光短視，（雙學）用一啲修辭，令人覺得今次爭取唔到就係大家嘅失敗，好令人惋惜」。假使重來，他依然糾結，「如果唔用呢啲『修辭』，（佔領）仲會唔會出現？唔知道」。岑敖暉等了一年多才走出低谷，昔日自信現已消散，回應問題前往往陷入沉思，「已經冇咗當初覺得要做一樣嘢就要去嘅感覺，覺得啱就啱、錯就錯，嗰種simplicity冇咗……唔會再覺得啲嘢係咁簡單同埋二元」。傘後網上瀰漫不信任和被背叛情緒，「最初對所謂本土好反感，總之凡是左膠就是錯的；但係慢慢發覺，所謂左膠都進入咗呢種二元思維」。此等氣氛在新東補選尤其明顯，「有自覺喺比較進步光譜嘅人，會uncritically支持AY（楊岳橋）；唔係去理解梁天琦講緊乜，而係可能捉佢一兩句，去否定晒佢成個人」。掙脫二元思維過程中，他對網上攻擊漸坦然，「理解複雜咗，就唔會咁簡單去定性佢係我嘅敵人」。岑在立會選舉為朱凱廸助選，對其表現刮目相看，「要帶出討論，唔係一下子否定人哋，佢唔會咁樣對黃俊傑或鄭松泰，唔係唔認同你就要打沉你」。傘運無疑改寫港人政治參與模式，中學生自發成立本土關注組正是轉變的體現，「以前有條方程式、時間表，某程度係北京定，而家無論支持港獨、民主自決都係主張擺脫《基本法》，冇人會再話你聽條路點行」。■記者白琳
來源:
http://hk.apple.nextmedia.com/news/art/20160928/19784322
Next Page