ZKIZ Archives


八號仔小股東被迫降 陸羽仁

2009-02-05  AppleDaily


逢周一至周五見報

美股周二結束連續三天的跌勢,重回8,000點之上,日本股市和A股造好。港股跟隨外圍造好,恒指高開252點,重上13,000點水準,但動力依然不 足,恒指收市報13,063點,上升287點。中資成份股繼續跑贏大市,國企指數大漲281點或4.1%,重上7,000點關口上方,收報7,241點。 大市成交未能配合,只有365億元。

期指收報13,030點,升238點,比現貨低水34點,成交只58,671張。

重磅股滙控(005)繼續被大行唱淡,今次輪到麥格理。該行將滙豐控股評級從中性下調至弱於大盤,將目標價下調至53港元,預計滙控估值區間在53至89 港元,預料繼續向區間底部行進。麥格理表示,雖然滙控走勢與亞洲同類股一致,但不同的是,滙控受美國、英國業務不景所困擾。

 

阿爺救市撐實國企

麥格理仲認為,全球經濟低迷將是長期的,預計滙控管理層將採取行動保存資本,進而導致派息減少。麥格理認為滙控資本基礎暫時能有效避免供股;但08至10年每股盈利預期下調30至40%。不過,滙控未受消息影響,昨日收市報59.15元,升2%。

大行今次唱淡滙控,股價無特別反應,係咪代表股價已經見底呢?中環茶友話,滙控上個月大插,沽空相當厲害,大戶要平倉不是三、兩日可以搞掂,所以股價跌落 60元樓下,又會見到有支持,但跌浪是否已經過去,暫時言之尚早,因為滙控仲有成個月先至公佈業績,喺公佈前後,大戶可能又再郁手,所以散戶不要咁快肯定 見底,短炒最緊要係識得轉膊。

內地股市開紅盤後表現強勢,滬深兩市昨日繼續造好,滬綜指最後報收2,107點,漲46.94點,深成指報收7,477點,漲211點,兩市成交額共計 1,692.7億元人民幣,中央為了爭取能夠成功「保八」,不斷推出方案,昨日又再推出紡織等行業的退稅措施,相信今日相關股份可能又會炒一炒。

喺中央救市概念下,內地股市表現比港股強勢,國企股亦直接受惠,形成不同類型的中資股輪流炒上。一個例子是反映乾散貨運輸陰晴變化的波羅的海乾散貨航運指 數(BDI)連升11日,較前漲逾一倍,報1,148點。中資航運股昨日趁機炒作,大幅攀升,撐起大市;中海集運(2866)及中海發展(1138)大升 逾一成;中遠太平洋(1199)及中國遠洋(1919)更跳升逾一成二及一成四。

華富財經表示確認BDI指數已經見底的觀點,但投資者勿指望會像2004年和2007年升至1萬點,因為在國內樓市低迷之際,內地的鋼鐵需求仍然疲軟。在 全球經濟滑坡的背景下,煤等大宗商品的需求也不大可能很快反彈,因而預計BDI指數在世界主要經濟體復甦之前只會在1,000至2,000點的區間內波 動。

 

闊佬炒電盈搵餐晏

電盈(008)昨日就私有化舉行的股東特別大會過程並不順利。會上有與會者鼓譟,有小股東以涉嫌種票的事件尚未清晰,強行投票並不公平為由,要求將大會押 後,直至證監完成對事件的調查。不過,經過一番拉鋸,議案終於在昨晚通過,稍後經過法院批准,就可以正式私有化,係2000年高位買咗八號仔者,將要被迫 投降,相信好多人都會輸得唔忿氣,但形勢比人強,認真喊都無謂。

中環茶友爆料,話今次電盈私有化成功,同一班富豪炒家入局有關,股市難搵食,呢班富豪炒家坐埋,計過數如果電盈私有化,一股可以執幾毫子,買1000萬股就執番幾百萬,當係搵番筆零用錢,於是齊齊郁手,結果就?低咗基金代理人「股壇長毛」。

電盈昨日暫停買賣,停牌前股價為4.17元,私有化價格為每股4.5元。用班闊佬近月掃貨價計,回報有兩、三成,食落相當和味,但高位坐艇的電盈小股東, 差不多輸了九成半。隨着私有化完成,這批追隨者想等都無得等,全部都要埋單計數,有人會面對現實,無奈接受,但相信更多人會一腔怨憤,認為受到不公平對 待,但除非搵到法律上的支持,否則怨氣係不能夠改變股東會投票的決定,往後要睇者,反而係今次私有化結局,會不會對其他想趁低趁平貨的闊佬有啟示嘞!
八號 仔小 股東 迫降 陸羽
PermaLink: https://articles.zkiz.com/?id=5642

投資組合(2) 陸羽仁


From


http://www.hkheadline.com/blog/reply_blog_express.asp?f=5YTPBH5B812303&id=176999&catID=&keyword=&searchtype=


美國上周五公布4月份消费者信心指数升至雷曼兄弟破产以来新高,花旗集团和通用电气的季度业绩好過市場預期。金融、零售和房屋製造類股份造好,美股杜指早段窄幅橫行,午後轉強,最高升過66點,但尾市回軟。

 

杜指收市報8131點,微升6標普500指數報870點,升4點或0.5%;納指上揚3點或0.2%,報1673點。紐約證交所交投活躍,成交上升至19.5億股。杜指期貨最新報8038點,比現貨低水93點。

 

總結上周,杜指上升0.6%、標普500指數漲1.5%、而納指上揚1.2%,雖然升幅輕微,但已經係連續六周上漲。杜指從39日的底位已反彈24%;標普500指數反彈接近29%,納指更接近三份之一,幅度遠大過200710月高峰期以來的任何短期反彈。

 

Stifel Nicolaus Capital Markets董事總經理David Lutz表示,「經濟下滑的步幅在放緩,從宏觀的角度看,推動大市的因素係持續看到顯示信貸市場開始改善的資料。」

 

預托證券方面,匯控股價跟隨造好,收報56.14元,比香港收市價高1.8%中移動收報74.4,比香港收市價高0.5%。而ADR港比指數15793點,比香港高191點。

 

 

 

上星期講到「投資的我」唔使太精,一般情況下唔使100%清貨,咁就唔會陷入100%無貨遇上升市的風險。這種風險是散戶在低位忍住唔買,最後在高位卻忍唔住入市揸重貨,所以我久不久就講,要有少少貨責吓袋,主要係等散戶有貨在手個心定啲。

 

 

我話「投資的我」倉底可以長期有啲貨,只要隻股唔執,又有啲息收,好過放錢在銀行無息,何妨長揸。阿Ray話好多散戶無我咁叻,未必識揀穩陣的股票,呢點我絕對同意,當市場上最後一隻強股滙控(00005)股價及相關新聞 都變成唔太穩陣時,真係無乜股票一定無問題。不過唔緊要,我地有恒指服務公司幫我地揀,買恒生指數基金(02800)股價及相關新聞 ,買國企指數基金(02828)股價及相關新聞

,跟指數,即係由恒指服務公司揀股,太差的公司會被踢出指數,或佔指數比例日低,佢地的位置由其他公司取代。買指數基金,就唔使花心思揀股,又有息收,對唔識揀股的散戶,何樂而不為。

 

           

我特別長線睇好中國經濟,即使短期有起伏,長線應該會好,買入恒生HETF(02828)股價及相關新聞

長揸,唔會衰得去邊。假設今年國企指數在6000點至10000萬間走動,當然在6000點係平,在10000點係貴,但如果國企指數在5年、10年後會升上30000點、50000點,如果你真係一個長線投資者,你以長線的角度睇,今年任何一個位買都算便宜,或者可以講除笨有精也。

 

           

 

所以我俾手上0%持股的朋友第一個忠告,今年要搵個時候買國企股,如果今年過去,你一股都無,明年你又可能覺得貴,又唔買,咁過幾年你一定會後悔

 

           

 

第二個忠告是你檢討吓自己過去的入市往績,睇吓自己係唔係善於把握時機之人,如果唔係善擇時機者,而係「一枝燈」,即係往往一入貨就跌,一出貨就升,咁就有招不如無招,可以採取平均成本法入市。我在年頭已講過,唔識揀時候者,可以分12注,每月入一注買紅色股。到3月底時我又講過一次,唔識揀時機者,可在今年餘下的9個月,分9注,每月入1注,以平均入市這個「笨方法」計,至今的成績並不失禮。即使現在開始,在餘下的月份分8注,平均入市,都係一個方法。

 

           

 

第 三個忠告是你好肯定自己都識得吓睇入市位,對自己有一定信心者,就只能等時機,照目前的形勢,就只能等大市顯著回吐時才入市。呢個等運到的方法當然有風 險,就是大牛市已展開,大市絕塵而去,上唔到尾班車。不過我可以話俾大家聽,即使而家已經係牛市第一期,大市都唔會直線上升,升到咁上下都會回,要等佢回 吐時唔再大插,才確認大市可以一級級向上,而家距離那個境界仲有好遠噃。

  

投資 組合 陸羽
PermaLink: https://articles.zkiz.com/?id=7389

散戶通病(1) 陸羽仁


http://blogcity.me/blog/reply_blog_express.asp?f=5YTPBH5B812303&id=226740&catID=&keyword=&searchtype=


      盡管美國第四季經濟增長遠勝預期,微軟、亞馬遜和美泰(Mattel)公佈的財政季度業績報告也好於預期,但歐洲主權債務問題繼續令市場受壓,利好消息均未能阻止股市近期跌勢。在科技股及商品股午後大幅回落拖累下,杜指由早上嘅上升120點逐級下滑至接近全最低位收市。重演近期經常出現嘅先高後低走勢。

 

杜指收報10067點,倒跌53點或0.5%;標普500指數挫11點或1%,收報1074點;納指收報2147點,跌32點或1.5%;羅素2000種小型股跌1%。紐約證交所交投仍顯淡靜。杜指期貨最新報10017點,比現貨低水50點。VIX或「恐慌指數」回升3.8%24.6。總結1月最後一周, 杜指跌1.1%,標普500指數下跌1.7%,納指跌2.6%1月杜指累計跌3.5%,標普500指數跌3.7%,Nasdaq5.4%。美股連續第二個月下跌,1月份更係去年2月份以來最差。

美國股市有句諺語:「1月怎樣走,全年就怎樣走」。追蹤美國股市自1950年以來,1月份未能預示全年表現的情況只有五次,睇嚟今年股市前景不妙。Sierra Core Retirement Fund投資組合經理David Wright表示,「美國經濟沒有顯露出能自我維繫復蘇的跡象。」

港股美國預托證券下挫,ADR港比指數收報19913點,比香港收市低209點或1.1%。匯控收報83.14元,比香港收市低0.6%;中移動收報72.94元,比香港收市低1.1%

美國商務部上週五公佈,去年第四季度美國經濟大幅增長,GDP以年計增長5.7%。遠高過市場預期的4.8%,係連續兩個季度增長。但比較2008年,2009年全年GDP下降2.4%,是1946年下降10.9%以來的全年最大降幅。第四季嘅GDP增長主要由企業清理庫存帶動,美企其間共清理了335億美元的庫存,為GDP增長貢獻了3.39個百分點。而消費支出增長2%,為GDP增長貢獻1.44個百分點。主要受惠於美國政府「舊車換現金」補貼專案。

為幫助推動仍然疲弱嘅勞工市場,鼓勵小企業請多啲人。總統奧巴馬上週五提出一項達330億美元、專為小型企業而設的稅務優惠計劃。內容主要係小企業於今年內每新請一個員工,即可獲得5000美元嘅稅務優惠,每家企業優惠總額50萬美元,即係話企業新增嘅首100名員工都有優惠。計劃亦講明該等小企若在今年減少職位的話,優惠將被取消。 

上星期睇到網友Jeffrey@80後講佢爸爸買股的故事,可以同大家分享吓。Jeffrey咁講:「話說家父舊年先開始買股票,咁啱撞正舊年個市小陽春,佢好好彩咁買邊隻賺邊隻,於是越黎越心雄,仲瞓晒身咁玩。我本身都有勸佢但佢冇聽,其實我都知一個心雄既人點勸都冇用,於是後來由得佢自己炒唔再點理。好喇,到左今個月個市開始跌落黎喇,隻忠旺(1333)股價及相關新聞 都跟住跌,之前又話盤數有事後來又澄清冇事搞到好波動,而家仲停左牌成個月郁都唔郁。」

        「到左24/1出咗份澄清公告話要為之前既嘢修正,我都覺得唔妥,又知道家父之前有提過買呢隻股,於是頭先問一問佢買咗幾多,一問之下先知大件事。原來佢響俾人話盤數有事之後$6蚊反底用四成資金買咗,之後升到$8仲要用淨番D資金訓身買埋 (真係訓身果隻)。」

        「我當堂話咗佢成晚,同佢講佢D炒股方式好有問題,買股唔係咁買之類。家父聽完都頭DUP DUP冇嘢講,但仲係好似唔係好明我嘅意思咁,係咁話:「如果復牌就賣一半再去買晒建行果D銀行股啦」、「跌到$4蚊我就唔賣喇,$6先賣啦。」。果D低級老散犯嘅錯誤同心態佢全部有齊,乜嘢市盈率、每股盈利全部唔識,炒股一年一D進步都冇真係激到我噴血。」

 「想問一下陸SIR同大家:對住咁炒股嘅屋企人真係一步一驚心,個個月俾多D家用想佢有個錢傍下身而家仲反而擔心佢一Q清袋。我有諗過不如我接手佢個銀行戶口幫佢買股票 (之前其實係咁,但佢後來自己打電話買賣越買越心雄搞成咁),唔知大家有冇計﹖其實我已經叫咗佢,無論隻嘢既消息係好係壞,復咗牌點都要起碼沽一半,但實際呢隻股既情況係咪好差﹖大家可唔可以幫我分析一下﹖」

 忠旺的問題在去年914日發生,內地《經濟觀察報》刊發報道,質疑忠旺上市招股書所載資料的準確性,後來該報道了歉。但事件有點澄而未清,忠旺在今年15日刊發通告,話搵咗安永中國做獨立審閱,認為被指控的客戶資料及所得稅付款兩件事都無問題。隻嘢在通告公布前幾日已開始偷步由低位5個幾急抽,通告出完到16日急升上8.07元,春江鴨隨時散咗貨,隻嘢跟住停牌,後來講要再就15日的通告作澄清。咁耐未復到牌,雖然唔一定有事,但感覺有啲濕滯。

        Jeffrey爸爸犯咗幾個散戶通病,第一,炒股太集中,任何一隻股都有出事的可能,何況係一隻人地話佢有事佢澄清話無事的股票,更加要小心,你買一隻股,萬一佢長期停牌,你要瞓得著至好,若果你話會瞓唔著,咁就唔好咁瞓身啦。

 第二,太信股價。好多散戶眼見為真,但股價有時有人為因素,一見佢大彈就追,好危險,呢啲情況放半注玩吓唔係唔得,10注放哂落去就唔係幾好啦。

 第三,唔識睇價。忠旺急跌前長期在7.2元、7.3元牛皮,到停牌前急升上8.07元,高過大跌之前個價,PE15倍,即使佢無事,又值唔值得上高位呢? 咁價錢都唔係好抵的價錢,睇圖一枝箭咁上,又點追得落手呢?

建議若忠旺復牌,等股價定一定時,就減緊啲貨。以後判爸爸守行為,只俾十分一錢佢炒,輸哂唔肉痛,十分九錢你同佢買,只買大藍籌或指數股,叫佢老人家唔好咁博命啦,要知道仔女搵錢俾你都唔容易

 

陸羽仁

 

散戶 通病 陸羽
PermaLink: https://articles.zkiz.com/?id=14103

散戶通病(2)陸羽仁


http://blogcity.me/blog/reply_blog_express.asp?f=5YTPBH5B812303&id=226899&catID=&keyword=&searchtype=

美國製造業指數創5 年新高,埃克森美孚嘅利好業績推動油股大幅造好,美股週一收高,各板塊普遍攀升。杜指收報10186點,升118點或1.2%;標普500指數漲15點或 1.4%,收報1089點;納指收報2171點,升24點或1.1%;羅素2000種小型股升1.2%。紐約證交所交投仍顯淡靜,成交只有10億股。杜指 期貨最新報10133點,比現貨低水53點。VIX或「恐慌指數」回落8.3%至22.59。

港股美國預托證券造好,ADR港比指數收報20443點,比香港收市高199點或1%。匯控收報84.81元,比香港收市高1.1%;中移動收報75.23元,比香港收市高0.7%。

美國供應管理協會(ISM) 公佈,1月份美國製造業增長勢頭強勁,由去年12月的54.9%,增至58.4%,增幅好過預期的56%,亦創下了五年多以來新高。ISM製造業指數高於50%,表明多數受調查企業處於增長而不是萎縮狀態。

值得一提嘅係,ISM製造業指數的所有子指數中,新訂單和產量指數都突破了60%。據總部位於亞利桑那州Tempe的ISM發佈的報告,製造業的18個子行業中,13個在今年1月實現了增長,該數字明顯高於去年12月的9個。

ISM調查委員會的負責人Norbert Ore表示:「本月的報告清楚地表明美國製造業正在復甦之中,而且這種復甦似乎是可持續的。現在看來當前的復甦似乎是很典型的復甦,我們估計未來製造業的增長勢頭將很強勁。」

埃克森美孚(EXXON)的業績理想,佢宣佈,第四財季營收較上年同期上升6%至898億美元。淨利盈則因煉油業務虧損下降23%至60.5億美元,合每股1.27美元。但亦高過市場的每股盈利1.17美元。

埃克森美孚的資本及勘探支出增加21%至83億美元,石油產量增長了大約2%。據資料顯示,大部份嘅油井嘅產量正以每年6至8%的速度下降。這表示油商需要尋找新油井去代替舊油井,而埃克森美孚石油產量上升,反映了該公司去年發掘到新的油井。

不過,有分析員對埃克森美孚的前景並唔樂觀,因為俄羅斯及委內瑞拉等產油國正不斷驅趕埃克森美孚等外國石油公司出本土,可以採油的地方愈來愈少,這也是埃克森美孚收購美國天燃氣生產商XTO的原因。另外,煉油業亦面臨困境,需求下降,導致產能過剩,環保團體的壓力愈嚟愈大,更大嘅致命傷仲係2009年油價,尤其係柴油大跌,削弱了大部份利潤。埃克森美孚去季就係因煉油部門蝕錢,拖累公司整體盈利。

油 價方面,受惠於美匯指數回軟;中國、歐洲和美國公佈的製造業數據激發油市人士對未來需求的更高期待。此外,尼日利亞一處石油管道遭到攻擊,荷蘭皇家殼牌石 油已關閉當地三個泵站,市場對原油供應面的擔憂再度興起;美國多數地區的氣溫已降至歷史低點,預計未來幾週的天氣將更為寒冷,亦有助推高油價。紐約原油高 收2%以上,重上每桶74美元上方。最新報74.43美元。

油股大幅造好,推動大市向上,NYSE Arca原油指數上漲2.4%,費城石油服務業指數上漲3.3%。Chevron、ConocoPhilips及Marathon 漲逾2.2%,Exxon上漲2.7%,係表現第三好嘅杜指成份股。

昨日講起網友Jeffrey@80 後的爸爸之投資經歷,網友廸廸仔亦提供了他爸爸的情況,可供大家分享。迪迪仔咁講:「睇到陸sir節錄Jeffrey同回應有關他父親的投資情況, 真係有感而發, 我都確實覺得老人家投資好難搞, 以下係家父的情形: 佢投資年資不淺, 但仍是百份之二百的散戶一名, 早幾年喜歡買細價股, 見報紙或電視分析員話好就買, 貪佢股價細, 可以買數以十萬股, 升起上來好和味,但真係細到簡直係我聽都未聽過, 有時連財經台逐隻load出來的也無份, 最終要出架股票機俾佢check股價.  有勸過佢唔好買, 怕跌起上來渣都無, 但根本就唔會聽, 最後就經歷左十合一, 廿合一, 由蚊型股到亳子股, 甚至仙股, 成日都咿咿呀呀, 到依家都成手蟹貨....」

「佢之後叫學精咗, 決定要買大股, 舊年尾又ok喎, 買完思捷, 買比亞廸, 隻隻都賺到, 之後贏到心雄, 這邊廂叫個經紀放隻和黃, 那邊廂就叫人同佢入騰訊, 最後$171入左, 到依家就跌到得返$140, 我都唔知點勸佢好, 不過, 問題係佢係09年年結成績又確實好過我 (因為我都無咩膽入市, 變左做月供股票) 陸sir, 大家麻煩俾d意見我啦!」

迪迪仔爸爸的經歷,正好說明投資方法和方向的重要。首先講方法,買蚊型股多數等同投機,你博佢1 毫變1蚊,再變10蚊,升咗100倍,咁就發啦。呢個係最典型的蚊型股發達夢,唔係叫唔到你落叠,初時都會得得地,你買咗之後或者可以由1毫升到2毫,你 一定唔會走,想等佢變1蚊。若大市唔就好難再炒上,或者莊家在2毫子散咗貨,就一直向下炒,1毫變2、3仙,跟住來一個大併股兼大折讓供股,20合1,1 供5,供股價1仙,供到你傻,你唔想俾佢攤薄,跟佢供一次,佢睇住散戶底牌嚟玩,見唔少人死跟,隔半年再供一次,再10合1、1供3,你跟佢供完又再供, 係一個無底深潭,你唔供又焗住俾人攤薄,結果你好難再跟。總而言之,初時買咗5萬元,跌吓,供吓,最後股份只值500元,呢個係好多人炒蚊型股的結局。你 無買無法享受1毫變10蚊的樂趣,但同時避開咗10蚊變1仙的災難,玩唔玩自己諗。買大股唔買蚊型股,係散戶自保的最簡單方法。迪迪仔爸爸唔玩細股遊戲, 自然輸少啲。

到迪迪仔爸爸轉買大股,買比亞迪、買思捷,表現好過迪迪仔月供,呢個亦都正常。到你進入玩大股的境界後,就主要係買大方向,大方向是向上時,愈買得多愈好; 大方向是反覆時,可能要走位,見高要沽吓;大方向是向下時,買得少啲就輸少啲。去年的大市,是大跌後的急促反彈市,大方向急促向上,所以買得愈多愈好,迪 迪仔爸爸買得多過迪迪仔,所以回報就好啲。去年得,唔等如今年做亦得,要判斷市況是否和去年一樣大方向向上,如果大方向唔同,可能是比較反覆時,盲買,升 到好高時去追,風險比月供高。

但長線而言,要睇5年、10年,要判斷大市或某一類別股份是向上還是向下,向上要買,向下要沽,如果睇5年紅股都係向反覆向上,用月供去不斷買,唔使判斷時機,都係一個簡單可行的方法。當然低位買貨長揸,亦都係另一個方法。

 

陸羽仁



散戶 通病 陸羽
PermaLink: https://articles.zkiz.com/?id=14104

唔輸做富翁(1) 陸羽仁


http://blogcity.me/blog/reply_blog_express.asp?f=5YTPBH5B812303&id=230806




 

美國消費者信心數字意外地低迷,對未來六個月的商業及就業狀況預期亦轉差,投資者擔心全球經濟復甦動力放緩,資金再度尋求美避險工具,美匯再創八個月新高,大宗商品市場受壓,資源及原材料股受重創。消費者朝早公布後,杜指應聲下挫近100,其後在低位徘徊,以接近全日最低位收市。

 

杜指收報10282點,挫101點或1%;標普500指數收報1095點,跌13點或1.2%;納指收報2213點,挫29點或1.3%;羅素2000種小型股下滑1.1%。杜指期貨最新報10290點,比現貨高水8點。

 

港股美國預托證券大幅下滑,ADR港比指數收報20209點,比香港收市低414點或2.1%。匯控收報83.64元,比香港收市低2%;中移動收報75.52元,比香港收市低1.9%。

 

令美股急回的意外消息來自諮商局公布美國2 月份消費者信心指數,指數下跌至46,創了十個月新低,遠低過市場預期的55.5。諮商局警告,「企業盈利能力和就業情況都處於緊張狀態,這將削弱消費者 的購買能力。」而消費者支出佔了美國GDP的六成幾七成,對整體經濟影響好大。從昨日多家零售巨頭公布的季度業績報告中,看到同店消費增長並不理想,反映 出普遍消費者都不大願意消費。

 

Home Depot多家零售商宣佈業績,都有不錯增長,開市後零售股紛紛上漲,但在消費者信心指數公佈之後迅速轉跌。Home Depot業績好過市場預期,並自2006年首次提高5%紅利。股價逆市漲1.4%,不過Sears及Targets盡管亦有所增長,但股價下挫逾1%。

 

消費者信心指數下滑使美國經濟增長前景再度蒙上陰影,美元指數跳升0.5% 至80.99的八個月新高,原油跌穿每桶80美元水平,黃金亦下跌10美元至每安士1103美元。原材料、金融及工業股普遍下挫。杜瓊斯UBS商品指數下 跌逾2%,其中美鋁(Alcoa) 下挫2.7%,係表現最差嘅杜指成份股,美鋼(US Steel)及弗裏波特-麥克莫蘭銅金公司(Freeport-McMoRan Copper & Gold) 分別下滑4.5%及3.4%;金融股跌幅尤為顯著,杜瓊斯金融指數跌1.5%。其中美銀挫1.7%,美國運通及摩根大通齊挫逾2.3%,係繼美鋁之後表現 最差嘅杜指成份股。

 

  美股本來走勢幾好,但比個消費者信心指數打到窒咗一窒,呢個壞消唯一好的一面,係話俾大家聽,美國消費未得、就業未得、通脹未上,無咁快可以加息。美股後向要睇呢浪回到幾深,最好唔好破早前的低位,咁就可以維持一個反覆向上的走勢。

 

    有單新聞值得一提,有個調查話09年本港千萬富翁人數回升至39.4萬人,按年增13%,人均流動資產達380萬元,亦較08年多12%。調查又發現,31%萬富翁看好樓市發展,但受樓價高企影響,約60%表示並不傾向於今年置業。

 

調查又發現,隨著經濟回穩,千萬富翁的儲蓄額減少了21%,他們多數將投資集中於股票、外幣及物業。贊助調查的銀行話每年出現富翁的人數和恒指成正比,佢地估計去年富翁致富的秘訣係投資股票和物業。

 

我估呢度啲網友好多人都想做百萬富翁或千萬富翁,好多人以為做千萬富翁要好識搵錢或好識炒,我估計實情唔係咁。我認為人人都有機會做千萬富翁,即使你只有中學畢業,月入幾千一萬,都有機會做千萬富翁,關鍵要儲錢投資,同埋盡量唔好輸錢。

 

香港在70 年代中開始經濟起飛,那二十年買樓的人,只要買兩間樓,揸到而家都變千萬富翁。香港第二個富貴期由2003年前後沙士香港衰到貼再開始,阿爺放自由行、放 國企來香港上市,造就第二個爆發,呢次個市發咗啲做富貴生意的人。香港經濟進入高原,樓價唔平,唔好盲信而家買樓20年後可以做千萬富翁。

 

但儲錢、投資,還是致富的不二法門,如果你夠後生,另一個關鍵是唔輸、少輸,即使唔可以一朝發達,但累積下去,而家有幾萬銀投資,每年增加投資額,一年有10幾個巴仙回報,捱20、30年,有過千萬資產,一啲都唔奇。但你炒到好勁,又贏又輸,今年10萬變50萬,明年50萬變番5萬,搞上搞落,咁就唔係咁易富貴啦。

 

陸羽仁

唔輸 輸做 富翁 陸羽
PermaLink: https://articles.zkiz.com/?id=14395

唔輸做富翁(2) 陸羽仁


http://blogcity.me/blog/reply_blog_express.asp?f=5YTPBH5B812303&id=231284


美股昨日都幾驚嚇,繼標準普爾警告或會調降希臘的長期信貸評級之後,穆迪又話有可能調降希臘主權債務評級,重燃投資者對歐洲債務危機的憂慮,而美國申領失業救濟人數不跌反升,又令投資者擔心美國經濟復甦前景,在雙重打擊下,杜指開市即插逾160點,最低大跌近190點才喘定,之後跌幅續步收窄,尾市收復大部份失地。

 

杜指收市報10321 點,跌53點或0.5%;標普500指跌2點或0.2%,收報1103點;納指收報2234點,跌2點或0.1%;羅素2000種小型股無起跌。杜指期貨 最新報10309點,比現貨低水12點。VIX或「恐慌指數」微跌0.8%至20.1。美股顯示一定的支持力,標普500指數彈到差唔多無跌,而杜指都從 低位彈咗接近140點,顯示跌市時有相當買家入市吸,托番高個市。

港股美國預托證券大致持平,ADR港比指數收報20391點,比香港收市微跌9點。匯控收報85.23元,比香港收市低0.1%;中移動收報76.35元,比香港收市低0.1%。

  最大的壞消息是美國勞工部在開市前宣佈的就業數字,上週美國首次申請失業救濟人數增加2.2 萬人至49.6萬人,遠高高市場預期的下降1.3萬人下至46萬人。過去兩週,美國首次申請失業救濟人數增加了12%,人數正逼近50萬人關口。另外,截 至2月13日一周持續領取失業救濟人數增加了6000人至462萬人;持續領取失業救濟的四週移動平均人數亦較前一周增加4250人至460萬人。

由於部分州失業人數持續高企,新增就業機會十分缺乏,聯邦政府已向這些州的失業人員提供了更多的現金救濟。但許多人的救濟期限也已到期,國會很可能決定再次延期。

  Miller Tabak首席經濟學家Dan Greenhaus表示,暴風雪以及其它事件使近幾週申請救濟人數數據可能失真,但就業市場明顯地依然未走出低迷,因為其它指標也顯示就業人數並沒有快速增加。

  不過經濟數據唔係一面倒向淡,商務部稱,美國1月耐用品訂單環比增長了3%至1757億美元,高過市場預期的1.9%增長,為去年7月份以來最大增幅。不過,資料顯示訂單增長主要來自民用飛機訂單,期間增長了126%。除飛機外,大多數行業需求在1月份都出現下降。

外 圍方面,希臘債務危機似有升溫跡象。標準普爾週三警告可能在一個月內將其評級調降至“垃圾”級別。一日之後,另一評級機構穆迪又話,除非希臘政府能實現削 減財政赤字計劃目標,否則該機構可能在數月內調降該國的主權債務評級。希臘評級問題令投資者拋售歐元並買入政府債券。穆迪全球主權風險部董事總經理Pierre Cailleteau在東京接受採訪時說:「如果未來幾個月希臘的財政穩定計劃出現較大偏差,我們將很可能對其評級做出相應調整。」他說,下調的幅度可能是「幾個等級」。若希臘遵循其財政緊縮措施,穆迪可能維持對希臘的「A2」評級。

早兩日在網誌講起唔輸可以做千萬富翁,惹起網友一些回應,網友大笨袋鼠咁講: 「利用複利滾存來儲蓄致富,越是早期儲蓄嘅錢,所發揮的複式威力就越大。但這樣一來,就要和另一個講法有一點衝突;好多時話,要搏趁後生搏,跌低咗都仲有 大把青春時間企得起身。當然,搏得到,早期用作複利滾存嘅資金當然多了,但搏唔到,那就損失了早期可用資金之複式威力。」

「照計做後生出嚟搏,在無人脈、無經驗背景下,其實成功機率甚低,好多時只係可以話賺咗經驗。而且成功的話,大慨亦不甘心轉型為守護財產,而繼續追尋搏嘅刺激。上年睇袋鼠財經報,潮牌Billabong創辦人,30歲鬆啲就賣斷股權,剩現金資產一億袋鼠幣,這個數字對大多數人夠了吧?但佢唔熟地頭在大陸開連鎖超級市場,跟住幾年輸X曬,上年在墨爾培法庭申請破產。」

「當 然俾佢過埋呢關,可能又再身家升一百倍…現在那些超級富豪,正門或橫門,多多少少搏幾次,但幾多先至夠呢?呢啲成功人士,有幾多嘢係我哋可以學習呢?(提 示,有一部份成功人士要訣,係成功之後先至用得上… 另一些可以用得上的,我估只要係屬於良師益友嘅平凡人都噏得出)。」

大 笨袋鼠講到創業問題,呢個類別屬「高級程度」,唔係咁易成功,後生仔無打工經驗,創業更難,所以我地都係先從投資講起,唔好講創業住。大笨袋鼠講到的「要 搏趁後生搏,跌低咗都仲有大把青春時間企得起身」,亦係好多人講買股時提到的說法,呢個說法的道理係咁,你剛出來打工,儲到1、 2萬元,若叫你投資,股神巴菲特一年都係10、20%回報,1萬元只賺2000元,頗有賺埋唔夠食幾餐好嘢的感覺。但你攞1、2萬去博,去投機,博中1萬 變10萬,到時先至投資都未遲,輸哂1萬亦可以再搵過。相比之下,到40歲時,有100萬身家,輸哂好大鑊,要儲20年先至搵得番。

呢個講法唔係唔啱,但係要明白,博開好難收手,慣咗投機,即使唔叫你收手,叫你分一半投資一半投機,你都唔願意,覺得投機太慢,唔過癮。問題是不少投機投到99,唔係20歲投機,到30、40歲就投資,而係一路投機下去,你一路投機都贏錢唔緊要,但有啲人一路投機都輸大錢,但佢偏要每次都賭盡每一毫子,睇到佢咁只能寫個服字。

大陸就快有股指期貨,即係我地香港的期指,睇電視見記者在上海訪問一個阿叔,佢話佢想玩股指期貨,喜歡佢快上快落,買股票賺錢太慢啦,佢話自己做模擬股指期貨交易,用一百萬賺咗成一千萬,所以好心急等股指期貨開場,佢就瞓身玩。

我 話呢個阿叔,係兩種人其中一種,一係賭聖,一係傻佬,若果佢係賭聖,真實炒期指時仍然大贏特贏,只是十中無一,甚至百中無一,因為期指是零和遊戲,有一個 大贏,起碼有十個人小輸。佢也可能係一個傻佬,而家大陸無期指,個市上落正常啲,慢啲,你做模擬交易較易贏,到真係有期指時,就係兩回事,大戶睇住散戶底 牌開牌,你買升,佢就買跌,即使大市真係要升,佢都插你1000、2000點,插到你投降先至升,散戶唔係咁易夠人玩。

所以我話年輕人炒吓唔妨,輸咗可以嚟過,但要記住,隨著年齡增長,就要加大投資的比例,控制投機的銀碼,除非你係賭聖,咁當然係例外,可以大肆投機啦,睇吓自己投機的往績,就知自己係唔係賭聖啦。

陸羽仁

唔輸 輸做 富翁 陸羽
PermaLink: https://articles.zkiz.com/?id=14396

唔輸做富翁(3) 陸羽仁

 http://blogcity.me/blog/reply_blog_express.asp?f=5YTPBH5B812303&id=232234&catID=&keyword=&searchtype=

   有 報道指希臘將有進一步削減預算赤字的措施,使市場緩減對希臘主權債務危機的擔憂。巨企併購消息繼續刺激市場投資情緒,美股昨早造好,杜指收復今年所有失 地,但本周五將公佈重要的非農業就業數據前,投資者對此有啲審慎,大型科技股和銀行股午後升幅收窄,杜指逐步回落,更一度倒跌,尾市略彈。

杜指收市報10406點,微升2點,較2009年收市低22點;標普500指收報1118點,亦微漲2點或0.2%;納指收報2281點,升7點或0.3%;羅素2000種小型股漲0.9%。杜指期貨最新報10398點,比現貨低水8點。VIX或「恐慌指數」續跌1%至19.1。

港股美國預托證券造好,ADR港比指數收報20984點,比香港收市高78點或0.4%。匯控回穩,收報81.17元,比香港收市高0.8%;中移動收報76.31元,比香港收市低0.3%。

歐盟表示預計希臘將公佈進一步削減預算赤字的措施,令市場稍稍放心。歐洲股市連續第3個交易日上漲,歐洲三大股市昨日都升逾1%。

連串的企業併購消息繼續提升大市人氣,繼上日英國保誠同意以355 億美元收購AIA集團的亞洲壽險業務,陶氏化學昨日表示,將向私募基金Bain Capital Partners出售部份業務,股價收高0.7%;化肥生産商CF Industries Holdings Inc亦上調對Terra Industries Inc的敵意收購報價,CF Industries跌1%,後者則勁升近一成一。併購交易增多,顯示金融市場趨穩及經濟正在改善。

早兩日講「唔輸做富翁」的題材,仲想再講吓,有個網友咁樣留言「陸sir, 看完你的兩篇"唔輸做富翁"文章, 都有些同感, 自己都可以算係個富翁, 比上(即係比起好多香港或內地富豪)不足, 比下有餘, 但秘訣並不是投資, 而只是努力工作及過著十分節儉的生活, 過去二十年太過專注工作, 沒有時間精神去研究股票, 到近年工作漸上軌道, 才小試牛刀買o下股票, 可能太過驚青, 贏粒糖, 輸亦輸粒糖, 即係無贏無輸, 收入來源全靠份工。」

呢位網友層自住樓供完,我估佢手上仲有幾百萬現金,都算小富啦,靠的是努力工作和節儉生活,這是我長久主將的「投資ABC」, 就係「投資自己,合理節儉,唔輸致富」。我覺得呢個方法最易做,但我又無太大力鼓吹,亦有原因,第一咁樣講出來好似太ABC,無形無款,好多人未必受。第 二,而家成日拗80後、90後,講到佢地好似毫無機會,再叫佢地努力工作怕俾人柴台。第三,有不少網友已經40幾、50幾、60幾,而家叫佢地努力工作有 啲過咗時機,唔條「橋」唔係人人啱。

不過去後生仔而言,呢個「投資ABC」 的道理仍然要講,自己係最大投資,你將自己睇成一隻股票,如果搞得好,可以愈做愈大,每個月為你提供好好回報,直頭係生金蛋的鵝一樣,若然做得好,無其他 投資可以為你帶來咁穩定的高回報,所以第一件事要試吓投資自己,做好份工。在做工頭五年係投資期,回報唔高,但係行啱條路,將來就會上軌道。頭五年做嘢最 基本的方法係博命,好多人以為老細最鐘意請精仔,請咗精仔就交到好業績,但事實上精仔好多都太精,出一分力要二分回報,老細要應付佢地日日敲門講數要加人 工都幾煩。但有啲人唔係咁精,但勝在夠博,老細反而鐘意呢啲人,做到嘢,到有機會時,老細會先諗呢種人。(由於呢個係投資網誌,愈講離題,唔再講咁多)

假 設你事業中規中矩,唔好唔壞,要有身家,就唯有靠節儉,賺3萬儲到2萬最好,供樓亦可當做一種投資,供樓的錢都算投資唔算消費,除非你住超哂你身份的豪宅 又另計。你開頭可供投資的錢好少,但愈儲就會愈多,這又回到我講的核心議題,唔好輸錢,唔好投資輸哂,情願回報少啲,但要穩定向上,如在跌市的年頭有正回 報則更佳。

網友stockinvest 的經驗可供參考,佢話「想說說我從投機變投資的過程。我在96年開始打工, 97年股市大升, 帳面大賺; 後來股市大跌, 有做止蝕, 仍虧本收場。2000年科網大炒, 我的資本已超過150萬, 對於一個當時不足30歲, 工資只有1萬多元的我, 感到很有股神Feel。正當資本逼向200萬前, 科網又爆。我止賺股票後, 又再入市, 到沙士時更變得虧本嚴重。這次後, 對保本感到很重要。」

05後股市大升, 恆指3萬多點時, 資本最高近550萬; 08年股市大跌, 由於組合(大部份轉為現金)防受性強, 資本最低也有450萬。今天要保飯碗已不容易, 要工資升更不用想。如把資本輸清, 15年後也蓄不回這筆資本。」

Stockinvest 話「有幾點經驗想和大家一起研究: 過去10年, 如組合未能走赢中電或港燈 ( 股價升80%, 每年股息4~5% ), 組合還是買一些公用股。無百分百穩陣的股票, 分散投資是必須的。我現在帳面虧損最重是滙豐和宏利。牛市一期如能買入細價股(或Warrant), 升幅非常可觀。熊市一期(或組合大跌20%, 包公用股時), 組合最好大部份轉為現金, 投機點, 則反手做淡。希望大家10年後, 投資成積都更進一步。」

Stockinvest 有450萬資本,我估也不完全是投資股票賺回來,相當部份也是打工13年幾儲回來。但佢從開頭全部炒,到現在比較多投資,知所進退,就是一種進步。佢提到 將自己投資和中電、港燈這些高息公用股10年走勢比較,有一定道理,過去10年中電港燈加埋派息,累積回報有120%以上,如果自己炒作無咁樣回報,都係 減少投機,增加投資好啲。

 

陸羽仁



唔輸 輸做 富翁 陸羽
PermaLink: https://articles.zkiz.com/?id=14465

唔輸做富翁(4) 陸羽仁


http://blogcity.me/blog/reply_blog_express.asp?f=5YTPBH5B812303&id=232590&catID=&keyword=&searchtype=

美股昨日反覆向上,全日波幅只有60點。券商上調多家藍籌股評級,以及許多零售商2月份銷售好過預期,吸引資金追捧,消費類股份走高,不過,好壞不一嘅宏觀經濟數據,令投資者對經濟前景無所適從,打擊投資情緒,好多投資者在等待今日公布嘅非農就業報告,睇定啲至郁手。

 

美股三大指數收高,杜指收報10444點,升47點;標普500指收報1123點,漲4點或0.4%;納指收報2293點,升12點或0.5%;羅素2000種小型股漲0.5%。杜指期貨最新報10432點,比現貨低水12點。

港股美國預托證券微升,ADR港比指數收報20665點,比香港收市高89點或0.4%。匯控收報81.28元,比香港收市高0.3%;中移動反彈,收報73.42元,比香港收市高0.8%。

美國一些主要的零售商昨日公佈業績,反映近期嘅零售業表現唔錯。折扣零售商Family Dollar 2月份同店銷售額增長3.6%。季節性商品、家居裝飾品與食品的銷售最為強勁。最近四週銷售額增長4.9%至20.9億美元。Family Dollar還上調了第二財季盈利預期。雖然受到冬季暴風雪的影響,賣高檔消費品嘅Macy’s百貨公司2月份同店銷售增長3.7%,遠高過市場預估的 1.4%,網上銷售大幅增長了38%。

另外,由於業績表現強勁,多家大行亦上調了多家藍籌股嘅評級。美銀美林將迪士尼評級由「中性」調升至「買入」;瑞銀同樣將可口可樂評級從「中性」調升至「買入」,波音公司的評級則從「售出」上調一級至「中性」。

公司業績理想,只欠宏觀利好消息配合。而至目前止,已公布的業績嘅美國企業有超過七成的業績都好都好過預期。但宏觀經濟數據始終未能跟上,總係好壞參半,壓住大市的升勢。昨日公布首次申請失業救濟人數下降,而持續申請失業救濟金總人數亦降至2009 年1月以來最低水平。但1月份工廠訂單數字較上月增長只有1.7%,差過預期的2.5%;同期二手房簽約銷售數字較上月大幅下降7.6%。不統一嘅經濟數 據令投資者憂心經濟是否真正在復蘇之中。只好等待較有說服性的宏觀經濟數據,今晚公布嘅非農就業數據就係重要指標之一,美股未來升跌要睇睇呢個數先。

     早 幾日講「唔輸做富翁」時,網友myself有此回應:「今朝同公司散友食早餐,散友想當年,佢話佢A level英文作文攞B,小弟問佢有咩秘訣,佢話方法好簡單,就係「唔好錯」,佢話方法係將一句好長好複雜既句子,拆成幾句簡單既句子,最緊要make sure冇錯,唔錯就扣唔到你分,自然攞高分。用係股票場上,一般散戶太在意股價上升時可以賺幾多,忽略了股價下跌時可以輸幾多。要做到『唔輸』就係要控 制風險,買入股票,風險就係股價下跌,要控制呢個風險,方法可以係只買好股,就算買完跌左,好股長期有盈利,有好既派息,股價此終會浮上水面,再創新高, 呢個係『投質的我』,以質素控制風險;爛股唔係唔可以買,但只能短炒,買前先定好『硬守一成止蝕』,又或者『本來打算買十萬,就只買二萬』,以注碼控制風 險。」

     Myself 總結得好好,英文作文唔錯就攞B呢個例子係好例子,我都學到嘢。我又講個例子,有兩個人打工夫,一個後生仔(用而家的潮語講就係80後或90後)拳風虎 虎,又起飛腳,一副生人勿近咁款,打到身水身汗,但一個老坑(而家興叫長者)慢慢行埋去,好滋油咁叉住後生仔條頸,後生仔竟然擋唔到,老坑呢招唔知係大極 定係乜,總之好實用,好直接,但係唔好睇,當台下觀眾好期望後生仔打贏,最後見到佢咁簡單被人打低咗,大家都好無癮,掌都唔拍,一哄而散。

     呢 個就係一般人自己人格分裂做「投機的我」和「投資的我」比併的結局,投機快上快落,好易贏,亦好易輸,就如後生仔打工夫咁,好過癮,好好睇,但未必好實 用,打擂台打10次贏9次,結果係9比1,都係贏,炒股即使炒10次贏9次,都會輸,因為你愈賭愈大,最後1舖輸番哂。80幾歲的巴菲特打贏N咁多個又睇 得又打得的對沖基金後生仔,就係上述打擂台故事的真實版。

睇雜誌有個故事幾得意,有個村屋發展商,之前一路都好成功,但一個大浪打過去,佢最後財政都唔掂,以為要破產之際,老婆有錢俾佢,原來佢過去每發展一個村,都會俾10分1單位俾老婆,最後自己唔掂時,老婆就攞番呢10分1單位出來救佢命。

     投 機太過癮,我建議大家唔好唔做,但要控制風險,同埋投機贏得多時,如果唔想抽啲錢俾老婆老公的話,最好自己抽自己水,攞一、兩成,兩、三成出來,抽走佢, 做一些穩陣投資,買中電股票又得,買間三四線區域的地舖收租都得,總之係有穩定收益的投資,兼且係唔會短期大升的投資(無大升就唔會大跌)。投機贏錢唔 難,最難係唔輸,最難長勝,最難保住賺到的利潤,所以抽水係一個方法。巴菲特一年賺10%、20%就巴巴閉閉,你搵港股10大升幅榜,求其搵一隻去跟,又 唔止蝕,都有50%機會跟到一隻爆升股,一係唔升,一升1個月升20、30%一啲都唔奇,你呢一刻超過巴菲特一年的回報,但點解炒細股的人做唔到巴菲特, 因為佢賺完之後,好快又輸番出去,所以投機除咗要諗如何大贏之外,亦要諗如何小輸,贏間廠,輸粒糖,你就可以贏,那怕是輸咗3、4粒糖後才贏到間廠。

     至於投資,就如上述的老坑出招,只係一招,但要非常直接,候低買入好股,長揸唔沽置富。切忌太多花巧,甚至換出換入游水都唔適宜,因為游兩游好易唔買番,騰訊、比亞迪好多人買過,不過賺少少就走咗。

     我鐘意既投機、又投資,長短兼備,我覺得投機難過投資,因為對手太強,他好像『1984』書中的老大哥一樣,總是操控大局,所以我投機主要目的,是為了掌握市場的感覺,唔係博命。

 

 

唔輸 輸做 富翁 陸羽
PermaLink: https://articles.zkiz.com/?id=14466

投資20年(1) 陸羽仁


http://blogcity.me/blog/reply_blog_express.asp?f=5YTPBH5B812303&id=234540&catID=&keyword=&searchtype=


照牌面睇美股昨日壓力應該都幾大,因為穆迪投資發出警告話美國、英國、德國和法國等國家如果唔理順現時的財政狀況,將會 失去AAA的主權信用評級,英鎊率先大跌;另外,市場憂慮中國將會加息以遏止通脹,連油價都急回。不過投資者似乎 對利淡因素不為所動,三大股指基本上原地踏步。杜指尾市更止跌回升,表現硬淨,倒升17點或0.2%至10642點,標普500指數微升不足1點,收報 1151點,納指跌5點或0.2%至2362點。杜指期貨最新報10574點,比現貨低水63點。

 

港股美國預托證券個 別發展,ADR港比指數微彈,收報21098點,比香港收市高19點。匯控收報80.46元,比香港收市低 0.5%;中移動收報75.34元,比香港收市高0.4%。

  穆迪投資表示,由 於美國和英國償還債務利息的成本正在上升,正接近喪失其AAA主權信用評級的地步。穆迪全球主權風險部門董事總經 理Pierre Cailleteau稱,英美兩國政府一方面需採取措施降低債務負擔,另一方面又不能由於過快撤回財政刺激性措施而損害經濟增長,正處於一個兩難局面。

  穆迪公佈的一份報 告中稱,根據穆迪的所謂「基線情境」(baseline scenario),美國政府今年所需支付的債務利息成本在政府總收入中所佔比例,要高於除英國以外其他任何擁有AAA信用評級的國家(即係只有英國差過 美國);預計未來三年,美國政府的這種成本將在全球各國中居於首位。Cailleteau稱:「我們預計,從主要評級指標來看,英、美兩國在年底以前的情 況將進一步惡化,此後才會開始趨於穩定。」穆迪指將把2010年政府收入的大約7%用於償還債務利息,2013年這一比例則將上升至接近於11%。

昨日,美國國會參議 院下屬銀行委員會主席Christopher Dodd公佈了一項全面整改金融監管體系的新方案,方案包括四大提議,一、終結「大到不能倒」的政策,即賦予聯儲局可以拆分那些可能對美國經濟穩定性造成 「重大威脅」的大型公司的最終權力;二、建立一個獨立的消費權益監察機制(watchdog);三、發展可以識別高危產品和運作的預報系統,以及四、對沖 基金和衍生工具都更加透明和負責任。Dodd表示,「我們必須恢復金融體系中的責任感和問責性,讓美國民眾相信我們已經準備好了一個旨在為他們服務以及保 護他們的體系。」不過,預計方案會遇到華爾街和共和黨人方面的強力反彈,因此,是否成事,仍係未知之素。

令杜指「起死回生」 嘅主要係沃爾瑪,花旗集團預計沃爾瑪將進一步加大減價促銷力度,可以吸引更多對價格敏感的顧客,將這家零售業巨頭的股票投資評級從持有上調至買入。沃爾瑪 股價上漲2.8%,係表現最好嘅杜指成份股。

講完美股講吓投資, 有網友問起一個好長線的投資問題,wst問:「如果我想月供一隻股票,係10~20年,有咩比較好o既選擇?」答 呢個問題前,見到網友irislau問好唔好將匯控(0005)股價及相關新聞 轉做恒生H股ETF基金(2828)股價及相關新聞 ,我覺得好有相關,可以講吓。

    在呢個世界有兩種股民,一種係鐘意炒炒吓的人,一種係好唔鐘意炒的人,前者多數追逐一啲可以在短期內令佢發達的 股份或窩輪,最好一個月升10倍。後者只求買入安全的股份,銀行定期存款收2、3厘息時,他們也只求這些股份能派差不多的利息,而股價年年有增長就OK, 不求一朝發達,也唔想一舖玩完。

    我自己有一半屬於呢類穩陣的人,係「投資的我」,(另一半個我係 「投機的我」,愛好研究成功的投機方法),所以經常向人討教穩陣的投資。10幾年前有一個老人家叫我買香港電訊(即係而家的電盈(0008)股價及相關新聞 ),話佢派息OK,業務又有增長,係退休之選。

    7、8年前有一次我同一個資深投資銀行家同坐長途飛機,咁長時間講到無嘢好講,就問佢見盡咁多上市公司,邊一家 最穩陣可作長線投資,佢話只有一間,就係匯豐,佢自己後生時在匯豐的商人銀行部做過,覺得匯豐的管理一流,話國企的管理水平根本無得比。

    事後睇番呢啲投資建議,有少少黑色幽默的味道,先講電盈,佢有兩大刧,第一刧係專營權,港英政府在回歸前批咗個 國際通訊的超長年期專營權俾佢,去到2006年,當年打長途電話去歐美要1、2元1分鐘,但90年代回撥商打入IDD市場,長途電話費開始跌價,後來政府 更花幾十億贖回香港電訊的國際通訊專營權,電訊戰國時代隨即展開,香港電訊的好日子一去不返。

第二刧當然後英國大 東將電盈賣俾李澤楷,合併前夕,當時是科網股的狂潮中,李澤楷的盈科拓展和香港電訊的市值各自炒到3000億以 上,兩隻股加埋6000億,呢個泡真係大到無人信,結局係點大家都知。後來追貨炒電訊股的人無得怨,最慘就係一直揸開香港電訊作退休投資的老股民,本來無 諗過炒,揸住隻股無端端炒高,又無端端爆埋,喊都無謂。我話香港電訊有兩刧,但一般股民睇唔到就係睇唔到,唔知好股咁易變成壞股,你唔留意,唔知佢壞咗, 死揸落去就好慘啦。

    匯控的故仔更新鮮,匯控在90年代初因為怕97問題遷冊倫敦,開始 佢大手併購,展開投資歐洲、投資美國之旅,匯控大併購,開始時也有高回報,佢在90年代已是巨型公司,仲可以做到純利年年有10幾、20幾巴仙增長,唔靠 併購根本無可能,但「福兮禍所倚,禍兮福所伏」,最後搞到去年要28元供股。呢個故仔證明世界上根本沒有無敵的管理層,你在佢公司相對表現好的時候,看到 相對地好的管理層,就覺得佢地無敵啫。雖然匯控管理好過國企,但亦唔可以話佢地的經營策略一定啱。匯控的管理層以英國人主導,手法原本比美式管理層保守, 但要他們四出攻伐大展拳腳,卻又非他們所長。

    所以睇完呢兩個例子,如果你叫我搵一 間公司俾你去月供20年,之後你唔再去理佢,我就唔敢建議一間公司俾你,因為即使今天係好公司,亦難保佢明天唔會變壞,佢可以業務變壞,換咗老闆,換咗策 略,總之都有很多由好變壞的可能性。

(明天再續)

投資 陸羽
PermaLink: https://articles.zkiz.com/?id=14690

投資20年(2) 陸羽仁


http://blogcity.me/blog/reply_blog_express.asp?f=5YTPBH5B812303&id=234709&catID=&keyword=&searchtype=

聯儲局昨日議息,決定 維持利率不變,經濟最差嘅時候已經過去,不過喺就業市場未有明顯改善前,美國將繼續在「較長時間內」維持極低利率水準不變。結果符合市場預期,美股三大指 數小漲0.4至0.8%,但走勢不俗,都以接近全日最高位收市。標普500指數更攀升至17個月新高,上升9點至 1159點;杜指漲44點,收10686點;納指升16點至2378點。杜指期貨收10618點,比現貨低水70點。

用電氣,Intel和美鋁(Alcoa) 帶領大市向上,通用電氣話預計明年將上調股息,股價漲4.5%,係表現最好嘅杜指成份股;Intel漲4%,美鋁升2.2%。

    聯儲局議息後的聲明無大變,繼續緩慢地提升除了樓市以外的美國經濟的評估,例如勞工市場,上次聲明講「衰退放 慢」,今次講「穩定中」;例如企業購買機器和軟件,上次話「看來增長中」,令次話「明顯增長」;講到地產語氣就差啲,加了一句話「新屋動力在一個低水平企 定」。聯儲局會停止量化寬鬆政策,即係停止買按揭債券,佢正觀停止後市場如何反應。

港股美國預托證券上 揚,ADR港比指數收報21192點,比香港收市高169點。匯控收報81元,比香港收市高0.5%;中移動收報 75.71元,比香港收市高0.9%。杜指收10686,正上衝10700以上的高位,市場對儲局議息的反應正面,未來杜指有機上破高位,問題只是帶得高 幾多港股而矣。

再續昨日講到「投資20年」的話題,好多人想找一 隻股,買咗放埋一邊,20年後先至睇佢,或者20年每月去供,唔理好醜夾硬供,希望20年後修成正果,我話如果買個別股票,無呢種「唔使睇去投資」的選 擇,因為強如匯控(005)股價及相關新聞 和香港電訊(008)股價及相關新聞 都會變質甚至大大變質。如果你揸電訊作長期投資,10年前劇變時應該閃咗,如果你揸匯控作長期投資,即使無換馬,都應該緊密監察佢的表現,點解咁講? 佢在08年開始金融風嘯時業績大跌無得好講,但去年下半年美國銀行業的業務大反彈,本來大家都預期匯控去年業績有不俗的反彈,點講都有番70億美元以上的 純利,點知只得55.7億美元,大家唔好忘記,佢在07年高峰時純利有190.4億美元,05和06年都有150億美元以上純利,所以大家都期望匯控可以 有重回100億美元以上純利的一日,但匯控去年業績較水皮,唔單止美國、歐洲唔好,亞洲業務都係好呆,令大家期望落空。

    又例如再一年過去,明年今日匯控又係得50幾億美元純利,你應該點做,唔理,繼續「期望」佢將來有表現,還是放 棄,唔揸一隻無乜增長、市盈率高達30倍的股票?雖然我唔係話一定要換走匯控,只係話要將佢放入監察名單,但你買個別股票,唔可以唔睇唔理20年。呢個道 理,同樣可以加在國壽(2628)股價及相關新聞 、招行(3968)股價及相關新聞 或任何一隻你地喜歡的股票身上,唔係唔可以買,唔係唔可以月供,只係買完要睇住,睇吓佢有無變質。

    如果你話你唔想、唔識睇得咁緊,你就好難長買個別股票,我會建議你買恒生H股ETF基金(2828)股價及相關新聞 ,買佢等如買國企指數,買指數基金有好多好處,其中之一係基金經理跟指數組成去買股,無乜技術,所以管理費好低,但呢種基金一定唔會跑輸指數,當然亦唔會 跑贏,因為你買緊指數。另一好處是製作指數的服務公司,會不斷挑選股票,把強股加入,把弱股剔除,即係由指數公司幫你揀股;起碼買指數係分散投資,即使其 中一兩隻死咗,仲有一大堆好公司沖淡壞公司帶來的損失。

    買國企指數,等如買中國經濟,買佢 10年、20年,係估計中國經濟未來10年、甚至20年還有可觀發展,而家中國經濟每年有8至9%增長,企業盈利有20%增長,假設未來頭10年中國有 8%增長,後10年有5%增長,咁企業盈利一年都有10%以上增長,指數按道理平均都有10%以上增長,因為長線來說,公司股價加派息和盈利增長同步,所 以有咁樣盈利增長,就可以有咁樣回報增長。

    當然月供H股指數基金,亦唔係完全唔 使睇,但你唔係睇中國短期政策,唔使睇佢係唔係收緊銀根,只係每年年頭睇吓中國去年經濟增長對唔對辦,睇吓中國經濟大方向有無變就得啦,大方向無變可以繼 續揸。收到利息,唔好使咗佢,投埋落去,才有複式增長的效果。如果投資有10%回報,複式投資7.2年就增長一倍,這就是「72律」,如果有20%回 報,3年幾、4年就增長一倍(4年回報107%),你有錢就投落去,若有10幾%年回報,5、6年就翻倍。

    這是一個基本組合,可以在此之上有變化,唔想單買中國,可以三分二買中國,三分一買印度,市面有幾隻印度指數 ETF可以買,印度經濟雖然略慢於中國,但都會長期維持較高增長,佢人口將來會多過中國,「人口紅利」會大過中國。或者唔買或唔淨係買指數基金,可以加 入、甚至以個股取代指數基金,例如你喜歡國壽(2628)股價及相關新聞 或招行(3968)股價及相關新聞 ,可以買佢地,但要每年和指數基金比較,看佢地能否跑贏指數,跑唔贏睇吓點解,隨時換馬。

    記住呢啲都係長線投資的「笨策略」,不求高回報,首重安全,但要持續投資,不要長期空倉揸現金,長線嚟睇,揸現 金多數會跑輸股市指數。

 

陸羽仁



投資 陸羽
PermaLink: https://articles.zkiz.com/?id=14691

營運人生 陸羽仁


http://blogcity.me/blog/reply_blog_express.asp?f=5YTPBH5B812303&id=237395&catID=&keyword=&searchtype=

美股第四日上升,不 過升幅輕微,成交量亦好低。反映投資者喺就業報告公佈前都好克制,加上週五美股假期休市,都係睇定啲再算。大市全日在窄幅波動,杜指波幅只有73點,收市微升12點或0.1%,造10907點;標準普爾500指數持平,收報1173點;納指漲6點或0.3%,收 2411點;杜指期貨最新報10853,比現貨低水54點。

港股美國預托證券偏 軟,ADR港比指數收報21304點,比香港收市低70點或0.3%。匯控表現較弱,收報78.96元,比香港收 市低1.4%;中移動造好,收報75.73元,比香港收市高0.6%。

美國昨日公佈的經濟 數據唔錯,3月消費者信心指數為52.5點,超過2月的46.4點,亦好過市場預期的51點。而標普公司發佈的房 價數據顯示,1月份美國房價的年降幅創下近3年來新低,反映美國房地產市場仍保持著不錯的活力。不過值得注意的是,目前已有跡象顯示,自2009年後半 段,房價反彈勢頭正在減弱。房屋銷售全靠政府推出稅務優惠頂住,刺激房市的優惠政策一旦到期,房價就即時大幅下滑。明眼人指出,1月份CS房價指數的上 升,主要原因係是該指數計算最近3個月房價的平均值,而去年12月的房屋銷售強勁,數據亦相對偏強。

昨日杜指升向11000點大關前受阻,主要是希臘賣債券唔理想,佢在周一標售50億歐元7年期債券,昨日再試售10億歐元債券,但市場反 應不理想,令呢批債券孳息率上升到6.24厘,差不多比一日前那批債券俾高0.25厘孳息。由於希臘在未來一個月還要沽100億歐元債,去貨唔係咁易。

歐洲未似解了困,連 國際貨幣基金組織(IMF)的總裁卡恩(Dominique Strauss-Kahn) 亦出來示警,佢在訪問羅馬尼亞時,呼籲各國應集中力量對監管系統進行改革。佢話,經濟危機顯現了「全球性應對」的必要性,但隨著危機的逐步過去, 全球經濟的復蘇跡象導致各國領導人的改革緊迫感下降,推動金融監管改革的國際動力正逐漸消退。如果未來再發生類似的危機,「對各國政府來說,它們很難再要 求納稅人為挽救銀行睇數埋單,雖然這並不是一點可能性都沒有。」他表示,下個月IMF將提議對銀行業徵稅, 「限制銀行業的高風險行為,為未來可能的援助行動儲備資金」。卡恩警告,目前歐洲經濟的復蘇滯後於美國和亞洲國家,如果現在歐洲各國不快速採取行動,未來 10至20年內,歐洲國家可能淪為「二流國家」。

美股昨日受累於希臘賣 債不成功,但收局仍維持少升,又是一個慢升向上的股市,杜指在3月升了17個交易日,只係跌了4個交易日,而且自 2月起沒有連續兩日下跌,這個升市數據奇怪而驚人。不利因素仍然係升極個市成交都好少,而且上升/下跌線呈現負面訊號,即係下跌股比例在增長中。呢啲慢升 市比例少見,好多預測大市會調整的歷史數據不太管用。

最後想講講網友宅男的 問題,佢早兩日話自己只儲得10幾萬,想炒股博一博,博一年後有90萬買到樓和女友結婚。我當時回應話「宅不入急 門,太急買樓,小心買咗貴嘢。」

佢再留言: 「我的女友見同齡的朋友都結婚置業了無錯,我係起步遲....07年果時借錢買股希望快D 搞掂個首期,結果輸突,經過五蚊食四餐的苦日子,終於捱到現在有番十多萬在手。陸SIR講o既,各位師兄師姐講o既,我完全明白,但是,我的女友可能講得 啱,難道要她等了三年又三年?高學歷,低人工,甚至之前無人工....想腳踏實地再捱下去,但我的女友見到咁多人都結婚了,置業了,等不到了.....」

宅男話:「我在做一些曲高和寡的工作,做成了,確實可以高收入高地位,但就是這幾年來,人工少人一大截,前途又不明。我的女友可能對 的,做教師,做警察,做公務員,薪高糧準,一早拍拖三年就結婚了....我的女友等不到了,這次只能靠去搏,沒有時間,2011年底已經是遲了,越早越 好,可今年底就今年底,今個月就今個月。已經沒有什麼理性了,因為感情是感性的....」

睇完宅男的留言,覺 得有啲悲,覺得佢有啲趕住入賭場送死的壯烈犧牲味道,其實我第一次回應時唔只怕佢買貴樓,仲怕佢趕住炒股連僅有的10 幾萬都輸埋,睇完佢第二個留言,更加深我呢個感覺,既然佢07年都試過借錢買股輸到突,點解呢次佢覺得自己會得呢?

宅男,有無諗過自己 都有少少問題呢? 你話自己「做一些曲高和寡的工作,做成了,確實可以高收入高地位,但就是這幾年來,人工少人一大截,前途又不明。」雖然我唔知你做乜,如果我係你女友,都 覺得你有問題,因為女友的青春有限,都唔知你得唔得,再過三年、五年,自己都人老珠黃,如果又證實你的事業唔掂,嫁唔過,都唔知點算,所以似乎係逼你正正 經經做人,唔係逼你炒股博一舖喎。

我曾經認識不同的年青 朋友,大學畢業想創業,有人搞IT,有人搞雜誌,覺得搞得到會發達,做兩三年唔係好掂,唔想唔落時,問我有乜建 議,我就話第一個方法係俾個目標自己,如果再搞一年唔掂,就要收手,正正經經打份工先講啦。第二個方法係除咗「正職」外,搵份大兼職,番6個鐘8個鐘工, 搵多1萬銀一個月,幫補吓,即係第一份工為理想,第一份兼職搵收入,一個月搵多1萬,1年都12萬,8年都100萬啦,如果你第一日做嘢就逼自己做多份兼 職,結局都唔同。佢地會話好辛苦,我話當你畢業10年後,發覺創業唔掂,袋中又無錢,咁仲辛苦啦。我通常贈多佢地一句,年青人工作經驗太少,若太早創業, 經驗和基礎太薄弱,成功機會好低。

我唔知宅男份「曲高和 寡」的工作係乜,但我覺得你的核心問題是每月收入太低,若不想法子提高收入,反而想賭一舖,危險之極。我估你女友睇唔到跟你有乜前途,只係用賣樓來逼你, 若然見到你收入增加,或者唔使咁急逼你買樓,樓市咁高,你資金咁緊,租樓安全過買樓,若你先結婚,扣埋租金開支仲有一定現金儲蓄,定一個5年買樓計劃,樓市有週期,等樓市去番較低週期時才買樓,可能安全一點。

營運自己的人生,同 營運一間公司一樣,首先要增加收入,增加現金流,若你第一步搞唔掂,你呢間公司無乜前途。

 

陸羽仁



營運 人生 陸羽
PermaLink: https://articles.zkiz.com/?id=14894

營運人生(2) 陸羽仁


http://blogcity.me/blog/reply_blog_express.asp?f=5YTPBH5B812303&id=237568&catID=&keyword=&searchtype=


ADP就業數據及商業活動指數報告差過預期拖累,美股第一季最後一個交易日下跌, 結束了四日的升勢。埋單計數,美股今年首季有非一般嘅好表現。杜指和標準普爾500指數分別上升4.1%4.9%,係1999年及1998年以來最大的季度升幅。

 

杜指收報10857點,跌51點或0.5%;標準普爾500指數收報1173點,跌4點或0.3%;納指挫13點或0.5%,收2398點;杜指期貨最新報10827,比現貨低水30點。

港股美國預托證券偏軟,ADR港比指數收報21217點,比香港輕微收低22點或0.1%。匯控收報78.71元,比香港收市低0.5%;中移動靠穩,收報74.72元,比香港收市高2仙。

美國勞工部將於本週五公佈3月份非農就業數字。經濟學家預測非 農就業將有大幅增長。不過,人力資源服務公司ADP昨日卻發表了一份差過市場預期好多 嘅私企就業報告,3月份總計裁減了2.3萬個職位,而經濟學家的平均預期為 增加4 萬。另外,紐約及芝加哥供應管理協 會(ISM) 發布的經濟報告均顯示,兩地的商業活躍度都差過2月,紐約地區更跌至自去年8月以來的最低水準,不過令人稍感安 心的是,當地企業對未來前景的看法較以往都樂觀。

個股方面,拖低大市嘅主要係家得寶和卡夫食品等消費類股,原因私人部門就業 人數意外減少及原油價格上漲對消費類股構成壓力。家得寶及卡夫食品齊挫約1%。支撐大市嘅係油股。奧巴馬公佈了新的海上油氣開發戰略。美國將在大西洋沿 岸、東墨西哥灣和阿拉斯加北岸擴大石油和天然氣勘探。雪佛龍逆市漲0.7%,係表現最好嘅杜指成份股。

 

再想回應一下宅男的個案,宅男你應 該明白,呢度有好多朋友關心你,俾好好的意見俾你。

聽完你講,又明白你的情況多啲。你話「陸SIR你的說話對我有很大的衝擊﹗原來就 算一份有理想的正經工作,只要沒有讓人感到安心的前景,亦可以不算作是『正正經經做人』。我心中還怪她不懂我的理想、我的事業,我原來我知道但不明白青春 對女人來說的重要性。沒有確切的結婚時間表,即使我明知自己一定對她不變心,但她一定不會安心。要她安心,不是靠哄,一定要做D實質嘢讓她安心。我會好好的計劃一 下,並且在最快的時間去實行。感謝你﹗」

  睇你咁講,就知道你真的不太明白女 人的心態,在現今香港世俗的眼光下,男人30歲唔結婚無乜所謂,等40歲結婚 都得,而且男人年紀大啲事業基礎好啲,可能選擇更多。但女人到30幾、40歲仍未結婚,若佢仲想結婚的話(有不少事業女性選擇不結婚), 已經較遲。所以女仔近30歲,或者過30歲 就開始緊張,如果你唔想結婚,或者發覺你事業幾唔掂,同你結婚都無前途,女仔都會幾徬徨。

   如果你係吊兒啷噹那類男仔,咁就無得好講,你睇你又唔似,所以一定要照顧女 友的感受。你話「我絕對絕對不會換的,如果有一天她離開我了,我也不會找另外一個了,我的心只有一個空間裝下她」只是這幾句話,本來已足夠令女友 感動,但人生好現實,感動 完都要開飯,都要睇番嫁你有無前途。  

我睇你近排炒股幾順利,所以 想炒股由10幾萬變90萬俾首期買樓,你話「現在明知自己 是炒股,都盡量保持心情平穩。我會認真考慮現在1個月內搏到的40%利 潤是自己好彩還是懂得技巧。」股場食人唔見骨,雖然我唔敢講你一定唔掌握炒股技巧,但都可能有一半可能是好彩,唔好信你個個月搵到 40%,否則你108年就追到巴菲特啦,所以量力而為, 好自為之啦。 

       又去番我之前講的話題,將自己當作一間公司,要增加呢間公司的現金流,以累 積致富。若果而家份工唔係幾得,即使好有理想,都要諗諗係唔係搵番份無咁有 理想但搵得多啲錢的工作,要知道一個月穩定地搵多1萬元,比你今個月突然炒股賺幾萬元 重要,工作收入可測性高,炒股三更窮 五更富,玩吓唔拘,可以靠炒股食糊的人,百中無一,唔知你係唔係嗰一個。反而增收節支,係營運自己人生的不二法門。 

           除咗增加現金流之外,仲要將目 標定得現實一啲,例如買細價樓後都打算花10萬、20萬裝修,可省就省,Cheap cheap地買咗第一間屋之後,只是一個起步,5年、10年後可以買一間更好,第一間樓唔好 花費太多,反而人要俾個高啲目標自己去追 求。同埋最好同伴侶有商有量,統一目標,咁就比較易共同奮鬥。

               最後想講講網友的kostolany的個案,佢咁話:「陸Sir之前你提 過『人生有兩杯酒』,我宜家成日都我同個仔洗腦﹝雖然只係幼稚園﹞希望佢識杯苦酒飲先。因為我自己人到中年開始感受到『社會殘 酷』;大學畢業後黃金十年冇好好搏上位;買嘢旅行用晒D錢,如 果唔係應該閒閒地儲到一百萬。好在05年因有左BB,家人出首期幫手上左車......

           「但係都好愁,因為人到卅十幾,病痛多,份工又係Contact,隨時被人叮走,好聽就十幾年經驗,其實識嘅野(我嘅係IT)已經Out晒, 人地寧願請Fresh Graduate好過﹝膽正命平﹞。一 諗到可能又要失業就好Down,到時就係「敗犬中 年」。你叫我依家老弱殘兵點同Fresh Grad比,我而家 仲點OT同通頂?」

        kostolany係過來人,又係一個活生生的例子,呢啲經驗後生仔要記取,後生唔博,唔 增加自己現金流,中年想博都難,佢尚幸都叫做買樓投咗資,都算有啲揸拿啦。不過kostolany亦唔好灰心,我 俾兩個建議你,第一工作上仍然要博,願意行多兩步,老細要炒都唔會炒你先。第二人生仲有好多嘢學,學好投資終身受用,我只係教大家基 本功,其餘要大家自己去摸,摸得好可以不斷搵到倍升股。投資係一本好深的書,要慢慢讀熟,到你熟悉一間公司的情況差唔多熟過個CEO,咁你買股就無住而不利,當然,咁 要落好多工夫,花好多時間研究,做得好等如另創一番事業,人生亦唔止朝九晚五返工那份工。學好投資係一份最好的兼職,可以不斷增加你的現金流。

 

後記:祝大家復活節快樂,網誌要等下周三恢復。

營運 人生 陸羽
PermaLink: https://articles.zkiz.com/?id=14895

營運人生(3) 陸羽仁


http://blogcity.me/blog/reply_blog_express.asp?f=5YTPBH5B812303&id=238583&catID=&keyword=&searchtype=
美股而家睇住個阻力位睇玩,投資者注意力都集中在杜指11000點及標普500指數1200點阻力位。杜指星期一、二都在阻力大關前止步,昨日更係借住消費者信貸下滑差過預期及希臘經濟轉差的消息調整,先回一回氣。 杜指上午反覆偏軟,杜指在10950點徘徊,下午跳水,最多跌過125點,臨近收市的15分鐘反彈逾50點,收報10898點,跌72點或0.7%;標普500指數收1182點,跌7點或0.6%;納指有剛剛出咗iPad的蘋果頂住,只係微挫6點或0.2%,收2398點(我攞咗部美國最近運到的iPad嚟玩,好似部大型iPhone咁,上網畫面好易拉大縮細,都幾好玩,實打低亞馬遜部電子書kindle啦);杜指期貨最新報10833,比現貨低水65點。港股美國預托證券跟隨大市偏軟,ADR港比指數收報21780點,比香港收低148點或0.7%。匯控收報79.78元,比香港收市低0.5%;中移動收報75.91元,比香港收市低0.6%。導致美股跳水嘅導火線主要係聯儲局午後公佈嘅消費者信貸報告,美國2月份消費者信貸下滑115億美元,降幅遠超市場預期的預期的減少100億美元到增加50億美元之間,更創下3個月以來的最高降幅,反映消費者憂慮就業前景,正努力還錢減債,單係碌卡消費方面,就減少了94億美元,以年率計跌幅達13%。 另外,希臘政府昨日將預算赤字預期由佔國GDP的12.7%調升至12.8%至12.9%,反映希臘經財務狀況有惡化跡象。希臘股市在銀行股急挫拖累,下挫逾3%。這為歐元帶來唔少壓力,歐元對美元匯率下跌0.2%,至1歐元兌1.3363美元。美元指數回升至81.612,資金流入債券市場,美國短期及長期債券的收益率分別下跌2%至3.7%。美股已連續上升了一段時間,回調其實都係投資者預料之內,投資銀行Jefferies首席市場策略師Art Hogan就話,「在過去30個交易日內,股市只有7天下跌,要是你每擊球30次只有7次落空,你都有資格進入棒球名人堂了。」調整正常,只要唔係大插就得啦。 早兩日看到網友blueangel一段留言,幾有意思,值得一記,佢話:「見到好多人為結婚而做樓奴, 高位追貨都咁心雄, 往往都係最後一批推升樓價既人, 就好似97年咁, 個個都驚死買唔到樓, 走去高位買返間, 中產變窮, 窮變破產, 呢個世界只有窮人同富人啦, 只係識打份工, 只夠你食餐飯仔, 一個唔覺意炒炒吓股票連本都冇埋真係喊都冇謂, 報紙睇到街邊拾垃圾既呀伯都有身家過千萬, 相信好多人一世都冇咁多錢, 也估唔到街邊阿伯都會有咁多錢, 只因佢善於增加收入, 不過有咁多錢唔識點用又係問題, 所以講到尾要量入為出, 也要記住冇咁大個頭唔好戴咁大頂帽, 搵錢洗錢都係大學問, 學唔識就一世窮人了。」    我早兩日講起營運人生的主題,認為有人窮有人富,除了天生條件之外,主要係營運人生的方法不同,好似做實驗咁,假設你的能力和條件已經control咗(控制咗),但你營運人生的方法不同,仍然可以有兩個截然不同的結果。我假設大多數人能力和條件都係平平,但只要營運得好,仍然可以過一個富足的人生。    營運人生的關鍵是增加自己的現金流,用現金流去做可以不斷增值的投資,累積下來,就可致富。增加現金流的基本方法是提高收入,控制消費,提高收入的基本方法是做好自己份工,博殺博上位,如果升職加薪機會微,後生仔精力好可以做多份工,捱出彩虹,當然,良好的投資也是增加現金流的方法。    增加現金流後,最好作長線投資,買樓是一般人最好投資的方法之一,但最最重要是睇時機,若在好高價買咗間樓,等如摸頂買股,係一種好壞的投資,可以消耗你10年、8年的現金流。網友blueangel話:「見到好多人為結婚而做樓奴, 高位追貨都咁心雄, 往往都係最後一批推升樓價o既人。」大家買樓,唔好將個使用需要和鉅額投資混為一談。後生仔結婚,要有自己的安樂窩,所以生起買樓之念,但要有樓住,唔一定要買樓,租樓都得,租樓一樣可以滿足都住屋需要,唔一定要在結婚時唔理市場環境去買樓。    當然,租樓的壞處亦不少,主要有兩個,第一租樓係幫人供樓,如果你長租30年,的確唔係幾化算,因為你30年無買樓,你俾的租金都應該夠供一間樓。但租3、5年又係另一回事,樓市3、5年一個小週期,而家好貴,3、5年內應有買較平樓的機會,把買樓的時間放長啲,等調整先至買,這樣作買樓這種超長線投資,可能好啲。第二個租樓的壞處係心理因素,男方買到間樓結婚,係顯示一定的經濟實力,讓女方或女方家長顯得有面子,但如果你要花100萬買呢啲面子(潛在買貴咗的部份),就要諗吓值唔值。如果你無買樓,但俾女方或其家長睇吓,你有可做首期的50、60萬,買咗藍籌股、國企股長揸,係唔係一樣咁有面子?    我唔會阻止人買樓結婚,因為人人買啲樓唔同,如果你而家去深井買3000幾元一呎的樓結婚,呢啲樓唔係升好多,衰極有個譜,萬一下跌跌到2000幾元一呎都差唔多,你租樓都要7000、8000元,咁要買來結婚都無大壞,特別係你唔買樓啲錢都係使咗去的話,咁不如買樓好過。但而家好多後生仔喜歡買新樓,元朗7000元一呎,大圍8000元一呎,500呎都要300萬、400萬,就真係要三思啦,因為行過隔離,啲10年樓齡的二手樓平一半有多,新樓好多係天價。新樓過10年變舊樓,以現價買隨時買貴咗100萬、150萬,呢150萬如果以10年一條直線咁攤開計,即使唔計利息,俾多150萬,即係每月要俾12500元,計埋利息更多,如果你只是賺1萬幾元人工,隨時10年白做,人生無乜幾多個10年。所以即使叫到阿爸阿媽幫你俾首期,買唔買樓,買乜嘢樓,都要諗清楚。    當然,如果你係短炒又另計,短線睇樓市上升居多,8000元一呎買番來,博9000元一呎賣番出去,呢個係另一個遊戲,在資金市的確有可能成功,但一般而言,呢啲唔係新婚夫婦玩的遊戲。從長線投資的角度,買咗貴嘢,等如作咗壞投資又無法斬纜,係會在一段長時間侵蝕你的現金流,和投資增值的目標背道而馳。陸羽仁
營運 人生 陸羽
PermaLink: https://articles.zkiz.com/?id=15032

營運人生(4) 陸羽仁


http://blogcity.me/blog/reply_blog_express.asp?f=5YTPBH5B812303&id=239294&catID=&keyword=&searchtype=


 

美股上週五反覆向上,連續第六周上漲。杜指尾市一度突破萬一點大關至11001 點,係自2008年9月以來嘅首次。杜指收市輕微回順至10997點,升了70點;標普500指數漲8點,至1194點;納指收報2454點,漲17點; 三大指數齊漲逾0.6%。杜指期貨指數最新報10997點,與現貨平水。

 

港股美國預托證券造 好,ADR港比指數收報22280點,比香港收高72點或0.3%。匯控收報82.41元,比香港收市高 0.6%;中移動收報79.52元,比香港收市高0.3%。

LPL Financial機構首席市場策略師Jeffrey Kleintop表示:「杜指突破1萬1千點關口,是市場復甦的明顯證據。」

美國2月份的批發庫存由跌轉升,好過市場預期,以及希臘財政危機出現轉機,美元回順,大宗商品價格回升,都係推動美股向上的主要動 力。

美國商務部上週五公佈的2月份批發庫存較上月增長 0.6%。高於市場預期的0.4%,而批發銷售創下2008年10月以來新高,已連續11個月上漲。批發庫存和銷售的增長係一個令投資者鼓舞的訊號,這意 味著美國企業正意識到市場需求正續步走強,因而重新回補此前被清空的庫存,這將有利於美國經濟的持續復甦。

昨日,歐盟及國際貨 幣基金會(IMF) 終於敲定並公佈了救援希臘方案的細節,同意以低於市場利率借出450億歐元予希臘政府,藉此挽救希臘財務危機和歐元的頹勢。其中歐盟借出300億,剩餘的 150億由IMF承擔。

歐元區國家的財政部長 表示,希臘政府的借貸成本已創出11年新高,而歐盟提供的三年期貸款利率為5厘,遠低於現時希臘三年期債券的 6.98厘。倫敦BlueGold Capital Management 的總裁Stephen Jen表示,這筆貸款額度之大,對短期內解決希臘困境而言,威力更勝火箭炮(bazooka)。對被沽售的希臘資產將產生提升的動力。此前歐盟已放出一致 同意援助希臘政府的消息,希臘股市上週五攀升3.4%,其中希臘國民銀行和阿爾法銀行漲幅均超過8%。歐洲三大主要股市亦全線上升逾1%。法國漲 1.8%,德國升1.3%,英國漲1%。美元亦回軟,美元指數最新報80.46,較月初回落超過1.2%。

    週末和朋友聚會,聽到一個故事,和營運人生的課題有關,可以和大家分享一下。有個朋友的朋友是律師,人到中年, 事業有成,身家不薄,本已享受快樂人生,佢有三個仔,全部送哂去外國讀書,在96年後逐一回港,而家啲父母好多係直升機父母,仔女一有事,或者疑似有事, 阿爸阿媽就如雷霆救兵咁坐直升機空降,大叫有乜嘢可以幫手? 總之好似燈神一樣,幫仔女解決所有問題。

呢位律師先生也不例 外,佢自己做唔少樓契生意,在96、97年睇住樓價急升,當時見個大仔回港做嘢,雖然都叫做行政人員見習生,但搵 萬零銀一個月,唔知點樣買樓,就在97年幫佢俾咗三成首期,幫佢在港島買咗間300、400萬的中小型單位,讓個仔無痛上車。上車時有老豆俾錢,的確係無 痛,但97年10月開始樓價開始暴跌,就有啲痛啦。個大仔開始覺得,老豆無端送咗舊負資產俾佢。

99年香港樓價開始較大反彈,律師先生個二仔返咗香港,科網熱潮爆發,樓價起勢升,好了傷疤忘了痛,直升機爸爸又覺得二仔而家 唔買樓呢一世都買唔到樓啦,所以又出資過100萬,幫二仔在港島區置業。由於那時樓價比97年低,同一筆錢,二仔買間樓大啲,大仔有啲唔高興。

2000年科網熱潮 爆破,樓價開始跌,到2003年爆沙士,樓價更跌入谷底,大仔間樓唔見咗5成以上,二仔間樓都唔見咗3成,兩個乖仔開始當老豆係仇人,話老豆累佢孭一身 債,如果唔係間樓,佢地花錢去玩樂旅行都不知幾輕鬆,而家花多啲錢都唔敢,而且如果早唔入市等03年才入市,可以買大一倍,仲係新樓。父子關係開始轉差, 兩個仔都唔係幾想同老豆見面食飯。

到今天樓價大升,父子關係應該有改善啩? 好奇怪,關係差咗好似好難好番一樣,大家習慣咗少見面,始終都係少見面,而且兩個仔工作愈來愈忙,更多藉口唔見老豆。如今問題又來了,第三個仔剛好去年畢 業回港,見報紙日日買港人買唔起樓,好似而家唔買一世都買唔到咁款,又想問老豆攞錢俾首期買樓,老豆十分苦惱,俾100、200萬佢唔係俾唔起,但而家樓 價咁貴,買完會唔會重演大仔、二仔的慘劇呢? 如果唔俾,細仔又會覺得好唔公平,點解老豆幫大哥二哥買樓,又唔幫我買呢? 假如你是律師先生,又會點做呢?

香港人買樓好怪,樓市 愈跌,樓價愈平,無人想買樓,怕買咗再跌,但到樓價升到飛起時,就覺得唔買唔得,今日唔買一世都無機會買,要逼政府幫自己買樓。政府逼唔到時,就逼老豆老 母幫手。

聽到律師先生的故事,覺得幾心酸,想幫忙,結果還幫出怨恨。人生要自己去營運,如果老豆老母 幫得愈多,孩子自己營運人生的能力會愈來愈少。假如97年律師先生無幫大仔買樓,佢可能買唔到,或者過幾年才買好 彩買平三幾成都講唔定。又或者佢唔知點解當時都借到錢去買,一樣買咗貴樓,但由於呢個係佢自己作的決定,無得怨人,只能咬實牙關去頂,而且一次摸頂買咗貴 嘢,佢買咗教訓,以後人都會學精啲,唔係好似而家咁,經常掛在口邊:「最衰我老豆97年叫我買樓……」

     當然,律師先生有啲黑,幾個仔都係在樓市高峰期回港,但我覺得佢除咗黑之外,亦都過份愛仔情切,愛佢變成害 佢。讓愛麻木了理智,唔識在樓市貴時忍吓手。

 

陸羽仁

營運 人生 陸羽
PermaLink: https://articles.zkiz.com/?id=15145

營運人生(5) 陸羽仁


http://blogcity.me/blog/reply_blog_express.asp?f=5YTPBH5B812303&id=239460&catID=&keyword=&searchtype=

美股昨日窄幅牛皮, 杜指微升不足0.1%,但收於11000點大關,係2008年9月26日以來首次。杜指收報11006點,小升9 點;標普500指數漲2點或0.2%,至1196點;杜指期貨指數最新報10932點,與現貨低水74點。

港股美國預托證券偏 軟,ADR港比指數收報22099點,比香港收低39點或0.2%。匯控及中移動大致上沒有變動,前者比香港收市 低6仙,後者高7仙。

美股牛皮市,對於歐盟領袖一致同意貸款給希臘解決債務危機,市場唔多興奮,但普遍認為這是 歐元區國家邁向更統一的財政政策的踏腳石。由於1991年12月時,12個歐洲國家在荷蘭馬斯垂克市所簽有關成立 歐洲共同體時簽訂的馬城條約,並無設立好似歐洲央行行長咁嘅財政官員予以配合,變成無頭蛇咁,做唔到決定。另外,該條約亦訂立了各國之間不予互相援助的條 款(no bailout clause),令到各國政府更難去達成一致的拯救方案。結果今次用咗整整兩個月時間,才制訂出一個救援方案。不明朗的情況導致歐元今年下挫了5%,投資 者亦紛紛拋售希臘債券,令佢嘅10年期債券升至11年自來最高水平的7.51厘!

德國Commerzbank AG的資深經濟師表示,「直到最近,歐元區成員拯救另一成員,還是不可相像的事情,市場力量迫使各國領袖聯合起來,共同給出一個答案。」

按而家歐洲各國同意 的方案,歐盟及國際貨幣基金會(IMF) 同意如果希臘籌唔到錢,就以低於市場利率的5厘,借450億歐元畀希臘政府,貸款期3年。其中歐盟借出300億,剩餘的 150億由IMF承擔。希臘話佢會先向市場發債,發唔到債才動用這個貸款機制。有經濟學家表示,當希臘危機穩定後,歐盟需要制定更有組織的機制去面對未 來。因為這種大雜燴式(hotch-potch)的救援方式對西班牙和葡萄牙這兩國財赤高企的高危國家就唔太適合。現時西班牙的赤字就高達GDP的 11.2%,該國首相Jose Luis Zapatero前日就對傳媒話會「不惜任何代價」,在2013年將財赤降至歐盟規定的3%上限以內。

有些專家則從道德風 險的角度去看待這個拯救方式,話「希臘方案」提升了政府不尋求更嚴厲方式解決其財務問題的誘因,更大的問題係引誘他們奮更放胆去冒險。國家理財不善,才是 問題的根本,若不徹底解決根本問題,最終將導致更大的災難。不過,市場的普遍共識係,歐盟領袖會共同制訂一套更嚴厲的財務規則,避免希臘問題的不斷重演。

在美股收市後,美國 鋁業公布業績,同樣無乜驚喜,美鋁第1季每股蝕0.19美元,但美鋁話當中0.13美元係關閉兩間鋁廠的開支,可以當作非經常開支,加上其他特別項目,若 扣除這些項目的話,佢地第1季其實有0.1美元盈利,和市場估計接近。美鋁的問題其實係全球經濟仍然疲弱,生意唔夠多,佢自己話「銷售減少抵銷了鋁價上升 的得益」,第1季銷售比去年第4季低8%。鋁價今年至今升了8%,2400美元一噸,08年高峰時是3800美元,去年低位是1300美元,雖然鋁價比低 位升了84%,但鋁業是高耗能行業,油價比低位升了近兩倍,所以鋁業無運行。睇完美鋁的業績,也可見環球經濟復甦唔係咁勁。

  昨天講到律師先生 的故事,問大家點處建議佢處理第三個仔買樓的要求,大家都提咗好多方法,大方向有兩個,一係唔俾錢佢買樓,一係交低100、200萬,叫個仔自己諗。其實 律師先生選擇的方案接近後者,因為唔俾錢佢買,佢話老豆偏心大佬、二佬,就連呢個仔都無埋,可能這是培養個仔獨立的好機會,但律師先生唔抵得呢種痛。

  但律師先生再出 錢,佢自己心知肚明,即使叫個仔自己揀,但3、5年後,如果樓市冧咗,個細仔一樣會怨,話「最衰當日老豆唔阻止我 買樓,仲要俾200萬引我買!」佢知道一日做直升機老豆,一日就好似欠咗個仔架啦。

    其實換一個角度,老豆老母咁做,係削弱子女的搵食能力,並減少了他們的選擇,網友Thinker就係一個好例 子,佢話:「見到你今日篇文章, 我真係要回應一下! 因為你所講既正正就發生係我同老公身上. 話說係舊年年中既時候我有左bb, 而眼見當時樓價都升得幾急, 所以就將當時自住既700呎港島區物業賣出 (利潤約有25%), 然後租住港島區某大型屋苑既三房單位. 我地打算等小朋友出世後再挑選單位買入.  而現時樓價既升幅實在高於我地所預期, 所以我地一路都打算繼續租樓直至樓價下調10%到先再入市. 而預備作買樓既$200萬資金, 當中$100萬就已投資在數隻Blue Chip, 半年回報已有約10%. 再加上我地2公婆都係做金融業, 所以對自己既財務一直都處理得比較謹慎, 而且收入都唔差 (家庭收入有拾幾萬一個月), 所以真的冇乜可能買唔起樓......」

「但問題現在就出現在 我奶奶身上, 因為一直以來佢都深信自住既物業要買唔可以租,一定要買 (尤其小朋友出左世更加唔可以做冇殼蝸牛) 所以佢眼見現時樓價不斷上漲既時候就表現得非常不安, 佢深信如果我地依家唔入市就再冇機會買到樓. 同埋由於老公係獨仔, 所以奶奶對佢係極之關心, 仲成日都話個仔冇用, 成日都驚佢比人炒. 結果奶奶依家逼我地收佢$100萬去做首期買樓.... 我地真係好唔想咁高位買層樓番黎變做負資產, 但係如果我地唔買奶奶又會茶飯不思加埋日哦夜哦! 所以我地諗好唔好買個$3xx萬既2房單位, 然後出租. 再等到樓市調整時用我地個筆錢買入一個3房單位自住.」

我話一係就忍住唔 買,如果買個300幾萬的單位,自己又唔住,奶奶依然會哦,萬一樓價跌就仍然受害。

 Thinker的例子,是律師先生故事的反轉版,唔係個仔個新抱想買,係個阿媽兼奶奶佢地買。人係受自己經驗影響,見 過樓市大升,就好怕無樓在手,幾貴都想買,或者想逼自己個仔買,買的只是持有資產的安全感。雖然老人家唔係好明,但後生仔應該明白,買樓是買入有槓桿(七 成借貸)的不動產,在經濟高速發展時好易受惠,因為第一是有槓桿,所以升起上來擴大咗,但跌的時候大體上可以守,不似借錢買股好易被人斬倉,借錢買樓俾得 起首期供得起款,銀行多數會俾你守。第二是不動產,比較方便長期投資,唔會似買股票那樣,升少少就走咗。好多時散戶只係想游吓水,高位放吓等佢跌,但係隻 股唔跌或跌得少,好多時就游走咗,但買樓沽貨較煩,就可以逼人長線投資。

所以唔買,進取可以 買地產股(或者內房股),保守可以買房地產基金,無論地產股或房地產基金,佢地都有借貸,當然無借七成咁多,但借 貸比率去到4、5成都唔奇,有一定的槓桿,只要你死揸唔放,同樣可作長期投資,坐佢10年,未必比現價買香港樓、特別係新樓差。例如龍湖地產(960), 在內地有一定品牌,龍湖昨日話整體土地儲備已超過2,504萬平方米,其中權益面積為2,172萬平方米,09年土地獲取的平均成本每平米1,869元人 民幣,令集團整體土地儲備平均成本下降至2,225元,其中25.9%位於環渤海地區,32.1%位於長江三角洲地區;餘下42.0%位於中國西部地區 (龍湖在重慶好強),而土儲足以未來5至7年開發之用。龍湖土地成本2225元,有2200萬米,內地建築費約3000元一米,每米發展成本5000多一 啲,現價賣到均價8000元一米都好輕鬆,樓價跌吓都有得守,而且睇5、7年內地中大城市樓價一定要上10000元,只要公司遇上逆境時唔執,長遠應有發 展。(有幾隻內房股都有大量位置較靚的平地,有排做),若資金唔怕冒一定風險,投資這類型股票都得。呢個世界買乜都有風險,我估現買龍湖這種股票,當然在 阿爺打壓樓市時可能會跌,但風險點都唔大得過7000元一呎買元朗新樓啩?大陸有錢人炒元朗樓就會,移民來香港住,會唔會住元朗?

同一筆錢,點樣營 運,要自己小心決定,長線投資唔好買貴嘢,係避險的不二法門。

 

陸羽仁



營運 人生 陸羽
PermaLink: https://articles.zkiz.com/?id=15146

營運人生(7)陸羽仁


http://blogcity.me/blog/reply_blog_express.asp?f=5YTPBH5B812303&id=239775&catID=&keyword=&searchtype=


美股早兩日微升牛皮消化一輪後,終於又再突破向上,杜指升咗成100點。摩根大 通及Intel公布業績亮麗,企業與消費者支出回升,美股牛皮咗咁耐,刺激投資者入市的胃納,杜指升至2008年9月以來新高,標普500指數亦收報 1200點關口。杜指昨日走勢都好靚仔,全程穩步向上,以接近全日最高位收市,收報11123點,升104點;標普500指數升13點至1211點;納指 升幅就更為顯著,升40點至2505點。杜指期貨指數最新報11059點,比現貨低水64點。

 

港股美國預托證券造 好,ADR港比指數收報22372點,比香港收高251點或1.1%。匯控報83.56元,比香港收市高 1.3%,中移動靠穩,收報80.37元,比香港收市高0.4%。

摩根大通及Intel齊派第一財季成績表,成績都好過市場預期。摩通盈利較去年同期增長55%;Intel仲驚人,賺咗24億美元,大 幅增長近3倍。摩根大通股價大升4.1%,美銀漲3.9%,美國運通升3.3%,三隻股票佔了藍籌股升幅榜的頭四位內。排第三嘅係Intel,升 3.3%。

值得留意嘅係兩家公司上季業績同樣超出預期,但業績公布後,投資者馬上趁好消息出貨,兩隻股 票遭大量拋售,當時股價都無得升。今季公布完業績股價都明顯造好,反映投資者對美國經濟復甦的信心,正在增強,雖然都有短炒獲利貨,但更多長線投資者入市 接貨,購買力大過沽貨力,所以仲有得升。

另外,昨日公布的經濟 數據亦提升了市場投資信心。政府報告稱3月份零售銷售上升1.6%,出現了4個月以來的最大增幅,顯示消費回升。 但同期嘅消費者價格指數(CPI) 較上月微漲0.1%,符合市場平均預期,經濟復甦未引來通脹。核心通貨膨脹數據持平,投資者亦沒有加息的壓力。2月份商業庫存較上月亦增長了0.5%,高 過市場預期的0.4%,亦好過1月。

運輸業的表現,最能反 映商業活動是否蓬勃,美國主要的速遞公司UPS、和公路鐵路物流公司Landstar及JB Hunt業績都有明顯增長,Landstar及JB Hunt季度營收都有17%的增長,在在顯示美國本土的貨運業正在改善當中。Landstar的CEO Henry Gerkens話,「運輸業環境正在改善,預計情況會持續至今年第二季。」UPS就弱啲,只有7%的增長。

美股而家全面炒復 甦,都係週期股當旺,好炒過消費股,顯示市場對高失業率下的消費市場未夠信心。

昨日睇到網友stockinvest一段留言,才知道佢有份月入30000元平平穩穩的工作,為何咁想轉做全職投資者。佢話自己或者比較 得太多,有太多的不必要壓力。壓力來源並不光因為自己,亦來自己的家庭。佢父母、兄弟都好過佢。過去的下屬如今都成了商人,或者收入、資產少過佢,但有更 好的前途(只是佢覺得係咁)。佢太太的朋友有啲資產有1000萬(佢只有580萬),仲在增長中,所以stockinvest認為買股票是他唯一的機會, 去令佢攞番啲榮耀,但佢亦明白,比較太多會令自己變死人,若不享受自己的所有,會走入死胡同。

     唔好覺得stockinvest無病呻吟,人經常有「人比人,比死人」的煩惱。我小學的時候,新年時最怕一個 師奶來屋企拜年,佢會滔滔不絕咁講自己個仔幾叻,入咗名校讀書,又會話個女仲叻,入名校都唔止,仲考埋第一。我阿媽愈聽愈黑面,用眼角崛我一下,好似見到 佢頭頂飛出句話:「最衰係你呢個百厭星,無心機讀書,搞到我無哂面。」我只能好無癮咁向後走。40年過後,睇番呢兩個叻仔叻女,佢地而家做嘢都係好一般咋 噃,當年咁比,又有乜意思呢?

     有一個故仔仲絕,一班朋友食飯,當中不少事業有成人士,朋友A是 大公司老頂,是朋輩公認的打工皇帝,佢太太講起家事,面有慍色咁話,「都唔知點解我老公咁衰架,返到屋企乜都唔做,只識坐在梳化睇電視,好似死狗咁,話好 辛苦、要休息吓喎,屋企啲嘢佢也都唔理架!都唔知想點。」朋友A稍稍回應一句:「我都有返屋企呀。」朋友B聽得出呢句話的絃外之音,就出來抱打不平話: 「阿嫂,你就唔好咁多要求啦,好似阿A咁,50歲剛出頭,年入近10球(近1000萬),有咁多身家,我見到呢啲人,10個中起碼有5個出去滾,有啲仲收 埋一件生埋仔。你老公係好人嚟架,佢無出街玩,早早返屋企,乜唔係好好咩? 你要知佢管咁大盤生意,日日返工好似鬥牛咁,放工睇電視,只係俾大腦休息,你就唔好咁多要求啦。」

    朋友A太太聽後無言,朋友B再補多幾句,「好多二奶醜樣過大婆,啲大婆唔明,二奶未必要好靚,但係佢地千依百 順,老公見到佢地好開心。但老公一番到屋企,見到大婆好似老逢咁,日嘈死嘈,聽到都心煩啦。你要知你老公在外頭幾威先要得,你唔好用打狗捧日日將佢當狗打 啦。(有一句無講,『咁遲早打走佢架』)」

     唔好意思,愈講愈離題,我只係想 講,人係咁,愛好比較,喜新忘舊,男又係咁,女又係咁。我只係想同stockinvest及佢身邊的人講,唔好成日比較啦,風物長宜放眼量,而家又點知 20年後,邊個會好啲呢。都係珍惜眼前人,珍惜自己擁有好啲,當擁有失去時,先至知道痛苦呀。再加一句,stockinvest,唔好俾呢啲壓力,逼你去 做你做唔到啲事,人生要由自己努力掌控。

陸羽仁

營運 人生 陸羽
PermaLink: https://articles.zkiz.com/?id=15148

營運人生(8) 陸羽仁


http://blogcity.me/blog/reply_blog_express.asp?f=5YTPBH5B812303&id=239937&catID=&keyword=&searchtype=

美股連續第六日上 漲,再輕微上升至近19个月以来高位。杜指早段走勢反覆,午後才發力向上,不過升幅有限。杜指微升21點或 0.2%至11145點,標普500指數升1點至1212點。杜指期貨指數最新報11082點,比現貨低水63點。

港股美國預托證券跟 隨大市造好,ADR港比指數收報22286點,比香港收高128點或0.6%。匯控寿現強勁,收85.33元,比 香港收市高1.2%,中移動靠穩,收報80.82元,比香港收市高0.2%。

美國4月份紐約州製造業指數為31.9超預期,費城製造業指數連續八個月上漲,推動Caterpillar等工業股造好,UPS業 績遠好過預期,股價急升近5%,帶領大市向上。不過由於就業市場仍然唔多爭氣,首次申請失業救濟人數較上月增加2.4萬,創下了兩個月來新高,總人數增至 48.4萬。希臘總理又急Call歐盟開會救亡,令投資者唔敢放胆入市。壓住大市升勢。

希臘總理George Papandreou前日要求與歐盟、歐洲央行及IMF召開會議,相信係如何落實歐盟同IMF上周承諾嘅450億歐元的貸款細節。會議已定於下周一在雅典 舉行。之前各方的協議係,希臘需在5月底前籌到116億歐元。不過,Papandreou表示,以現在這樣高市場利率借錢,實在係頂唔住得幾耐 (unsustainable)。希臘10年期債券當日急升至7.319厘,仲高過援助計劃宣布前的水平。Capital Economics 公司嘅首席歐洲經濟師表示,「希臘經濟在幾年內仍將維持衰退狀態,會好難實現其減債計劃。給予援助的金額最終可能會超過原定的450億歐元。」

歐盟領袖相信唔可以 見死不救,唔伸出援手。原因係保住希臘,至可以維持歐洲這個單一貨幣基制。歐洲央行董事成員Juergen Sark昨日在馬德里與歐盟領袖開會時警告,希臘債務危機可能預示了新一輪的金融海嘯。佢話,「我尤其憂慮公共財務正戲劇性地惡化,因這需要多年時間和具 有非常進取的財政政策才能加以整合。」有專家指出以意大利、西班牙、葡萄牙和愛爾蘭同樣面對財務整合的困境,由於缺乏競爭力,經濟出現嚴重問題,由於佢地 經濟規模大得多,同希臘的問題「完全有得比」(broadly comparable)。簡單一句,歐洲問題「未解決」,只不過唔係咁快爆啫。

昨日講起朋友A俾太太詐型的問題,惹起不少迴嚮,其實我只想講一句,無論男男女女,都要知足,或者而家你的家庭狀況或財務狀況唔係咁理 想,但比上不足比下有餘,唔好要求太高,特別對另一半,否則好易擦出火花,外國有研究顯,男女開始相愛18個月後,熱情開始退卻,可以好科學化咁用女仔抬 高腳同男仔接吻的高度來量度,即係話相愛18個月後,男女的熱情都減退,女仔接吻時連隻腳都唔會抬咁高(男仔都一樣),慢慢變成交功課,這是男女感情生變 的生物原因,就係對得耐開始無火花,相識後18個月已經係咁,結緍18年又點計? 所以在家庭要營造happy氣氛,大家開開心心就好啦,唔好咁多要求,否則搵交嗌,相識3個月大家熱情如火時會就住就住,相識3年,13年,30年後會 點? 真係好似對待自己阿爸阿媽咁,大家咁熟,唔使咁相就,一言不合,就會惡言相向,搞得幾搞,無論男女,都唔想返屋企。所以知足係必要的,營造家庭良好氣氛係 必要啲。

不過我今日又想講一個相反的例子,如果處境都ok 啦,一定要知足,否則就唔快樂啦,但係有啲處境又真係好差,唔可以知足,呢個就係網友Mya的例子,佢自稱「一個大洗的中年人」,佢咁講,「本人都覺陸 sir 的文章發人深省 ! 而且他的網友回應也都發人深省 !看完stockinvest的回應後很慚愧, 因本人也有月薪三萬且打工也有十多年,但每月也入不敷支,除了自己大洗外,兩個小孩的開支也不少, 現在人到中年差不多五十,只有十萬元儲蓄。想投資買股票也無從入手,想請教陸 sir 指點一下。」

唔係呀嘛,網友stockinvest做咗10幾年嘢,而家月入3萬,佢每月使5000元,而家儲蓄加投資有580萬,但Mya亦係月薪3 萬,但到而家只有10萬儲蓄? 聽完呢個個案,首先要恭喜stockinvest,你比上不足,比下好有餘,你識過一班好似Mya咁樣「窮」朋友(睇外表我估分唔出),你就會開心好多 啦!

但係Mya咁o既個案,真係好惡搞,50出頭,只有 10萬積蓄,我唔知你有無自己的物業,如果有自住物業都好啲,無就更大鑊,如果你係25歲時有10萬儲蓄,咁就唔同,普普通通節儉少少投資有道,50歲時 都應該有幾百萬,甚至過千萬資產,唔係10萬。

花費太多無得救,子女 開支可以係無底深潭,而且一使開就停唔到,係經常開支,讀公家學校,差唔多唔使錢,但讀直資學校少少地每月都要3000 元以上,讀好啲讀私立學校要7000、8000元,多多都唔夠。30年前細路學琴好大件事,而家不少私家學校根本不當學琴係學一種樂器,要你學多一種,你 話花幾多錢至夠?咁如果錢唔多係唔係根本唔使俾個女學琴?另外,自己買嘢,出街食飯,旅行,都可以係好大筆消費,一唔節制,多多錢都無哂。

我有一個理論,叫 「頭帽合拍論」,無咁大個頭唔好戴咁大頂帽,人只能做合自己身份的消費,每月至少有25%收入可以儲蓄,勁一啲是 「大頭戴細帽」,只作低自己身份一兩級的消費,人地會話你滑稽,笑你孤寒,但咁樣隨時有50%的收入可以儲起投資,長線來講複式增長效果好勁。

Mya你年紀略大, 比較難救,但無得救都要救,只能從節儉啲開始,如果無法增加收入,就要減少開支,增加現金流的滾存,唔係你老來都幾大鑊,我估你如果打工,只可以做多10 年,到60歲就要退休,但香港人長命世界數一數二,有錢老啲無所謂,無錢老來都幾辛苦,生活質素會不斷下降,如果你係男人,可以活到80以上,女人隨時見 90,即係退休後要生活30年,仔女理唔理你又唔知,唔儲埋一啲,難保將來想食多個生果,都要先落街執多兩件紙皮盒去賣先要夠錢噃…………

 

陸羽仁



營運 人生 陸羽
PermaLink: https://articles.zkiz.com/?id=15149

營運人生(9)陸羽仁


http://blogcity.me/blog/reply_blog_express.asp?f=5YTPBH5B812303&id=240498&catID=&keyword=&searchtype=


 

美國證監會上周五指 控高盛在一項金融衍生產品買賣時欺詐投資者,嚇到投資者第一時間雞飛狗走,金融股重創,可以講得上係一個「金融股股災」。美股開市時都好地地,有關消息一 出街,高盛股價急插近15%,拖累美股由高位跳水近180點,杜指失守11000點。下午杜指跌幅收窄,不過仍大 跌126點或1.1,收市勉強企於11000點上方,報11019點;標普500指數跌穿1200點,收報1192點,跌209點或1.6%。

 

美國自己開咗個頭, 英、法及德國政府亦表示會嚴查高盛集團,美股期貨指數繼續弱勢,杜指期貨最新報10946點,比現貨低水73點。 總結上周,美股周五抹去了前四日的大部份升勢,杜指微升0.2%,標普500指數倒跌0.2%。

港股美國預托證券跟 隨大幅下挫,ADR港比指數收報21479點,比香港收低386點或1.8%。匯控收83.23元,比香港收市低 1.6%,中移動收報78.09元,比香港收市低1%。

美國證券交易委員會(SEC)指控高盛集團及其一位副總裁欺騙投資者,在一項與次貸有關金融産品的重要事實問題上向投資者提供虛假陳述或加以隱 瞞(詳見今天頭條日報專欄)。全世界都有好多大戶做緊殺散戶的事件,全世界都有好多散戶不斷在輸錢,本來都不是問題,但高盛涉嫌的問題是它在做配對,兩邊 都收佣,不單無警告散戶對手做緊乜,仲把產品包裝得靚靚賣出去,咁就有啲問題。而高盛就對呢啲指控大力否認。

Duncan- Williams資深副總裁Jay Suskind表示,證管會指控高盛時一旦用上了「欺詐」這個嚴重的詞句,「一切辯解都是徒勞的。」投資者擔心美國聯邦政府可能將再度嚴格審查整個金融行 業,「短期內,金融板塊肯定會承受壓力。」

高盛這家美國歷史上最 賺錢,即使係金融海嘯期間,亦賺到盤滿砵滿嘅公司。上周五股價收市勁挫12.8%,係金融危機爆發以來的最大單日 跌幅,其他金融股也普遍遭受重挫。美國運通跌3.4%、摩根大通跌4.8%、大摩及美銀齊挫5.5%。值得留意嘅係,這件「高盛醜聞」爆出時間,恰恰喺總 統奧巴馬正要通過一個自1930年以來最富爭議性的金融監管議案的關鍵時刻,時間非常巧合。高盛事件掃除通過監管議案的障礙,倒過頭來預示美股短期內還要 受該議案帶來的後果困擾。

上週提到Mya的個案,50出頭,只有10萬積蓄,人到中年無錢百事哀,真係要搞搞,特別要從基本的理念搞起。

我遇上新相識的朋 友,問起我做乜,我有時會講話我做「出入口生意」,其實我們人生真係做緊唔少出入口生意,無論自己的健康、事業、投資,莫不和出入口有關。以健康為例,人 到中年,10個人中,有7、8個偏肥(而家愈來愈多少年肥,即係10歲、8歲已開始偏肥),就係搞唔掂出入口生 意,入口多,出口少,食得多,用得少,累積愈來愈多,就變成中央部位的車軚。中年人肥胖仲有經濟及生物原因,經濟原因是呢一代中年,細細個家庭唔係咁有 錢,無乜好嘢食,到而家有少少經濟條件,就成日想食好嘢,入口太多。生物原因是人過40後新陳代榭急促放慢,即使和後生時食同樣嘢做同樣運動,由於代榭減 慢,一樣會肥,若食得更多、運動得更少,自然肥死你啦。

所以控制體重的原理 好簡單(但好難做),一係食少啲,一係做多啲,即係減少入口,或增加出口,若能兩者齊做,當然有雙倍效果。搵本簿 出來,記低自己每日食幾多嘢,做幾多運動,然後做計劃,一加一減,應有效果。搞吓計劃,用番一般人有的三分鐘熱度,用3、4個月時間,減10、8磅唔係太 難,難係難在可否持續。若你搞得好激,一日只食兩個蘋果,捱一兩個星期,可以暴減20磅以上,但咁樣做好似炒食雞股突然賺4、5成一樣,呢次可以贏,下次 又輸番突,戰果無法保持,無用,千祈咪試。

體重可以營運,財產當 然可以營運,又係另一門出入口生意,但做法剛好和管理身體相反,因為想健康要減少累積,管理財富要增加累積,所以要入口多,出口少,就有剩餘,可以累積。 先講出口,在生活開支方面,要控制經常性開支,經常開支係指一啲每個月、每年都要恒常支出的錢,經常性開支係可以令你啲錢不斷流失,長期效果極驚人。經常 開支例如養車,例如仔女學費,都可以好大。買架新車好少少的要20萬以上,分10年折舊,每年都唔見2萬,仲要牌 費、燕梳、油錢,可能又要2、3萬一年,即係經常性地每年無咗4、5萬。仲唔計你若俾現金,就損失了20萬的機會成本,你攞去買恒生H股基金(2828)股價及相關新聞 ,20萬投資10年變40、50萬一啲都唔奇,但買架車,10年後變成只值1、2萬的殘車。所以唔養車就算出街時截吓的士,使費都節省不少。單計一項開 支,10年可以令你唔見咗40萬,小數怕長計。

第二項講仔女學費,網 友myself講到個仔讀書每月5000元,計埋校車、午飯、左學右學乜嘢都要學的開支,一個月隨時要7000元 才可埋單,一年84000元!(貴過揸車好多啊),3年幼稚園、6年小學、6年中學,15年,讀到中學畢業直線計唔計利息要126萬,再加到4年大學時若 出國留學,每年40萬,要160萬,夾埋單計讀書要286萬,若有兩件要572萬! 加埋其他開支,可能講緊700、800萬! Myself個仔讀5000元一個月的學校,唔算最貴,有近10000元一個月學費的學校。你諗吓,養兩個仔女呢700、800萬開支,如果減少到100 萬(即一個仔每月總開支約2800元),即係多600、700萬去投資,15、20年累積下去,滾動回報可以變成1000萬、甚至2000萬!

單計基礎教育一個仔 讀到中學畢業要126萬,唔係少數目,可以吸乾一個中產家庭的大部資金,係唔係咁值得要睇個案,有啲學校係貴得有 道理,有啲唔係咁得。以中學計,國際學校固然貴,好多直資中學、私立中學搞IB課程都唔平,4000、5000元一個月學費的比比皆是,但由於課程新,好 多老師無經驗,學生只是像白老鼠一樣,俾新老師試驗點教書,學生唔係幾學到嘢,唔係咁值得去試,這些學校除了貴之外,還有教學質素問題。不過話得說回來, 子女教育問題,可以係夫妻關係的火藥引,大家要有共識,唔好睇完我篇文,馬上叫個仔轉校,否則好易打大交。我只係想講,好多巨大而長遠的開支,要小心想清 楚,值唔值,有無便宜好多的方法,都可達到類似的效果呢?

個人收入想入口部份 增加,唔係咁易,想出口部份減少,可能痛苦啲,但較易執行,係時候用本簿(其實用部手提電話的記事簿都得),記下 自己的開支,睇吓有無做手術開刀的空間。

 

 

陸羽仁



營運 人生 陸羽
PermaLink: https://articles.zkiz.com/?id=15235

營運人生(10) 陸羽仁


http://blogcity.me/blog/reply_blog_express.asp?f=5YTPBH5B812303&id=240648&catID=&keyword=&searchtype=

雖然「高盛欺詐案」 仍然陰霾密佈,歐洲風起雲湧,不過,美國3月份領先經濟指標指數升幅超預期且創出歷史新高,以及花旗集團、杜邦及 麥當勞等企業業績亮麗的利好消息頂住,美股昨日初段大抵上已穩定,杜指整個上午在上日收市位置爭持。午後有傳美國證監會內部對是否起訴高盛,出現分歧意 見,消息刺激投資者撈底,高盛及金融股午後見底回升,杜指臨近收市1小時發力,以全日最高位收市,上漲73點至11092點;標普500指數回升5點,收 報1198點。

港股美國預托證券跟隨大市反彈,ADR港比指數收 報21562點,比香港收高157點或0.7%。匯控收82.76元,比香港收市高1.1%,中移動收報77.99元,比香港收市高0.4%。

有媒體報道,在決定 是否對高盛採取法律行動的表決過程中,美國證監會(SEC)的委員因黨派不同而分裂為兩個陣營:兩個民主黨委員投 了贊成票,但另外兩個共和黨委員則反對指控高盛欺詐,最後由SEC主席Mary Schapiro投下贊成一票。分析員認為證監會對郁高盛態度唔係咁一致,預測事件有機會可通過和解方式解決。

消息出街後,高盛股 票收市前1小時見底回升,由下跌3.5%倒升1.3%收市。金融股亦跟隨造好,成為推動大市向上的主要動力。杜瓊 斯金融服務指數漲0.8%,跑贏大市。

「高盛欺詐案」喺美國 本土似有略為降溫跡象,但在歐洲就越搞越大。懷疑係高盛間接「受害人」的德國和英國政府表示,考慮對高盛展開調查並採取更多行動。咁又係,你美國自己都郁 啦,無理由德國和英國唔郁啫。

SEC的訴狀稱,英國蘇格蘭皇家銀行在2008 年8月曾向高盛支付8.4億美元,以解除旗下收購的荷蘭銀行手中持有的相關債務抵押證券(CDO)頭寸。英國政府係RBS的大股東,持有84%的股權;德 國產業投資銀行(IKB),亦係有關的CDO的三家投資者之一,虧損了約1.5億美元並瀕臨破產,德國政府向該行提供了上百億歐元援助。

英國首相白高敦話, 他對「這一道德淪喪感到震驚。這可能是我們所見過的最惡劣的案件之一。」並稱在高盛一案中,英國將與美國證監會合作。德國則表示,將考慮對高盛採取法律行 動。

         不過,有專家指出,但凡碰到類似高盛這種大機構的欺詐事件,一 般都會和解收場,被指控人賠錢了事,而不是打官司打到尾。首先係並非很多人認同SEC的舉措,「因為牽涉到的問題不是那麼具體可辨」,而且大家都擔心後續 牽連太廣。另外,SEC內部對是否起訴高盛出現分歧,而遲遲沒有動作,很容易出現道德風險。瑞士信貸經濟學家陶冬認為,高盛事件已犯眾怒,為當局大幅收緊 監管提供了口實,銀行的盈利空間必然會受到影響。但在同時,高盛是美國核心競爭力所在,人脈遍佈政壇及商界各個角落。高盛不會像豐田那樣被美國政府追打, 最終可能「炒人罰款了事」。陶冬認為,高盛事件將會使投資銀行和對沖基金收縮借貸杠杆,進而影響風險資產的供求關係,即係少咗資金買風險資產。

亞太及歐洲市場避險 情緒明顯升溫。全球股市和各類大宗商品紛紛大跌,前期受追捧的新興市場貨幣全線回吐。美元和美國國債則獨領風騷,重拾「避風港」本色,而作為套利交易目標 貨幣的日圓也大幅反彈。

昨日提到養車和養仔的問題,網友廸廸仔問起:「陸sir, 照你所言, 從資產管理角度去看, 其實是不應該買車同生仔, 因為基本上這兩個項目都係消費, 仲要係非常奢侈的消費哩!」

人要理財,但理財非 一切,又唔好因為理財的原因,唔去做一啲本來應該做的事。車當然唔一定要養,但消費得起,都唔係一定唔可以養車,試想你月入5、6萬,想買架車揸吓,又有何不可? 但你月入1萬,仲要去養車,就會相對捉襟見肘啦,所以養唔養車都係相對、唔係絕對。

仔女更比車重要1萬倍。香港好多人議論生唔生仔,我係「生仔派」,認為養兒育女的愛和喜悅,只能親身體會,不可言傳,所以唔好因為要理財而 唔生仔,養仔平有平養,貴有貴養,有錢人的仔女,未必教得好過窮人的仔女,關鍵係父母有無教,而唔係有無錢。

昨日講起仔女讀書, 只是想講一個觀念:「貴不一定等如好」。早前和一個瑞士名表高層談起,佢話佢地啲錶,好唔好賣竟然同敢唔敢定價有 關,只要敢定個高價,銷情反而會好,因為好多人其實唔識錶,買貴錶只是跟風,所以佢地一定個天價,呢批跟風客就以為係好。N年前又聽一間私立學校的高層談 起,佢地就係要定高啲學費,最好全港最貴,咁就成為一個品牌,好多家長都以為貴就係好嘢。

貴唔一定等如好,家 長代仔女「購買」教育服務時,要留意學校是否物有所值。好多又貴又新的學校,其實物無所值,校長又新,老師又新,大家都在學習,學生就如白老鼠,俾新老師 做試驗品。我曾聽一個負責教育的高官分析,校長就如公司的CEO,校長好,間學校就會搞得好,不少新進地區名校, 就係因為一個好校長將間學校搞好。歷史悠久的名校,校長在任時間長,離任時也較易搵到好接班人,延續學校的好傳統。但一些新或半新學校,即使收取頗高的學 費,都唔敢包一定搵到好校長,入去讀就要博一博。問題係點解要俾咁多錢去博呢? 俾咁多錢係想為個仔搵到「實贏」(sure win)的方法,但現實上貴的解決方案好多時並不等如好的解決方案。當你為子女搵咗又貴又無乜用的教育服務時,那筆開支就變成龐大而長久的經常性開支了。

即使學校好,也要家 長配合,好多國際、私立、直資學校都標榜開放式教育,要啟發孩子的自學能力,但家長並不明白,自己不讀書不看報,那能叫仔女培養讀書看報的習慣? 仔女無讀書看報的興趣,根本無法應付課業的要求,仔女要做project時,在小學時很多都由爸媽完全代勞,到升上中學爸媽都無法應付時,仔女也無從入手 了。西方開放式的教育,係培養學生自學和解難的能力,若學校出的功課深到學生唔識做,係學校的問題,但家長代學生做功課,學生唔會學到嘢。家長生活方式能 否配合學校的教育,根本同錢無關。

我總覺得,養大一個仔 女,即使要俾佢較好的學習機會,都唔一定要花400萬,唔好信哂啲廣告呀。錢應使則使,否則人生太刻苦了,但花錢 要花得物有所值。

 

陸羽仁



營運 人生 陸羽
PermaLink: https://articles.zkiz.com/?id=15236

營運人生 (11) 陸羽仁


http://blogcity.me/blog/reply_blog_express.asp?f=5YTPBH5B812303&id=240829&catID=&keyword=&searchtype=

美股喺原油價格反彈以及實耐寶 (Snap-On Inc.)等公司的季度業績提振下,第二日造好,不過在「高盛欺詐案」的陰霾及IBM同可口可樂等巨企的業務前景麻麻的 拖累,美股升幅有限,杜指微漲25點或0.2%,造11117點;標普500指數就好啲,重上1200點,漲0.8%,收1207點。杜指期貨最新報11073點, 比現貨低水44點。

港股美國預托證券微跌,ADR港比指數收報21590點,比香港收低34點或0.2%匯控收82.72元, 比香港收市高7仙,中移動偏軟收報78.7元, 比香港收市低1.9%

高盛昨日公佈首季業績,利潤飆升91%,至接近35億美元。但有消息指英國金融服務管理局(Financial Services Authority) 已公開表示,將對高盛集團涉嫌欺詐案的相關問題展開正式調查。高盛股價繼上週五暴挫13%,週一反彈1.5%,昨日再跌2.1%,股價仍在水底徘徊,拖住大市後腿。

昨日壓住大市升勢嘅還有IBM及可口可樂,公佈的首季度業績雖然 都不俗,利潤分別上升13%20%,都好過市場預期。IBM新服務合同 簽約量下降令投資者感到失望;而可樂嘅北美市場銷售額持續下滑。IBM及可樂股價分別逆市下跌1.9%1.5%

至於支持大市嘅主力係能源股。歐洲航空業近期受冰島火山灰影響,好多班次都要停飛,損失慘重,油價亦連跌 三日。昨日,有消息指取消的部分歐洲航班陸續重新恢復,加上美國企業財報成績不 俗,提振了投資者對原油需要增加的期望。原油價格昨日反彈2.5%至 每桶83.45美元。最新報84.21美 元,再漲近1%。消價上升,油股造好,Exxon MobilChevron都升約1%。 製造業巨頭3M是表現最好的杜指成份股,幅了1.6%

 

            再講吓營運人生的課題,要營運好自己的人生,同營運一盤生意一樣,要有目 標,有計劃,一步步按計劃去做。

  從理財的角度講營運人生,目標自然 是中年之後,到55歲退休之時,可以到達財務自由。在香港這個社會,計及未來的物價水平,不 計自住的物業之外,至少要有500萬元或以上的淨資產,才算有一點自由,若有1000萬 以上自然更佳。

        當然,不同家庭背景的人,對生活的要求不同,若是草根階層,身住公屋,消費 水平不高,每月用40005000 元就夠皮的話,退休時有100萬、200萬淨資產,都可以生活都相當舒泰。但若你享受慣中產或以上的生活,每月起碼要花23萬,你 會發覺500萬未必夠,因為你一年開支都要36萬,退休後沒有 日常收入,靠500萬去投資食息,一年就算有5厘, 都只係收25萬,唔 夠開支,要從積蓄倒貼,咁本金就會不斷減少,你愈長命,就愈有老來唔夠食之險。所以不同人要睇自己的生活水平,來 決定自己的理財目標。

假設你的目標中中地係500萬,要在55歲達成,而家你30歲,兩公婆夾埋月入4萬,有幾十萬儲蓄剛用咗 嚟買樓,用咗家庭34成收入去供樓,手頭上得番10萬現金,生咗兩個仔女,開支咁多, 就會開始懷疑自己有無能力到退休時達到財務自 由。

        呢種擔心係合理的,好多人都唔去諗,以為船到橋頭自然直,以為搵得來使得 去,以為將來有機會升職加薪,總之有好多個以為,但美好的 將來,要由自己計劃出來,而定計劃要由自己的現實情況出發。人到30,自己事業 去到點大大約 約都有一個感覺,到底自己屬於「飛升族」、「中游族」抑或「平庸族」,若果係「飛升族」,仲可以輕鬆啲,因為人工會有得加,錢會繼續 嚟,但呢類人只佔少數,可能同一輩只有10%,其餘有34成係「中游族」,捱捱吓可以捱到一個中層位置,但人到中年後飯碗已經唔係 咁保證,仲有5成或以上係「平庸族」,佢地係更可以替代的一群,人工加到咁上下後,經濟環境一唔好,老闆可以用二分一人工 請個新人來取代佢。

        知道自己屬於邊一族,就要用合自己的身份方式去消費,「飛升族」可以鬆的, 因為佢地收入那一邊增長較快,就唔使咁唔嚴格去控制開 支,反正是收入增長快過開支增長,淨現金流還會增長; 若是最差的「平庸族」,就真係要為 將來打算,唔好咁太使啦,因為錢會生錢,而家多儲一點,合理投資,練好投資基本功,成為一個成功的 「投資的我」,一個普普通通的打工仔,老來除了自住樓之外,有500萬以上的自由淨資產,不是天荒夜談。但要一步步來,先由儲10 萬、20萬、30萬投資本金開始。


陸羽仁

 

 

營運 人生 陸羽
PermaLink: https://articles.zkiz.com/?id=15237

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019