📖 ZKIZ Archives

專賣二手名牌手袋嘅米蘭站，老闆姚君達上星期五啱啱一擲8000萬，買埋本身租緊嘅尖沙嘴漆咸道南地舖（漆咸道南81號F至K號舖，有成2800平方呎），實行先租後買，何解會喺地產寒潮中做大豪客呢？

姚 君達同華華講，米蘭站近10年都係租緊其中嘅F至H號舖，由於個舖搵到錢，佢一路都想據為己有，呢5年以嚟，成日業主賣畀佢，到近排個業主先肯割愛。o 依家個舖除咗米蘭站之外，仲有3間時裝店，佢諗住下年啲時裝店租約期滿之後，就收返嚟打通自用，每個月至少慳30幾萬租。

華華醒起，姚老闆買舖嗰日，撞啱政府出招打壓樓市，收緊商舖按揭喎，姚老闆仲話要攞舖價一半，即係4000萬出嚟做首期，都絕對冇問題……各位幫襯米蘭站嘅女士，你話你哋幾咁貢獻良多呢！

李華華

米蘭站（1150）主席姚君達正忙緊為公司上市做推介，究竟米蘭站啲股票升值潛力高啲，定係佢哋賣嘅名牌袋好炒啲？暫時唔知。不過，姚君達點樣由300蚊起家，到o依家控制逾25億資產，華華就知！

當 年中三畢業嘅姚君達，有日喺《勁歌金曲》睇到譚詠麟戴住副型爆白框太陽眼鏡又唱又跳，所以用咗300蚊本錢，入咗批同款A貨，喺尖沙嘴加連威老道中電客戶 服務中心門前擺地攤。由於小販管理隊每晚泊定架車喺中電客戶中心對面，搭正11點就捉小販，所以佢只喺晚上8點至11點開檔。咪睇得3個鐘做生意，佢一晚 就清貨，淨賺3000銀。除咗要多謝譚詠麟嘅號召力，姚君達嘅生意頭腦同眼光都唔差。

03沙士平價收靚袋

後嚟佢認識咗一位喺 名店做嘅售貨員拍檔，繼而同章小蕙、余安安合作賣明星二手衫，再到開米蘭站賣二手名牌，踏上發達之路，佢話最「發達」嗰次，要數03年沙士。當年可以話係 「百業蕭條」，個個女人走去「舉」袋套現，平日極難搵到嘅限量版靚貨，嗰個時候可以平價收返嚟。其後市況好轉，呢啲靚貨全部幾倍價錢賣出；加上中央開放自 由行，佢更加受惠。

李華華

[email protected]

全城熱捧新股米蘭站（1150），公開認講超額倍數破盡港股紀錄，老闆姚君達可謂威盡。不過，佢隻愛駒「站站名牌」就唔多生性，上周日出賽，大熱倒灶。

姚老闆隻「站站名牌」，一直以來算冷門，今年初出場都係跑開第8、第12，獨贏賠率曾經去到99倍。不過，近月唔知係咪人逢喜事，連隻馬都醒神啲，4月13日嗰場突然標出跑第2，狀態大勇，即時熱門，5月15日嗰場獨贏賠率更升到7.7倍。

不過，隻馬最後竟然跑包尾。華華聽聞，當日「站站名牌」騎師比賽中途，懷疑隻馬流鼻血，所以勒停佢，搞到包尾，實非戰之罪。好在之後經檢查，照埋心電圖，確認愛駒無事，姚老闆可放心慶祝上市。

僑豐期貨董事總經理林賽盈，最近個名成日同藝員佘詩曼「糾纏」一齊，人哋家事華華唔方便問，但投資界焦點新股米蘭站（1150）買唔買得過，華華就問過佢。林賽盈話，自己冇認購米蘭站，但就有幫襯過。

話說半年前，林賽盈喺Hermès專門店睇中咗個藍色Birkin，標價6萬蚊。不過，Hermès嘅袋唔係有錢就買到，顧客要喺長長嘅等候名單排隊，起碼等兩年先有貨，結果林賽盈冇等。點知有日佢喺米蘭站見到同款藍色Birkin，標價10萬，佢二話不說即買。

Hermès袋即使二手都有價有市，雖然林賽盈冇諗住賣咗個Birkin，但最近行過米蘭站，見到同款袋家陣已經升值至12萬。

「新股超購王」米蘭站（1150）下周一掛牌，市場消息話，9萬幾人認購，只係易過中六合彩。市場普遍估計，米蘭站首日掛牌升五成，如果係真嘅話，一手賬面賺千七蚊，真係幾開心。主席姚君達身家暴漲固然高興，更開心可能係猛人齊集佢嘅上市儀式。

首選證監韋奕禮出席

話 說港交所（388）主席夏佳理，早前講過，曾經幫襯米蘭站，買咗個靚袋送畀老婆。佢認為米蘭站係土生土長嘅公司，值得大家支持吓，佢打算下星期一出席上市 儀式，仲叫埋證監會行政總裁韋奕禮去。證監作為監管機構，高層極少出席個別公司上市儀式，如果韋奕禮真係去，認真係新聞。

下週一上市的米蘭站，超額認購二 千一百多倍，凍結五百八十多億元，打破五年前由天津港所創的超額一千七百倍紀錄，成為史上超購倍數王。身為大股東的姚君達，身家即時暴漲，賬面身家逾二十 億元。但他未改精打細算作風，趁在上市之前，做了重重功夫，例如狂派五千多萬元利息給自己，還將自住的豪宅，以十三萬元租予公司，以供自己作員工宿舍。此 外，其弟妹亦備受照顧，妹夫則承接米蘭站裝修工程，總之公司上市，主席闔家受惠。

新股熱潮又再復現，接連有近十間公司排隊上市，當中最受觸目的新股，肯定是二手名牌手袋專門店米蘭站，錄得逾二千一百八十倍的超額認購，凍結近五百九十億 元。上週五，已是米蘭站公開招股的第三天，早上未到九時，派表的恒生銀行門外已大排長龍。散戶黃女士表示全家總動員入飛申請，而另一「炒鬼」更借了四百萬 孖展重錘出擊，揚言首日掛牌股價有望升五成，「米蘭站細細粒，只係集資兩億，好容易炒上去。好似早前新股唐宮，集資規模同米蘭站差唔多，上市一陣股價已倍 升。」他頭頭是道地說個不停，記者問他看罷招股書嗎？他卻冷笑回應：「招股書邊係用嚟睇，係俾阿婆阿公當廢紙賣。」本週日，米蘭站大股東兼行政總裁姚君達 到沙田馬場捧愛駒「站站名牌」出賽，其間被馬迷圍着，問他拿「連贏」貼士，除了索料問馬匹狀態外，還問米蘭站股價可升到什麼水位。結果「站站名牌」以熱門 姿態，卻包尾回來，不過未損姚君達雅興，事關下週一米蘭站正式掛牌，才是真正大茶飯。為省靚招牌，姚君達引入多位好友撐場入股，包括太子珠寶鐘錶及理文造 紙的老闆鄧鉅明及李文俊，當中尤以板長壽司老闆鄭威濤最為老友，○九年齊齊擔任仁濟總理，二人皆喜歡與藝人混熟，後來更合資兩億四千多萬元，買入灣仔駿逸 峰地下至二樓商場。根據招股書顯示，這四名基礎投資者，已佔今次認購股數的兩成一。

名媛供貨米蘭站

米蘭站從事二手名牌手袋買賣，當中不少貨更屬限量品，有錢也未必在門市買得到。據米蘭站前職員表示，不少價值逾五萬元的產品，都是依靠一眾名媛闊太做供應 商，事關她們與歐美名牌稔熟，對方都會事先預留限量版給她們。手袋到闊太手上之後，她們或會使用一至兩次，便找人拿到米蘭站套現，「由於呢啲手袋有價有 市，所以公司都肯高價搶袋，阿太分分鐘有錢賺添。」多年之前，大劉與王穎妤分手後，開記者會批評她將不少獲送的名牌手袋變賣，「全部益晒米蘭站！」有報章 曾向姚君達查詢王穎妤是否相熟供應商，他沒有直接回應，僅表示很多名媛是供貨商。米蘭站上市，市傳王穎妤也有「頂頭槌」入飛，惟記者向她求證，她只透過助 手否認。

賣股套現宿舍收租

米蘭站上市，聲稱籌集資金是為了發展國內市場，但大股東姚君達顯然另有盤算。根據招股書顯示，米蘭站以往一直未有派息的紀錄，直至三年前才改變作風，合共 派發逾五千六百萬元股息給姚君達，導致去年底公司手持現金，跌至二千六百萬元的新低。而今次米蘭站上市，姚君達也變賣了部分舊股，袋袋平安逾九千萬元。中 五畢業便開始做生意的姚君達，年少時一家人住在佐敦渡船街，自從創辦米蘭站後，便帶挈學歷不高的弟妹也進身公司做高層，二人月薪分別約五萬八千元，福利亦 不少，其中米蘭站以月租三萬五千元，租了漾日居一個單位供其妹姚秀慧作員工宿舍，業主則是姚秀慧及其兄姚君偉。至於大哥姚君達住得更豪，由去年底開始，與 公司簽訂協議，將自己持有達五千二百呎的何文田京士柏山豪宅，以月租十三萬元租給公司，作為自己的員工宿舍。

一條龍益自己人

有熟悉姚君達多年的人士表示，雖然姚讀書不多，但數口極精，多次與朋友分享米蘭站的生意模式是穩賺女人錢，最大障礙是店鋪租金狂升，蠶食利潤。故此早年已 密密買入鋪位自用，但他卻肥水不流別人田，沒有將鋪位資產注入上市公司，只是租予公司，當中其銅鑼灣波斯富街一個僅二百多呎的地鋪，今年月租約二十八萬 元，明年遞增至約三十一萬元。此外，米蘭站更在上月底，重新與妹夫黃維彬持有的裝修公司簽訂協議，對方負責承包米蘭站的裝修工程，過去兩年的裝修費約九百 萬元，但今明兩年的裝修費，上限卻提升至每年接近二千萬元。

競爭激烈死貨上升

撇開這些親戚的關連交易，米蘭站的業績亦有令人擔心之處，尤其是利潤每況愈下，去年跌至約百分之七。由於這門生意入行門檻不高，競爭不小，米蘭站為了爭取 客人放貨，回收價不可定得太低，記者上週拿了一個Prada新款手袋到各大二手名牌店假扮放貨，發現各店的回收價相差約一百元，可見競爭相當激烈。由於名 牌手袋一直佔米蘭站生意額逾九成半，姚君達曾想衝出捆綁，嘗試買賣皮草，反應不甚理想，三年前又以自家品牌「MS」生產手袋，同樣反應不佳。手袋始終是時 興產品，放賣不成容易變成「死貨」，根據米蘭站招股書表示，平均每件貨品擺放五十多天便可賣出，若產品存放九十日仍未售出，便列為滯銷存貨，每隔九十天便 撥備一成。過去三年，米蘭站的滯銷存貨按年增加，去年急增至近一千八百萬元，佔整盤存貨的兩成，分析員沈振盈直言情況令人擔心，「老實講，米蘭站質素只係 一般，不過近期食正炒細細粒概念，上市後股價肯定升o架啦，不過長揸或者高追就無謂。」

「新股超購王」米蘭站（1150）噚日掛牌，身家喺7個鐘暴漲逾5億嘅集團主席姚君達，心情勁靚。佢噚日着咗件閃爆黑色珠片型仔恤衫出席上市儀式，件衫閃到華華都忍唔住問佢做乜咁激，佢就話貪件衫夠姣，襯晒佢咁話。

成功將「囝囝」米蘭站上市，「爸爸」姚君達心情靚爆，作為「爺爺」嘅姚爸爸同華華講，噚日應該係佢人生最開心嘅日子，佢仲不停讚姚君達由細到大都咁孝順，一向都由佢自由發展。至於攞住LV手袋嘅姚媽媽，亦都不停咁話好開心。

講開又講，姚君達噚日喺ICC嘅W酒店book咗個場慶功，佢着到咁閃，唔知會唔會上台高歌一曲呢又？