ZKIZ Archives


莫文蔚穿梭時空拍MV

1 : GS(14)@2014-11-04 22:38:37



莫文蔚(Karen)相隔4年終於再出國語專輯,最近推出全新單曲《再見自己》,早前去了泰國喀比拍新歌MV外景,內容描述Karen透過超大行李箱穿越時空地域,她說:「好似叮噹嘅隨意門,跳入箱再打開就帶我去一個好玩嘅地方,今次外景有海灘、森林、大象,仲有落唔停嘅雨,不過可以拍到熱帶雨林淋雨嘅感覺都好浪漫!」
Karen之後再轉到台灣坐遊艇出海取景,她笑言有次到澳洲拍MV有過暈船經歷,幸好這次天氣非常好,終可留下美好回憶。撰文:麥萍萍



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141104/18922453
莫文蔚 莫文 穿梭 時空 MV
PermaLink: https://articles.zkiz.com/?id=286326

馮仁昭四圍超:莫文蔚戒甜養聲

1 : GS(14)@2016-04-13 17:09:07

莫文蔚同意大利品牌Ruco Line合作出鞋,噚日喺金鐘舉行發佈會,莫媽媽何敏儀、琦琦、馬詩慧同代理虞茱迪(Judy)都有現身撐場。莫文蔚瘦咗好多,佢話因為忙緊巡迴演唱會,加上要戒食甜品養聲:「嚟緊去歐洲開騷,老公會幫手招呼親友同分飛,奶奶都會嚟睇。米蘭嗰站會同鬼才歌手Mika合唱。」撰文:馮仁昭





來源: http://hk.apple.nextmedia.com/entertainment/art/20160413/19568366
馮仁 仁昭 四圍 莫文蔚 莫文 戒甜 甜養 養聲
PermaLink: https://articles.zkiz.com/?id=299242

舊愛莫文蔚:最真誠的祝福

1 : GS(14)@2016-09-04 18:03:37

■人妻莫文蔚昨回覆本報大方向舊愛馮德倫送祝福。資料圖片



馮德倫與舒淇相識二十年、相戀四年修成正果,雙方的圈中舊愛各有不同反應,當中曾與馮德倫拍拖九年的莫文蔚昨以短訊回覆本報:「衷心祝福他們有情人終成眷屬!就一句,這是最真誠的祝福!」



■舒淇曾與黎明拍拖七年,始終未獲對方認愛。資料圖片

另一位曾與馮德倫拍拖、也是舒淇的閨蜜徐若瑄(Vivian)在Ig貼了與林心如及舒淇的合照,更感性地留言:「曾經我以為,我們三個很愛工作才會有安全感的女強人,都可能不夠勇敢去結婚……所謂的明星光環也許會將平凡的幸福擋在門外進不來……今年哭了兩次……很開心、很感動、更加珍惜……人的一生,老天爺會給我們很多考驗、有時候真的非要繞一大圈,才會知道最適合自己的原來一直在身邊!」Vivian更叮囑兩位好姊妹調理身體、快加入媽咪行列,早生貴子。另外,曾與舒淇拍拖七年的黎明,在截稿前未有回覆。採訪:皓騫




來源: http://hk.apple.nextmedia.com/entertainment/art/20160904/19759328
舊愛 莫文蔚 莫文 真誠 祝福
PermaLink: https://articles.zkiz.com/?id=307444

莫文蔚嫁初戀德籍男友倪震舊愛張茆嫁型爆老外

1 : GS(14)@2016-09-13 00:19:17

愛情,係無分國界,梁詠琪自從嫁咗俾西班牙籍老公Sergio後,就過幸福美滿嘅生活,其實不少女星嫁給老外,多擁有美滿嘅婚姻。周汶錡名模周汶錡喺2012年,同比佢年輕3年嘅法籍男友Julien Lepeu,喺法國舉行童話式婚禮,兩年後就生咗混血囝囝Jacques(雷棨宇)。官恩娜去年官恩娜同中法混血男友Domingo在港低調成婚,同年10月仲做埋阿媽添!李蕙敏2013年,李蕙敏(Amanda)同拍拖3年嘅英籍男友Serge Micallef拉埋天窗,佢哋仲喺倫敦一間200年歷史悠久嘅公爵湖邊大屋舉行婚禮。莫文蔚莫文蔚喺2011年嘅10月1日,同初戀德國籍男友 Johannes在意大利佛羅倫斯舉行婚禮。車婉婉13年,車婉婉同相戀三年嘅中澳混血兒男友Johnathan,喺泰國布吉舉行露天婚禮。張茆曾經同倪震一啜成名嘅城大校花張茆,2013年就嫁咗俾老外男友K先生,翌年做埋媽媽添!




來源: http://hk.apple.nextmedia.com/entertainment/art/20160912/19767969
莫文蔚 莫文 初戀 德籍 男友 倪震 舊愛 張茆 茆嫁 嫁型 型爆 老外
PermaLink: https://articles.zkiz.com/?id=308771

莫文蔚儲首飾做善事

1 : GS(14)@2016-09-13 08:04:26

莫文蔚(Karen)昨日到澳門為腕錶珠寶品牌Chopard擔任剪綵嘉賓,盛裝佩戴價值高達1.7億元珠寶,單是耳環已等如幾層豪宅。Karen透露自己沒有特別收藏珠寶,但婆婆和母親都留了些古董首飾給她,全部都是她們的寶藏。問Karen會否效法母親和婆婆留家傳之寶給下一代?她說:「可以做善事捐出去,呢啲都帶唔走,做善事仲開心,用錢買唔到。」Karen表示老公每年周年紀念都會送戒指,十分有心思。昨日是張國榮60歲冥壽,Karen曾經獲哥哥提攜,她說:「時常都會諗起哥哥,佢好支持我,畀機會後輩,演唱會會預我一份,參加佢嘅巡迴,一路吸收學到好多嘢。」採訪、攝影:羅慧敏




來源: http://hk.apple.nextmedia.com/entertainment/art/20160913/19768762
莫文蔚 莫文 首飾 善事
PermaLink: https://articles.zkiz.com/?id=308923

莫文蔚鬥歌嗌好玩

1 : GS(14)@2016-10-14 06:52:20

莫文蔚昨日在銅鑼灣出席護膚品活動,同場還有王曼喜及張新悅。剛做完個人巡迴演唱會的莫文蔚,繼續馬不停蹄到內地參與真人騷歌唱比賽,表示感到興奮又刺激,因在節目中與普通市民比賽,她說:「都幾好玩㗎,因為有啲巿民都唱得好勁。」由於要親自教參賽者唱歌又要比拼,有可能會輸,她說:「可能會,但係本身我唔在乎輸贏。」另外,莫文蔚與丈夫剛度過結婚紀念日,並選擇去了旅行慶祝,她說:「二人世界去咗地中海一個小島玩。」問到丈夫是否送戒指,她說:「我哋好多紀念日,戒指係之前送,唔使個個紀念日送禮物嘅。」採訪、攝影:王連連




來源: http://hk.apple.nextmedia.com/entertainment/art/20161014/19799875
莫文蔚 莫文 鬥歌 歌嗌 好玩
PermaLink: https://articles.zkiz.com/?id=312021

莫文蔚鬈髮迷倒老公

1 : GS(14)@2016-11-23 07:53:25

莫文蔚與趙學而昨在旺角出席髮型匯演活動,擁有一把長鬈黑髮的莫文蔚坦言老公最愛她17歲時的髮型:「嗰時啱啱識,去到膊頭鬈起晒嘅髮型,加埋天生鬈。」上月她和老公慶祝了結婚5周年紀念,現正計劃下年在歐洲舉行30周年相識紀念派對,她笑說:「到時可以整番17歲嘅造型,老公嗰時係爆炸頭電鬈晒,好騎呢。身材就大家都冇乜點變,我仲靚咗,佢都仲有少少肌肉。」此外,染了一頭藍髮的趙學而最近工作量大增,老公一直希望和她去旅行暫無法如願,她笑說:「佢好鬼冤氣,我叫佢自己玩住先,等我做完嘢即刻返去陪佢。」採訪:曹家誠攝影:陳俊強




來源: http://hk.apple.nextmedia.com/entertainment/art/20161123/19842334
莫文蔚 莫文 鬈髮 髮迷 迷倒 老公
PermaLink: https://articles.zkiz.com/?id=316681

【馮仁昭四圍超】莫文蔚白晶晶彈古箏

1 : GS(14)@2017-01-02 11:51:20

莫文蔚(Karen)、陳奕迅及羅志祥等前晚喺上海為東方衛視演出跨年騷,Karen彈奏「莫式電古箏」,同著名鋼琴家郎朗合奏,演奏電影《西遊記之仙履奇緣》主題曲《一生所愛》,Karen喺戲中扮演白晶晶,勾起觀眾集體回憶。而Karen嘅外籍老公Johannes都有同行,Karen帶老公遊山玩水,佢喺後台仲遇到陳奕迅,兩人即相約飯敍。撰文:馮仁昭




來源: http://hk.apple.nextmedia.com/entertainment/art/20170102/19883766
馮仁 仁昭 四圍 莫文蔚 莫文 白晶晶 白晶 古箏
PermaLink: https://articles.zkiz.com/?id=321078

【add專訪】莫文蔚Replay內褲

1 : GS(14)@2017-08-02 06:15:22

■莫文蔚將內褲概念,融入牛仔褲設計中。



莫文蔚經常和不同品牌合作,最新一擊是和意大利牛仔褲名牌Replay出聯乘系列,推出她設計的KM x Replay牛仔褲系列。她早前受訪,透露系列將「誘人又好玩」的內褲設計加入牛仔褲中,而這種底褲外露的概念,除了十多年前寫真集玩過,更源於她童年時的「喱士小底褲」美好回憶。採訪:林妙萍莫文蔚昨晚在上海為自家設計的KM x Replay牛仔褲發佈會站台,同場更有巴西球星尼馬(Neymar)。莫文蔚上周率先接受《add》訪問,透露雙方合作傾足一年,今年初更秘密去了Replay意大利總部兩天,在品牌的設計中心,閉門創作、揀料,玩足兩天,興奮無比,「癲咗,同設計師一路傾,佢哋好好,叫我完全唔使諗成本,去到個布料辦房,即刻有選擇困難症。我係勁鍾意着牛仔褲,一路以來有個想法,如果可以做一條咁嘅牛仔褲,就正囉。」



■另一款設計沿用內褲靈感糅合襪帶及槍袋般的皮帶形二合一牛仔褲。

■系列還有蝴蝶刺繡外套及衞衣等。

■一掃變色的珠片內褲線條。


自小講究內褲

這條牛仔褲,正是莫文蔚KM x Replay中的主打作,將內外穿法顛覆,牛仔褲外加一條內褲,「Jeans好似second skin咁,好多人瞓醒起身就着住。我又鍾意內衣、bra、喱士底褲嗰類,如果將內衣褲概念放入jeans內,點樣演繹呢,我就將pat pat位置釘上珠片,設計成一條底褲嘅形狀,用咗雙面珠片,啞色嘅,一掃就變咗亮麗嘅幻彩青藍。」隱藏式立體珠片令人有想去掃的衝動,正是莫文蔚想做「誘人又好玩」的主題,「我十幾年前出過一次寫真集,當時已經做過呢個concept,係人手用閃石貼一條T back出嚟。」愛內褲的情意結,源於莫媽媽自小的栽培,莫文蔚說:「我媽咪貪靚係人都知,我細個時連底褲仔都講究過人,讀小學時,同學仔係印個蘋果、公仔咁,我就係一排排喱士,黃色、藍色咁,冇人有咁靚、咁利害嘅底褲仔,係要由裏面靚到出嚟,係我童年一個好正嘅回憶。」



■十多年前的寫真集中,莫文蔚已用閃石在牛仔褲外砌內褲形圖案。

■莫文蔚多謝媽咪遺傳美臀,而當年她的全裸哄動一時。資料圖片


下次設計旗袍

牛仔褲狂的莫文蔚,坦言不捨得掉牛仔褲,家中一大箱新舊牛仔褲,由窄腳、貼身、喇叭褲,應有盡有,更成為家中一座牛仔褲梳化。至於另一款設計,亦沿用內褲靈感,以恍如襪帶、亦如同槍袋的皮帶形二合一牛仔褲,「槍袋嘅concept我一早就用咗喺演唱會度,而我嘅武器係一支咪,所以其實係袋嚟。」由頭到腳都有自家品牌,莫文蔚希望將來有機會可以設計旗袍,「因為我鍾意傳統嘢,旗袍係好啱東方女性嘅figure、style,屬於我哋中國人傳統。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170801/20107622
add 專訪 莫文蔚 莫文 Replay 內褲
PermaLink: https://articles.zkiz.com/?id=339390


ZKIZ Archives @ 2019