ZKIZ Archives


【原創者搞肉酸畫展】「唔准Google繪畫大賽」等你現場挑戰

1 : GS(14)@2017-02-05 10:49:15

本地插畫組合溫嘉寶(Wankapo),以肉酸又奇怪的畫風自居,不時於市集擺檔賣自創角色小物,又以插畫記下生活中的大小事,最近更第一次辦畫展。



「我哋係肉酸插畫女子組合溫嘉寶。」兩個女生阿溫和嘉寶,組成本地插畫組合溫嘉寶(Wankapo),前者俏皮活潑,後者常常瞇眼甜笑。兩人以肉酸又奇怪的畫風自居,不時於市集擺檔賣自創角色小物,又以插畫記下生活中的大小事,最近更第一次辦畫展「崩壞後花園」。「個個都畫靚嘢cutie嘢,我哋鬥靚冇用嘅,畫肉酸嘢人哋先會記得。」



的確如此,這些中了輻射、中過「面目全非腳」、面容扭曲的卡通人物,相信你一定有印象。一個月前,「唔准Google卡通人物繪畫大賽」曾在網上瘋傳,引爆大家笑點,其實是她們畫的!「呢個game係我哋約朋友玩,然後放上網,原來好多人覺得有趣。」這些卡通人物大家都見過,亦是記者讀書經常玩的小遊戲,即使大家等車時沒事做也可以玩。遊戲重點是不准Google找參考圖,畫功差的人必定製造不少笑點!阿溫覺得畫出來好醜又好笑,「所以我哋想搞個真人版,等人挑戰我哋!」想不到才首次辦畫展,就大膽向公眾下戰書。溫嘉寶形容自己畫風「肉酸得嚟,似本人咁可愛」,而事實上,阿溫告訴記者,她們的畫曾經嚇壞小朋友。「我滿心歡喜畀啲畫表妹睇,點知佢竟然話『嘩!乜咁核突』,係一個兒童嘅真實反應。」她更笑說,表妹在背後還指畫作恐怖,似乎多少留下了陰影。記者問怕不怕沒有市場,嘉寶直說不怕,還反問記者:「其他類似嘅插畫家都有fans,咁佢哋都有我哋點會冇先?」她們畫過很多肉酸的角色,而且每一個都有名字,紓發過自己的情緒,也出賣過朋友的故事。有玩交友網中伏,因而長出腳掌要逃跑的清朝美人魚阿威;有搭地鐵經常被背包撞倒,因而雙手擋在臉前的阿明;還有一臉愁容,卻不知自己到底嬲甚麼的阿標。這個八爪魚阿美,更是有一段「友愛的故事」。「佢係我哋朋友,真係叫阿美,佢好慘因為俾仔飛。」溫嘉寶畫了八爪魚阿美,寫着「阿美已想好,結婚戒指要戴哪隻手指,但阿美現在沒有男友。」她們其實想用畫替阿美招親,「有冇嘢介紹畀阿美?有冇人將就吓?」想認識阿美,或者你跟阿美一樣,現在是機會了!除了「唔准Google繪畫大賽」真人版,畫展更有個遊戲區。有用木板手製的遊戲攤位,有點荔園的懷舊味,讓大家邊玩邊認識朋友。阿溫雀躍向記者介紹,「呢個叫『進入合適的窿窿』,另一個係去冒險樂園玩嘅射小丑牙,就用玩具槍去射。」嘉寶說,「玩完每個遊戲,我哋會給印章或貼紙,或者寫分數。」未等嘉寶說完,阿溫突然搶話:「最高分嘅可以娶咗佢!」啊,訪問期間一直瞇眼甜笑的嘉寶,原來單身?還有不夠兩星期,就是情人節和元宵,不如給自己一個機會,讓自己今年不再孤獨地過吧!不過來之前,溫嘉寶有事提你:「嚟之前唔准Google定!就算Google咗,你都不知我哋出乜題!」「崩壞後花園」展覽日期:2月4日(星期六)地點:a nice place to(觀塘工業中心四期5F室)入場費:港幣20元記者:黃凱婷攝影:周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


這些中了輻射、中過面目全非腳、面容扭曲的卡通人物,「唔准Google卡通人物繪畫大賽」其實是他們畫的!

溫嘉寶大膽向公眾下戰書:「我哋想搞個真人版,等人挑戰我哋,實好好笑!」

她們畫過很多肉酸的角色,而且每一個都有名字,抒發自己的情緒,也出賣過朋友的故事。


溫嘉寶畫了八爪魚阿美,寫着「阿美已想好,結婚戒指要戴哪隻手指,但阿美現在沒有男友。」其實想用畫替好友阿美招親。

想認識阿美,或者你跟阿美一樣仍是單身,現在是機會了!畫展更有個遊戲區,有點荔園的懷舊味,讓大家邊玩邊認識朋友。

神秘大獎:「最高分嘅可以娶咗嘉寶!」


還有不夠兩星期,就是情人節和元宵,給自己一個機會,今年不再孤獨過吧!



來源: http://hk.apple.nextmedia.com/su ... t/20170204/19917245
原創 者搞 搞肉 肉酸 畫展 唔準 Google 繪畫 大賽 等你 現場 挑戰
PermaLink: https://articles.zkiz.com/?id=325465

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019