【星之綠葉】揭開笑匠臭寸之謎奔雷手：星爺好自閉
1 :
GS(14)@2014-10-18 22:50:12
■經常飾演奸角的鄭家生，日前接受專訪時殺手上身，揸槍擺chok甫。攝影：陳慧安
80年代電視台是香港電影業搖籃，在搖籃茁壯成長的周星馳離巢後不忘一班舊同事，造就兼任武指的鄭家生有更多演出機會。雖然只是牡丹旁的綠葉，在《破壞之王》演奔雷手文泰萊的鄭家生，於圈中打滾30多年，他認為一般人誤解周星馳：「好多人話佢寸，叫佢都唔睬，其實唔知佢諗緊嘢，佢喺現場好自閉。」撰文：藍文浩周星馳電影《賭聖》、《審死官》、《濟公》、《破壞之王》都有鄭家生出現，更多當然是當年的無綫劇集。前年毅然離開服務30多年娘家轉投香港電視網絡（HKTV）的鄭家生，惡形惡相，專演壞人殺手，拍電影卻有更多機會發揮，如《破壞之王》演星爺和林國斌拳賽裁判奔雷手文泰萊，一句「當我奔雷手文泰萊流㗎」，加上爆衫騷肌最為搞笑。
■鄭家生在《破壞之王》中飾演奔雷手文泰萊，在擂台上突然爆肌保護星爺。劇照
加入港視大開眼界
講到與星爺合作的緣起，日前鄭家生受訪時說：「我哋喺TVB已經識（編按：89年與星爺合作電視劇《蓋世豪俠》），佢出咗去拍電影都有搵舊同事幫手，當時佢嘅電影好多都係同一班人做，好似達哥吳孟達、林雪咁。嗰時我有幫杜Sir做武指，所以《審死官》我有份做殺手，不過大家記得最多嘅，應該就係文泰萊啦。」對近日有關星爺的批評，他說：「佢喺現場好自閉，一個人坐埋一邊自己諗嘢，半日都未拍到，好多人話佢寸，叫佢都唔睬，其實係唔知佢諗緊嘢。以前喺電視台迎面行過叫佢，佢都唔知，因為佢自己不斷諗緊嘢。」鄭家生轉投新勢力王維基旗下的港視，猶如進入大觀園，雙眼透着光芒的他說：「本來冇諗過要傾，因為TVB就好似屋企咁，但係佢任我開嘅條件都即刻應承，冇辦法抗拒。」
■鄭家生維護星爺，指思考時的星爺好自閉。
無綫欠衝勁似亞視
放下半生人的感情，只因新東家的熱誠：「好認真、大家都好有衝勁，完全係兩件事，係拍電影嘅感覺。相比之下，嗰幾年嘅無綫拍嘢就好似亞視咁。」可惜熱情不能當飯食，牌照失落、合約明年初完結，他希望繼續為香港的電視業效力：「我梗係希望香港電視業好，全世界都識啦！幾十年前大家初初都係睇日劇，之後輪到我哋香港，仲威水到衝入美國，我覺得當時香港係第二個荷李活。我都唔明點解整整吓香港會跌到咁，好似冇人睇嘅咁。」對電視製作肉緊非常的他，下年2月就會約滿港視，而尚有兩年就滿60歲，前路如何計劃，鄭家生也說不準：「我又唔憂嘅，個仔都大喇，兩餐冇話搵唔到，
去飲唇舌相爭 瞓醒即出招嘉玲搶先行山寸之之
1 :
GS(14)@2016-11-16 05:47:54【行得正企得正】■劉嘉玲昨在微博晒清晨行山相，並留言指「難受的歲月」是成長的機會，似有弦外之音。
劉嘉玲、關之琳（之之）相交二十年本來老友鬼鬼，惟去年之之自爆與陳泰銘離婚後，不點名指嘉玲仍相約陳泰銘行山是「沒有想過其他人感受」，好姊妹正式擘面。相隔一年，前晚之之與嘉玲在毛玉萍囝囝俞俊材（Eric）婚宴相遇，但二人全程零交流，還刻意保持距離。
■之之前晚約11時率先步出（圖），嘉玲則故意遲5分鐘離場。
劉嘉玲
■去年與陳泰銘離婚的之之，因嘉玲相約前夫行山而反目。資料圖片
前後腳離場
之之前晚約11時離開，嘉玲比她遲5分鐘左右步出，記者追問嘉玲可有見到之之，她大方表示：「有見到。」問二人可有破冰傾偈？她即笑一笑說：「冇呀！因為入面太多人喇！」之之前晚被問與嘉玲見面會否尷尬時，說了一句「我諗佢應該會尷尬啲喎！」嘉玲對此回應說：「我點會尷尬，我行得正企得正，如果佢咁講舒服啲嘅，就隨便佢講啦！」兩姊妹心結未解，嘉玲亦表示不會約之之見面，但行山則仍然是嘉玲興趣，她前晚雖出席飲宴，但昨日大清早便去行山吸收新鮮空氣。嘉玲昨日在社交網貼行山相，然後留言說：「感謝生命中那些曾經很難受的歲月，別把它們當成壞事，而當成給自己成長與學習的機會，你會因為磨練而散發出與眾不同的美！」雖然嘉玲沒提及「難受的歲月」是甚麼事，但前晚才與之之「過招」，此話明顯有弦外之音！採訪：王連連攝影：仇志德
來源:
http://hk.apple.nextmedia.com/entertainment/art/20161116/19834789