53歲男神被網民考起方中信：咩叫J到出血？
1 :
GS(14)@2016-09-30 08:09:0053歲型佬方中信喺無綫劇《律政強人》型到爆，網民就話對住佢真係「J到出血」。然後無綫就將網民呢句留言，讀俾方中信聽，問佢點睇。點知方中信一臉茫然望住鏡頭:「咩叫J到出血？」其實「J到出血」真係唔係咩鹹濕嘢嚟嘅，只係網民一種愛慕、欣賞之情，不過訪問佢嗰個女仔未知是羞於啟齒咩叫做「J到出血」，定係真係唔知呢句潮語點解，所以只係一味講「男神」、「男神」。片中方中信更加疑惑，完全get唔到「男神」同「J」有咩關係，於是再問:「男神同個J有咩分別？」估計佢應該係想問:「男神同J有咩關係？」方中信係用「個」嚟形容「J」，想必佢以為只係一個英文字母，而不是名詞。最後都係冇答案，方中信十分無奈，因為冇人解答到，於是惟有自己打圓場:「我唔係好明咩叫J到出血，真係孤陋寡聞，唔好意思!」如果唔係因為「J到出血」呢個term，大家有幾可見到男神天然呆嘅一面呢？其實都幾可愛。
來源:
http://hk.apple.nextmedia.com/entertainment/art/20160930/19786250