【知Jargon】乜嘢係「QE」？知啲唔知啲 Oppa話你知
1 :
GS(14)@2017-10-09 03:17:07一般香港人，聽到「QE」，都會解係「伊利莎伯醫院」。不過對於財金人，一聽就會講係「量化寬鬆」。聯儲局今晚揭盎「縮表」派彩，想知咩係「縮表」，首先要知咩係QE！QE英文係Quantitative Easing，即係量化寬鬆，係各國中央銀行嘅吊命手段。「量化」即指創造指定金額既貨幣，而「寬鬆」則指減低銀行的資金壓力。簡單講，即係印銀紙。運作原理係點？大家去食Buffet，開開心心行去搶生蠔，唔知邊個偷聽到侍應講，生蠔就快冇晒啦！於是大家就恐慌，人生只有一個目標，係唔係都搶咗生蠔先！老闆見唔對路，係咁推啲生蠔出黎，高調公佈：「各位放心，生蠔源源不絕供應」。於是大家就唔再驚冇生蠔搶，安心返埋位食嘢。美國聯儲局就係Buffet老闆，08年金融海嘯後，就開始放水，真金白銀買債注錢入銀行體系銀行體系自己多咗錢，即係多咗生蠔。大家就唔恐慌性要Cash儲埋，市場流動性大咗，甚至多到水浸，咁銀行就可以借錢出去畀實體經濟，炒旺市道。至於QE後遺症，就好似生蠔咁，多咗唔興香，美金貶值，同佢掛勾既港紙就跟貶，錢銀唔值錢，咪去晒磚頭度囉。講返「縮表」，意思係「縮減資產負債表」，簡單來講，即係同QE掉轉做。
來源:
http://hk.apple.nextmedia.com/financeestate/art/20170922/20160577
【知Jargon】乜嘢係「時間值」？用兩隻馬仔解你知！
1 :
GS(14)@2017-11-05 15:54:20「時間值」是指隻窩輪在到期日前所擁有的價值，是影響窩輪價值的其中一個重要因素。一般而言，年期越長的窩輪，所包含嘅時間值就越高，價格亦因此相對高，但與此同時，其風險都相對低；至於年期短的窩輪，所包含嘅時間值就越低，價格亦相對低，雖然輪價會較平，但風險亦會較高假設滙控（005）現價75元，某隻滙控Call輪之行使價65元，由於行使價低於正股現價，此為價內輪，有內在價值。假設此輪兌換比率為0.1（10份輪兌1股正股），此輪內在值為：（75元－65元）×0.1，即是1元。不過，此輪價值為1.5元而非1元，此主要由於尚有半年時間，半年內正股升上90元或以上機會存在，故此呢段時間應有價值，而那0.5元可視為時間值，亦是溢價。不過，窩輪每日都有時間值損耗，到屆滿日所有時間值都會變零，因此持有窩輪時間越長，時間值都會逐步扣減，都不利輪價。
來源:
https://hk.finance.appledaily.co ... e/20171105/20204723
【知Jargon】「蟹貨」係咩唔知道？唔使怕醜豬 Oppa話你知
1 :
GS(14)@2017-11-13 03:46:04「蟹貨」，簡而言之，即為「蝕本貨」。意指買入股票後，股價不升反跌，長時間比原先的買入價更低，所持股份即為「蟹貨」，結果資金就如大閘蟹一樣被綁死。「蟹貨」的出現，其實與股民心理質素有關。傳統投資智慧所言，要嚴守止蝕，不過，不少散戶卻敢輸唔敢贏、止賺不止蝕，自欺欺人地「一日唔沽一日都未輸」，結果資金被綁死，短炒變長揸，當股價較買入價跌至一定的幅度，根本「沽都無謂」，形成蟹貨。至於所謂「蟹貨區」，指有大批股民大量掃貨的股價水平，惟股價一旦跌穿該水平，令所有之前入貨的統統成為「蟹民」。假設股價重上蟹貨區，資金被綁的散戶，眼見股價「返家鄉」，重回買入家，一般會急急沽出股份，令「蟹貨區」出現沽壓，形成蟹貨區阻力。然而，一旦股價突破蟹貨區阻力，表示該股「冇蟹貨」，或是股價大升的先兆。
來源:
https://hk.finance.appledaily.co ... e/20171111/20211058
【知Jargon】「挾爆輪商」係咩？小市民：粗口嚟架？
1 :
GS(14)@2017-12-05 01:18:26挾爆輪商係咩嚟？做街訪時，有人更加問「粗口嚟架？」。其實，挾爆輪商係指一個現象。正常情況下，當正股升，就會推動窩輪升。不過，當炒風旺盛時，有大量資金衝去炒窩輪，此時，窩輪都可以成為推動股價上升力量。事緣，每隻輪，都有個對沖值，輪商每沽出一份認股證，即係Call輪，就要按比例買入正股；假設某股每輪對沖值為0.06元，發行商沽出100萬份認購證，便需要買入6萬股正股。發行商沽出認購證，就需要買入正股；沽出認沽證時，就需要沽出正股；買入認購證時，便需要沽出正股；買入認沽證時，便需要買入正股作對沖。當有一日，某股嘅輪好搶手，俾人掃晒啲街貨，窩量術語來講，街貨量係100%。根據規定，輪商只要持有足夠嘅對沖正股，就可隨時申請加印窩輪。以認購證（Call）為例，如果一隻窩輪街貨被掃乾，意味買家極度睇好正股，無懼輪商無限量加印。而在掃貨過程中，由於輪商被迫需買更多正股對沖，可能造成正股股價挾升。以騰訊（700）為例，目前有5隻街貨接近100%；至於牛證側有16隻街貨接近100%。旁白：倪敏慧採訪：高素瑜編撰：倪敏慧攝影：何柏佳剪接、後期：馮燊明
來源:
https://hk.finance.appledaily.co ... e/20171202/20232102
【知Jargon】「轉按」即係咩？小市民：按揭啲朋友…
1 :
GS(14)@2018-01-07 15:39:05轉按表示業主將樓宇按揭，自一間銀行轉至另一銀行。好端端大費周章搞轉按，當然有著數誘因。第一大誘因，當然是慳息。如果新造按揭息率較低，轉按後每月還款自然慳到一截。第二大原因套現。如物業原先市值500萬元，六成按揭，即貸款額300萬元。供款數年後，欠款當然減少，假設是280萬元。隨著樓價不斷向上，物業市值700萬元，同樣六成按，即貸款額達420萬元，清還舊帳之餘，尚有140萬元作其他用途。另外，現時不少銀行會為轉按客提供現金回贈，變相可額外再減低供款。不過轉按也有其他成本，除律師費外，亦要留意罰息期。現時一般銀行的罰息期為2年，假如業主提早還款，如在罰息期內賣樓或轉按，便需要支付罰息。
來源:
https://hk.finance.appledaily.co ... e/20180106/20266249
【知Jargon】壓測係咩嚟 學生哥：壓歲錢測試？
1 :
GS(14)@2018-01-15 02:56:38不少人以為上車，只要儲夠首期就成功，事實上，要成功上會批按揭，尚要過銀行或按揭保險公司兩關，分別是供款佔入息比例及壓力測試。現時按揭規定嚴格，供款佔收入比例會有所限制，以申請9成按揭、首間物業買家為例，供款佔收入比例不得超過45%。假設借360萬元買樓，供款年期為30年，按揭息率為2.15厘，每月供款約14000元，此表示申請人最少要有約31100元。第二關為壓力測試，銀行會假設現時按息加3%，則供款佔收入比例不超過55%。再用上文提及的九成按例子，如果按息加3%至5.15%，供款佔入息不得高過55%，此表示申請人月薪最少要有約37000元。另外，收入只計固定收入，花紅、佣金不被計算。至於剛才提過既比例，即係45%同55%呢，會隨不同按揭成數、申請人是否首置而有所不同。
來源:
https://hk.finance.appledaily.co ... e/20180113/20273035
Next Page