最索星二代畢業喇！Hilary童童貼面慶祝
1 :
GS(14)@2015-06-08 08:42:52■Hilary的中東男友Rafic，亦有返港見證女友畢業。微博圖片
上山詩鈉的18歲寶貝女Hilary堪稱最索星二代，前晚她在就讀的國際學校行高中畢業禮，媽咪上山當然有到場見證，上山好友杜德偉夫婦亦有前來。Hilary的中東男友Rafic Korban及王菲大女竇靖童也神秘現身送上驚喜。
■竇靖童（右）與Hilary自小相識，童童捉實好友下巴貼面合照慶祝。微博圖片
■美魔媽上山詩鈉（左）穿上低胸性感白裙，賀囡囡Hilary高中畢業。
比男友更親暱
竇靖童由細與Hilary孖公仔玩到大，兩人十分老友，轉了鬈髮新造型的童童身穿白色恤衫打扮，捉實Hilary下巴、臉貼臉合照，比Hilary與男友的合照更顯親暱。童童將合照擺上微博，不少網友留言，竟開玩笑指她公開與小女友的戀情，亦有人大讚她手上的紋身有型。
■杜德偉在Hilary4歲時便相識，與太太送上鮮花祝賀。
8月美國升學
幸福媽媽上山詩鈉盡顯美魔女本色，以低胸性感白裙赴會，能見證囡囡戴上畢業帽感觸又開心，她昨日在電話回應：「好開心，囡囡終於完成中學階段，而家去另外一個旅程。」問到上山有否感動落淚嗎？她說：「想喊，最後冇喊，但真係好開心！」杜德偉則表示看着Hilary成長，當然要來見證這一幕。據悉，Hilary會先與同學去泰國蘇梅島旅行，8月會去到美國波士頓升讀大學，順道會合男友。採訪：比華利
來源:
http://hk.apple.nextmedia.com/entertainment/art/20150607/19175040
【add】紅人主場：19歲Hilary 幸運星二代
1 :
GS(14)@2016-08-18 06:04:35Sea New York牛仔裙(Rue Madame)ViaTORY金色手鐲
近年「贏在起跑線」成為大家經常談論的話題，上山詩鈉的19歲囡囡Hilary，盡得媽咪的優良DNA，更被大家封為「最索星二代」，先天條件已經贏開巷，「我覺得自己好幸福好多機會，可能好多人搵工或者想做呢行係難少少，但我唔會覺得自己贏咗，只會覺得自己比其他人幸福。」現在於美國求學的Hilary，早前趁暑假回港時接受了《add》訪問，於拍攝期間盡現開朗直率性格，再加上其甜美可人笑容，絕對是「冇得輸」。統籌：林妙萍造型、撰文：陳蔚渝攝影：周樂恒攝錄：陳志嵐化妝：Angel Wong髮型：Ziv Lau of Queen's Private i Salon
Hilary與母兼父職的上山詩鈉一向感情要好，二人更經常都被拍到好像孖公仔一樣，問到有否因為去美國留學，與媽咪分隔兩地而感到不捨，「都有少少唔捨得，不過佢成日都會嚟探我，所以唔會特別覺得好唔開心，又或者好想返屋企。」
我不是ABC
雖然在美國波士頓的校園生活相當忙碌，不過Hilary表示因為將時間分配得非常好，既有時間做功課，也可以擁有私人時間，更會經常趁周末與朋友周圍去，「我覺得自己大個唔會住喺美國，我而家住喺嗰度係一個opportunity，如果日日匿喺房會覺得嘥咗，所以我得閒都會周圍行吓睇吓。」雖然自小在國際學校讀書，形象鬼妹仔，不過她否認自己是一名ABC，「有好多人認識我之後會覺得我嘅諗法有少少美式，其實我大部份時間都喺香港，就算而家喺美國返學，其實我好近唐人街，所以成日都會講中文。」相比香港與美國，Hilary對兩個地方的印象很不一樣，「香港有好多由細識到大嘅朋友，嘢食又多啲，比較modern，有啲似New York，不過因為我住喺Boston，有時會有少少悶，香港乜都快，Boston就好慢，所以你一去到就會覺得個life好放鬆。」
Alice McCall蕾絲jumpsuitJimmy Choo杏色短靴
Victoria Victoria Beckham白色裙Atelier Swarovski Core collection戒指、手鐲
半投身娛樂圈
Hilary雖然仍然是學生一名，不過都可以說她已是半投身娛樂圈，因為單單是回港放暑假期間，也經常獲邀出席品牌活動，又替品牌拍硬照，對於完成學業之後會否考慮全身投入娛樂圈，「其實都未知，仲要讀多3年書，可能讀完之後再睇定啲先。」從Hilary在Ig分享的日常生活當中，不難發現她是個愛打扮、愛時尚的人，「我都幾鍾意fashion，不過香港比較多focus喺beauty，所以我幾開心喺美國，咁近New York，咁近fashion嘅地方。」而且也可以見到她經常名牌袋揹上身，不過原來大部份手袋都來自媽咪，「佢有好多vintage手袋，佢而家好鍾意啲大袋，所以佢以前買落嘅細袋，我就可以全部攞晒嚟用。」
■Hilary早前曾被法國配飾品牌Roger Vivier邀請做model拍硬照。
■Hilary與媽咪上山詩鈉感情要好，IG經常上載二人合照。
屋企人第一位
之前與中東裔男友拍拖，不時在網上放閃的Hilary，回復單身已經一陣子，對於擇偶條例，她認為最重要是愛錫屋企人，「我好注重屋企人，要nice，唔係鍾意晚晚出街出去蒲。」揀男友亦沒有局限是外籍人士，「亞洲人都OK，不過最好近啲，如果同個香港男仔一齊，佢住喺香港，我住喺美國，咁好難㗎嘛。」問到對婚姻方面可有憧憬，「咁又冇嘅，24歲啦，最快都要嗰個年紀先會想結婚。」
香港潮語零概念
Hilary雖然在香港長大，不過自細在國際學校讀書，現在到美國升學，所以就對潮語一點都不熟悉，訪問期間我們刻意考她，「其實我唔係好識啲香港潮語，我淨係知道公主病、公主癌同埋港女，食好西即係好似foodie咁，我淨係聽過好多人話而家好多女仔有公主病，即係好奄尖，港女其實我都唔係好明，其實我唔係好識呢啲新潮詞語。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160818/19740275
Hilary泰籍男友討上山歡心
1 :
GS(14)@2016-12-10 03:45:24■上山表示Hilary和新歡Gunny感情穩定。資料圖片
星二代多索女，梁家輝好友上山詩鈉的19歲囡囡Hilary也是其一。今年4月爆出Hilary與中東男友Rafic Korban分手，8月她暑假回港探媽咪時，泰籍新歡Gunny全程做跟得男友，見家長外，還陪上山慶生，當然獲加分。
Hilary日內會由美國波士頓返港放聖誕假，昨日問上山Gunny會否來港？她在電話中說：「Hilary男朋友會唔會嚟我唔知喎，我諗都要返泰國同屋企人過聖誕。」上山對Gunny印象好，大讚對方有禮貌。採訪：陳杰
來源:
http://hk.apple.nextmedia.com/entertainment/art/20161209/19859264
Hilary孖男友陪上山遊嘉年華
1 :
GS(14)@2017-01-18 22:21:23■上山詩鈉（左）日前與囡囡Hilary在嘉年華內影相，Gunny當攝影師?兩母女。
上山詩鈉索爆囡囡Hilary，半年前與中東男友甩拖，早前已有泰國籍新男友Gunny，Gunny甚至已經融入家中，日前與上山詩鈉及Hilary去中環AIA環球嘉年華玩。當日傍晚6時半，上山穿上黑皮褸，跟20歲Hilary像孖公仔現身，二人周圍影相，Gunny就當攝影師。雖然伯母在場，二人沒有拖手仔，但因為玩遊戲贏到公仔，?得女友十分開心，離開時二人更一人一啖食雪糕。不過，Hilary前晚已和男友返波士頓讀書，上山去到機場送機，還在Instagram貼相表示不捨得囡囡。撰文：李察
來源:
http://hk.apple.nextmedia.com/entertainment/art/20170118/19900016
自拍要潮 必跟星二代上山女Hilary
1 :
GS(14)@2017-04-13 22:40:32【特約報道】上山詩鈉20歲靚囡囡Hilary，同閨蜜竇靖童一樣，深得潮媽真傳，打開佢Instagram，除了女人終極最愛Hermes外，mix and match又掂，簡單一件pink fur或casual chic都不失young味，咁啱今日正是Hilary20歲生日，唔止潮味隨年紀激增，皮膚亦兼顧得宜，年紀細細已深明護膚的重要性，因為隨住年紀增長，皮膚係最容易出賣年齡的秘密。你睇佢ig相，IPSA長期熱賣的皇牌The Time Reset Aqua同Metabolizer打孖上。其實宜家正值轉季時期，皮膚最脆弱，不妨好似Hilary咁有Taste又夠Smart，識得去IPSA做個皮膚分析，了解自己的皮膚，搵岩最適合自己的護膚方法同轉季護膚Tips。有taste又有good skin，自然可以呃多啲like!
皮膚同張相一樣透亮到反唒光，勁過Baby曉明放閃！多謝上山媽真傳，亦因為後天懂用岩護膚品去持續補水。
呢幅ig唔止可以偷看滑滑鎖骨，仲有圖有真相，識得用護膚界出哂名的IPSA補水Pairings，先更生後補水，Hilary咁Smart唔只搽面塊面，搽埋膊頭都仲得，齊齊變滑溜透亮！
正值換季時候，皮膚不穩定，特別需要水分。就算年紀輕輕，補水都唔能夠忽視。哩支補濕水非常厲害，一次過做到補水、鎖水、造水功效。清爽的質感用後唔會黏立立，拍一拍直滲肌底，Non-Stop補濕，唔怪得Hilary D皮膚成日都咁水潤透亮。
無論任何年齡，保持一個健康的新陳代謝都非常重要。Metabolizer完美配合The Time Reset Aqua，能穩定細胞代謝，促進細胞更生，用後皮膚散發光澤又柔滑。仲有17種配方，體貼針對每個人的肌膚需要，岩晒有Taste的你，有得揀一定要揀最岩自己的一款。
究竟點樣先可以好似Hilary咁潮住護膚?你都可以透過IPSALYZER專業皮膚分析測試皮膚，有晒10大範疇數據，咁就可以有一個最Smart最適合自己的護膚方案。
想好似Hilary咁自拍近鏡都咁有自信，IPSA HK應該會幫到你喎:
https://goo.gl/LLaKVk
來源:
http://hk.apple.nextmedia.com/entertainment/art/20170413/19988468
美國潮牌Off-White再在港開店Baby沈月Hilary輪住用
1 :
GS(14)@2017-05-13 05:34:13於2014年成立的美國街牌Off-White，憑印於衫背及褲腳的超loud斜間和WHITE字樣，擠身為人氣的街拍服飾，韓國fashion icon G-Dragon一早就like。兩位靚女星二代沈月及上山詩鈉女兒Hilary都好貼潮，齊齊捧這個潮牌。Angelababy日前現身機場，都被拍得腰纏這個品牌的pouch。品牌被本地名店I.T引入，繼銅鑼灣後，於中環再開專門店。新店下周正式開幕，兼推出中環專門店別注系列及限量Binder Clip手袋，未知熱愛這個品牌的沈月會否撐場呢？
來源:
http://hk.apple.nextmedia.com/entertainment/art/20170513/20019815
【add時尚】上山詩鈉脈絡支援Hilary模特兒探路
1 :
GS(14)@2017-06-22 08:03:27■愛健康飲食的Hilary，開工時去Catch Juicery買果汁飲。
上山詩鈉的靚囡囡Hilary Fan是「最索星二代」之一，趁暑假回港做model，「有意入行」已成為她的關鍵字。19+1的年紀，她已揸定「每樣嘢試少少」的心態才決定未來路，更視媽咪為人生導師，希望建立朋友多的強勢脈絡，惠及下一代。採訪：梁錦雯 攝影：林德雄場地提供：airplay blow dry bar、Verde Organic、
Beyorg、Catch Juicery（置地廣場）服裝提供：Zadig& Voltaire現年20歲的Hilary Fan母親是上山詩鈉、舅公是曹查理、張智霖是表舅父，她遺傳了媽咪的混血輪廓，一對笑眼、甜到漏的陽光笑容，顏值指數高，被封為「最索星二代」。成長時見盡媽咪一大班巨星好友，記憶中看過母親與甄子丹拍戲、Chilam做「初哥哥」，問到會否入行，她表示一家人的意見都是以讀書為先，畢業後才慢慢考慮，不過到波士頓升大學後，每年都趁假期回港，偶爾做些模特兒、網絡平台KOL等工作賺零用錢。
■Hilary是朱古力控，之前就弄朱古力甜品孝敬媽媽。
■Hilary將升大學三年級，畢業後再決定發展去向。
童童契姐
樣子生得標致，被封為「最索星二代」，Hilary即狂笑：「我冇覺得自己係，我覺得好多女仔都好索，索嘅定義係要樣樣加埋，好似appearance、性格，喺我心目中Bella Hadid係最索。」星二代密友中，她與王菲大女竇靖童最為密切，童童是她的契姐，「由細玩到大，佢大我幾個月，我同佢最close。?家佢好忙，我又喺美國讀書，好難見到面。」私生活被追訪是星二代候群症，但Hilary不會刻意收埋，「我覺得你如果多啲嘢hide，啲人就會搵你啲嘢，你open少少，又唔係做錯啲乜，拍拖都係好正常，?家暫時享受single，都一段時間。」
Hilary與媽咪感情深厚，二人social的性格相似，不過讀PR& Marketing的她，竟然曾對媽咪強勢的脈絡幫助有抗拒，Hilary說：「大個咗覺得爹哋媽咪咁辛苦做嘢，建立啲connection，都係希望幫你，第時我有小朋友，我都希望幫到佢，媽咪當然幫到我，但都要自己做得好。」
■跟表舅父張智霖一樣，Hilary的顏值都超高。資料圖片
■Hilary自言喜歡童童（右）創作的歌。資料圖片
追隨韓潮
19+1的年紀，做過室內設計公司實習生，現在做模特兒，Hilary認為要有「每樣嘢試少少」的探索精神，才知道興趣意向，除了兼職做模特兒，Hilary亦有在Ig做blogger、KOL等的工作，「我自己鍾意寫嘢，好多人由零透過blogging做到一個career，自己就有follow韓國Irene Kim、Aimee Song of style，一件好細嘅事可以做到咁多。」
■Hilary做模特兒工作前第一站當然去扮靚，先到airplay blow dry bar整頭髮。
■Hilary細心研究指甲色辦。
■平時愛曬太陽的Hilary，現在花不少工夫在防曬護理。
【眼睛發電】
Hilary日前在置地廣場新開的美容樓層，體驗了半天的模特兒工作，出活動前先去扮靚，趁開工前買定有機小食、果汁等醫肚等。對於扮靚，她自小已好有主見，四歲跟媽咪去髮廊染髮玩highlight，「細個會幫Barbie着衫扮靚，十四歲就睇YouTube學化妝，同睇媽咪化妝，到十七、八歲就開始化吓妝、敷吓mask。」接觸了模特兒的工作，令Hilary更注重儀容，「平時行出街，最緊要粉底，我對眼部最注重，會搽吓mascara，要隻眼醒啲，知道做模特兒工作皮膚要白，所以?家會用好多防曬護膚。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170620/20061421
Next Page