📖 ZKIZ Archives

豬肉佬變傑青 梁美儀

1 : GS(14)@2010-11-21 15:19:59

2010-11-18 NM

年年都有十大傑青，最騎呢的要算是他。

個個得獎者有名有姓，他性別身份都給弄錯。

樣子似豬頭，會考唔出色，從小就淹沒人海。

「估唔到發晒新聞稿，仍然突圍不了。」

再次受訪。

「因為我係雙魚座，不切實際唔信邪。」

正如當年讀書沒好結果，今日拿個博士學位回來。

他是四十歲的梁美儀，香港大學生物科學學院副教授，今屆十大傑青得獎人。

他說他也不想拿傑青，「我怕出名，以後唔可以在街邊篤魚蛋。」

搞環保要錢，要人脈，「藉傑青之名討經費啦。」

八九年政府加強對抗香港的污染問題，港大開辦環境管理學碩士，這日在灣仔六國酒店搞「珠江三角洲環境管理研討會」，有陸恭蕙、天文台長李本瀅等講者，「租酒店搞晚餐也要錢，原收千三蚊全日。反應冷淡，現減一半，才有人來。」

他的人生，永遠錯摸。

上有八個姐姐，父母期望生個美麗兒子。

父親是海事處的「大偈」，負責斟油，母親是家庭主婦，讀書不多，美兒變美儀。

「個個以為我是女仔。」

英文名Kenneth。

「解英俊，但同學說我似豬肉佬。」

鄰居偷嘢，食白粉。

梁美儀耳濡目染，去士多偷玩具。

「小學三年班，偷了個膠士兵，俾士多老闆打了一身。」

唸黃大仙官立小學。

「成績表喜氣洋洋。」

永遠有點紅（肥佬），小學轉了兩次校。

「新蒲崗官立小學畢業。」

派到伯特利中學。

「Band 5學校，一級四班，我唸D班，全級最差。」

日日上演，師生開片。

梁美儀一米七，重九十千克，又肥又矮，飾演丑角。

「那時家家戶戶訂火水，我橫放火水桶，站上去邊滾邊走。」

同學整蠱，大力踢開油桶。

「失平衡倒下，左手骨凸了出來。」

生於一九七○，屬狗。

「生性純良，才沒報仇。」

老師找他做班長。

頭一次被睇起，人生開始有希望。

「由沒志願到做消防員。

「成績由最差的D班，升到尾二差的C班，已是最大成就。」

八六年會考，二D五E一F。

「成績超班（當年中三畢業可考消防員），但戴眼鏡唔收。」

頭一次領略坎坷。

「從黃大仙跑到九龍城再去調景嶺，也沒學校收。」

梁美儀八個姐姐，有的做文員，更多在工廠打工。

「環境不好，年長的姐姐沒機會升學，八個異口同聲：『肥仔，輪到你（當家）啦。』」

也去新蒲崗剪線頭。

「自小玩民安隊，一九八七年，更從二千多名隊員中，被選為全港十大傑出民安隊少年團團員。」

以為手腳靈活，收入竟然少過阿婆。

「好唔甘心。」

去樂善堂余近卿夜中學重讀中五。

「八七年重考會考，拿二C四D。」

廣東新會人——

「父母廣東話不正，我說話也帶鄉音。」

英文更糟糕。

「我唸中文中學，信耶穌，學英文。美北浸信宣道會在七層大廈天台義務幫同學補習英文，會考英文才合格。」

回母校唸中六，考高級程度會考，英文、化學也不出色，沒大學肯收。

「當年工業學院新增廢料回收課程。」

從小被指廢柴，對「廢」字情有獨鍾。

「廢料都有價值，二話不說報名。」

柴灣工業學院卻只收他唸配藥。

開學不久，又收回他。

「原來真有廢料回收。」

第一份功課，去可風中學度噪音。

「當時可風附近有修路工程，噪音超過七十分貝，正常是七十以下。」

他的調查，令可風成功申請冷氣安裝，減低噪音滋擾。

「給我強烈訊息，絕處也可逢生。」

兩年文憑課程，年年名列前茅，有五百元獎學金。

「以前環境，個個低下，沒有role model，唔知目標set在哪。」

發現自己以後，無廢不歡。

去城大讀高級文憑課程，到南山邨垃圾房搞人工堆填，研究垃圾與酸雨的化學特性。

「日日從頭到腳，一大陣垃圾味。」

那是九○至九二年，他一百人考第一，譚鳳儀（城市大學生物及化學系講座教授）鼓勵他去英國讀一年，拿學士學位。

「英國南部Portsmouth大學，與城大有伙伴關係，肯收城大的高級文憑學生。」

那年，父親剛退休，有退休金四萬，全家有積蓄八萬，夠他留學一年。

「一級榮譽畢業（一九九三年），工業學院找我做講師。」

死清光

同事工餘炒股票，看八卦雜誌。

「讓我想起我中學時代的老師，同學上堂挑釁，老師體罰學生，武力不行，趕其出校，沒愛心教好學生。」

英國的教授，陪他飲酒，帶他去圖書館找資料。

「我英文不好，milestone（里程碑），我說成millstone（重擔），教授執着手教，都是有心人。」

少年時期，混沌度日，成年後不要如此。

投考環保署，名落孫山，回城大唸碩士。那是一九九四年，教書人工二萬，入研究院有資助，每月萬六。

「鑽研科學化養魚。」

在吉澳漁農自然護理署研究站養魚，九五年冬天，一夜凍死所有魚，沒研究可做。

「當年教授，也是我的傑青提名人胡紹燊（香港大學生物科學學院院長）說，有個範疇，被人忽略，就是研究環境科學。」

梁美儀人棄我取。

「像三丁錫（tributyltin），遊艇防污常用物料，使海螺變性，人類吃海螺，以後或生癌等。」

九六年拿環境科學哲學碩士，教授鼓勵他拿獎學金到英國唸博士。

「申請五間，五間敗北。」

梁美儀的父親是足球員，曾幫東方踢前鋒。

「足球要搵齊人才可落場。」

梁美儀打籃球。

「三五知己也可搓波。

「籃球訓練，教了我無論輸贏，下一場又是新挑戰。」

屢敗屢戰，終考獲太古公司獎學金James Henry Scott PHD Scholarship，赴蘇格蘭的Glasgow大學修讀海洋環境毒理學博士。

同學紛紛投身商業世界，幫卡拉OK場鑽研塑膠吸震，減少噪音等。梁美儀申請歐盟的研究資助，到冰島作海洋環境污染研究及考察。

「研究環境可承受多少污染物，與污染物共存。」

着迷與廢料共存，因為當年跟他一樣被視為廢柴的，今日也與精英共存。

「很多會考揸兜（unclassified）的，都有好專業，有個做了註冊護士，有個是海關沙展。

「廢柴得關注，其實也不廢。」

他關注被唾棄的人和事。

「世界不能消毒，我們只能與污染物並存，我協助制訂指標，容許污染物去到某一個程度。」

○○年拿海洋環境毒理學博士，到倫敦大學從事環境風險評估及管理的科研。多次應聯合國和其他國際環保學術組織邀請，赴中國內地、韓國、泰國、菲律賓、巴布亞新畿內亞及澳洲等，向官員及環保工作者傳授與廢料並存的知識及應用，協助提升亞太各地環境管理水平。

「○二年回港，太古獎學金要求得獎人貢獻香港。」

上舞台

在港大任教，從助理教授做起。是太古海洋科學研究科學家，國際環境毒理及化學協會亞太區總幹事，發明人工青口，獲歐美、澳紐、亞洲及非洲各國廣泛應用，將香港的環境科學研究推上國際舞台。

「香港是其中一個以青口量度水裡有多少有毒化學污染物的城市，這個測試須以同等體積青口作化驗。西貢青口，三年才長大，維多利亞港資源豐富，青口半年已長大，海水污染，同等體積意味着，一隻已吸污三年，一隻只吸污半年，結果自然偏差。」

摸酒杯底，接觸到化學專家。

「跟他們腦震盪，發明了人工青口，以樹脂作測試，便沒了偏差。」

投身教育，因為香港出生率低，大陸又一孩政策，太多年輕精英，自以為是。

「成績好的，自己叻晒，拒絕合作。

「社會是個群體，溝通、合作，避免不了。」

英國興happy hour，就是讓不同階層，不同學系的人有交流，教授，學生齊飲酒，互補不足，他希望將這風氣帶到香港校園。

梁美儀○七年結婚。

○六年青協找我當logo設計比賽「拯救海豚」評判，第一次見她，與她整天共處一室。

太太江雪儀，是香港教育學院學系高級主任導師， 二人育有一女，取名源芝。

「源頭的靈芝，不用天賦條件，自己創造機會。」

當年到冰島做研究，大學在Vitinn餐廳包伙食。

「包食物不包飲品，冰島啤酒很貴，我自己創造環境 —— 週末幫餐廳老闆做中菜，他給我免費酒飲。

「他們滾水烚魚，我整甜酸魚，他們燒雞，我整芋頭雞……上晒當地報紙。

「老闆受惠，我又得益。」

冰島冷，植物少。

「癌症特別多，尤其腸癌。」

冰島人有幽默感。

「最難忘有個女士問我有沒有摸過老虎，我搖頭。她拉開衣服，露出老虎bra。」

苦中作樂，他希望女兒也會。

「做人，很難。

「人事際遇掌握之外，讀書是唯一控制得到的，卻又不是人人於在學時開竅。

「怨天怨地，錯失更多。」

外國人不吃雞翼，內臟。

「英國人更只吃雞胸，雞翼也不愛。」

他留學時，專挑這些來買，省卻開支。

手緊又要做科研，挑殘車來買。

「科研多在郊區，沒車不行，用二百鎊買Austin Metropolitan，沒倒後鏡，車底穿窿，可代步，又沒影響科研結果。」

香港○一年推出混能車，沒人垂青。

翌年大減價，梁美儀入貨。

「才八萬，還終生保用電池。」

參選傑青，是為提醒——

「有啲嘢表面睇嚟好糟糕，但總有靚的一面。」

昔日他是俾人唾棄的籮底橙，今日，他正協助政府為香港海洋重訂海水水質標準。研究結果將作為立法及管理基石，對未來保育及海洋資源管理有深遠影響。

「人生是場馬拉松，即使欠缺爆炸力，慢慢調適，一樣可跑畢全程。」

---

2 : abbychau(1)@2010-11-22 00:49:27

主角式故事

---

3 : GS(14)@2010-11-22 22:07:56

幾勵志

---

境隨心轉 江美儀

1 : GS(14)@2016-02-03 14:29:47

2016-01-27 EW

江美儀說，她是一個農夫，除了基於愛食飯，也基於自己天生一副賤骨頭。

「我唔係少奶奶命，我真係要耕田，要自給自足㗎！哈哈哈！」

所以，去年二月，她拍完劇集《性在有情》後，因為無綫再沒有給她安排新工作，曾令她感到相當不安。「即係嗰種：咦？我明明係忙到甩晒轆㗎，點解我突然間咁得閒嘅？好唔慣囉！」說時她皺皺眉頭。

沒有劇集在身，她形容這年來，她都很「清閒」，「拍咗幾套電影、去過馬來西亞拍《姊妹淘》、連我最恨拍嘅ICAC（港台劇集《廉政行動2016》）都拍過，又做咗幾個廣告代言，又去過日本兩次、去過北京好多次，仲去過巴黎；又跟豹嫂（胡蓓蔚）個健身教練做運動，跟住就開始排呢套舞台劇《羅生門》囉。」她邊說邊數着手指。

最重要是，無綫這年來仍有出糧給她。「The main point is佢哋嘅人工好低㗎咋！哈哈哈！不過好彩我都有幾個廣告，頂住個雞頭！哈哈！」老老實實，又不是完全沒有工開，又未致於影響收入，那還有甚麼好不安呢？

「都係㗎！好多嘢只係一念之差！我可以覺得咁樣嘅一年幾好呀，有得休息吓；亦都可以覺得，係咪冇人用我呢？但我後尾都諗通咗，唔使做嘢，我白逗緊人工㗎喎！係咪先？所以個人開心唔開心，都係由自己決定囉！睇你自己心態係點咋嘛。」說罷，她又哈哈大笑起來。大情大性得佢呢。

徬徨感

差不多整整一年沒有劇拍，江美儀說，也不知這樣是否叫做「遭雪藏」。

「我都唔知喎，不過就算我係『急凍奇俠』，咁個雪櫃裏面都仲有好多人，I'm not alone！哈哈哈！

「我 家唔夠膽再同外面講，公司（無綫）將會有啲乜嘢畀我做㗎嘞！你睇番啲報道就知，上年我同人講完會開乜嘢劇之後，臨門埋牙先嚟冇我份，但又唔會特別通知我喎，我驚啲人以為我吹水咋，我不嬲都唔係啲造新聞、博見報嘅人呀！」

她坦言，曾因此鑽了牛角尖。「最慘係，佢哋唔係逐少逐少咁減你工作量，而係sharp cut！跟住我就會係咁諗：點解啲人唔搵我呢？點解會冇嘢開嘅呢？我嗰種驚，係因為覺得突然乜嘢都冇晒，個心好耿耿於懷。」

最難頂是，她○七年離開亞視後的那種徬徨感，也一下子湧了出來。「亞視嗰陣本來傾好晒續約嘅條件，點知星期五滿約，星期三先打嚟話所有嘢要由頭傾過，咁即係想點呢？我男朋友（吳君祥）話：『如果你唔簽，你會好嬲；但照簽，你會仲嬲！』咁我就冇簽約，走咗。嗰陣我真係覺得自己好似被遺棄咗咁，我坐過喺屋企，嗰種不安呀、冇安全感呀，真係好難受㗎！」

一餐飯

最後，她找了《名媛望族》的好拍檔劉松仁為她解心結。

「我終於明白，乜嘢叫做『與君一席話，勝讀十年書』！松哥佢話：『呢個時候，你就要學放下！你初初入TVB嗰陣，都唔係套套劇都搵你啦，咁點解 家人哋唔搵你，你要咁唔開心呢？你 家仲多咗個獎（一三年憑《衝上雲霄II》『Head姐』一角獲「最佳女配角」獎）喎！做人嘅嘢，今日有嘅一切，第日都要放低㗎啦，何不瀟灑啲！』

「嘩！佢講完之後，我腦裏面嗰啲『北京霧霾』當堂『sa』一聲散晒！兩、三個鐘咋，佢就搞掂咗我！你話呢餐飯係咪抵請呀！我真係即刻『叮』一聲喎！之前成日係咁問點解、點解，如果我乜都知道點解，我就唔係人，係仙人啦！咁好多嘢既然永遠都唔會有答案嘅，咪由佢囉！」

想通後，江美儀連視野也擴闊了。「TVB唔係我經理人，咁佢哋冇畀劇我拍啫，但係我仲可以拍出面啲電影，拍出面啲廣告，仲可以去埋馬來西亞同新加坡拍嘢㗎！係唔可以去其他電視台拍劇啫，不過香港 家仲有乜嘢電視台啫？係nowTV同有線咋嘛，唔通仲諗亞視咩！」

同學會

雖說她曾經在亞視效力過十年，然而，對於這個電視將於四月一日牌照期滿，成為歷史，卻沒有甚麼不捨得。「全部都係佢哋自己攞嚟嘅！佢哋根本就唔識珍惜佢哋下面做嘢嗰班人！我做嘢，你出糧畀我，天公地道，點解要我問你借番轉頭呢？成件事都好ridiculous！我哋一班『A記同學會』，已經諗住四月一號出嚟聚會，慶祝佢執笠！咁樣一call，應該有成千人出嚟，真係會展先搞得掂呀！哈哈！」

她口中的「A記同學會」，即是現在或曾經在亞視工作過的台前幕後。「我哋好團結，每年都有聚會。有次聚會，有個舊同事嘅老公啱啱過咗身，陳啟泰一句叫大家幫吓佢手，一晚就籌到五萬幾蚊！幾感動呀！」

團結，只因他們也真正體會過從前的「亞視精神」。「我喺裏面做嗰十年，公司資源咁少，我哋冇得唔團結，一唔團結，公司冧檔，大家就冇嘢做，咁我哋咪惟有不斷諗啲新嘢出嚟做，大家堅持做好佢囉！

「其實亞視都有輝煌過呀！至少都有《今日睇真D》、《我和殭屍有個約會》、《情陷夜中環》、《縱橫四海》呀！我 家睇番嗰陣我有份嗰套《義無反顧》，嘩！曾江、葉德嫻、郭藹明、譚耀文、羅家英、鮑姐（鮑起靜），全部電影卡士！好睇到呢！其實好多勁嘅前輩，我喺亞視都合作過晒㗎！」

軟皮蛇

還以為江美儀這年來沒有劇在身，應該會有更多時間跟男友吳君祥享受二人世界，但實情大半年前，男友已開始長駐北京。「佢間中都有返吓嚟嘅。不過咁長時間見唔到面，我哋又OK喎！始終我哋都一齊咗十年，大家都係比較成熟嘅人，好多嘢我哋都明白唔可以改變對方，只可以改變自己嘅立場同睇法。」

然而內地美女多，不擔心嗎？「喂，我覺得呢樣嘢，女人唔應該驚喎，女人應該要話畀佢聽，你有你嘅北方佳麗，我都可以有我嘅香港小鮮肉，呢樣嘢公平㗎喎！」但他前年才被拍到跟已故的潮流教母黎堅惠妹妹黎曉靈（Kimmy）當街拖手喎。「其實我同Kimmy不知幾friend！佢哋如果真係有嘢，都唔會畀你哋影到啦！係咪先？」

有為過這些事鬧交嗎？「咁又冇喎！同埋所謂鬧交，其實好多時都只係我鬧佢啫！哈哈哈！佢係一條軟皮蛇，點嗌交啫？你鬧佢咩？佢會當冇事，笑笑口就過咗去，冇佢符㗎！即係如果我係少林，佢咪詠春囉，點打得成交啫？

「其實兩個人相處，大家知道大家做緊乜咪得囉！一驚，個人就會有負能量！再者，我又唔係依賴佢去生活，嘩！如果我要依賴佢生活，仲要睇佢面色，我寧願唔買Hermes，淨係用H&M呀！所以我唔係少奶奶命，我真係農夫，我要自給自足㗎！哈哈哈！」

二世祖

談到吳君祥，當然也要問問幾時結婚。「呢條問題，問過九萬七千次啦喎！結婚，what's the point？」例如生小朋友囉。「嘩！唔生啦！黐線！我都四張幾（四十四歲），都收經啦！仲生？唔好玩啦！而且我哋 家都已經有個仔啦！」說罷，江美儀跟懷抱中五歲的愛犬Teddy對望。「係呀！講緊你呀！」

然後又說：「對我嚟講，生細蚊仔係個黑洞嚟㗎！我寧願多啲時間照顧佢（Teddy），好過湊小朋友！

「喂！Teddy起碼唔會吸毒、唔會做援交、唔會駁嘴、唔會打機、唔會揸刀斬死我、唔會郁吓就話要吊頸喎！哈哈哈！只不過係二世祖啲啫，未辛苦過、未捱過、未熱過、未凍過，最緊要係佢未餓過！所以佢從來唔會同其他狗爭嘢食㗎，佢會覺得，搶乜啫？我係咪都有得食㗎啦！而且你畀佢食，佢都唔一定食㗎喎！哈哈！二世祖要做乜㗎？只係氹掂個老母同老竇咋嘛！哈哈哈！」

這個時候，只見Teddy一直定睛看着她—正確來說，這種眼神，應該也可以叫做啤。

想知江美儀點講佢嘅「軟皮蛇」男友吳君祥，即掃QR Code上東周網睇片啦！

撰文 周彩霞 攝影 何國豪 鳴謝 新光戲院設計 吳俊彪

---

馮仁昭四圍超：江美儀現身樂視有麻煩

1 : GS(14)@2016-06-01 11:37:03

李居明同江美儀幫dbc數碼電台主持節目《李居明妙論天下》，嚟緊會有埋畫面喺樂視播放，噚晚佢哋喺北角舉行記者會，有FFx、梁思浩、陳彥行等撐場。呢排電視大戰好激烈，李居明話同邊個合作都冇所謂，不過同無綫合約去到2018年嘅江美儀應該濕滯啲，佢話：「我都係小演員箒！電台嚟之嘛，唔使咁快杞人憂天，到時真係搵我傾至算。但我係唔會放棄，因為師傅好錫我。」撰文：馮仁昭





來源: http://hk.apple.nextmedia.com/entertainment/art/20160601/19635641

---

老銅掃平貨有心得江美儀街邊買打底褲

1 : GS(14)@2016-09-11 05:50:27

【揀肉色底】■素顏的江美儀在銅鑼灣街檔揀肉色打底褲。DV圖片





【銅鑼灣】下周二便是江美儀45歲生日，大前日她帶着愛犬Teddy與女友人出動銅鑼灣渣甸坊逛街檔，素顏的江美儀斜孭着大袋，Teddy就安全在袋中隨「媽咪」去濕平，去慣街的Teddy全程乖巧，江美儀還到內衣街檔揀打底褲。於4年前在無綫劇集《名媛望族》中，江美儀因為一幕黑絲情挑劉松仁的重口味戲份，為她贏盡人氣，更被封「黑絲女王」。



【極速找數】■便服打扮的江美儀在渣甸坊買髮夾。DV圖片

■江美儀帶着愛犬Teddy行街。

■（左起）梁琤、胡杏兒、江美儀和邵美琪日前為舞台劇《我和春天有個約會》綵排。互聯網圖片


分享髮夾心得

當日下午3時多，江美儀現身銅鑼灣，以為她又掃招牌黑絲，但原來只在賣平價胸圍底褲檔揀打底褲。記者見江美儀細心研究一條肉色打底褲的物料，檔主都一一解答，江美儀更拉扯打底褲測試彈性，似乎已睇啱貨品。江美儀之前亦在附近的買了髮夾，可能平日擅於打扮，所以她一邊細選，一邊跟友人分享心得，還介紹那一款好用，那一款會拮頭。


舞台劇置裝備

江美儀沒買黑絲改揀打底褲，估計是為本周三在上海演出的經典舞台劇《我和春天有個約會》做準備，她昨日透過WhatsApp回覆：「真係買打底褲㗎。」江美儀將在舞台劇中飾演金露露，胡杏兒演女主角姚小蝶，而梁琤和邵美琪分別演鳳萍和蓮茜，兩位男主角是謝天華及關禮傑，而其他角色還有張學潤和鄧健泓等。這次江美儀演出用回粵語對白，保持原汁原味，江美儀日前在Instagram貼出與邵美琪、梁琤及胡杏兒的綵排，江美儀說：「我們四姊妹越來越有默契了，沒有說好的情況下一起穿上了白色衣服，到舞台劇的時候，我們的心照不宣應該會令表演更精采囉！」採訪、攝影：吳耀輝




來源: http://hk.apple.nextmedia.com/entertainment/art/20160911/19766903

---

江美儀演《春天》嗌過癮

1 : GS(14)@2016-09-18 10:51:54

江美儀上周被發現在銅鑼灣街邊檔揀打底褲，為到上海演出舞台劇《我和春天有個約會》做準備。《春天》今天公演第五場，胡杏兒演女主角姚小蝶，江美儀、梁琤和邵美琪，分別飾演金露露、鳳萍和蓮茜，兩位男主角是謝天華和關禮傑。江美儀表示今次演出過足戲癮，前晚短訊回覆：「希望餘下兩場更好，更希望可以到世界各地巡迴演出，呢次好好玩，大家合作得非常愉快。上海觀眾非常熱情，冒着大雨都來支持捧場，整個團隊精神發揮極致。」採訪：陳杰




來源: http://hk.apple.nextmedia.com/entertainment/art/20160918/19773737

---

【馮仁昭四圍超】Mark教張美儀多演出

1 : GS(14)@2016-10-17 08:09:33

雷頌德（Mark）同新簽嘅女歌手張美儀噚日喺將軍澳出席歌唱比賽，分別擔任評判同表演嘉賓，Mark教路要多啲畀張美儀參加唔同嘅活動，爭取表演機會。張美儀話覺得自己上鏡冇咁靚，而且事前冇好好準備，表演時會怯場。近年歌手少咗出實體唱片，連方大同都決定唔出，佢兩個都覺得有實體唱片是必須嘅，張美儀話：「以前要出咗碟先算係歌手，我都好想出，唱片有如卡片，代表自己。」撰文：馮仁昭




來源: http://hk.apple.nextmedia.com/entertainment/art/20161017/19802927

---

新劇入雪櫃改行做主持江美儀鬧拍檔譏魚販犯眾憎

1 : GS(14)@2016-12-07 08:00:59

■江美儀昨日出席活動時回應被指不尊重拍檔及魚販是角色設定。



已屆45歲的烈女江美儀最近連環爆是非，有傳她篤走無綫高層曾勵珍愛將監製關永忠，珍姐一怒之下，將她由女主角打回原形變配角，擔正的新劇更無限期放入雪櫃。據聞江美儀向珍姐對家余詠珊投誠，但拍攝綜藝節目《街市遊樂團》時，又因經常鬧顧紀筠囝囝陳浚霆及貶低魚販，遭師奶網民圍插，她昨日出席活動時自辯說：「係角色設定，亦證明我好戲！」



江美儀最近猶如「烈火奶奶」上身，周圍辣火頭，先後向無綫新劇《親親我好媽》監製關永忠和舞台劇《嬉春酒店》監製朱仲銘開火。由亞視過檔無綫的江美儀，早前終於等到機會在《親》劇擔正做女一，但有指她對劇本諸多不滿，趁戲劇製作總監曾勵珍放大假時，單人匹馬向當時仍是助理總經理的杜之克，越級投訴珍姐下屬的《親》劇監製關永忠。結果劇集臨時煞停四日大執劇本，而在無綫任職三十年的關永忠就要「孭鑊」執包袱走人。



【辱魚販】■江美儀（左）一邊剝蝦殼，一邊說曬蝦乾工作是自甘墮落，被網民插說話難聽過粗口。電視圖片

【踩新人】■江美儀（右）在節目中鬧顧紀筠兒子Andrew（左），指他是「富二代，冇嘢叻」。電視圖片

■江美儀在新劇《親親我好媽》首次擔正做女一，傳向高層篤走監製關永忠。資料圖片


「而家個個識佢」

據知此舉令珍姐震怒，即時將她擔正的《親》劇無限期放入雪櫃，在新劇《同盟》又淪為大配角。近日「坐冷板」的江美儀棄珍姐，投誠對家余詠珊，與麥長青、滕麗名和顧紀筠兒子陳浚霆（Andrew）拍綜藝節目《街市遊樂團》。節目出街後，有師奶網民插她獨有的老牛沙啞聲，一開口煩厭兼勞嘈；但更多人指她恃老賣老，狂鬧做「下把位」的陳浚霆是「富二代，冇嘢叻」，令對方尷尬。大前晚播出的一集，江美儀更指魚檔劏魚「每日賺嗰260蚊一斤」，又說「剝蝦曬蝦乾真係自甘墮落」，被網民鬧爆她刻薄兼看低人。江美儀昨日在觀塘拍攝香港學生輔導會親善大使海報，明顯有備而來說：「都唔係咁大件事箒，自己平常心，係啲人拉埋啲嘢嚟講。」對於節目中狂鬧Andrew，她解釋說：「其實呢個係節目嘅風格，係角色設定，Andrew係下把位，俾我哋恰，俾我哋話，係設定嘅效果。」是否硬食做衰人？她說：「證明多人睇，亦證明我好戲！其實我哋幾個都好錫Andrew，佢又好有禮貌，好尊重人。我都幫咗佢㗎，而家個個都識佢啦。」被指貶低工人階級，江美儀又解釋說：「我唔係話佢哋，係話我哋幾個大食懶，如果我真係話佢哋，嗰啲檔口就唔會咁開心歡迎我哋去拍啦。」她又澄清與珍姐和關永忠關係不變，但承認有與杜之克傾過，她說：「第一次做女主角，人哋做女主角好順利，但自己就好似唔係咁開心，好擔心影響到人，但我冇帶隊上去投訴。杜生有問我拍成點，咁我當時叫佢放心，我哋會做好本身，但收唔收得唔係我哋控制。」



■顧紀筠認寵兒子Andrew，笑言要多謝美儀幫她教仔。互聯網圖片

■KellyJackie（後排左）昨表示有去過澳門探陀B吳若希，更逼對方進食。


顧紀筠：惡惡地

對於囝囝Andrew經常被鬧，顧紀筠認為「惡惡地」是美儀的風格，她前日在電話中說：「我平時唔會打唔會鬧Andrew，都多謝美儀幫我教吓個仔，鬧佢都係想袋錢入佢袋箒！」Andrew亦覺得自己有時說話未經大腦，他笑稱：「美儀係錫住嚟鬧，可能自己有啲被虐狂。」據悉《街》將於下周拍第二輯，由於角色設定，江美儀又可能成為箭靶！採訪：舒娜、王梓嫚、黃曉妍攝影﹕葉君海




來源: http://hk.apple.nextmedia.com/entertainment/art/20161207/19857155

---

江美儀黑絲都冇用？男友曾偷食34C走光女王

1 : GS(14)@2016-12-07 08:00:59

江美儀男友為吳君如胞弟吳君祥，兩人至今愛情長跑十一年，四年前吳君祥曾與過氣艷星嚴淑明被揭約會，兩人感情起波瀾，但江美儀卻以一句「當男友應酬」了事，又不時與男友晒恩愛，力證情不變。




來源: http://hk.apple.nextmedia.com/entertainment/art/20161207/19857129

---

篤走珍姐愛將監製？江美儀認珍姐搵過佢

1 : GS(14)@2016-12-07 08:01:00

江美儀昨日回應早前有傳佢接到好籌、喺新劇《親親我好媽》中擔正做女一，不過有指佢對劇本諸多要求不滿，更趁戲劇製作總監曾勵珍放大假時，單人匹馬殺上珍姐老頂、當時仍係助理總經理杜之克房中，越級投訴屬珍姐「馬房」嘅《親》劇監製關永忠。結果唔止套劇臨時煞停四日要大執劇本，最後喺無綫任職30年嘅監製關永忠都要執包袱走，江美儀:「第一次做女主角，當時可能有啲……人哋做女主角好順利，但自己就好似唔係咁開心，好擔心影響到人，但我完全冇帶隊上去投訴。只係默默同黃智賢睇吓嚟緊啲戲點做…最近珍姐都有send messgae畀我，叫我唔好為呢啲無中生有嘅事唔開心，仲叫我如果返去就搵佢傾偈。」但係又幾巧合喎，有傳你投訴完後，就冇拍過珍姐啲劇，江美儀就表示:「唔係，我現在開緊工，開《同盟》(文偉鴻監製)，可能咁啱得咁橋。」問到有冇打畀關永忠？江美儀就話一向有聯絡。




來源: http://hk.apple.nextmedia.com/entertainment/art/20161207/19857329

---

江美儀撐麥包外闖

1 : GS(14)@2017-01-02 01:06:36

昨日麥長青（麥包、右）、江美儀與顧紀筠兒子陳浚霆於新城電台接受訪問，麥包將離開服務29年的無綫，他自言大家關係良好：「TVB係我母校，到?家能夠出去打仗嘅武器、賴以為生嘅都係靠TVB。中學畢業就入訓練班，如果TVB係大學，讀咗29年幾先畢業。」江美儀則表示不捨：「唔想你走，咁難得節目咁合拍，想延續落去，但都想佢有好發展，作為好朋友，希望佢出去搵吓錢。」採訪、攝影：羅慧敏




來源: http://hk.apple.nextmedia.com/entertainment/art/20170101/19883017

---