ZKIZ Archives


傳十姑娘病危麥舜銘難保五十億身家

2012-6-21  NM




十姑娘何婉琪大女麥慧貞,上週二忽然跟八姑娘何婉鴻聯名登報尋人,話自○一年就未見過十姑娘真身,擔心其個人狀況。二人忽然「尋親」,皆因有傳十姑娘病危,八姑娘身邊人說:「農曆年時聽到十姑娘好似入咗養和,但一路唔俾探,連電話都無得打,究竟依家係點都唔知。」講到底都是錢作怪,想「分享」十姑娘五十億身家的豈止大女麥慧貞,仲有前新抱陳復生。據知自○九年底主動提出離婚的她,除要求麥舜銘每月至少付卅二萬贍養費,上月中更向高院入稟申請,要跟麥舜銘對分身家。尋母不果

據何家中人話,自農曆年傳十姑娘入了養和,麥慧貞苦無機會探望,才聯同八姨媽(八姑娘)聯名登報尋人,打溫情牌動之以情,「佢個女一直都搵佢唔到,而八姑娘同十姑娘係親生姊妹,點會唔掛住佢?以前十姑娘喺澳門做嘢時兩姊妹經常見面感情好好,但自○一年後再無見過十姑娘,大家都九十幾歲,八姑娘真係好掛住個妹。」除了親情,麥慧貞當然亦擔心母親若離世後,她的財產分配,知情者說:「佢最驚係啲錢落晒入Michael(麥舜銘)個袋度。」多年來一直收埋十姑娘的胞弟麥舜銘亦不甘示弱,隨即以十姑娘名義發聲明以正視聽,「十姑娘身體生活皆好,但佢好驚訝兩個人話搵唔到佢,因為兩位都喺澳門告緊十姑娘,大家都有律師做代表。」

三十二萬贍養費

眾所周知,麥舜銘一直挾天子令諸侯,只要阿媽兩腳一伸,十姑娘跟他控制、擁有澳娛價值約五十億股份的滿威利基金會,便自動過戶袋袋平安。金礦在前,多年來緊貼奶奶的陳復生(Katie)點會死錯人,○九年底她以麥舜銘「不合理行為」提出離婚後,二人一直就分身家問題在家事法庭大鬥法,陳復生先贏一仗,獲法庭頒令每月暫可收取卅二萬贍養費。而據上月法院出的離婚文件披露,八九年麥舜銘跟陳復生在泰國結婚,男方付了三百萬禮金,婚後一直住在七千呎半山豪宅,又在羅便臣道有千七呎行宮,每年出外旅行都是坐頭等及住五星酒店。據知情者說:「Michael諗住俾咗三百萬,就算離婚都唔再分錢,但Katie就話嗰三百萬係禮金,作為佢嫁人息影嘅補償。」

打錯算盤

○九年十一月,當陳復生在港提出離婚後不夠一個月,麥舜銘亦在兩週後在泰國申請離婚,據知是有人認為在外國辦離婚後,香港法庭就無權分配二人財產,避過跟配偶分身家。「麥舜銘好精,當年揀泰國註冊係貪當地離婚唔似香港要分身家,見陳復生在香港申請離婚,佢亦嗱嗱臨喺一個月內在泰國搞離婚。」可惜去年三月香港改例,凡在外國離婚,配偶一樣可就財產分配在香港法庭申請,故上月中陳復生即時向高院提出申請,有望跟麥舜銘分享五十億身家。

PermaLink: https://articles.zkiz.com/?id=34489

[貼圖]何東舜銘、麥舜銘

1 : GS(14)@2011-05-22 11:10:36


PermaLink: https://articles.zkiz.com/?id=274437

Next Page

ZKIZ Archives @ 2019