聯名購入 飽覽全海景Lynn郭可頌2000萬築愛巢
1 :
GS(14)@2016-04-13 17:09:02■已搵到真命天子的熊黛林，上周五毫不介意在微博貼爆瘡相。
現年35歲的名模熊黛林（Lynn）上月宣佈跟郭可盈的胞弟郭可頌已訂婚，出席公司春茗時還騷價值逾百萬的3卡求婚鑽戒，認真羨煞旁人！快將嫁入百億豪門做少奶奶的Lynn，昨被爆最近跟未婚夫聯名買入位於北角近2,000萬的豪宅，不知是否用作兩人婚後的愛巢呢？
Lynn跟舊愛郭富城有緣無份，幸好分手後終於找到真命天子郭可頌，他是郭可盈的胞弟，家族坐擁逾百億資產。早前市場錄得一宗北角半山著名屋苑珊瑚閣的成交，據土地註冊處資料顯示，買家登記為郭可頌（KWOK HO CHUNG）及熊黛林（XIONG DAILIN），兩人透過聯名方式買入物業，該單位實用面積1,173呎，建築面積1,382呎，成交價1,980萬元，由於位處高層，更可享全海景。
■熊黛林成功入屋獲男友家人認可，等做百億豪門新抱。資料圖片
■熊黛林與郭可頌聯名買樓，購入北角半山著名屋苑珊瑚閣一高層海景單位。
■熊黛林上月出席公司春茗大騷手上的求婚鑽戒，承認已跟郭可頌訂婚三個月。資料圖片
未入門已得寵
準人妻Lynn雖然尚未正式入門，但已獲未婚夫寵愛聯名買樓，心情大靚的她，上周五毫不介意在微博貼生暗瘡的相，自嘲：「吃了一個超辣的麵，雙唇立馬變得如此性感，再配上顆超級無敵青春痘，簡直無敵了好吧！」早前Lynn透露忙完手頭工作就籌備婚禮，還甜絲絲表示婚後一定會生小孩，更對未來老公一家讚不絕口：「佢屋企人好好，佢好孝順，真係會計劃我哋以後嘅嘢，睇到佢好有誠意，有努力改變，唔係得把口，好佩服佢，個人真係好嘅時候，唔使諗就講到呢啲嘢。」而就買豪宅一事，昨日本報記者致電聯絡Lynn，但至截稿前未獲回覆。採訪：唐如
來源:
http://hk.apple.nextmedia.com/entertainment/art/20160413/19568401
台灣拍拖斷正 楊怡謙謙行夜市Lynn浸情侶溫泉
1 :
GS(14)@2016-08-17 08:01:27吳若希自從同澳門闊少男友Alex公開戀情，愛得高調，之前蜜遊泰國、峇里，最近仲去咗台灣，其實台灣確係港人旅遊勝地，有唔少圈中愛侶都鍾意去台灣尋開心。胡杏兒李乘德杏兒喺上年1月同剛拍拖冇耐嘅李乘德去台北出席友人婚宴，李乘德仲攬住杏兒，二人更於街頭喪啜，杏兒上年出嫁，成為李太。熊黛林郭可頌熊黛林(Lynn)自2013年4月宣佈同天王郭富城分手後，翌年同郭可盈胞弟郭可頌撻著，前年12月蜜遊台灣四日三夜，出外十指緊扣，更貼面自拍，仲一齊浸情侶溫泉，早前男友求婚成功，有傳二人豪擲2千萬買豪宅築愛巢。楊怡羅仲謙羅仲謙去年10月喺台灣拍電影《泡沫之夏》，女友楊怡人肉速遞飛去當地探班，被影到拍拖行饒河夜市，羅仲謙同楊怡今年3月秘密赴英國搞婚禮。文詠珊吳啟楠有讀者爆料指JM去年6月與富二代吳啟楠蜜遊台灣著名景點十分，二人感情穩定。
來源:
http://hk.apple.nextmedia.com/entertainment/art/20160817/19739840
Lynn宣佈做人妻城城牛一帶Moka買戒指？
1 :
GS(14)@2016-10-28 06:24:15前日係天王郭富城嘅51歲生日，佢個好拍檔兼排舞師Sunny Wong就喺Instagram貼相，透露一大班人幫城城慶祝嘅情況，但相信大家心中有同一疑問，阿城城女友方媛（Moka）呢？冇理由唔現身o架……然後，昨日喺微博就流傳一張相，話係前日目擊壽星城城帶女友FY（即係Moka）去T家藍盒子買結婚戒指，仲話兩個人一直表現恩愛，仲講埋胎教問題，言之鑿鑿咁話Moka有咗，即係想話城城奉子成婚？睇番嗰張打滿晒水印嘅相，好隱約好隱約先見到有一男一女，但係個樣睇得唔清楚，係要爆相爆片嘅，畀張清少少嘅好喎……不過，喺城城生日嘅翌日，佢嘅舊愛熊黛林就突然喺微博宣佈，已經同男友郭可頌結咗婚喇！佢喺微博度放咗兩張蹺住老公手嘅相，再加一張簽字嘅相，非常簡潔。雖然話城城同熊黛林已經分咗手3年，但係始終都共度咗7年時間，舊愛成為郭太，相信郭生都會送上祝福…
來源:
http://hk.apple.nextmedia.com/entertainment/art/20161028/19815032
Lynn送絲巾賀可盈
1 :
GS(14)@2016-11-26 13:51:07■熊黛林（左）與老公郭可頌日前為郭可盈慶生。
郭可盈明日47歲生日，日前跟媽咪三代同堂慶生，熊黛林（Lynn）上月嫁給可盈胞弟郭可頌，當然要來賀姑奶，Lynn正式融入郭家，兩公婆送絲巾給可盈，可盈昨在電話中說：「份禮物好溫暖，Lynn喺香港冇親人，我哋成家相處愉快，佢媽咪好放心將佢交畀我哋。」可盈表示生日願望全家有份，希望一切都好。可盈不介意囡囡林天若將來選港姐：「將來先算，而家灌輸佢正面思想，讀好書，知識係財富，讀好書先揀做乜嘢，到時會支持鼓勵佢，同佢分析利弊，選擇權喺佢度。」採訪：陳杰
來源:
http://hk.apple.nextmedia.com/entertainment/art/20161126/19845720
Lynn雞年努力造人
1 :
GS(14)@2017-01-27 07:40:41熊黛林（Lynn）、樂基兒（Gaile）及廖碧兒日前為模特兒公司影賀年相，Lynn雖已為人妻，仍然不吝惜以紅噹噹deep V紅裙，大騷3吋事業線，更擺出韓式心心手勢影相。Lynn透露第一年派利是，開心用「郭氏」利是封，笑言婚後心態冇變：「同老公仍有熱戀感覺，咁樣先可以保持新鮮感！」問到雞年大計，她意志堅定：「努力生BB！同時希望參與更多電影拍攝。」
■熊黛林去年與郭可頌結婚，開心用「郭氏」利是封。資料圖片
另外，Gaile就身在美國與家人過年，現在就去了科羅拉多滑雪勝地Aspen滑雪，她表示去年拍電影令她產生濃厚興趣，故來年會報讀演技課程進修，期待嘗試不同角色。撰文：唐如
來源:
http://hk.apple.nextmedia.com/entertainment/art/20170127/19909977
Lynn為老公封胸
1 :
GS(14)@2017-07-09 03:39:11熊黛林（Lynn）、Danielle與台灣名模林嘉綺，昨日在澳門美高梅酒店出席護膚品牌Baszicare新店開幕。林嘉綺以超低胸裙晒3吋事業線，Lynn則中門大開兼露背，搶盡風頭。Lynn直認老公郭可頌不准她性感，今年決要封胸，她說：「有試過畀佢睇，佢會覺得我蝕底晒，我會開導佢，每次都要畀佢批准。」
■林嘉綺（右）和Danielle昨日性感出席活動。
林嘉綺被問有否計劃再生B？她說：「可以，不計劃、不排斥、不強求。」提到生仔秘訣，她笑言：「要將身體活化，保持運動，還要醉酒，但我最近戒酒了，怕突然懷孕。」Lynn聽後即謂會嘗試灌醉自己，但卻擔心老公醉後會睡到天光。採訪：羅慧敏攝影：陳慧安
來源:
http://hk.apple.nextmedia.com/entertainment/art/20170708/20082338
Next Page