ZKIZ Archives


中環在線:大摩發出位報告15歲o靚仔做分析員 李華華


2009-07-14  AppleDaily





 

15歲o靚仔做大摩分析員,仲勁到爆燈!係,你冇睇錯,大摩歐洲研究部主管Edward Hill-Wood承認互聯網係年輕人天下,所以出份有關媒體及互聯網嘅報告時,大膽搵咗暑期實習生Matthew Robson,畀佢分析吓朋輩嘅消遣習慣。

Edward話,呢份報告雖然冇數據支持,但觀點同角度係近年難得一見咁清晰獨到,索性將Matthew仔原文刊出,點知市場讚口不絕,回應比其他啲report多5、6倍。

華華睇完份報告都佩服到五體投地,事關Matthew仔無交行貨,各種媒體瓣瓣精,佢話青少年好少坐定定睇電視同聽電台,聽歌亦好少買CD,因為可以喺Last.fm等網站免費聽到,下載咗啲歌仲會同朋友仔互send。

手機愛WiFi多過3G

要 睇新聞或者搵資料,梗係google快靚正啦,點會仲用印刷媒體。總括嚟講,青少年係會「消費」,但冇諗住畀錢喎,尤其喺互聯網世界。啲o靚仔更加覺得網 上彈廣告出嚟煩到嘔又無point,普通嘅戶外廣告就更加望一眼都嫌多。對於最近不斷「升呢」(升level)嘅Twitter,Matthew仔就話o 靚仔根本唔會用,因為喺Twitter寫嘢都冇人理,同facebook冇得揮。講到手機,原來WiFi比3G更受歡迎喎。李華華 LiWaWa@AppleDaily.com



中環 在線 大摩 發出 報告 15 靚仔 分析員 分析 華華
PermaLink: https://articles.zkiz.com/?id=9666

反攻內地o靚仔淘寶掘金潮

2010-7-8  NM




繼eBay和雅虎拍賣後,最潮的拍賣網站是來自內地,由阿里巴巴集團持有的淘寶網。根據官方統計,每日有十五萬香港人在淘寶瀏覽,平均每日成交額達二百五十萬元人民幣。

大部分香港人上淘寶網都是為了買平貨,但有一批香港年輕人卻發現商機,打正香港旗號反攻大陸,閒閒地月賺十萬八萬。足球員轉行賣波鞋

世界盃來到最後階段,對幾乎晚晚睇波的司徒飛來說,可謂苦樂參半:苦的是愛隊阿根廷八強出局,樂的是淘寶網的生意急增三成。他在網上設置了世界盃專區,「單是世界盃版足球,已經賣咗成百個,阿根廷同西班牙的波衫亦一早斷市。」

司徒飛表示:「內地的正貨足球用品好貴,好似世界盃足球,香港賣九百蚊港紙,內地賣千一蚊人民幣。」而他在淘寶網只賣七百多元人民幣,難怪其門如市,「我都係從香港入貨,但係用批發價,所以普遍貨品都賣得平過香港專門店少少。」

車禍改變人生

他之所以有門路以批發價入貨,背後原來有段慘痛經歷。今年二十四歲的他,曾是職業足球員,十五歲便效力南華青年軍,但受傷多過落場,○七年更遇上車禍,「坐朋友電單車尾撞車,腳跟捲入電單車入面,從此無得再踢職業足球,前面條路突然無晒,人生好灰暗。」

只得初中學歷的他頓感晴天霹靂,父母迫他重返校園,但他不願,遂想起自己在○五年已開設了淘寶網戶口,「當初開戶係因為有朋友在內地體育用品專門店工作,可以用員工價買嘢,叫我幫佢哋轉賣出去,分番錢俾我。不過我只係當兼職,每個月最多賺幾千蚊。」

車 禍後,他惟有認真做起來,「其實足球用品喺內地並唔普及,大部分人踢波仲係著布鞋。」加上南華的教練見他因傷被迫退隊,心生憐憫,主動介紹相熟的足球用品 供應商,讓他直接在香港入貨,價錢比幫襯內地朋友的員工價更平,「我每星期帶一、兩次貨去深圳,每次十幾件衫,幾對鞋,銷售額有兩、三萬蚊。」

專揀熱門球隊

但 做生意始終在商言商,不能長久靠人可憐,故待規模漸增,他便主動爭取談判本錢,「我擔保買入某個金額的貨,條件係價錢要更平。」司徒飛表示每年買入近八百 萬元的足球用品到內地轉售,「主要係Adidas同Nike的產品,波衫就要選曼聯、阿仙奴、國際米蘭等熱門球隊,世界盃就入阿根廷、西班牙,少啲非洲球 隊。」惟偶爾也會有死貨,「好似上季利物浦表現差,波衫就賣得唔好。」大部分產品會從香港速遞到深圳,每星期亦派員工來港取貨兩次,「有時海關見我哋多 貨,會唔俾我哋過關,但唔會罰錢或充公。」

現時他透過淘寶網每月賣出近千件貨品,每月營業額約七十萬元人民幣,另外他還會把貨物轉售予內地球隊或足球員,因而每年大賺逾百萬元人仔。難怪他年紀輕輕,便手戴逾七萬元的鑽石勞力士,並在深圳設有兩個辦公室,請了十多名員工協助打理生意。

儘管已進身為老闆,惟他並未放棄足球,在深圳成立一隊業餘足球隊,還把足球夢寄託在細他七年的弟弟司徒富身上,「佢都踢緊南華預備組。」弟弟在南華的履歷,更被他放上淘寶網宣傳,自己則每週踢兩、三次衞生波。他表示世界盃後會到北京做手術,為腳傷作最後努力。

司徒飛小資料

年齡︰24歲

淘寶年資︰5年

淘寶評級︰四鑽石

銷售產品︰足球用品

每月營業額︰70-80萬元

每月盈利︰約15萬元

淘寶掘金步驟

1. 帶備身份證及回鄉證到內地銀行開戶口,以便日後收錢

2. 到淘寶網http://www.taobao.com免費登記

3. 填妥資料後會收到確認郵件,點擊連結便完成註冊,用戶同時已登記了與買家溝通的「阿里旺旺」,以及交收錢銀的「支付寶」

4. 登入淘寶網,在「我的淘寶」點擊「我要開店」

5. 用真名及身份證號碼為支付寶進行認證,並輸入內地銀行戶口,日後便能以該戶口收款

6. 下載阿里旺旺

7. 已可賣貨,但想吸引網民瀏覽,最好設有以下兩項:

消費者保障服務︰為消費者提供「假一賠三」等保障,申請後店鋪網頁有標記顯示,毋須收費,但要按金,金額視乎貨品種類而定,護膚品則為2000元人民幣

旺鋪︰令版面較為漂亮,每季收費150元人民幣,亦可直接幫襯功能較多的旺鋪拓展套餐,每月98元人民幣

歐洲水貨客轉戰國內

買波衫波鞋固然好賺,不過並非人人有門路入平貨,但原來像Joyce般到莎莎、卓悅買化妝品,再靠淘寶網轉售到內地,亦每月穩賺六萬元。

本週日,在三十三度的酷熱天氣下,Joyce拉着車仔到土炮護膚品店彩豐行掃貨,不消半小時已買了二千多元貨品,其後再轉戰莎莎及天使,「幫客買貨,一間搵唔到就要去第二間,有時要行五、六間鋪。」汗流浹背的她說。

零成本開業

她 每週掃貨四次,事前會多行幾間店鋪格價,「一件百幾蚊的貨,卓悅同莎莎價錢有時差幾十蚊。」掃貨完畢後,晚上將貨品拖到深圳拍檔的家中包裝,之後填寫速遞 表格,辦妥一切才趕返香港。她表示走走趯趯雖然辛苦,但勝在長做長有,「有啲內地朋友話我知四川、湖南啲商場,賣嘅化妝品比香港貴成倍。」

她 笑言這門生意原則上有賺無賠,且不用成本,因為客人在淘寶網付款落單後,她才入貨,故此無存貨問題,運費亦由買家支付。儘管自由行令內地人可隨時來港,惟 從湖南來港旅遊的郭小姐,亦表示經常在淘寶網買港貨,「雖然每次來港都買好多護膚品,但還是不夠用,在內地又怕買到假貨,所以會在淘寶找香港代購。」

走水貨出身

Joyce就像其他水貨客一樣,每日帶着大批貨品闖關深圳,即使遇到海關截查,也應付自如:「關員問點解帶咁多面膜,我咪話開美容班,要用咁多,佢又話要拉要罰,我咪扮傻話唔知囉,使驚佢,我嚇大o架!」

應付海關的經驗十足,皆因她中五畢業後便經常參加歐洲水貨團,○三年起更索性帶團做領導。她指走一轉手袋、手錶等水貨可賺十多萬元,惟風險極高,「試過有次辛辛苦苦運貨返到香港後,俾人爆格,成批貨無晒,唔見幾十萬。」

去年底,她發現身邊朋友經常幫襯淘寶網,細看之下見有人做香港代購生意,遂決定分一杯羹,不過單是內地人溝通的用語已考起她,「原來『秒殺』即係低價散貨、『性價比』係貨品功能同價錢是否成正比。」她遂找來朋友的內地妻子夾份開檔,她負責買貨,拍檔則負責與客人溝通。

寄貨連收據

幫客人代購指定護膚品後,Joyce按照香港專門店的正價發售,不過就收人民幣,「淨係匯率已經賺一成幾,加上店鋪時不時減價,好賣的產品我又會賣貴少少,加加埋埋利潤都唔錯。」在芸芸護膚品當中,最好賣的居然是彩豐行的產品,「大陸人好信香港品牌,而家有三成銷售額來自彩豐行。而且買滿一萬蚊面膜,每張半價只需五蚊,但我定價十蚊至十三蚊人民幣,所以每兩個月便一次過買二千張面膜。」

做 網上生意,最難是贏取客人信任,故她先要用香港身份證在淘寶上認證,網頁便會標明是香港商家;之後要每天花十多小時坐在電腦前,回覆客人問題;還將香港生 活照放在淘寶網上,大賣溫情兼港產。最重要是將每件貨的單據連貨寄給顧客,再用香港報章雜誌包裝,博取顧客信任,「不過會畫走個價錢,以免俾客人知我賺幾 多。」

Joyce小資料

年齡︰29歲

淘寶年資︰半年

淘寶評級︰四鑽石

銷售產品︰化妝及護膚品

每月營業額︰20萬元

每月盈利︰約6-7萬元

淘寶突圍四招

1. 用香港報紙及雜誌作包裝,令顧客相信貨源來自香港

2. 連發票及店鋪袋寄給客人,證明香港購買

3. 在網頁內上載一些香港照片及生活照

4. 送神秘小禮物,如買護膚品送試用裝

代購變零售

Joyce的生意可算手作仔,賺的都是辛苦錢。但自○五年已在淘寶搵食的Benny卻把生意企業化,成為首批在淘寶網發圍的香港人。「我太太住深圳,我成日上去探佢,索性做代購,每次都帶護膚品上去。」

他最初每星期帶貨三、四次到國內,三年之後已累積一萬個好評,月賺兩、三萬元。為了迅速增加好評,他不時搞促銷,「例如買滿一定金額有禮物送,仲會辦活動,好似客人買完產品之後,只要在我們網頁登幾張相及用後感,網民投票寫得最好的一個可獲價值六千蚊的LV手袋。」

Benny 認為評級對做淘寶生意有很大幫助,故恃着自己是評級最高的香港淘寶賣家之一,便轉型向內地代理取貨,「有好評同無好評做法唔同,好評多,人哋自然信我,我 唔使再寄張單證明係香港買。其實同內地代理攞貨,咪同香港買一樣。」但他的店名叫「香港網上自由行化妝品」,實有誤導之嫌。

由於一線產品難 攞貨,故他主力代理二線的化妝品牌,「好似大S之前出咗本美容書,介紹咗好多唔出名的護膚品,我哋好評多,就算產品唔出名,客戶都會信我哋介紹。」他請了 六個員工在網上招呼顧客,「全部受過一個月訓練,對每一種產品同護膚方法都好熟。」計及後勤包裝等員工,他請了十個人工作,「依家係薄利多銷,但唔使咁辛 苦囉。」

Benny小資料

年齡︰32歲

淘寶年資︰5年

淘寶評級︰四藍皇冠

銷售產品︰化妝及護膚品

每月營業額︰70-80萬元

每月盈利︰約7-8萬元

評級機制

在淘寶網上,每宗交易均可評級,好評加一分,壞評扣一分,再按分數分為心、鑽石、藍皇冠和金皇冠四級,每個級別的圖案越多,代表分數越高,獲五個相同圖案,即可跳升一級。

 


反攻 內地 靚仔 淘寶 掘金
PermaLink: https://articles.zkiz.com/?id=24702

恨發達o靚仔借財仔賣衫 (轉載) 止凡

http://cpleung826.blogspot.com/2012/01/o.html

真是忍不住要轉載這篇文章, 看到兩個不知天高地厚的小朋友, 又可以說是勇敢, 又可以說是愚昧, 最精彩是最後給黃毅力先生教訓, 說了我想說的話。




http://blog.yahoo.com/_OEGIUGKI7CYZXS5RGAL5CCWCBE/articles/698841

有膽量是做生意的先決條件。兩個打了兩年工的後生仔,二十三歲的張經偉(Benice)和周俊謙(Potter),看了《富爸爸窮爸爸》一書後,深受影 響。不想再過朝九晚五的打工仔生活,一心想靠創業發達。不過二人手頭上「一個仙」都無,他們膽大過天,不但先各自向家人借了十萬元,繼而碌爆卡、向銀行借 萬應錢,甚至年息高達三十釐的「財仔」。左度右借後,以負債四十多萬元為「本」,三個月前生產自家男士服裝品牌uniting, 於旺角潮流特區的一間鋪頭內寄賣。幸運的是,扣除寄賣要繳付的拆賬,uniting每月有三、四萬元盈利。不過這筆「盈利」只能作還債之用。

記者問他們不擔心某個月生意不好,無錢還債?勇字掛心口的他們說:「最多咪破產。」究竟他們的膽識,會帶給他們成功或失敗?本刊找來富利堡車行老闆黃毅力,為兩人指點迷津。

在旺角潮流特區三樓近扶手電梯,一間逾百呎的男士服飾品牌uniting店,櫥窗一邊擺着十多對皮鞋,另一邊牆上掛着西裝和恤衫,吸引了不少年輕人駐足。 留鬚根的後生仔Benice見到記者便走出來說:「uniting係我的品牌,由設計至生產都係我同另一個partner Potter負責。呢間鋪嘅老闆本來係賣鞋嘅,我哋只係寄賣喺度。」事實上,要在旺角的商場插旗,平均租金要三至五萬元,兩按一上就最少要十萬 元,Benice和Potter不諱言:「我哋手頭沒錢,二按一上都俾唔起,後來透過朋友介紹,知道鞋鋪老闆無心經營呢度,但租約未滿,於是我游說老闆將 我哋設計嘅衫喺度寄賣,免付租金,但按照賣出衫的收入,五五分賬。」他們的如意算盤是,即使他們的衫賣不出去,亦不用被租約綁死。

借財仔年息三十

兩人在明愛白英奇專業學校讀設計,Benice亦曾在時裝店initial做過設計師助理,設計服裝對他們來說並不困難,令他們頭痛的就是資金。兩人以 「零成本」找到鋪位後,走到深水埗搜購布料,去批發公司問造貨價,發現要做六百多件衫,布料連貨便需八萬元。打工不夠兩年的兩人,戶口只有六千 元,Benice試過以公司名義向銀行貸款做生意,但無功而還:「銀行要睇公司兩年財政營運,公司未成立,點會有證明。時間唔等人,諗到就要做﹗」 Potter亦說:「打工每月儲幾千蚊,儲一年先得幾萬蚊,太耐了。」

於是兩人向家人借十三萬元,另一方面Benice又以私人名義向滙豐銀行借了二萬多元萬應錢,「銀行利息較低,還款期長,有得借就借。」Potter見銀 包有一張花旗信用卡,信用額達三萬六千元,一次過以現金透支方式「碌爆」。如是者集資了十九萬元,訂造了第一批貨。扣除第一批貨的成本,還有商標註冊、電 話費、辦公室租金、請模特兒影相等雜費,已用了十三萬元,加上兩人當時一同報讀了共十四萬元的企業家課程,分期付款每月要還萬多元,令戶口剩下二萬元。一 個月後,第一批衫未賣完,資金未回籠,Benice又心急地訂第二批貨,「第一批得六百件咁少,拉勻成本又貴,賣晒都係賺好少。如果有多啲貨,就算賣平 啲,貨如輪轉,賺錢會多啲。」第二批貨逾一千件,成本需二十萬元,須預先繳付訂金六千元,餘數要在聖誕節前找清。於是Potter再向家人借八萬 元,Benice見銀行私人貸款利息三釐,還款期一年,於是分別再向滙豐、花旗銀行貸款十一萬元,「銀行要三個月薪金證明,我咪蓋公司印出糧俾自己,存三 萬蚊入去,銀行咪借俾我囉,真係好蠢。」最後一批秋冬貨到齊後,批發商要求他們於四日內找清尾數四萬元,他們還差兩萬元才夠支付,但銀行貸款最快兩個星期 才批,Benice打聽下知悉借「財仔」兩日搞掂,他和Potter於是向安信財務借了五萬元,利息三十釐,「問財仔借錢一啲都唔恐怖,負債使咩驚﹗我恨 不得負債越長越好,李嘉誠負債最多,但最有錢又係佢。」Benice輕佻地說。

舊債未清搞新計劃

借下一大筆錢生產服裝,要谷銷路賺錢才能有錢還債。uniting恤衫定價六百元,褸則八百元,毛利約七成。第一個月銷路差,試過一天賣不出一件,只有三 萬元生意額,Benice便想出「絕招」吸客,「我將價錢牌改成一千蚊當六折平賣,六百蚊有一件恤衫,其實都無減過價,但好多人信。」Benice笑說。 現時每日平均賣出五件衫,生意額達七萬三千元,但據寄賣協議,他們要將生意額一半分予店主,換言之,只有三萬五千元落袋,但統統要拿去還錢,現每月各項負 債的最低還款額是一萬四千元。只是第一個月有盈餘,舊債又未清,他們已迫不及待行下一個計劃。現時寄賣的鞋店月租四萬元,uniting交予鞋鋪老闆的三 萬多元,幾乎接近一個月租金,並不划算,Benice遂想頂手該鋪,「依家寫緊計劃書向朋友融資三十萬,頂手後再發展網上生意、搞飲食。最近識咗一間製衣 廠的太子爺,計劃六月份合作做男裝賣去澳洲、東南亞。」

恨做老闆,純因二人讀了《富爸爸窮爸爸》一書。Benice本來在initial做設計師助手,每月有七千元薪金,「返朝十至六,但個個OT到凌晨兩點, 又唔係有嘢做,只係因為氣氛係咁。」他受書本內容影響,不想為一份糧作金錢的奴隸,於是半年後辭職。碰巧同讀設計系的Potter亦深愛此書,二人更一起 報讀《富爸爸》系列的企業家培訓課程,為期僅一星期,「時間咁短,但改變咗我的金錢觀。」自此他們「富爸爸」上身,Benice還在facebook組織 網友,到咖啡室玩《富爸爸》作者發明的「現金流」遊戲。「《富爸爸》作者發明呢個遊戲好聰明,好似玩大富翁咁,但裡面的情境更現實,教你點樣理財,投資房 地產、做生意賺錢,唔好靠人工,都可以應付結婚生仔等支出,必要時借錢負債無所謂,現實生活不過係一個現金遊戲。」他們重複書中提到解決問題的積極思想, 只想生意成功,完全沒危機感,「我當正自己係企業家,成日諗還唔到錢點算,不如諗吓第日發達點仲好啦。」Benice說。

零成本搞年宵

近日維園年宵,Benice把uniting定位為「文化社企」,得以在攤位擺檔,賣手作相架、環保袋,租金由政黨贊助,費用全免,「我改咗公司業務性 質,唔只係賣衫,又叫藝術平台,個名越虛越好,可以同唔同的團體合作。我要做有錢人,當業務上軌道後,繑埋手都有錢。」Potter自言家人疼愛他,小時 曾學壞吸毒,經常伸手問父母拿錢,爸爸在園藝公司打工,媽媽在惠康做店員,家住上水村屋,設備簡陋,「我四年前信咗耶穌,學乖唔去玩,爸媽見到我讀書做生 意,我話攞錢佢哋即刻俾。」Benice出身單親家庭,「阿媽覺得欠咗我,俾唔到完整家庭,佢成日話我生性,俾埋積蓄我做生意。」雖然向家人借的錢,還款 無期,但銀行、財仔卻有限期,「我有咩輸唔起,還唔到錢最多咪破產,當學嘢,《富爸爸》個作者都試過破產,咪由政府限制你唔准坐的士,每月限額消費之 類。」Benice不知天高地厚地說。

開業資料(10/2011)

租金*$1,500入貨$80,000裝修$10,000雜費$25,000總投資$116,500*深水埗辦公室

營業資料(12/2011)

總營業額@$82,054拆賬#$36,687租金$1,500入貨*$0雜費$2,000盈利$41,867@除寄賣,還包括朋友幫襯。#店鋪營業額$73,374,分賬一半予店主付鋪租、人工。*入貨$200,000,全以借貸繳付。

壹點意見

富力堡車行老闆黃毅力,與Benice及Potter會面,知悉這兩個後生仔沒有任何積蓄,卻於短期內負債逾四十萬元,更視破產為無物,立刻把他們當頭棒喝。黃(黃毅力) B(Benice) P(Potter)

財仔息高

黃:點解借咁多錢?你啲錢使咗去邊?B(理直氣壯):攞去入貨,有幾萬蚊攞嚟作生活費。黃:知唔知過期罰款利息幾多釐?罰款手續費幾多錢? B(停頓五秒,疑惑):嗯……我哋之前有計過嘅,但唔記得。黃(怒氣):未搞清楚條款就走去借錢?單計VISA卡,年利息36釐,過期還款最高可以去到 59釐。財仔還唔到要「起釘」。你淨係識計最低還款額,過咗期還款仲有手續費,利息好似雪球咁滾大。

破產回頭難

黃:咁計法,你件衫毛利要幾多先還到債?B(呆望,無語):產品毛利好似三至四成,但因為寄賣,要拆佣俾人,兩年應該可以收支平衡。黃(怒氣):賺幾錢都 唔知,你哋知唔知,差一萬蚊還唔到都要破產。係咪以為破產咪破產,再嚟過囉?B:成功必須經過失敗嘅。我哋唔會諗失敗,會係失敗之前諗點樣解決問題。黃 (質疑道):照咁睇,你覺得自己一定成功。做生意賺硬o架?你哋做嘢點可以唔諗downside。破產後出境要申報,同軟禁無分別,亦等於誠信破產,想打 工?到時連考個保險經紀牌都難。你哋兩個準備攬住一齊死。

別沉迷書本

B、P(對望,B笑笑口):我哋認為打工無出息,後生仔應該及早創業。我哋有好多已經落實的計劃,準備做埋飲食、網上生意,有人應承集資,可以創造更多商機和金錢。

黃:你哋太沉迷《富爸爸 窮爸爸》,但唔好上晒腦,呢度係香港,唔係美國,嗰套未必啱用。打工有咩問題?我都打工十幾年先創業。除非有人打本俾你,如果唔係要先打工儲番嚿本先,唔好一開波爭人周身債,神憎鬼厭。

黃毅力寄語:

1.停止借錢,看清楚利息條文,用試算表計算公司何時才能收支平衡,還清債務。

2.分清兩人的銀行公司賬項,不要讓是但一方可隨便拿錢自用或還債,最終只會一拍兩散。3.停止未發展的計劃,每個計劃幾乎要花一百萬元。賣衫仍未知何時 收支平衡,不如先專心做好一件事。Bernice及Potter認為黃毅力建議快狠準,「我哋做生意對數字不敏感,係唔啱,返去會計好條數。」不過,他兩 人堅持借財仔無錯:「後生仔創業係無本錢,只要運用得好,一樣可以成功。打工或創業,只係個人性格選擇。而且我哋唔會停止手上計劃,會錯失商機,做生意太 理性唔好。我哋信得過大家,合作係無問題的。」

發達 靚仔 借財 財仔 仔賣 賣衫 轉載 止凡
PermaLink: https://articles.zkiz.com/?id=30827

o靚仔賣拉麵挑機大坑名店


2013-08-22  NM  
 

 

拉麵已經開到成行成市,自從一蘭的出現,曾經是風頭躉的拉麵店,如魂、達磨等,再無人龍,競爭進入「生死鬥」。在大坑呢?細細的一個小區,粗略估計有九十間餐廳,當中已有十多間食日本菜。但二十六歲的伍國泰(Alex)和伍志成(阿成)無懼競爭,「偏向虎山行」。去年十二月在大坑開設拉麵及串燒店「金之藏」,並「挑機」說:「我哋啲嘢係最好食嘅。」視對手為無物。開業七個月,暫時食住拉麵風,每月賺七萬至十萬元。他們更設下宏大目標:三年後有十八間分店,八年內集資上市,揚言:「只是把成功複製成功。」

本刊為此請來曾到日本留學,食盡香港拉麵及串燒店的多媒體作家健吾;及在元朗、大埔有三間分店的「串皇」老闆Wingo,分別試食及點評生意模式;發現這兩個老闆想向全港名店「挑機」成功,還有一點距離。

成和Alex同在台山出生,由細玩到大,來港後一個住石排灣邨,一個住華富邨。出身貧窮,令他們渴望發達,阿成說:「我細個見到一架紅色法拉利經過,我同自己講,第時一定要揸到佢。」Alex於中四暑假,走去做亮碧思香薰直銷,一個月賺幾萬蚊,其後更退學做全職,一年賺到四十萬。不過他漸漸發現,直銷令他眾叛親離:「我問自己,點解會無晒啲朋友,於是無再做,返去內地開餐廳。」最終不但生意失敗,更欠下一身債,回港到果欄送生果;惟恨發達的心,一直仍在。四年前,他與阿成見串燒熱,與幾個朋友合資於香港仔開設串燒店,後來業主加租,他們把其轉讓出去。

去年,他們見拉麵熱,又捲土重來,Alex說:「我哋見拉麵好hit,就想開間店。搵過好多地方,有次行去大坑睇吓,覺得呢度好舒服喎!到晚飯時間,呢度任何一間普普通通嘅茶餐廳,門口都泊咗名車,我就覺得有得做。」細問之下,這個前身本是車房的鋪位租金只需三萬多元,Alex和阿成便「扑槌」開「金之藏」,賣拉麵亦賣串燒,並「挑機」區內名店。

挑機一我哋啲嘢全區最好食

金之藏既非名店,亦無日本大師在背後發功,拉麵一碗五十至八十多元,毛利達八成;在開業前,阿成到札幌的拉麵店試食兼學師,「我哋啲拉麵係向日本供應商訂,豬骨湯每日加埋豬骨、豬手同雞腳,煲足八個鐘o架。」串燒方面,則主打澳洲和牛、法國鵝肝多士及廣島蠔,毛利最高達九成。「但係我哋其中一項主打龍蝦,賣九十八蚊一隻,毛利得一、兩成,有時海鮮價,來貨已經一百蚊,蝕賣o架,咪當拉上補下囉。」肉類主要向供應商取貨,而為求新鮮,蔬菜及海鮮,則由阿成或員工,每天到街市入貨。Alex指,現時鋪頭拉麵與串燒的營業額為三七之比。阿成認為拉麵及串燒雙線並行,是他們成功之道,「間間都只專門做一樣,我哋兩樣都有!」事實上,在金之藏開業之前,大坑區內已經有六間拉麵店及八間串燒店。阿成和Alex毫不擔心,開業前幾個月,經常到區內試食,認為自己的食物質素數一數二,Alex「寸爆」點評附近的串燒店「五谷」:「上次食完佢嘅燒和牛,食咗一塊就冇食,好失望;三個人,食咗六百幾蚊,都係得三成飽咋。」又指人氣拉麵店「達磨」:「已經笠晒水啦,你見邊有人排隊。」而對「拉麵來」在Openrice大坑區的好評一直高踞頭幾名,Alex則說:「我俾二萬幾蚊搵打手係Openrice寫好評,都可以排得高啲o架。」

「日本達人」健吾食咗一個月嘅鹽

曾到日本留學的多媒體作家健吾,是拉麵及串燒痴,食盡香港名店,他試食金之藏後說:「叉燒同竹筍都算好食,不過麵底似吉之島貨色,札幌拉麵本身已經偏鹹,呢度嘅湯底仲鹹,都可以話正宗嘅,不過喺香港又熱又焗嘅環境,如果唔係鼻塞加飲咗酒,根本食唔落。一碗好食的拉麵,湯底用嘅水最重要,但好多店鋪都係用番普通香港的水(編按:達磨等拉麵店會把湯底用的水先過濾),所以做唔到日本嘅口味。」而阿成和Alex「傲視同行」,拉面、串燒,並駕齊驅,更反成敗筆:「串燒價錢同水準都合理嘅,龍蝦肉質彈牙,青椒夠juicy;雞翼好味,但其實燒雞翼好難唔好味喎!呢度食串燒,一個人埋單三百元,但我去米芝蓮餐廳食一餐,可能都係差唔多咁嘅價錢。我覺得阿成同Alex未夠了解自己店鋪嘅食物,拉麵同串燒分開食還可以,但拉麵又鹹,串燒又鹹,我兩樣都食,好似將一個月要食嘅鹽一次過食晒。」

挑機二三年開十八店

記者觀察,在大坑內的達磨及拉麵來等食店,於下午六時已開始滿座,而這個時間,金之藏仍未有客,直至七時多,客人才開始入座,十八個位尚能坐滿,但未見人龍。金之藏的員工亦比較熱情,記者見他們會走出門口,甚至往對面街主動拉客,這做法與其他著名食店,食客慕名而來的情況截然不同:「我哋印咗二千幾張卡片,兩個月派晒喇。樓上好多街坊都嚟食,我哋俾八折o架。」Alex每個月都會為店鋪定下約廿萬元營業額作目標,如能達標,樓面經理和廚房均能夠按比例獲得分紅,在底薪上,每月再多幾千元佣金。而樓面員工則聘請十八、廿二的年輕人,貪他們夠活力。開業七個月,鋪頭曾月賺十萬、八萬,今個月則回落至七萬元。還未回本,Alex和阿成又以月租三萬多元於西環厚和街開分店,阿成說這樣做是:「成功複製成功。」記者曾到厚和街看過,雖然同街有甜品店發記及幾間食店,但人流明顯較大坑少,但阿成及Alex卻有信心會成功,他們說:「呢度已經係成功,(點成功?)好食囉!我哋所有成功的因素都集合,一定可以在其他地方取得成功。」兩人更計劃於一年內在港島區開四間分店,三年內變成十八間,野心之大,難免令人覺得痴人說夢。Alex則說:「我已經計劃好晒自己未來嘅砌圖,而家只係逐塊逐塊砌上去。我從無諗失敗,淨係諗點樣贏!」

「串皇」Wingo現實歸現實

有三間串燒店的「串皇」Wingo,以過來人身份評這盤生意,未感樂觀:「我做咗十幾年,都係得三間鋪,其中有兩間喺元朗,相隔只係一條街,客路已經爭好遠。第一間客人肯企喺門口食,第二間要放啲櫈俾佢哋坐先得。第一間店有成功,第二間係咪一樣用同一條formula呢?去大坑食嘢嘅人,預咗使錢,幾十蚊一碗拉麵無問題,但西環呢一帶,幾十蚊可以食到一個牛排,你喺呢度六十蚊先得三粒和牛。「樂觀係無錯,但理想歸理想,現實終究係現實,生意唔會全部順風順水。有啲珍珠奶茶店一次爆十間,唔夠兩年咪無晒,佢哋應先做好一間,而家味道偏鹹,可以再改善。第二係培訓員工。我有啲仔同事,噚日好有熱誠,今朝就打俾我話唔知醒。阿成話請人無問題,樂觀太早了!另外,如果要開咁多分店,仲要諗開工廠,中央處理啲食物。」
老闆回應

做生意講求天時、地利、人和, Alex和阿成食正拉麵熱,加上扑中大坑這個地利,每個月盈利可達七至十萬元,但能否成功,最終還靠他們的管理及態度;聽過健吾及 Wingo的意見,阿成虛心表示會改善食物質素,「我哋遲啲會將湯底改淡啲,啱番香港人口味,所以西環新店會俾客人揀湯底。」至於 Wingo擔心他們擴充太快,阿成回應說:「佢有佢成功之道,但每個人睇法唔同,我哋開店前都做足資料搜集,始終要開順咗先知。」對於前輩意見,啱聽才聽,二人最終仍想在拉麵界挑機。

靚仔 拉麵 挑機 大坑 名店
PermaLink: https://articles.zkiz.com/?id=73955

我地靚仔嗰陣時嘅西環 (3)



* 記得細時跟大人去飲結婚酒,新娘唔興通處走,成晚多由姊妹團或親屬輪番陪伴新娘房內,除長輩到才會出來或在房內見面斟茶叩頭,一般嘉賓多由新郎及男女家長輩或儐相招呼,到新娘敬茶時,才會見她逐圍向嘉賓見面,而已婚人士多會將一封利事投進大衿姐所持托盤中,聽講此類利事如貼士般歸大衿姐所有。長者及大衿姐固然笑容可鞠,但非代表新娘不開心,因個時婦女較矜持,新娘絕不會表情奔放,笑容燦爛,反會被要求含蓄嬌羞,端莊自持,否則眾人就會給人印象新娘唔怕醜,恨嫁恨到出面,貽笑大方。  (我有一同學乃潮籍人士,其長姊出嫁當日在家還要大哭一番,以示對父母家人眷念,否則被人取笑嫁唔切。) 新娘不會自己招呼嘉賓, 此習慣到'70年代初還流行,我記得家中長輩當時曾參加一鄰居嫁女婚宴,回來後聽見長輩訴說新娘唔知乜事咁唔怕醜,甚少逗留新娘房內,成晚滿場飛,喧鬧大笑,似缺少良家端莊風範。以前啲人對紅白二事真係較尊重



*  有一種職業,是街邊幫人畫相,即是將一張舊照片,用人手照畫張大的出來,可惜沒有這些攤檔的歷史圖片,但相信你都記得,我小時候在街市逢見到這攤檔會站著看檔主畫相,覺得他在繪晝,70年代在紅磡及土瓜灣仍見到一兩檔,現在真係絕晒跡了,隨之是拍照及沖印照片蓬勃年代,到現在連相片沖印行業也式微了,時興只在網上看數碼相,短短數十年便經歷兩時代變遷......!



* 志寧電器都是堅尼地城老店, 買電器, 2,3 年前由卑路乍街搬去吉直街.  另外, 有兩間文具店, 聯發 (已結業)和求知, 我細細個已經在那里買文具. 以前一齊在聯邦新樓(上部分, 而家百佳超市條路行入去), 不過十幾年前一齊搬左去吉直街, 而家剩下求知, 因為聯發個老細七十幾, 捱不住貴租而結業.   隆盛祥亦是數一數二的老店 (在歌連臣街附近有貨倉的), 賣山貨. 舊舖已結業, 現剩下權發隔離一間舖



*  (1) 大光明理髮, 我讀書時代都係在這裏剪頭髮, 不過幫我剪頭髮個師父, 不是這個師父~  ! 還有, 以前間舖頭位, 應該在對面舖,  那時候間舖頭係兩張理髮櫈, 兩個理髮師父, 幫我剪髮就係另一個師父~!   (2)何宗聲跌打醫館, 我就未試過在這間跌打醫館看症. 我細個的時候, 試過一次扭傷腳, 我媽帶我去皇后大道西與薄扶林道口, 那間跌打醫館叫趙醒楠, 去敷咗兩次藥就好番, 不過隻腳的皮膚就粗糙咗  (3)卓記, 以前在街邊的時代, 我和朋友去堅尼地城泳池游水, 就會去卓記食粥和炒麵. 但後來上舖後, 比在街邊的時候更邋遢~!   在我已食咗半碗的粥內, 發現有一隻小強腳在粥內,  細過時唔識得投訴, 錢照比就走了~! 自從那次就再無食過, 和我為卓記改了一個名, 稱為小強記~!   (4)金輪茶餐廳, 我記得入去多數係食茶餐, 一個牛油多士或餐包, 一碗西湯, 牛肉湯意粉和奶茶, 唔記記得係$18定$20.    (5)燦記酒莊, 我都曾經在這間店舖, 買過幾樽酒辦, 現在還放在玻璃酒櫃內.   (6)梁輝跌打, 以前我行過時好怕看那骨頭, 我覺得好似真的人骨~!   (7)幸福樓, 已前係叫幸福樓, 之後好似還轉過兩次名先到逸豪酒樓~!   因為要去華明中心, 要上斜路和幾級樓梯, 之後還要上落電動樓梯, 飲茶又比較貴~! 對於石塘咀區的長者們, 真係有小小困難~! 所以長者們現在多數都去麥當奴, 大家樂和大快活坐.   在麥當奴大維修前, 下午茶時段就分為兩個區域, 一個係老人中心區,  另一個係學生補習區~! 而自從麥當奴轉做24小時營業後,  晚上更成為露宿者之家~!
   


* 當年, 金輪係西環最貴嘅茶餐廳~~發記就sell 人情味囉, 嗰時呀老闆娘都算幾好人~~祥香就sell 飽/ tart 類...仲有一檔喺北街口 (而家卓記對開)大排檔, 叫誠記, 都好好味~~ 而家上咗街市我真係好懷念以前的西環...可惜一切敵不過時間巨輪.... 金輪, 佢算係當年西環最新嘅茶餐廳, 開張嗰日好多花牌架~~茶樓方面, 我細個去過西豪,英豪,康年,男爵 (康年,男爵係咪打對面?? 唔係好記得..)你記唔記的西環第一間 7-11 喺邊? 喺 Jade Court A Block 樓下... 當年開張又係大事...不過而家嘅西環變咗好多... 我嘅回憶開始褪色... 好唔開心...



* 永昌紙號是從爹核士街旁的小巷里,(這小巷可通往建文街), 由兩兄弟主理的, 店的名字是"伍記", 他們賣的文具和玩具比較平宜一點.  "全安"比較大一點, 在爹核士街,永昌紙號現是弟弟和他的老婆經營, 他們年紀不輕了, 现在我買文具 ,它也是我首選的文具店, 如他們沒有得賣,我才去別處買.  有次我要買筆和打印纸,我帶小女孩一起去永昌紙號買東西, 女孩問為什麼來這里買? 別的文具店的筆更漂亮呀!  我只說:"我喜歡這里買,別問"!  她不知道我的童年跟這店的感情和情懷! 老板跟老板娘很客氣的,不管你買多買少,也招呼週到, "人情味"過了幾十年都沒變!



* 還記得在遠逵士多傍邊的遠開冰室,吉席街60號的紹記瓷莊, 199X 年搬遷過來的源發文具嗎? 吉席街與士美菲路以前有個市場/魚檔;魚檔傍的豆腐舖...... 這些店舖恐怕早已消失了!



* 三四十幾年前 我姑婆在第一街居住 (樓已在八十年代清拆了) 在家裡工作 , 她是跌打醫師 , 而姑公是賣香的 , 他喜歡到多男飲茶,  在正街買菜 這是老一輩西環人的生活寫照... 而我的爸媽婚後在西營盤居住,  我也在贊育出生和學行路, 仲要行斜路 住唐樓 (某海味店樓上)... 之後搬走了.   西營盤有許多的海味店 , 記得我在兩三歲時 經過海味店門口 , 我還拿起幾粒虾米放落口 .  那時候的街道很窄又帶啲濕,  仲要企係度等左好耐先有的士經過 .  西營盤俾我嘅印象係好多海味好多咸魚,好多斜路要行, 仲好古董




* 很開心看到西邊街那條長命斜, 以前校車都路過這里. (我以前在香港的母校是在西半山某女校), 放lunch就去般含道的車厘歌夫買飯盒, 重有間惠康.   數年前我回港,  故意返回母校看看,  居然惠康還在同一地點.  源記的糖水其實唔係太好食....而佢舊清蛋糕都ok, 由我細個的4蚊賣到而家7蚊,  加幅其實唔高  (廿幾卌年都係加3蚊啫).   森美餐廳光顧過一次, 啲雞扒唔好食, "鞋拾拾" : 我提議下回介紹吓德記潮州菜館, 幾傳奇!




* 兒時我住在西邊街七號差館對面的三層高舊木樓地底 (當時叫地牢,你未必有幸見過住過,終日與老鼠蟑螂為鄰)。  當年多男茶樓對面還有一間同樣三層高的正心茶樓,即現時佳寶超市的位置。  趙醒楠跌打醫館行前幾步是茗泉茶樓,此乃正一地
我地 靚仔 陣時 時嘅 西環
PermaLink: https://articles.zkiz.com/?id=176682

我地靚仔嗰陣時嘅西環 (2)



* 太平戲院應該是現在的華明。 創業以前是創興倉和廖創興銀行,廖創興銀行當年是最早電腦化的銀行。 (70年代初) 屈地街近皇后大道西路口有間小玩具店,細個鐘意在那裡看"鴨仔飲水"。  行過啲火井以前有間"有天知"涼茶,再過啲有光明和大生文具店。 依家市政大樓以前有檔魚蛋粉,我細個果陣拿漱口盅去買魚蛋粉,看他們擠魚蛋,仲記得有次個老闆叫個女(我猜是他的女兒,約十來歲)說:"喂....."。個女就話,"喂乜野,咁大個都要人喂,你醜唔醜"。  依家山道麥記以前是金豪大酒樓,我細個住樓上,我外公在那裡做看更



* 我都係係西環長大,而家都仲係住係呢度添。 不過你講咁多間戲院,我只係記得福星戲院,細細個阿媽都係帶我去呢間戲院睇戲,最記得佢既....係佢d地方唔係好乾淨...仲有啲坐椅係爛既添....不過帶位果位朋友又可以比我地換位坐,都幾攪野。 在福星戲院門口有很多手推車售賣燒魷魚,好多零食賣



*  小時侯曾經爬上鐘聲戲棚頂,掀開鐵皮看免費粵劇, 太頑皮了



*  還記得當天下午到太平戲院看兩點半場李小龍的『精武門』,當陳真到日本人道場踢館,將日本人打得落花流水,將寫着【東亞病夫】牌匾紙張塞進漢奸(魏平澳)口中時,全戲院的人都拍手掌



* 我都係住响西環架, 常常會去福星睇戲, 我記得果度有超等和堂座兩等, 當時超等才28元., 我最後一套看的電影是紅姑的"緃橫四海"



* 福星戲院及太平戲院在我的童年都佔一個很重的地位;由於小時家住吉席街,夜晚時祖母間中會帶我和弟弟落街散步;沿吉席街往爹核士街走,會途經上海商業銀行、青州英泥、到福星戲院涼冷氣,記得戲院外一定有賣涼果的手推車。  我和弟弟最喜歡拿戲院的一些小咭紙、上面印著早場會放映的戲名(如果沒記錯)。   至於太平戲院、我在薄扶林道上小學,放學時偶爾從山道走到皇后大道,就在皇后大道西近屈地街有一兩間賣玩具的舖頭、是小孩子們最愛遛連伯地方,而再過一點就是太平戲院了,我們時常會到街斜路頂的戲院大堂看劇照;雖然沒錢看電影,但看看照片也滿足



另外值得一提;是太平戲院的實際位置,之前協助製作一個有關香港歷史的片集,當中有關于太平戲院一部份,當時製作人員對於太平戲院的現今位置都有過很大的疑惑、應該是現今的創業中心還是華明中心?經過當時我們反複考証,我亦曾問我的哥哥們 (因為他們是在石塘咀長大的),相信應是現在的華明中心機會較大。而我亦於網上搜尋到有此一段文字、現供大家作參考之用:  "位於石塘咀德輔道西的太平戲院是香港最早的戲院,也是當年香港最大的戲院之一。早期專門上演粵劇,曾經自組太平劇團,由粵劇泰斗馬師曾領班,上演過不少粵劇戲寶,經歷粵劇最輝煌的歲月。太平戲院於1932年重建,添置有聲放映機,放映中、西名片,令這所粵劇戲院兼具電影院的功能,見證電影由默片到有聲、由黑白到彩色的發展歷程;戲院座位增至約2千個,更設帶位員協助觀衆入座,無論設備和服務素質都大爲提升, 戰後香港電影事業發展蓬勃,粵劇電影也迅速發展,但粵劇演出則於1960年代末陷入低潮,加上電視普及、戲院行業競爭激烈等因素,太平戲院最終於1981年停業,最後一部放映的影片爲《摩登保鑣》,戲院拆卸後改建爲現時的華明中心"



* 摩星嶺應分開為五個區; 第一區即公民村平房區,第二至五區是木屋區。第二區是由現時的垃圾處理站附近;第三區(好像叫海傍村)在垃圾處理站往西,第三區應是四個木屋區中人口最多的一個區。第四區(好像叫福源村)應在潔心幼稚園對落至海邊一帶,而在潔心幼稚園對下的域多利道的巴士站對面有一間工廠(其門口石門應依稀可見);而第五區就是由工廠後的路口開始直至到摩星嶺徑的政治部拘留所(白屋)。   摩星嶺木屋區應是在1984年五月才最後限令搬走,而引至清拆的原因 (這只是政府講的原因) 應是1983年9月9日的颱風愛倫,而消防員應是在第五區救人時殉職 (殉職消防員叫招成就)



* 六十年代 , 太白台有間思源學校 , 我就在那兒讀過兩年小學 , 體操堂就在太白台的空地上做體操了 .   還有在上七台石階的盡頭有一檔味精勁重但有非常合我胃口的車仔麵檔,放學後最愛在那吃麵,差不多30多年前的事了,現在還經常懷念那碗麵



* 我以前細個住喺羲皇台唐樓,直至佢收樓遷拆,好唔捨得啲老街坊,那裹真係一個世外桃源,街坊鄰里關係極好,個個人都可以喺屋企騎樓同對面屋或樓下街坊打招呼或聊天。晚黑食完飯啲大人又可以落樓下榕樹下同班街坊聊天乘涼,細路又可以到處跑,好安全呀,無車無壞人,住地下的街坊都習慣日間中門大開。  各街坊都來自五湖四海,平日都守望相助,仲好多潮洲人住添!實在有太多太多的回憶,好懷念以前的日子,依家都無可能發生喺香港,分分鐘住咗十年都唔知隔離樓姓乜。  如果有人發起一個懷念西環七台的俱樂部來個集體回憶就好啦,話唔定可以認返細個啲朋友仔



*  豬腸粉和雞蛋仔都是盈盈小時候最最滋味的回憶。誠如你說的,腸粉檔主(加多近街與卑路乍街交界那個推車仔的豬腸粉佬) 記性超好,而且對客人的喜好也十分清楚,晚上最美好的宵夜莫過於此,而且他一點都不介意自備雞蛋給他。盈盈家的人都愛煎得香脆的腸粉,檔主知道爸爸大人不介意等,也樂意煎久一點以配合爸爸大人。據爸爸大人所說,他住在木屋區,但腸粉檔的收入使他是好幾間物業的業主,真真正正是不為人知的富翁,也許為了回饋街坊,他仍是早晚兩次於街頭擺檔,直至離世

至於雞蛋仔檔主,媽媽大人跟他熟稔,他雞蛋仔美味的秘訣,在於牛油份量比其他的重,而且是用攪拌器而非人手攪拌漿液,不過他應該是用石油氣來烤雞蛋仔,因為火力猛,烤出來的雞蛋仔才會外脆內軟。有一件事可能你不知道,他只有在夏天在西環賣雞蛋仔,因為他跟媽媽大人說過,冬天的時候他是在香港仔賣糯米飯的,意想不到吧


* 賣鹵味的矮仔佬 . 矮仔佬很可能是吉席街和爹核士街交界那間老掉大牙的士多的老板... 那士多叫"德記"用他名字命名。 他的鹵味(不是佢老味)因不加添色素,魷魚鬚及墨魚沒有加上紅色素, 魷魚 鬚比較 韌是小時不時常幫襯他的主要原因。  仲有個金陵戲院門口賣庶既跛手佬(細個時咁叫絕無不敬之意)!雞蛋仔就係和合街口當鋪門口有得賣,夜晚當鋪門口就賣雲吞麵,真係好好食架! 仲有一檔推車賣東風螺和炒蜆, 又有一檔推車賣燴蕃薯, 另外在果欄對面金源燒味出面有一檔推車賣的車仔麵, 我食那時五亳一味餸, 然後在街邊坐橙仔食麵, 加上棘油,好味.  在加惠民道口有一間麵包店叫好像叫新生命,唔知你記唔記得呢?



* 我小時候就住係羲皇台,記得在山市街和卑路乍街交界有很多小販:賣魚蛋, 涼粉冰檔 (果陣睇住佢地才開始在那裏擺檔,直至去年仲見到他們兩公婆在,好像賣雞蛋仔.  想想都有30幾年了).  近聯威新樓有間叫高士打餅店有美味的熱狗賣



* 唔知有否記得以前近渣打銀行那裡,有個婆婆買腸粉,多數晚上先開檔,她做了好多年了,5,6年前她還有開檔,不過有個男子幫手的,但近年已經沒見她了,小時候爸爸放夜班回家都會買來給我和嫲嫲做夜宵



* 煎豬腸加鷄蛋,甜醬,再加多芝麻! 好好食,現西環沒有人賣!  以前上小學時路經域多利道口 (即亞洲士多至梁松記) 門外都很多小食檔, 我記得有一檔是賣猪骨粥,炒麵,還有糖葱餅 (一排白色通心的糖及有溥皮包着).  "賣鹵味的矮仔佬", 他拿着小刀切切, 刀法很快!  以前士美菲路近厚和街, 有檔牛什檔超正! 以前是街市, 人又多站立來吃, 你會被人迫來迫去



* 我小時候返山道官小時在天橋底也吃過一檔令我難忘的糯米飯,那位嬸嬸隨了賣糯米飯之外仲買炒米粉及炒麵,學你話齋可能係加左豬油特別好味吧…個嬸嬸仲會落豬油渣添啊,正到痺.  另一網友回應: 山道的那檔糯米飯我也曾光顧過, 齋飯中有蝦米碎及蔥粒,  亦可另外加餸, 每款好像要加五毫, 選擇包括菜甫粒, 豬油渣粒, 花生, 蛋絲等.  現在回想起來, 它美味的原因應該是有溝粘米及撈豬油, 家母曾經試做給我吃, 但我只覺得很黏口, 不太好吃



* 缽仔糕呀姐後期喺美菲閣百佳隔離間涼茶鋪門口擺檔, 大約到 2002-2003 年左右就唔見佢啦,之後涼茶鋪亦倒閉,便再冇人提啦~~~~好開心你提起缽仔糕,我由小食到大~~~~!!!我記得佢有一仔一女, 後期讀中學會著住校服幫手睇舖,可能佢而家享兒女福啦~  另一網友回應: 我都記得呢個缽仔糕阿姐, 阿媽個時同佢好熟, 好佩服從前嘅人辛辛苦苦一蚊一毫咁養起一頭家



* 我小時候 (大概出世到8歲左右) 都是住在摩星嶺, 爸爸說地址應該叫做芽菜坑村 (我也不確定....), 但記得小學乘保母車時, 會在加惠民道警察宿舍下車, 穿過宿舍, 向上行, 就是我們村了!   雖說是在山上, 但是有些石屎路及梯級, 而且大家都是獨立一戶一戶的,  有各自空間,  屋與屋之間並不密密麻麻.... 那時候, 我常與我的狗狗及鄰居到另一邊玩捉迷藏, 另一邊有很多磚屋, 總覺得住在裡頭的人應該會很有錢...哈哈!  我們村大概於92-94年左右被政府回收清拆, 十幾戶的居民也被安排上公屋..... 真的懷念小時候的日子



* 我幼稚園是讀摩星嶺的潔心幼稚園 , 唔知聖嘉祿小學的位置算唔算摩星嶺?  講起潔心幼稚園, 還記得bb班在樓上, 中, 高班在低下, 對面有間被稱作鬼屋的荒廢了的屋子, 還有另一邊, 看到一戶人家養狗的, 一些同學仔隔著鐵絲網逗狗玩.  潔心幼稚園有新舊之分。 【新】潔心幼稚園改為慈星閣仁愛服務中心,  【舊】潔心幼稚園樓房仍在



* 石塘咀仲好多野可以講架!有金豪酒樓,金陵戲院,南方國貨,火井既神功戲,太平戲院,太平對面嘅公廁仲有熱水涼沖架,等等!仲記得第一套戲都係喺太平睇 (月光寶盒,早場前座) 後來都做個好多大片,好似半斤八兩呀, 李小龍啲戲呀!真系好懷念昔日兒時嘅事!往事只能回味!



* 我依稀記得正街第三街大排檔吃云吞麵是坐在檔口的長凳的小凳上吃, 高街有牛什河, 魚旦河.  附近有咀香園麵包, 一堆一堆小朋友在等出爐, 毫半子有兩個, 好像3毫子一碗麵.  在常豐里有一牛肉叔叔, 用兩枝鐵不停地打牛肉,一粒一粒的牛肉圓就浮在木盤上, 加點冬菜, 芹菜牛肉湯, 又香又彈牙, 每次媽媽總是待叔叔完成後就叫我手提外賣壺買回家, 叔叔總是每一次多給我一粒 ,那時祗記憶叔叔手擘很粗大, 牛圓嬸嬸細細粒, 大起肚子坐在木盤上放牛圓.  我還記得牛圓嬸嬸常對我說,能有一個女兒像你就好,皮膚白白好像紅蘋果,所以祗有他們叫我蘋果妹



*  我最記得係正街多男(酒樓), 惠康門口的燒賣男和跌打師傅趙醒楠.   以前投拄站已成了大家樂, 細個時在門口涼冷氣等阿媽買六合彩.



* 我的學校就係石塘咀煤氣鼓上面, 太平戲院對面係學校嘅跳遠沙池, 小六時曾跟一個最老友嘅同學仔係中環中國街買硫磺硝石, 喺個沙池搵個菲林筒整炸彈,當然失敗, 不過無炸死, 否則無今日係度吱吱咗咗.  果陣時我校嘅師兄都唔簡單, 好多時候都會係水街打下交, 水街有幾檔賣玩具,果陣時, 冇錢,放學走去"睇"!!!  大排檔又係,! 睇住其他同學仔嘆, 口水一面流, 得個"睇"字, 諗番都"幾過癮".    家陣水街完全冇咗小時嘅場景,  搵唔到的咁多嘅痕跡!!! 旭明街都冇咗㖭!




* 以前住戰前唐樓,很窮,家家戶戶都燒柴,柴來原是地盤拾回來,啲木有時给地盤漬水弄濕,我地用柴力劈好,等太陽晒乾先可以燒,通常家家家戶戶都把柴放在樓下大街或騎樓晒,當驟雨來臨便叫大眾收衫收柴。我兒時住地方就像灣仔<藍屋>的格局! 還有,當時無廁所<倒夜香>, 沖涼同煮飯都在同一地方, 一屋三戶人家要等沖涼就有排等, 媽媽好鍾意煮完飯,當柴變成炭時就<煨魷魚>食, 但冬天熱水沖涼就會好暖。  記得呀哥出街玩到連食飯都無返屋企,呀媽用條大柴嚟打呀哥  




 以前生火煮食用報纸的, 家姐貪方便用小量食油起火, 媽駡個不停,易生火警。  生火好考功夫, 一不小心整屋煙霧迷漫, 咳到眼水流哂 。  劈柴會<慘>刺, 啲木有釘先要拔起啦! 好易損手,最慘回南天,煮食油煙上升屋頂,結成油屎,回南天便會滴下來,入廚房要用報纸摺帽帶上先可入內,我地會稱呼<煙屎佬開工>又滴下來了  




唐樓有14幢,分開兩邊互對,中間有大空地,有人養雞,我地住二樓,在騎樓望落街睇住雞生,即沖落樓拾,當然雞主唔知啦 。小孩時很開心到空地跳象根繩、跳飛機、彈波子、拍公仔纸、红綠燈、何濟公等....多不可數。除此之外好有節日氣纷.....七月、中秋、新年、夏天落街瞓帆布牀看星





* 小時候穿木拖鞋 (可以自已選拖鞋底), 叔叔會即時用釘子蓋上一片膠拖鞋面, 家用炭爐算是小康之家 , 炭爐底媽媽會放上一兩個蕃薯, 一個月會開油鑊炸肥豬肉, 豬肉烤乾後,就是現在再重現的豬油渣, 我最近試食,一點也不是兒時吃的感覺, 很失望...  一年才有機會買新衣, 以前物資並不豐富, 但小朋友之友誼卻今非昔比.    鄰居是燒柴的, 他們不知是人家交來還是自己上山取來, 小時候總是看到哥哥們在空地上砍柴, 好像西部牛仔片一樣, 用柴刀破開, 遍地布滿曬乾, 一天陰就聽見鄰居大叫落雨收柴.    記得以前細個時見到差不多同年的小孩在街邊賣字花



* 有無人記得有條己消失的小街名 "其昌街",  在"爹核士街" 近聯邦新樓的一條街,  約在六十年初期消失了. 另一網友回應: 其昌街係其昌洋行貨倉嘅一條短街, 冇咗咯! 即係均益街係均益倉自己嘅短街一樣.  其昌洋行當年係香港幾大名洋行之一, 家陣唔知仲有冇喺度?



* 我係華富邨第一批職員, 我調去時臨時辦事處係西環邨, 初到華富時,還是地盤, 果陣時, 過癮咯, 朝早走落下華樂樓下面嘅海灘游水, 收工後去瀑布下面"錯"泥猛", 開村時,好多人搬咗入去因為各種原因搬番走!!!  華富邨第一間舖南山麫包店, 兩個妹妹都很友善, 華富酒樓一開始便好旺, 因為建築工人眾多, 而街市的肉食公司係姓黎嘅兄弟開嘅, 刹那間, 三十多四十年了, 跟著去了瑪麗醫院工作, 係沙宣道,午飯時走去牛欄同啲牛傾偈, 唔到你唔信, 啲牛認人嘅, 有同事就係薄扶林邨居民, 好多時都去打麻雀, 有時走去薄扶林水塘發"淆豆" 直至夜校中學考到會考,離開政府為止




* 屠房成日都好似好深鎖咁.  我細個住在觀龍樓時經常在長樓梯上望過去,  好想看下裡面係點架,  但當時一無所獲啦.  至於那在黃昏4時多就會傳來好臭味的焚化爐.  我在呂明才讀下午班時真的聞唔少.   當我離開了西環之後, 都會偶爾回去回味一番




* 我係木箱婆個孫,哈哈,你有冇行過入嚟呀!你住的後面,巷仔入面呀。我家做木箱,工場放好多木箱木板果度。我係要巷仔行入去中間, 海皮果邊都得.   嘩,原來我地近在咫尺,現在才知。  咦,咁你係邊個,你應該見過我細個喎,哈哈。  你係在士多辦館樓上,豬油廠樓上,理髮樓上,周彪國術館。    士多辦館,我買一毫子一粒糖, 廿幾年三十年啦,好大個玻璃樽,好多糖呀!  佢個新抱讚我乖女,次次比多.  【 往事並不如煙 】 老倌劉克宣,都响西豪拍過戲,拿住雀籠,談笑風生。  果陣時好轟動㗎,西環有拍戲睇。  陳李濟旁邊有倆公婆開檔買印章, 响飛髮佬門口側。   飛髮佬現還响度 飛髮。   我屋企拆晒囉,五街之中我們幢樓最大㗎, 一層一間,我家有五間房兩個廳。  嘩,我見到我家天棚呀。   我們是街坊。 食過 西 環 碗仔翅 ,廿幾年前 果個 郵局門口,哈哈




* 我記得好細個時, 阿媽帶我去多男買蛋糕仔, 以前食過最好味嘅蛋糕仔就係多男蛋糕仔, 好似個心型咁嘅,上面烤到啡色, 甜啲濕潤啲, 下面係牛油黃色,乾身啲 ... 回憶係好味啲.   健文街前好多嘢食囉~~煎腸粉 [加沙爹魷魚]、美味糯米飯加豬油加豉油沖花再加條潤腸同金銀潤添、冬天食完去返學滿足又飽暖、真係正 !!!




* 我童年住在厚和街華僑子弟學校旁, 以前厚和街多熱鬧! 因它是街市,人來人往, 現街市搬走了, 現變為SOHO食街.  華僑學校的舊址變為厚和街的地標, 應該是厚和街最舊的房子, 現翻新了, 以前所有附近的唐樓一拆而清!  而我手上一張厚和街的舊照都沒有, 可能搬家時失掉,真可惜!! 現只能回憶到以前街上密密麻麻的菜檔, 魚檔, 雜貨檔,水果檔, 燒臘檔還有玩具檔叫"權記".  印像還有一檔賣泥猛粥的很好食.  現只能靠腦子里的殘影描述出來,光陰失去便永不復還! 也不能用金錢買回來! 我跟我十五歲的女的童年比較, 我感覺得自豪, 因那時沒什麼零用錢的,  開心是要自己去找的, 跑上山捉"金絲貓", 去"沙山"玩 (現堅尼地城巴士總站的位置,)



我現在住在西環, 真是對這地方很有感情, 西環是富有歴史性, 早期有貨運碼頭, 米倉, 魚欄, 菜欄, 屠房...,童年時在吉直街海旁看見很多苦力把在貨船上的大米, 一包一包搬到米倉里,  我現住的地方以前也是米倉,  說到陳李濟藥廠外的雲吞麵!  真是很好味!!  加一點橙紅色辣椒醬,更和味! 好像叫"單眼佬雲吞麵", 現連卑路乍街的松記麵店也結業,真可惜




* 五十年代,重未有"茶餐廳",只有咖啡店或冰室, 伙記睇數話 : 開嚟"拎你頂帽", 即係食一位早餐,  價目係$1.60全套, 老闆做收銀員, 聽到無名火起,  成日呌"拎起頂綠帽", 唯有加價一毫,就係(蚊禮拜)啦!!   各位顧客記住唔好飲"滾水雞蛋",  伙記會大叫:"一個和尚跳井呀"  !!現代叫凍啡做「雪車」。   以前飲完茶,去櫃位埋單時,可能聽到伙記大叫:「開離蚊乸住,跟住又係,再離大姑娘沖涼!」 , 即是當時有三個客連續埋單,分別是1.5元及1.5元,第三個是六元 (淥雞) 也



* 70-80年代啲茶樓同酒樓, 興用女仔賣點心, 約13-15歲(叫做點心妹),    佢哋叫點心名稱{笑話};  例如; 豉油王燒賣[事頭婆訓教], 魚翅飽[唔似貓], 鮮蝦醎水角[先生醎水腳], 跟後果個叫腸粉[兩份],  嘻嘻哈哈!!!!!因用大蒸籠莊食物賣(圓形),似呔盆, 所以叫 .[揸大巴士] , 一碟一碟咁奉送出來,  所以叫  [賀壽]!!!!!!



* 北街以前仲係街市既時候,每天送完個仔返學就會行去北街買餸! 好記得佢, 賣鯇魚個大隻佬,佢啲鯇魚特別大特別靚囉!同賣雞既小販,好nice架!大隻佬搬左上新街市,我都有幫襯佢,後期這幾年見唔到佢開檔啦! 聽到啲小道消息話佢因財務問題,已經自殺身亡,你話人幾化呢!




* [約1960年代位於石塘咀的晉成街.....整條街道亦因興建石塘咀街市而消失].  其實在晉成街消失後,  那幅地有一段長時間係林時公園.   我記得以前在公園內, 和區內同年歲的人踼足球.  而那裏不是平地,  公園的鐵網又不是很高,  所以時常都把足球,  踼到馬路上或對面的店舖~!   試過一次踼到馬路上,  足球被車輛踩爆~!  也試過無真皮足球踼,  大家就用$3買一個,  空心硬膠波 (又稱西瓜波)踼.   後來得知聖類斯中學,  每逢星期日都會開放足球場使用,  我們就去了聖類斯中學踼, 而要在聖類斯活動, 都必要需參加讀聖經的,  讀完聖經就會到抽獎時間,  $0.5買一張抽獎券,  每逢有單車或好玩具做大獎,  所有人都會買多張抽獎券抽~!   我記得我個朋友就抽中過,  單車和大大盒模型~




 [水街與皇后大道西交界處的地下公廁],  應該係80年代後期才清拆~! 因為我以前在水街近公廁的地方, 在一間金漁店舖, 購買我第一個漁缸的. 我記得我有下去公廁小方便過~! 



* 爹核士街公廁對面有一間樂育小學暨幼稚園,我曾在此念書,對許校長的諄諄教誨,至今未忘! 另大家可否記得在公廁旁曾出現過一間由黑布搭成的賭檔,回想當日的荒謬,真使人有人間何世之慨!



* 香香餅家兩旁有很多小山寨廠是啤膠花和膠公仔的,街口有兩大排檔賣咖啡茶多士,希望這裡有人會知道我想到的一個地方就是路口的樓房曾經有一間寄宿學校叫松鶴,是嗎? 牛房,每天早上返學時都會看見那些被拖著去屠宰的牛群,發出嗚嗚的哀鳴聲音,記憶深刻



* 我家住西環石塘咀.   記得細路仔的時代, 大廈對面還是一間舊式的士多, 同 李寶龍路的舊士多, 舖面樣貌很相似~!    不過頭頂還掛上[西瓜波]和其他玩具. 那時的可樂,  還有1公升玻璃樽裝,  個蓋是以金屬製做.   而細樽玻璃樽可樂, 是放在冰水櫃內雪凍, 玻璃樽加冰水櫃的可樂,  係最冰凍和最好飲的~!   而對面行人路的鐵攔, 還是你張蒲非路相中那種.   我時常都跳攔過對面士多瀏覽玩具 (齋睇無錢買).   有時有零用錢,  也會買雪條食(孖條或穿梭機)~!   細路仔的時代, 生活比較簡單和開心~




 * 泳池的前身應該是士美菲路牛欄,佔地面積比泳池還要大。  每天早上除了用牛車送去屠房屠宰外, 中午還有時乾脆用兩個牛欄員工一前一後的拉三或四條牛踱步由士美菲路,Belcher Street去加惠文道的屠房。 那時士美菲路口是紅匣玩具廠, 養了很多工人, 所以中午時經常人牛爭路,很攪笑。  是70年代的事了, 人生就是如此, 小時候在西環有豬場, 牛房, 雞場, 菜欄,香港實業(metal), 泳池,現嘉輝花園前身煤氣豉, 小時候西環尾做假髮小型工場, 還有濃濃人情味 ,  時代巨輪不停在剪除一切!  那時還是小時候, 不覺間我們已變成懷舊的一群眾 




* 西環真的是一個值得懷念的地方, 蒲飛路口向觀龍樓真的有不少木屋,  兒時進去過, 山邊還有祖墓, 何氏家族的墓地, 成為我們的兒童樂園, 真的已面目全非!  還有一班小時候的朋友仔! 不知仍在否?




*  一年到晚的大時大節,舖頭都依足傳統慶賀,清明去掃幕,端午節去看賽龍舟,七月十四燒街衣,八月十五吃月餅,重九去登高,又去掃幕。我全部都 有參與, 經過幾年的經歷,我已學了傳統,成了半個八股佬。雖然時代在變,我仍然樂於回味往事




最樂於回憶的,正是新年的大日子,舖頭在十二月十六做了「尾禡」,就開始收拾,趕貨的就趕,結賬的就結,過了一星期,又要「謝灶」,所謂<官三民四>,人人都想做官,所以大多家庭都選擇年廿三「謝灶」。那日開始,理髮店就加價 50% 至雙倍。再過幾天,太子就會拿著賬簿,帶著我們幾個小的去紙行 ( 供應商 ) ,去鑄字廠 ( 也是供應商 ) 等店舖做年結。付欵時,他就把我們推出來,並教我們伸手向供應商討<炮金>,那相當於今天的回佣了。我們知道,我們當時都只是在演戲,最後的「炮金」都沒 有落入演員的袋裡




年卅晚開始,舖頭一連休息四天,伙頭在早上已開始準備團年飯,這是一餐很重要的飯,也是最齊人的,就算要返鄉下的師父,也得先吃完這餐,才能起行。通常在吃飯時,街上已開始有人放爆竹,(其實太子的炮金應該是給我們放爆竹的,可惜.....),此後一直到過了年初二才靜下來



雖然舖頭關上門,但在這幾天却比平日更忙更旺,因為以往在這裡「出入」的伙記都會回來拜年,有些更帶著家眷回來。沒㩗攜眷回來的,都是借拜年為名,賭錢為實,圍在舖內長期開局,賭足三日三夜。那時的我,很少出街,因為我要做「收租公」,大發「利是財」,當時五毫子的利是已算是「大封」了



年初二的早上就是「開年」,應該算是「頭禡」,中午的一餐又是大魚大肉,伙記吃飽了,要趕下場的就走,要賭的繼續賭,伙頭就夠忙了。 如此這般就過了年



網友補充: 本地人也是十六做禡的,初一、十五是齋期,初二、十六是葷期。以前有句話,「初一、十五伙頭粥,初二、十六事頭肉」。以前我在舖頭時,逢初一、十五早上,伙頭都煲了大煲粥給師父吃,又裝香給地主。逢到了初二、十六晚飯,就有雞有燒肉加餸。我事頭是廣州人,所以我相信不分潮州、廣州,做禡都是在每月的初二、同十六。 四,五十年代廣東人的鋪頭初二,十六做禡就時常見到大扇雞, 牛白腩和豬肉湯, 扇雞就是閹了的公雞, 童年時常在街頭見到閹雞, 用網將雞網住, 用些(燒酒)迷暈就閹, 很快就做完, 用酒搽搽傷口, 便放牠入雞籠, 可能傷口細, 很快就無事, 劏雞劏魚都是殘忍, 但一直都是無人管的, 後來有人建議先將魚扑暈才劏, 但魚是否已完全昏迷, 誰曉得, 日前有人做手術, 病人未完全麻醉便劏, 同劏魚無乜分別.   至於謝灶,古語說「官三、民四,發瘋五、疍家六」,言內之意,廿三、廿四、除了廿五,就算廿六都有不同的人謝灶,過了廿六,灶君老爺就返天庭述職了

我地 靚仔 陣時 時嘅 西環
PermaLink: https://articles.zkiz.com/?id=176683

我地靚仔嗰陣時嘅西環 (1)




 屈指一數,原來我寫blog已有近八年的歷史,其間累積了四百多篇網誌和近七千個回應。  這兩天突發奇想,為什不把網友們有關西環的回應整理輯錄,自成網誌,在此發表? 西環友們的回應,其實不亞於一篇篇濃縮了的 "我的西環/童年回憶",他們各自在不同的時空,在西環流轉,其經歷,所見所聞,所思所感,把我們帶回不年代不同的西環角落, 活脫脫便是一個個趣味盎然的西環/童年故事,而從另外一個角度來說,這些軼事, 片段其實是上乘的口述歷史,每個小故事,每段經歷都呈現了當年的各式各樣的風土人情,以及當時的人文風貌,彌足珍貴,很值得各位西環友及同道者細味回甘。



然而當我將此工作付諸實行之時,卻發不如想像中簡單順利。原來我從雅虎搬家到此,在搬運過程不知是技術問題抑或是格式對,很多網誌內的回應竟然翼而飛, 不知是被刪除或者遺失掉,更有甚者我在雅虎Blog年代的回應的亦全部消失,其結果是很多甚為珍貴的資料流失在網絡空間里無處尋覓。 猶幸大部份早期有關西環網誌的回應仍然健在,此網誌才能成事。 在輯錄期間,我盡量原汁原味地保留網友們的留言, 原文在可能範圍作改動 (只是為了便於編排,我偶爾會將幾個內容相同的回應合併,方便閱讀)。  希望各位閱灠之餘, 也都告訴我你的西/童年環故事,好讓我可在此和大家分享. 



又: 若個别網友喜歡我以此形式發佈其回應, 敬請告知, 我定必立即删除.  



* 過往的回憶總是美好的,現在的西環,坦白說,真的有點陌生,陳李濟、福星、舊街市,都全部不見了。太平辦館,入境處,加多近街的大排檔都統統被社會淘汰,香園就算搬到熟食中心,依然捱不下去。當年的小販也遂漸減少,盈盈最懷念當年的煎腸粉和雞蛋仔,那味道已多年沒有吃過了,也很難忘記,雞欄還未搬走的時候,盈盈在旁邊的一個真正車仔麵檔吃麵,隔壁的木箱還沾著雞毛(那時還沒有禽流感的忌諱)。中秋節時,盈盈常跟哥哥們到牛房的臨時公園玩,現在都已是街市了。  爸爸大人的老家在第五街,現在變成了泓都,不過盈盈在西環的老家,依然存在,可喜可賀啊.    對了,現在士美菲路的百佳很久很久以前是一家辦館,但名字盈盈不記得了,你還記得嗎?



* 我亦是在六零年代初於西環厚和街 度過我的童年。 還記得厚和街近士美菲路曾經有間好世界大酒店嗎?有時會見到大 紅花轎及一隊中樂隊-D打佬-大鑼大鼓迎娶接新娘隊伍出入厚和街。  還有两間製皂廠:昇平及上海梘廠於厚和街44-46號近爹核士街電車 路那邊斜相對住,有節奏轟隆轟隆的"印"番梘,同陳李濟的有得揮 。兩間上海理髮店:西江在爹核士街轉角,有個露宿者叫" 那乍"長 期在西江側邊駐紥,另一間在持平學校及九龍醬園隔離(還記得九龍 醬園嗎)。 再過隔鄰是"然記"士多,樓頂有十幾呎高,天花長期掛住個 放射型個鐵環圓圈中倒插著幾枝荷蘭水架, 一次過有八至十枝綠寶橙 ,屈臣氏哥喇及玉泉最常見; 店前方有個有流動水的汽水柜(當時還 未有咁先進嘅雪柜!),垂直的插滿各款汽水


然記對面在單數號碼一 邊的厚和街是豬腸粉舖,此舖用屋後面天井做厨房製豬腸粉,腸粉有 齋腸,虾米腸及淺啡色的甜腸粉,每逢早上返學時間都逼滿人,家長及 學生。再隔離便是華僑子弟學校,還記得在學校入口檔著一塊寫著" 奮""毅""誠""明"四個大字的高過人的深綠色的間隔板。返回双數那 邊近士美菲路,在肉食街市旁有樓梯上二樓有一間"油燭工會"小學, 就是我讀一至三年級的學校。厚和街中間至近士美菲路那段有一列 鋅鐵搭成的檔口有兩檔毗連賣玩具的攤檔:一間叫"權記"-權叔權嬸, 另一間由兩父女睇檔;以權記較受歡迎,有毫半子一次的蛋角(用製 蛋卷方法,用麵粉蛋漿壓製成一三角形蛋角,內藏一三角形粉紅色印 上黑色綑邊號碼)"潛籌",19,20號,衹可換回斗零價值,9或10號則"中 大奖"伍毫。在權記後面不遠的地舖是"廣利"粉麵,專造沙河粉及蛋 麵生麵批發及門市;還記得老闆娘講解"濕"粉(用來放湯)及"乾粉"( 用來炒河)的分別,至今仍歷歷在目


*係山道有一間七十年代叫「山道官立小學」的學校,後改為「佛教慈航中學」相信現在學校已不存在了。 仲有七十年代水街及高街各有一間「威靈頓中學」,當時校譽二間差別卻很大。 仲有在皇后大道西及德輔道西(山道至屈地街段)中間有一度叫「火井」的地方,裡面也有很多熟食檔在內。   位於皇后大道西接近上環那邊的蓮香酒家亦於70-73年(詳細年份己經記唔清楚了)搬到威靈頓街。 仲有一間好舊式的酒家在皇后大道西東邊街定正街的,那裡有很多伯伯帶同雀籠一起在那兒飲茶的。 仲有漢華中學及北街街市 (七十年代老爸經常帶我去,現在應該己不存在了)。 山市街巴士總站還存在嗎?我記得以前係坐海底隊道巴去「荔園」的


*  我係西環大的,記唔記得新中華對面以前有間檔鋪? 士美菲路電車站(往西方向)那裡以前有間酒莊,裡面好多小老鼠、蛇等藥酒泡在大玻璃瓶內,當中有馬騮酒,我次次經過都好驚覺得好恐怖,仲試過因此發惡夢。 知唔知西區第一間超級市場是那間?是山道果間惠康,當時覺得好架勢。仲記唔記得以前舊消房局到街方福利會之間,防空洞邊有山水流出來,常常有些苦力之類在那洗澡,還有D婆仔在那裡洗蔥


*  現在重建後的寶翠園是以前卑路乍炮台的位置. 舊寶翠園是公務員的宿舍,當時仲有兩座大炮在山腰的位置,現在其中一支大炮已放在海防博物館.  另外,摩星嶺青年旅舍是由當年的摩星嶺炮台改建的.在那裡影日落好靚的.現時仍然存在的還有域多利道堅尼地城賽馬會診所, 記得行過西環屠房 ( 牛房 )有時會見到工人拉著牛牛行街街


* 我係 觀龍樓 住到小學五年級就搬出去, 最正就係啲走廊超闊, 依家搵番d 咁樣的設計都幾難!! 細個果陣經常係啲 走廊自由地 踏三輪車。有啲大哥哥更會踏滑板!! 依家啲屋肯定唔俾咁做。天棚有間聖念慈幼稚園,同小童圖書館勁多老 夫子借!!! 


* 初搬入去西環邨是住東苑台,後叔搬走,人口少了,被遷至西苑台,八逹學校,一早起來便見到,咁樣同版主街坊到唔街坊咯!!!!那時候,香港人還保留"農村的樸素及濃濃的人情",本層的居民全部互識,小孩,中孩,大孩都是互動,互玩,互讀,如今"此情不再"了!!!!


* 西環邨盈盈是十分熟悉的,因為盈盈的外公就住在那裡,媽媽大人就是在那邊出嫁,現在最小的舅舅仍是住在同一個單位。小時候已經覺得西環邨像一個大世界一樣,有九曲十三彎的感覺,很喜歡跟哥哥倒以及鄰居的小孩玩捉迷藏,也有在公眾的空地踢足球。雖然樓宇的結構經過多年以來已有修改,但格局跟廿多年前仍是一模一樣,對盈盈來說是西環從沒改變過的一個記憶


* 我的爸爸說他當年由鐘聲泳棚游到「大舊石」(我估是指青洲吧),不知是否算是高手,因為我不懂泳術。  從堅尼地城沿域多利道行, 先到鍾聲泳棚,約300米後才是金銀, 當年游泳來回金銀,鐘聲無數次.  最好玩的就是佛山,大來輪經過時的高浪, 在鍾聲浮台下水衝浪.   鐘聲泳棚原先是在鐘聲小學對出的海旁,後來搬往金銀泳棚西面,其門口設在摩星嶺第二區的對面


* 從記憶以及舊照片,盈盈三、四歲就已經到美寶吃飯,它們的羅宋湯味道真的很棒,據盈盈所知,其實美寶也曾幾度易手,最後一次的光顧時盈盈已經中一了。高士打的西餐,盈盈已沒印象有沒有吃過了,不過它們的麵包西餅,是盈盈童年時期的指定早餐,最記得的,是幼稚園時期,將要過生日的小孩都要買一個生日蛋糕回校跟同學分享,第一個蛋糕就是在高士打買的,而且有米老鼠的圖案,為什麼盈盈會記得這樣清楚?因為盈盈的名字對蛋糕師父來說好像有點複雜,所以蛋糕上的名字是錯的


* 現在實惠的位置是當年 "康年酒樓"(我就住康年樓上,樓梯有一度門可以去到康年的一樓後門. 而高士打的位置是今天的"佳記", 而高士打有一間專賣西餅麵包的鋪位, 在三座聯邦大樓中間的空地近商場入口的舖


* 美寶現在的位置是可可店, 因為我住在樓上,我對美寶沒有好感,因為是罪惡黑點, 晚上常常有人打架.我住的地方對著康年的點心部, 早上四點已經開工,又吵耳, 當年康年關門時不知幾開心.  讀中學果時 , 美寶一個 " 學生餐 " 只係 $5 ,有麵包 , 餐湯 , 飯或意粉仲有杯野飲 , 好抵 . 高士打就要 $ 8


* 我覺得高士打最美味的是栗子麵飽。當年高士打開張後,是堅尼地城最高級西餐廳,入店內水晶吊燈,有輕音樂,高靠背卡位,侍應生穿西服打領帶,收費比其它西餐廳高。 麵飽西餅亦不錯,曾經有一段日子家中有人生日都在高士打訂做生日蛋糕


* 高士打 has my best memory in life... 我記得在那年代, 除了在高士打旁這茶樓, 我媽媽也最喜歡帶着我和妹妹還有另外兩間茶樓在西環尾, 一間叫西豪, 另一間應是英豪 ... 因這間轉過名字, 所以不太肯定 ,在這三間茶樓來回的輪着 去午饍.  至於餅店, 最喜歡到告士打買麵包, 印象中, 若然也帶着妹妹的話, 一定叫我在一旁看守着她, 由她穿插過買包的太太們去買麵包. 有時候, 因為不太想跑動的關係, 會到另一間叫生命麵包店的店子買麵包去, 因為這店子與我家的距離較為近一點


* 我住西豪茶樓六樓 ,樓下均益街有間祥興士多,有得租麻雀枱、康樂棋。夜晚就開幾張枱仔係街邊賣糖水和疍糕, 生意越做越好,老細就索性唔做士多,一家大細出鋪頭幫手,其後,改名做「可可店」。  小時候,老闆娘見到我就攬住索吻, 過好耐無見佢 囉 ,唔知佢近况如何呢?高士 打 餐廳有個窗口仔賣熱狗, 啲熱狗包係有人買才逐個搽牛油,然後放在酒店Buffet用個隻多士爐烘,腸仔就放係熱爐轉轉吓,好過引,想起口水流緊



* 其實大家有冇以下兩間餐廳嘅印象?石塘咀嘅華都餐廳和海南餐廳?華都於80中??因收樓重建而結業。  海南後來搬至山道天橋底繼續至90未期。老板因退休理由而把餐廳結業。很難忘海南嘅咖哩,鐵板餐,海南雞飯 (華都餐廳其實搬去般含道營業, 易名馬來)


* 我記得三角碼頭附近食潮洲菜最近是去威利麻街及其附近啊(七幾至八幾年間)!那裡面有好多排檔都係食潮州菜的,可能那個年代潮州人都比較節儉,唔多上館子吃飯吧…所以多數係排檔。 而在屈地街至山道裡有個叫火井的地方也有潮州菜吃的,而在皇后大道西以前吃上海菜很出名的「五芳齋」對面就有間專買潮州食品的士多添!那時候金豪至屈地街之間有條路仔上保德街那裡有個伯伯買的潮州鹵水鵝非常捧的.   以前同阿媽成日去" 康年 "飲茶。 唔知你記唔記得仲有間 " 貴賓 " , 當年因為港督 (好似係麥理浩) 飲過茶, 所以當時幾出名.   威利麻街喺大約40, 50年前有檔大排檔叫"強興", 起初係真粥麵,後來約30年前開始改做小炒火煱. 有冇人有印象?



* 七十年代水街舊時有一檔檔隨街擺賣的街市,那兒還有很多很多的大排檔,有食湯粉麵的,也有炒餸的,我最愛吃水街底的炒沙爹牛河,現在吃不到.沙爹牛河最正就係以前嘅潮州巷,俗稱〔屎坑巷〕,即係依家嘅 皇后街帝后華庭附近,當時一條小巷裡面,有好多檔大排檔,主要係食潮州菜,尤其沙爹牛河,真係好正,其中尚興、兩興、亭記都係表表者。而家只剩尚興最威,變左富豪飯堂,最初尚興地鋪都可以外賣沙爹牛河,但而家就無啦! 西環海傍以前好多米倉,好多苦力搬貨,細個時見過佢地用手鉤打架,嚇死我!到而家都好驚手鉤!


* 我都係西環人, 屋企樓下以前有輝記士多 (仲有一間辦館晌隔離, d野易壞又呃錢, 唔記得叫咩名), 源發書局, 求知書屋; 大個少少又有間富城書屋, 禮頓琴行. 後黎都搬嘅搬, 執嘅執.  仲有而家市政大樓個位, 以前係好似係牛欄. 上少少球場就係街市



*我最喜歡食嘅,是中山茶樓的班腩飯.  中山酒家/茶樓是堅尼地城很久的茶樓了,它位於卑路乍街同士美非路交界,在變壓站對面,門口開在士美非路,需要上樓。中山茶樓位於現時交通銀行樓上,小時候到中山茶樓讓長輩點我最喜歡的錦鹵雲吞!



* 各位舊街坊,還記雲泉茶樓嗎?它位於吉席街與加多近街交界處﹙電車路內彎﹚,是老式茶樓,吉席街與加多近街都有門口入內。在我記憶中,還有一間茶樓處於加多近街,界乎卑路乍街與吉席街之間,叫麗晶茶樓。 還有人記得嗎? 以我記憶,『平香豆腐舖』的前身是『永平 豆腐舖』,位於北街與吉席街交界,最好吃的是豆腐花及生煎牛肉包



* 平香豆腐舖是我每天跟嫲嫲吃早餐後去買餸的店舖,又是一個美好回憶,因為她已過身十年了, 我還印象深刻.  那康年酒樓那鐡板牛柳絲麵,一上枱鐡板下蟻群洶湧而出



* 五十年代,德輔道西如今東方護理院左近,有一間茶室叫永春茶室,舖後有幾個大雞籠,養有不少雞隻,那時的盅頭雞飯及淮山雞扎是現宰生雞隻做的,雞飯面的雞魂伴以冬菇,羗絲,哎唷,香氣迫人:雞扎是雞塊,百花肚,火腿,肥叉燒,冬菇,扎以淮山角,鮮,甜,香,嫩,美,"絕品"!真的絕了,很多酒樓都淘汰了這點心,就是有的,完全走了樣,礶頭火腿,雪雞翼.  他的雞球大包也是妙品,有鹹蛋黃等等,今時今日又是"差不多"絕了!!!石塘嘴的金陵酒家,中共"國慶"時,印務工會都在那舉行聚餐,多跟老豆去"飲",有"好東西"吃,有"抽獎",有"燈謎",好熱鬧




*  金陵閣印象中好似在皇后大道西,我記得金陵閣鄰近國邦酒樓嘛,金陵閣隔離那條路仔係上寶翠園,而且每天下午四、五點在金陵閣條路仔隔離間當舖側有個嬸嬸賣花生糯米糍,仲好正添架


*  記憶中,在下於1960年之前,曾偕母親到太平觀看由廖俠懷與黃金愛合演之「十載繁華一夢消」,及到金陵觀看關德興主演的「魚腸劍」。   在下特別喜歡到太平,因貪其大堂中排座位,每隔行便有一沒靠背之鐵座與邊座相連,如此在下便可据此座而不用坐在母親腿上,舒服多了

我地 靚仔 陣時 時嘅 西環
PermaLink: https://articles.zkiz.com/?id=176684

親睹Machine Learning 辨別靚仔靚女

過去兩星期,恆指每天都錄得升幅(除了上週三),成交額大概500多至600多億元。而本欄曾提及過的價值投資型股票中,最奪目算是大昌集團(0088.HK)。股價除了創1年新高,更創了3年新高。大昌集團是本地的小型地產商,亦有投資美國的地產業務。以往分析該股,優點包括資產價值大折讓、債務很低、現金流充裕、預期收入不俗,而且股息穩健。缺點是股價波動小兼且交投不活躍,但過去幾天價量齊升,值得投資者注意。詳細分析以及公司估值,可參考舊文,在此不贅,免得被指呃字數。

昨日車品覺兄在《全民大數據》專欄,展望今年的科技發展趨勢時提到:「人工智能與大數據的巨輪將繼續全速前進」。而上星期其中一宗大新聞,是贏遍國際棋手的Master 自揭身份為AlphaGo 升級版。Master 的圍棋對奕結果除令人驚嘆,亦再次掀起廣泛的人工智能技術討論。

其實坊間對「人工智能」至今未有一致的定義,若硬要區分則可嘗試用四個層次觀之。第一級是加裝了控制程式的家電用品,所謂的「內置人工智能」等字眼只是gimmick,實則是系統工學。第二級是典型的人工智能,程式系統的行動模式變化多端。這級別的人工智能可以理解input 和 output 的關係並產生大量組合,實際應用包括醫學診斷。第三級的人工智能,則包含了機器學習程式,系統會根據大數據找出input 和output 的關連,就如模式辨認(pattern recognition),然後自行作出判斷。而近來媒體經常提及人工智能,多數屬於這級別。第四級的人工智能則是加入深度學習,即整個過程中有很多的變數和組合。


人工智能(artificial intelligent)、機器學習(machine learning)和深度學習(deep mind) 都是近來的熱爆詞彙,看到就覺得複雜和技術含量極高。上週筆者參與一個程式員聚會,其中一位講者Andy 即席演示如何使用神經網絡(neural network) 鑑別相中人是男或女。他說坊間有多種相關的開源軟件,讓程式員直接使用,包括Google 的Tensorflow。又笑指深度學習只是多加幾層(layer),增加變數,然後隨即在螢幕上將 code 連貼幾次,令系統更"deep"。然後將預先準備好的1300+ 人類大頭照片輸入,再執行開源碼,系統即多次嘗試分析。一般而言,幾次之後會找到更佳的組合,提升辨認男女的機率。數分鐘就運行完畢,Andy 再輸入10多張照片讓系統辨認,程式根據剛才的學習結果分析,並估算相中人是女性和男性的機率。當晚系統表現不俗,能正確辨認大部分相中男女的性別。這次的即席示範,讓筆者感到機器學習和深度學習技術,並非那麼高深莫測(至少當日的codes 都大致看得懂)。雖然開源碼背後的理論和技術極高階,但就如使用智能電話或搭飛機未必會理解其運作原理,普羅大眾應用AI 和機器學習軟件時,也不需要完全理解背後邏輯。現在是大數據時代,而大數據和人工智能相輔相承。只要數據量夠大,系統記憶體夠多,而且運算速度快,就可應用人工智能技術。

筆者要真正了解人工智能,顯然有極大段距離。套用不同程式員的簡潔解畫,這是本體論(ontology)-將不同數據(包括文字和句子)切割,並以數字表達。而各種數據間的關係,則以數學的多度空間顯示,然後形成龐大的神經網絡...

寫了咁多,整篇文就似「不懂扮懂」的介紹文,兼且和投資扯不上關係。其實,筆者想說明並非只有大公司或研究所,才會探討和開發人工智能和機器學習。既然有開源軟件,任何人只要懂得寫程式,就可以輸入數據測試效果。而當晚有程式員提到股票分析是機器學習的熱門課題。以前市場由人類行為組成,現時已加添了很多程式活動,而未來只會越來越多機器行為,並且以指數式增長。未來的金融市場,不論趨勢策略或經濟循環,都不能和過往相提並論。

此文同見於《信報》的《價值投資》專欄
Facebook 專頁:www.facebook.com/trendalysis

親睹 Machine Learning 辨別 靚仔 靚女
PermaLink: https://articles.zkiz.com/?id=232001

高層+後生+靚仔=搞Startup得硬?

2017-04-20  NM

自2014年金管局推「神沙車」(即硬幣收集車,以硬幣換成鈔票或用作八達通卡增值),至今已經吞近三億港元,但原來「神沙」除了增值八達通,更可以是一門財路。就讀城大市場系的劉港城(Adam),兩年前在嶺南大學畢業的「雲南幫」榮南(Eddie)的誘導下,決定「參考」金管局「神沙車」的意念,一起開設Heycoins「神沙機」,未畢業即做老闆。與用「神沙車」分別在於它以硬幣換取電子貨幣、現金券及捐款,從中收取服務費,明搶金管局生意。本來上年畢業的Adam,已迫不及待休學一年半,研發「神沙機」技術,上數碼港培育計劃搵sponsor,之後更成功獲李澤楷旗下HKT垂青,獲准與旗下「Tap & Go」手機錢包合作,將「神沙機」放置其門市,五月尾全面推出市場。Adam憑其「有酒凹,好cute」外貌,未正式推出已吸引大量傳媒爭相採訪,但報導出街後慘被網民狂插「設計差」、「無八達通無用」、「抄人當新意」,Adam又如何「拆彈」?我點sell?銀仔放屋企無用!

在訪問時,Adam邀請到兩位OL試用「神沙機」,Adam滿心歡喜,以為整個運作會十分順利,怎料在掃描QR code時,兩位女士都不知在哪裡掃描,互相討論:「喺邊o架?依度?」在列印賬單時,更忍不住大叫:「喺邊拎o架?」幸好最後都能成功使用。Adam對於狀況連連都始料不及,最後他承諾:「部機正式推出之前會解決晒啲問題!」「神沙機」在五月尾就會推出,但其實足足花了兩年多時間準備。Adam就指,大學year 1到上海實習時,認識同樣由香港到當地考試的Eddie,萌生創業大計:「返到嚟香港之後我哋一直都有聯絡,一年之後Eddie畢業,想創業,就決定叫埋我加入。」他續指,Eddie更因不懂使用硬幣打算棄置,而自己在住宿舍期間都儲了很多:「如果我拎五六十蚊神沙去超市,收銀姐姐同排我後面嘅人應該會仇視我,最後被迫去大學附近售賣機買啲好貴嘅薯片。」他表示知道有「神沙車」存在,「但都係等唔切」,最後二人萌生研究「神沙機」的想法。

「大陸設計唔啱香港」

他經研究後,當時知道不少國家「神沙機」都相當普及,唯獨是香港就沒有類似的回收機,最後更決定向學校申請休學一年半,全身投入神沙機的研究:「處理硬幣係一個很舊嘅business model(商業模式),但我哋會嘗試將一啲科技元素帶到硬幣上,令到佢重新體驗到經濟價值之餘,有更加多嘅新元素。」兩人一開始加入數碼港微型創業基金,獲得十萬元的資助,做了「神沙機」的雛形,由於二人對設計機器認識不多,原本打算到內地找廠房設計:「睇過嗰邊做ATM嘅廠,發現都唔啱我哋,決定返香港搵番自己人。」幸好最後他們發現香港原來有團隊正研發類似機器,就說服將團隊合併:「我同Eddie負責marketing,Stephen同另一同事就負責設計,由於香港真係無廠整,惟有設計完交俾大陸去做。」之後他們積極參加創業比賽,前前後後更獲得近九十萬元資助,「都唔使屋企人幫手。」Adam一臉自豪地說。

獲大財團賞識

與「神沙車」不同,Adam設計的機器主要用硬幣來換取「Tap & Go」電子貨幣、商戶現金券及捐款。暫時可兌換的現金券包括city'super、東海堂等,兌換率為1:1,最成功莫過於他的機器可以在其中三間HKT及CSL專門店放置。他直言,與HKT的洽談十分順利:「有次出席活動,俾佢哋見到,主動同我哋聯絡,其實只要大家有一個協同作用,佢哋都好鍾意同Startup合作。」但Adam透露,HKT規定,放在門市的機身要貼上「Tap & Go」的貼紙,以及熒幕要長時間播放HKT廣告,公司不會贊助機身研發費用,代價其實不小。

網民挑機

神沙機報導推出後,收到不少網民意見,甚至抨擊,Adam又如何招架?

Q:網民H:Heycoins

Q:「只得Tap & Go,我都無用開,無八達通增值好唔方便!」H:八達通……始終是一個……我不能說霸權,但她們內部的程序比較繁複。我們一直都有跟她們接洽,我都不排除將來有機會設置。但反過來說,我們都是一盤生意,如果我們放八達通,很大機會我們會收服務費,市民會不會願意,我們都要去考慮。至於一開始Tap & Go不多人用,我覺得是正常的,我們會慢慢培養他們使用,我見到這些風氣是慢慢形成。

Q:「成部機抄人當新意。」H:其實三個功能都是同一時間推出,目標是一堆有硬幣的人,他們一向不用電子科技,我們通過Heycoins慢慢將他們教育,這個反而是我們的精神所在,這部機只是我們一個連接點。

Q:「放硬幣位太高,設計差。」H:放硬幣位設計得比較高,是因為避免一次放太多,有阻塞情況出現,我們就設計高一些讓市民慢慢放下去,這是有一個考慮。

專家盤問

M:香港電腦學會副會長陳超琼(Matthew)H:Heycoins

M:你怎樣令到更多的地方放置你部機?H:一開始我可能會較商業,下一部分可能會考慮政府機構,或者區議會,其實已經有區議員主動聯絡我們,這是我們下一步會考慮的工作。

M:你們有沒有什麼方法去吸引多些人用?H:第一我們會提供商家優惠,可能會是現金券的優惠,亦都會是增值後有回贈的優惠,去吸引更多人用我們的機。

M:在嘗試的階段你怎樣確保比其他競爭者跑得更快或者在這個競爭上跑出?H:我們會有一些用硬幣做成的理財教育,這是我們的願景。而我們亦有不同處理現金的夥伴,很多都是亞洲已經有的公司,不同的合作商家,他們不只有香港,在世界各地都會有商場。

終極判決

在討論過程,他們指今年目標推一百五十部「神沙機」。其實都不算很多,如果他們目標是很多個城市的話,他們應如何管理,這一部分他們應該要開始考慮。香港硬幣的數目,是可以令他們生存到,但是不會賺很多錢,這些都是有待觀察。整件事,流程及business model都是行得通。8分是值得給他。

專家錦囊適當「參考」最重要

對於「神沙機」理念與「神沙車」相似,Matthew就指:「依家確實有唔少公司都參考其他公司idea,其實每間公司都要知市場發生緊咩事,但如果做到一模一樣,無因應自己做嘅市場需要而直接抄,陣亡的機會就會很大。」

撰文:梁延宇攝影:梁正平

高層 後生 靚仔 Startup 得硬
PermaLink: https://articles.zkiz.com/?id=248188

專呃o靚仔傳銷借錢一條龍

1 : GS(14)@2010-08-08 16:56:25

2010-8-5 NM  

上週三下午,旺角道一間財務公司,收到一封裝有白色粉末及寫有「內有炭疽」文句的恐嚇信。

看似惡作劇的恐嚇案,經警員調查後,懷疑事件可能與同一商廈內的一間傳銷商有關。

原來,一間專氹青少年入局的傳銷商為推銷產品,經常游說他們主動到財務公司借款,警員不排除有人以惡作劇方式報復。

財務公司報警後,警方大為緊張,除派出爆炸品處理專家到場檢查藏有粉末的信件外,消防更派出一輛核生化事故車到場戒備。

最後,虛驚一場,信件內白色粉末發現未帶毒性,而案件由旺角反黑組接手調查。

經警方深入調查後,暫時雖未有人被捕,但案件調查方向,包括同一商廈的傳銷商。

恐嚇案背後

據一名警員表示,懷疑事件涉及有人不甘受傳銷商騙財及被誘到財務公司借貸,憤而寄出假炭疽粉信件恐嚇。

每日約下午二時許,大批青少年開始出出入入旺角道一號商業大廈,他們全是到樓上一間傳銷公司聽講座,及介紹親友幫襯各種課程及美容療程等。

記者曾嘗試上門查看,卻被內裡職員以年齡太大為由拒絕,據知該公司主要以青少年作對象,貪他們夠單純。

現年廿歲的阿Wing便曾在這裡被洗腦,自中五畢業後,她一直未找到工作,只偶爾做些part time。今年三月,她收到中學女同學阿Ann的電話,說有工介紹,就這樣,阿Wing便跟了舊同學「見工」,「入到去至知唔係正式見工,阿Ann話要先聽聽講座及公司簡介,心諗一場嚟到,聽吓無妨……

「先係一大班人,聽台上講者猛講要讀好英文之類,又話英文好咗,自信心返晒嚟……之後,就係小組討論,一班新人圍住組長坐,組長會猛sell自己成功經驗,話上咗英文課程後,即刻搵到份唔錯嘅工,而每個新人背後,坐咗一位職員,當組長講賺幾多錢時,佢哋唔單只即刻大聲附和叫『好』、『好啱』,仲舉高晒手拍掌支持,仲要班新人一齊跟住咁做。」

洗腦式銷售方法

阿Wing承認,在現場環境氣氛感染及舊同學的游說下,她漸漸覺得英文課程很有用,「開頭第一、二日未講錢,到第三日,見我信晒佢哋,組長就話我要報一個一萬六千八百蚊嘅英文課程,我見又唔係買啲無謂唔等使貨品,讀多啲書對自己又有用,咪問媽咪借錢交學費囉。」但當阿Wing到旺角一間進修中心上堂後,她已覺被騙,「課程好流,只係教一般普通英文會話,仲衰過平時返學上英文堂,上課時間又唔可以改,所以好多人返了幾堂都無返。」

感覺被騙後,阿Wing便沒到上址聽其他推銷講座,但上月頭,阿Ann又來電,將阿Wing再拉入「迷魂局」。「佢誓神劈願話,呢次真係可以搵到份好工,叫我再上去聽;話介紹親友報讀課程有佣抽,係雙贏局面,幫到親友之餘,自己又賺錢……」不懂如何拒絕的阿Wing,又糊裡糊塗受騙。

初時立定決心不再掏錢的阿Wing,最終仍被說服,今次她參加了一個近三萬元的美容療程,「組長叫我用紙筆寫低晒親友名及電話,仲叫我call佢哋上嚟聽 talk,話幫到人,又幫到自己。仲話我成功開到一張單,就有一成佣抽,越多單,就抽佣越高……點知,講講吓,組長轉sell美容護膚品,仲叫我買美容療程,話唔親身試用產品,第日點向客人sell……」阿Wing結果再被騙多一次,她發現美容療程比平時自己花幾千元買的美容中心療程更「求其」,明顯上當,一次又一次被騙了四萬多元,她除了怨自己愚蠢外,也覺這間傳銷商專騙她這種無知青年,實在太可惡,即使多番投訴及追討,均沒獲任何理睬。

「我算好彩,只係問屋企借錢,我當場見唔少新人,被氹去樓上即時借財務公司。唉!點解呢類公司可以一直响度係咁呃人o架?」阿Wing投訴無門,結果在網上發現一大堆同樣的受害者,大家爭相公開自己經歷,希望其他人不再被騙。

「好多人好嬲,被呃咁多錢做傻仔,有人諗唔開,我覺得一啲都唔奇。」

奸商手法投訴無門

據李國銓大律師表示,以講座形式來轉介課程及美容療程等服務,並因此而介紹他人向財務公司借貸,這樣並沒違法。「英文課程或美容療程是否貨不對辦或物無所值,當中涉及好多爭拗,顧客最多只可以去消委會投訴。」

銅鑼灣一間「有名」的香薰傳銷商,同樣利用相類似手法,除售賣香薰產品外,還主動鼓勵會員向財務公司借貸來買貨,雖然同樣被人投訴多次,甚至有會員以自殺來控訴及遊行到立法會請願等,但該香薰傳銷商依然屹立不倒,因懂走法律罅。
2 : oneirocriticism(809)@2010-08-08 18:06:50

我有上過去,其實佢地手法真係唔太高明只係上去既人大多無所事事,成日覺得自己懷才不遇但係就好有希望咁
比人讚幾句就覺得自己有機會翻身
3 : 亞力士(1473)@2010-08-08 21:48:04

十年前老蕭間天網都有叫人借錢種金,當然係佢定下面搞出來就唔知。對靚仔來講,又有人讚,又有女溝,傳銷條橋真係殺之不盡。
4 : 自動波人(1313)@2010-08-09 12:39:54

算啦,唔跌過唔識大
5 : GS(14)@2010-08-09 20:53:26

3樓提及
十年前老蕭間天網都有叫人借錢種金,當然係佢定下面搞出來就唔知。對靚仔來講,又有人讚,又有女溝,傳銷條橋真係殺之不盡。


都有聽過下,前六七年有個朋友去聽,主持話某人靠此賺了好多錢
6 : teawater(1794)@2010-08-10 14:01:36

有得成十皮野,不如上大陸搞"純資本"

"香薰"其實都係小型版

呢d野一日仲有個彩池,一日都仲會有人落搭

就好似六合彩一樣
7 : GS(14)@2010-08-10 21:38:33

6樓提及
有得成十皮野,不如上大陸搞"純資本"

"香薰"其實都係小型版

呢d野一日仲有個彩池,一日都仲會有人落搭

就好似六合彩一樣


愈早的人愈易贏。
8 : teawater(1794)@2010-08-11 00:28:18

7樓提及
6樓提及
有得成十皮野,不如上大陸搞"純資本"

"香薰"其實都係小型版

呢d野一日仲有個彩池,一日都仲會有人落搭

就好似六合彩一樣


愈早的人愈易贏。


有人加入先有得派彩.....好搵笨O者

小弟有幸北上增廣見聞一次,可惜太窮及人脈太少,沒資格參與

上面仲有書教人點玩,真是又長知識了.....
專呃 靚仔 傳銷 借錢 一條 條龍
PermaLink: https://articles.zkiz.com/?id=270238

賤工專搵o靚仔笨

1 : GS(14)@2010-10-02 16:22:03

2010-9-30 NM
青少年失業問題嚴重,最新失業率高達百分之十四點五,部分青少年為賺錢,什麼古靈精怪的工都接。

其中有專向警方提供認人手續中扮演「戲子」的公司,便乘機向無業青少年埋手,以一百元的賤價聘請大量「戲子」。這些「戲子」公司出手奇低之餘,還以喝罵和扣起身份證等威嚇手段,強迫青少年完成工作。

最叫人震怒的,原來警方每次付予「戲子」演出費高達千元,青少年實際落袋不足一成,其餘盡歸「戲子」公司所有。

而這些獲警方認可的「戲子」公司,背景卻非常騎呢,有些被人追數,有些辦公地點竟在公屋。

網上最近出現大量招聘廣告,內容都是表示急招人手,並以一百元工資做一至兩個小時的代價,請人到警局扮演「戲子」工作,廣告更列明兩小時後每個鐘加多十元,最多做五個鐘等字眼。

入警署扮疑犯

工作性質雖然古怪,但短時間內已有不少網友對此感興趣及提出查詢,包括問及萬一被人誤認是疑犯時,是不是會因此而被檢控等,負責人也逐一耐心解答,由於網友反應相當踴躍,記者遂扮作應徵者致電出post的負責人。

「今次主要搵十四至十九歲男仔,如果你超齡的話,你有冇囝囝呀?可以叫埋你囝囝介紹其他同學仔嚟,每個介紹費十蚊,你叫囝囝?啲同學告半日假囉,如果你囝囝幫得手,我私人請佢食個早餐呀,每個禮拜好多工開o架!」自稱是戲子公司經理人的阿成,看來真的急須大量人手,還用早餐利誘。他還說該週四中午十二時半就可開工,屆時會在金鐘地鐵站集合,之後就一批人出發到警署。

靠惡嚇o靚仔

至週四中午約十二時半,年約三十餘歲的阿成已在金鐘地鐵站等候,同行還有四名助手打點一切。每當有年輕人到場報到,阿成及助手即拿他們的身份證抄下有關資料,並以辦理出糧手續為由,說要暫時扣起他們的身份證,其後記者發現,扣身份證原是他們威迫「戲子」一定要開工的招數之一。

其中一名青少年因在場呆等其他「戲子」太久,故想臨時退出及拿回自己的身份證,阿成即時便向他破口大罵,「×!叫你嗌多啲人嚟,你又嗌唔到,依家仲想走,你咪旨意呀。個個學你咁,我哋仲使撈?唔夠人我哋都俾班差佬鬧呀,做完嘢咪俾番身份證你囉,又或者你依家叫到其他人嚟替你囉……」入世未深的少年被阿成罵到一面屁,當堂不敢作聲,更不知自己身份證被其他人無故扣起,其實對方已屬違法。

扣埋車錢得幾十

除了一批獨自前來的青少年,記者甚至見一名母親陪同兒子來當「戲子」,記者趨前與那母親攀談,自稱李太的她不諱言,今次是親身督促失業多時,終日閒賦在家打機的十六歲兒子來「開工」,「有麻雀腳識得做『戲子』嘅朋友,佢哋話成日都要搵人幫手,所以咪叫個仔嚟做囉。」李太表示,明知人工低賤,但為了兒子能積極點,故親自「押」他前來試工。

當總數約四十名青年在金鐘地鐵站集合後,阿成便帶領他們坐巴士到香港的警署,但一點多到埗後,四十餘人又在警署門外呆等近四十五分鐘,其間經過的途人都甚為詫異,還以為古惑仔包圍警署,前後擾擾攘攘了一大輪才獲准進入警局。

戲子們正式開工後,以十四人為一組,然後分批進入警署認人房進行認人手續,直至下午三時半所有手續完畢,阿成便站在警署門口外,向戲子們分發一百元工資,至於超時的人工則隻字不提。其中一名「戲子」阿強收錢後,便苦口苦面地自行乘巴士離去,在巴士內,阿強向記者猛吐苦水說:「初時計埋加時,仲以為最少都可以賺到百五蚊,我住喺屯門,一出一入都要成四十幾蚊車錢,搞咗差唔多三個幾鐘,六十蚊都賺唔到,不如去電視城做臨記好過啦,起碼一組戲一百蚊,有時一日拍到三組戲……」阿強表示,自己平日無所事事,就是靠找散工來應付日常使費,現時的吃住仍是靠父母。

勁抽九成佣

阿強不知道,警務處支付的人工近千元,但他卻被人剝削了當中九成。

記者根據○八年十月一份報告顯示,警務處一共批出七間「戲子」公司的承包資格,而認人手續的開支記錄亦有公開,每次認人手續費因應時間由九百七十多元至千八元不等,即使扣除承辦商中間的成本開支等,阿強也無理由才賺一百元,戲子公司可謂食水很深。「呢啲承辦商極端無良,而政府又甘願當水魚,我哋勞工界嘈咗好多年,就係唔想工人俾無良商人剝削,政府應該規定外判商俾工人嘅最低工資有幾多。」立法會議員李卓人,對戲子公司食水深的情況非常憤怒。

公屋單位辦公

而觀乎中標的戲子公司,其規模和背景也全無審查,當中有些登記地址竟是公屋或私樓單位。

本刊就此事向警察公共關係科查詢警方篩選戲子公司的準則,當中包括有沒有限定戲子公司抽佣多少及外判工序,經過一星期查詢,公共關係科至截稿前仍未回覆有關問題,只透露由○九至一○財政年度,警方用於招聘認人涉及的費用開支約為五百五十四萬元。

以戲子所賺不足一成計算,過去一年,幾間戲子公司就從中獲利近五百萬。

上週五,記者曾走訪這幾間戲子公司,竟發現部分已人去樓空,其中一間名為「偉昇娛樂」的公司,位於旺角的住宅單位,門外塞滿了大堆財務公司及銀行的追數信件,而被追數的人正是偉昇的黃姓負責人,此外偉昇還欠交九個月的大廈管理費。另一間位於南昌邨公屋單位的奧斯卡演員中心,只有一名何姓師奶應門,她睡眼惺忪地承認,其家人便是奧斯卡演員中心的負責人,並辯稱每次均以二至三百元酬勞請人當戲子,絕不會低薪至一百元。

「詳細情形我唔係好清楚,不過唔會少到一百蚊,咁少人工邊有人做呀?我哋一般二至三百做兩個鐘,大多數做港島區警署。」何小姐語氣肯定地說,至於為何那些青少年最後只收到一百元,她則推說不知情。

戲子承包商

承包商名稱及地址

好收成人力管理中心(中環德輔道中26號永安中區大廈)

奧斯卡演員中心(深水埗南昌邨昌頌樓)

世紀服務公司(荃灣青山道123號紅棉大廈)

偉昇娛樂公司(旺角新填地街374號德豐大廈)

世界盾娛樂公司(新界深井青山道38號海韻花園2座)

荷里活戲子公司(九龍旺角彌敦道655號胡生行)

專業人力資源中心(旺角彌敦道678號華僑商業中心)

二百元請人上堂

網上的私人招聘,有些工種是相當離奇古怪,其中ING保險公司一名女經紀Mary,就出資二百元一日,朝十晚六找人代上堂,並要求是長髮女性及以OL裝扮上堂,最抵死是應徵者還要「忍受上堂沉悶之苦」。

Mary要找人代她上的堂,是一個名為「理財產品巡禮」的課程,「我要搵客唔得閒,但公司好鬼煩,唔上足堂會扣糧,下個月我同另一同事都要搵人代上堂,如果你做得好,仲有下次o架。」

記者曾親身到ING位於上環永安中心的訓練學院觀察,發覺Mary所言非虛,因只要掛上員工證,就可以順利進入課室內上堂,其間沒有人進行身份資料的核對。

而記者致電ING訓練學院,接聽電話的職員承認公司規定,若有員工缺席上堂,他們會將資料報告員工所屬的上司,並因此將當月的月薪暫時全數扣起。

而ING營業拓展部助理總經理鄭英揚回覆本刊查詢時,指該公司會核對上課人士的身份,以避免他人代上課的情況發生,如發現有員工違規,該公司會根據內部程序作出處理。
2 : 龍生(798)@2010-10-02 17:08:44

我細個時都做過, 係當時做臨記
蘇東坡同縱橫天下我都有份演出

都係100蚊一日, 好浪費時間, 但反轉頭黎講
成班後生仔, 有講有笑, 撩下女仔, 又有新朋友識下, 又可以近距離見下明星仔
都幾開心,
後生仔, 渾渾噩噩都係咁過架啦, 願者上釣姐

換古裝扮路人甲乙, 呢的經歷好開心,
你話當事業就唔掂姐,
FOR FUN? VERY GOOD LA~
3 : GS(14)@2010-10-03 10:00:44

2樓提及
我細個時都做過, 係當時做臨記
蘇東坡同縱橫天下我都有份演出

都係100蚊一日, 好浪費時間, 但反轉頭黎講
成班後生仔, 有講有笑, 撩下女仔, 又有新朋友識下, 又可以近距離見下明星仔
都幾開心,
後生仔, 渾渾噩噩都係咁過架啦, 願者上釣姐

換古裝扮路人甲乙, 呢的經歷好開心,
你話當事業就唔掂姐,
FOR FUN? VERY GOOD LA~


根本你唔畀錢仲好,錢只是bonus....最緊要高興
4 : 龍生(798)@2010-10-03 14:55:42

係架...
但有番一百蚊, 可解決當日的茶煙飯炮四大問題
5 : teawater(1794)@2010-10-05 00:53:15

4樓提及
係架...
但有番一百蚊, 可解決當日的茶煙飯炮四大問題


我都做過一天老臨GA, - 學警出更
一舊水人工就段組戲計...有D真係等成七八個鐘拍一組先得一舊水
不過呢個真係一好特別既經驗囉smiley
6 : GS(14)@2010-10-05 21:44:05

5樓提及
4樓提及
係架...
但有番一百蚊, 可解決當日的茶煙飯炮四大問題


我都做過一天老臨GA, - 學警出更
一舊水人工就段組戲計...有D真係等成七八個鐘拍一組先得一舊水
不過呢個真係一好特別既經驗囉smiley


有飯盒嘛...
7 : 龍生(798)@2010-10-06 02:06:39

無架....電視劇無飯盒架
電影就有
hahaha
湯兄無做過, 所以唔知呢
都話呢個經驗好特別架啦

我仲拍過古惑仔架, 有場係尖東斬大儍
笑到碌地
8 : teawater(1794)@2010-10-06 02:40:55

老臨可以TVB飯堂食飯
而個飯堂其實都算平

一舊水又見下名星又可以"目及"下女仔
得閒冇事PATPAT痕,玩下做老臨真係一個好特別既消遣smileysmiley
賤工 工專 專搵 靚仔
PermaLink: https://articles.zkiz.com/?id=270989

迷戀靚仔警察 有錢女盜竊博拉

1 : GS(14)@2014-03-18 23:18:16

http://hk.apple.nextmedia.com/international/art/20140318/18660505
江蘇常州的韓小姐(25歲)住豪宅,開平治汽車,一直暗戀當地一名駐守局前街派出所的英俊警察,向多方打聽對方手機號碼卻一無所獲。上周三(12日)上班時,韓女忍不住向好友吐露心事。該閏中密友開玩笑道:「你偷個東西就好了,人家就把你帶到派出所了,你不就可以看到他,跟他要電話了」,卻引起韓女以身犯險,付諸實行。

當日傍晚6時左右,韓女到常州文化宮時尚萊迪的一服裝小店,先偷走一件衣服,卻仍留在現場,在商舖間閒逛了半個多小時,又偷走一對鞋。此時店主發現失竊,於是報警。查看閉路電視錄影後,確定犯案者特徵,警察便將韓女帶回警署。

韓女見到警察後很快承認,自己並不是真想偷東西,進派出所是為了見一個心儀的警察。豈料韓女到達局前街派出所,並沒有見到對方。韓女經警誡後方知自己犯法,至13日上午獲釋。

江蘇電視臺/《現代快報》                                                        
迷戀 靚仔 警察 有錢 盜竊 博拉
PermaLink: https://articles.zkiz.com/?id=284432

逃出北韓 個個靚仔李鍾碩男神登頂

1 : GS(14)@2014-10-06 23:18:26



現實中的北韓男:金正恩

【奇趣韓李活】提起北韓男生,大家想到的一定是近日傳政權不穩的北韓最高領導人金正恩,還有戲劇中的脫北者。脫北者是指脫離北韓生活的難民,現實中他們大多瘦弱不堪,容貌憔悴。近年,南韓不少作品都涉及脫北者題材,在多個作品中,脫北者一次又一次被美化成帥氣逼人的男生,個個更屬男神級別,認真搞笑。撰文:施洛冰


No.1:新潮醫生─李鍾碩

韓劇《Doctor異鄉人》男星李鍾碩,在《Doctor》劇中飾演一個因為父親關係小時候由南韓被綁架到北韓,其後生活在北韓的男生。其後在醫生父親的教導下成為天才醫生,再脫北到南韓成為著名醫生。事實上,李鍾碩在劇中無論在北韓還是南韓,樣貌衣着都新潮過人,經常以時尚打扮出入外,加上一頭鬈髮,令人難以幻想他曾是北韓一分子。帥氣度:★★★★★



No.2:扮儍間諜─金秀賢

金秀賢過往一直扮演花美男角色,不過在電影《3個特攻美少年》中,他就顛倒形象,化身北韓的精英分子,為了國家而潛入南韓做間諜。為了隱瞞身份,金秀賢在片中更要扮儍,造型上亦扮鬼扮馬。金秀賢在北韓時穿上軍裝顯得官仔骨骨,但到南韓後就要梳冬菇頭,又要戴胸圍扮女人,雖然金秀賢造型奇怪,但依然萌爆過人。帥氣度:★★★★



No.3:皮褸殺手─T.O.P

韓團BIGBANG成員T.O.P在電影《同窗諜影》中飾演生活在北韓的富二代,其夢想是成為一名鋼琴家,不過因為父親在一次間諜任務失敗後,T.O.P為了胞妹而假扮做脫北者,並到南韓成為殺手。T.O.P在片中扮演年齡只得19歲的學生,所以穿上校服的他顯得十分帥氣,之後換上皮褸做殺手的造型亦同樣有型過人。帥氣度:★★★★



No.4:賣肉疑犯─孔侑

韓劇《咖啡王子》男星孔侑在電影《嫌疑犯》中,飾演一名北韓間諜,不過後來被國家拋棄,令他逃至南韓展開新的生活。到了南韓後他因為被懷疑殺人而成為嫌疑犯,為了洗脫自己的罪名,孔侑被迫孤軍作戰。孔侑在片中大晒一身肌肉,攀石、跳傘、格鬥等動作都親自上陣,令人目不暇給。帥氣度:★★★




來源: http://hk.apple.nextmedia.com/entertainment/art/20141006/18890307
逃出 北韓 個個 靚仔 李鍾 鍾碩 碩男 男神 登頂
PermaLink: https://articles.zkiz.com/?id=285937

孿生靚仔同出櫃驚青落淚阿爸窩心一句

1 : GS(14)@2015-01-18 21:55:22





美國加州洛杉磯一對孿生兄弟,星期三於YouTube上載片段,於鏡頭前同時出櫃,並致電父親。兩兄弟淚流滿面告白,得到的是父親窩心一句:我愛你們,這事永不改變。面對不被接受的壓力,這對19歲兄弟Aaron與Austin電話接通後甫開口,便忍不住啜泣,沉默一會後,由Aaron道出:「我是同性戀者,Austin也是。」Austin接着說不想失去父親的愛,電話另一頭的父親初時沒法反應過來,其後明確重覆一句「我愛你們」,指這事不會改變父子關係,又叮囑兩兄弟要勇敢生活。同為模特兒和YouTuber的兄弟表示,是次拍攝2015首段影片,是希望啟發其他人能積極面對逆境,不論性取向,都應做令自己開心的事。感人片段獲傳媒廣為報導,片段上載兩日已達500萬點擊率。
YouTube/英國《每日郵報》





來源: http://hk.apple.nextmedia.com/international/art/20150117/19006031
孿生 靚仔 同出 櫃驚 驚青 落淚 阿爸 窩心 一句
PermaLink: https://articles.zkiz.com/?id=287262

靚仔見工無So?中環劉青雲:我很有自信

1 : GS(14)@2015-05-20 08:45:51

「你的樣子如何,你的日子也必如何。」這句網絡金句或許要被推翻了!美國馬里蘭大學一項研究顯示,帥哥求職的成功率較低;報告指,上司們通常會把求職者當作潛在的競爭對象,帥氣的外型或會成為威脅。《動識男女》走到中環訪問一眾上班族,大多數男生表示認同。「該上司應該是男人,出於妒忌心」、「僱主擔心工作環境沒那麼專心」、「長相花弗給人感覺不穩定」,其中從事金融業、貌似劉青雲的Simon笑言:「我是上司的話不會這樣想,我很有自信,會請帥哥當下屬。」但研究指出,已入職人士不會因帥臉帶來負面影響,上司們倒是歡迎找帥哥幫手。大部分受訪女士表示,帥哥同事在團隊中能發揮作用,「大家都喜歡看漂亮的東西,心情會好一點」、「帥哥能要求女同事準時上班」。美女的求職之路相對比帥哥較順利,但其實報告裏,並沒有證據顯示,外貌和工作表現有直接關係。





來源: http://hk.apple.nextmedia.com/entertainment/art/20150520/19153756
靚仔 見工 工無 So 中環 青雲 我很 很有 自信
PermaLink: https://articles.zkiz.com/?id=290500

張娜拉讚徐仁國靚仔

1 : GS(14)@2015-06-17 08:53:24

由張娜拉(右)及徐仁國主演的KBS新劇《記住你》下周一首播,昨日一眾演員出席於首爾舉行的製作發佈會造勢。現年34歲的張娜拉對於跟27歲的徐仁國演對手戲,她坦言:「我最初有點擔心和徐仁國之間的年齡差距,之後看過許多徐仁國的戲,感覺他很帥,也因為他成熟的演技,我現在安心了許多。」二人在發佈會上亦默契十足,除了合力整心心手勢外,又互篤對方的臉。





來源: http://hk.apple.nextmedia.com/entertainment/art/20150617/19186585
張娜拉 張娜 讚徐 徐仁 仁國 靚仔
PermaLink: https://articles.zkiz.com/?id=291036

李光洙嫌唔靚仔拒合照

1 : GS(14)@2015-09-17 07:28:10

【韓勢力】韓國綜藝節目《Running Man》(RM)成員李光洙,近日去了多倫多電影節出席新片《突然變異》的連串活動,他和電影拍檔朴寶英及李天熙在當地開心舉V合照,當粉絲用英文讚光洙靚仔時,光洙就回禮用英文讚粉絲漂亮,十分搞笑。光洙更趁機行街掃貨,不過出名暖男的他被粉絲野生捕獲時卻罕有地拒絕合照,原因是他自覺沒有梳頭,打扮求其又樣殘。


■李光洙和新片《突然變異》拍檔現身多倫多電影節。


此外,劉在錫主持的節目《Happy Together》將進行改革,首集嘉賓更請來其《RM》拍檔Gary及池錫辰,預計本月26日進行錄影。撰文:江瑚





來源: http://hk.apple.nextmedia.com/entertainment/art/20150917/19297889
李光 光洙 洙嫌 嫌唔 靚仔 合照
PermaLink: https://articles.zkiz.com/?id=292213

星級髮型師橋底義剪 露宿者感激:佢哋將我變成靚仔

1 : GS(14)@2015-10-26 14:51:31

■愛心髮型師昨到油麻地天橋底為露宿者義剪。鍾偉德攝


【本報訊】在油麻地天橋底,就可享受星級髮型師手藝?中德混血兒Janine在中環著名髮型屋擔任髮型師,該店曾為藝人曾志偉剪髮,收費動輒近千元。Janine昨與3名髮型師化身義工,到油麻地天橋底免費為一班露宿者義剪。有份參與義剪的90後港男笑言,在天橋底「工作」環境較差「剪剪吓會有烏蠅飛嚟飛去」,但見到露宿者的笑臉就值得。記者:譚靜雯



一張長凳、一把鉸剪、一把梳及一條圍巾,中環星級髮型屋就在油麻地天橋底「開張」。在德國出生的中德混血兒Janine Cheung十年前來港生活,一直在中環的著名髮型屋擔任髮型師,每次幫客人剪髮收費由500至800元不等。
Janine昨午趁休假與3名髮型師到油麻地天橋底,免費為一班露宿者義剪。各人手起剪落,十多分鐘便為露宿者剪出一頭漂亮的秀髮,完成後更有全套服務,讓「客人」照鏡,若客人不滿意可以再修剪,每人離開時都笑逐顏開。


髮型師Janine

擬定期舉辦


短短兩小時已經有不少露宿者「幫襯」,露宿街頭3年的阿秋說:「我因為冇錢半年嚟都冇剪頭髮,佢哋好用心,將我變成一個靚仔,我都好開心。」今次參與義剪的髮型師還有90後港男Dorcas,他笑言幫露宿者剪髮比較困難,「因為好多露宿者都好耐冇剪,又好耐冇洗頭,頭髮會纏住」。他又笑言,「剪剪吓會有烏蠅飛嚟飛去,都會有啲臭味,都要忍吓」。雖然剪髮環境比平時惡劣,但他說:「其實幫到人好開心,都冇乜所謂。」 Janine說,在香港生活十年,感受到繁榮,但近年不少人只顧低頭玩電話,又不懂得表達自己感情,表現得好冷漠,「成日低頭玩電話,冇留意身邊發生乜事,忽略咗好多身邊嘅人、事、物」。她只希望今次行動幫到無家者之餘,也啟發到其他人可以用自己的一技之長幫人。她計劃未來定期舉辦義剪活動,幫助長者、殘疾人士等免費剪頭髮。





來源: http://hk.apple.nextmedia.com/news/art/20151026/19347877
星級 髮型師 髮型 橋底 底義 義剪 露宿 感激 將我 變成 靚仔
PermaLink: https://articles.zkiz.com/?id=293501

靚仔鯨吞3公斤油雞飯食完仲係腹肌男

1 : GS(14)@2016-02-02 15:57:16

真是人不可以貌相!別看這位新加坡YouTuber「Zermatt Neo」身形瘦削,他的食量卻十分驚人,一碟重逾3公斤的雞飯,他不需30分鐘就吃得乾乾淨淨;最令人妒忌的是,他吃光後揭起上衣,肚子也沒有脹起多少。
Neo挑戰的超級雞飯有10碗飯,加上鋪在飯上的一隻雞,整碟飯猶如一個大薄餅。他一邊吃一邊喝水,又不時抹汗抹嘴,不足15分鐘就吃了近半。不過他其後開始「力有不逮」,要站起舒展筋骨,抺汗休息了約一分鐘後,才再接再厲。他最後花了29分5秒吃光雞飯,圍觀的人都拍手歡呼。
Neo向來「擦得」,曾經試過15分鐘內鯨吞150串沙爹串燒、100隻餃子、55碗麵和50隻雞翅。他亦試過吃掉逾1萬卡路里的肯德基(KFC)快餐,44分鐘內狂掃20件炸雞、24件雞塊、8杯薯茸、一打葡撻及1.5公升百事可樂,吃完後他原本有的六嚿腹肌亦消失得無影無蹤。新加坡Stomp





來源: http://hk.apple.nextmedia.com/international/art/20160202/19476151
靚仔 鯨吞 公斤 油雞 飯食 完仲 仲係 腹肌
PermaLink: https://articles.zkiz.com/?id=295057

【男女之間】食散餐愛攻靚仔 長期發展善良男大勝

1 : GS(14)@2016-02-08 03:26:52

開講有話「你的樣子如何,你的日子也必如何」,但近日《 Evolutionary Psychology》發表英國報告,指靚仔唔係大晒,心地善良才是王道。


研究人員將男士近照與性格特徵一同交給女士,尤其標明某幾位男士會送三文治給流浪漢或拯救遇溺的孩子。發現女士較傾向選擇善心男士作為長期發展伴侶,非首選外表冇得輸的靚仔,但只限長期發展,要食散餐就會多揀靚仔。咁當然,口裏說不身體卻很誠實,大部份女士認為心目中最完美package係又靚仔又善良,但如果醜樣但善良,與靚仔但性格惡劣者比,仍然係「我很醜,可是我很溫柔」男大勝。日後只好安慰身邊乖乖宅男講句"The best is yet to come"。但香港地最緊張身家,今次研究就冇計落package入面,如果加埋市值幾多作為條件,結果又會點呢?記者:楊麗珊資料來源:independent





來源: http://hk.apple.nextmedia.com/su ... t/20160206/19481637
男女 之間 食散 散餐 餐愛 愛攻 靚仔 長期 發展 善良 大勝
PermaLink: https://articles.zkiz.com/?id=295516

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019