布少明：師奶夾錢炒樓 見頂訊號
1 :
GS(14)@2017-06-18 11:09:22【本報訊】2017年，市場開始關注樓市97泡沫重現。經歷1997年新盤損手的美聯物業住宅部行政總裁布少明直言，現時買家心態及市場氣氛都像97年，很多準買家心態是買到就會賺，買到就會贏，「今日唔買聽日、後日升到買不到，現時似97追入市」。但從數據分析，健康程度勝過97，當年摩貨差不多每月千宗，現時有SSD（額外印花稅）遏市炒風，只剩用家及長綫收租，供樓負擔比率亦較97年低，當年「係九成幾等爆」，現時比率未夠一半。
「買家普遍實力好過97」
再者，當年沒信貸資料庫，很多人買數間，周圍借到盡；今日有信貸資料庫，超過一層樓局限借貸，又有壓力測試，銀行借貸比97年嚴謹，當年很多無實力的人都揸幾層樓，「?家我見到買家普遍實力好過97」。但他稱始終樓價高，已出現輕泡沫，「見到30零歲打下都好多要父母幫上車」，但未見大泡沫，未來兩年料樓價仍上升。過往經驗，由輕泡沫吹到大泡沫需要1至2年時間，除非息口及經濟變化很大，否則兩年內沒爆破危機，樓價跌幅亦不會多於兩成。他認為，一旦樓市調頭向下，有兩類物業最高危，包括一手高成數樓花及細價樓，近年不少新盤提供超高成數按揭，最高借足八成半及九成，若跌價兩成即變負資產；這2至3年，細價樓升幅厲害，「通常升得高，沉底越快，呢兩類物業風險最大」。今日摩貨絕迹，不復當年瘋狂，「我成日同同事講笑，如果見到師奶夾錢炒樓，記住通知聲，到時個樓市就有危機」。此外，仍有不少在1997年輸過的地產代理，到今日仍未敢入市，只租樓住。■記者朱連峰
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170618/20059480