2011-5-17 AD | ||
全城熱捧新股米蘭站(1150),公開認講超額倍數破盡港股紀錄,老闆姚君達可謂威盡。不過,佢隻愛駒「站站名牌」就唔多生性,上周日出賽,大熱倒灶。
姚老闆隻「站站名牌」,一直以來算冷門,今年初出場都係跑開第8、第12,獨贏賠率曾經去到99倍。不過,近月唔知係咪人逢喜事,連隻馬都醒神啲,4月13日嗰場突然標出跑第2,狀態大勇,即時熱門,5月15日嗰場獨贏賠率更升到7.7倍。 不過,隻馬最後竟然跑包尾。華華聽聞,當日「站站名牌」騎師比賽中途,懷疑隻馬流鼻血,所以勒停佢,搞到包尾,實非戰之罪。好在之後經檢查,照埋心電圖,確認愛駒無事,姚老闆可放心慶祝上市。 |