|
||||||
|
武林商人冼國林 （圖）入主咗國藝控股（8228）之後，公司轉型搞娛樂，佢出錢投資嘅電影《葉問前傳》，口碑票房都唔錯。雖然詠春熱近水尾，但冼生就話下年3月會開拍 《葉問終極篇》，係佢投資嘅最後一部以師公葉問做題材嘅電影。打完詠春就到洪拳，佢o依家就計劃緊，搵個洪拳人物出嚟拍套戲。 佢又話，之前師傅葉準出山喺《葉問前傳》粉墨登場，喺內地電影節攞咗個最佳男配角之後，要從掌聲中急流勇退。其實華華好想睇吓，連宇宙最強嘅甄子丹都教過、詠春高手師傅嘅功夫，可惜佢唔會喺新戲出現，大家無緣喺大銀幕見識佢嘅身手嘞！ 冼生嚟緊可能做埋影城大亨，因為國藝喺佛山著名景點西樵山將會起影城，今年3月動工，預計7、8月首期項目就會起好。 |
||||||