ZKIZ Archives


山聰起義唔放水搞男裝爆粗鬧超雲

2013-04-11 NM
 
 

 

陳山聰遭賭王千金何超雲狠撇,兩年情宣告玩完!當日夢想成為賭王女婿,陳山聰拋棄糟糠、得罪無綫、與圈中好友斷絕來往,做全職男友陪何超雲周遊列國,仲氹掂女友貼錢俾自己搞男裝生意,但何家小姐忽然閂水喉,好夢成空的陳山聰終於流露真性情,爆粗回敬何超雲,換來被飛惡果。

富貴夢一場,陳山聰從天堂返回人間,慘變「四失」中坑,連日潛水無面見人,何超雲則身在巴黎繼續血拼樂逍遙。

生意起爭拗

四月二日,賭王千金何超雲以一句「Love=Money」為這段情作結,暗示兩人因錢銀轇轕分手。本來「坐定粒六」做何家女婿的陳山聰,兩年以來停工拍拖,陪賭王千金到處遊山玩水,穿金戴銀著名牌,兩人更以潮人自居,還不時放風表示要搞時裝生意,計劃到內地東莞設廠生產,情侶檔拍住上,可惜這盤生意亦成為兩人分手的導火線。「超雲同山聰本來諗住出情侶品牌,生產男女裝同首飾,點知最近超雲決定唔做男裝,齋做女裝同首飾,山聰籌備咗兩年嘅男裝系列冇得再搞,佢兩個為咗呢件事,幾個月來成日鬧交。」 何超雲閨中密友透露。

購物散心

二月二十七日,何超雲二十四歲生日宴,是兩人最後一起拍拖公開現身,據知當時他們已陷於冷戰,經常在社交網站晒恩愛的何超雲,已絕口不再提陳山聰,分手早已有迹可尋。據知,早前兩人再因生意問題起爭執,「兩個人拗到火紅火綠,山聰一時火遮眼,爆出一大串粗口鬧超雲,超雲即刻同三太投訴,話自己好似俾人鬧醒咗咁,決定同山聰分手。」何超雲閨中密友透露。決定斬纜,何超雲先在Instragam上放風,暗示回復單身,並單拖飛往倫敦會合妹妹超蓮shopping散心;目前更已轉往巴黎繼續逍遙。

操控慾強

據知拍拖以來,何超雲一直處於主導地位,彼此相處「女尊男卑」,連分手都是由她親自了結。「啱啱撻着,超雲成日話好愛山聰,又話爸爸媽媽好接受佢,先搞到山聰決定同老婆離婚。」知情人士說。近年兩人一時傳婚訊,一時傳合作搞生意,有指全是女方在幕後自導自演,無非想箍實男友,要他死心塌地留在身邊。對男友操控慾強的超雲,拍拖初期,為使男友與前妻釐清關係,願意代付八十萬贍養費之餘,更逼陳山聰日夜相陪,搞到男方拍劇要遲到早退,幕前幕後怨聲載道。之後何超雲更進一步干涉陳山聰的社交生活,要他跟圈中好友保持距離,陳山聰無奈在微博上宣布,跟契姊伍詠薇、陳敏之等人絕交;據知目前仍願與他保持來往的圈中人,僅得郭政鴻一人。自從傳出分手消息後,陳山聰恍似人間蒸發,未有公開露面。據了解,他目前仍未搬離三太名下、位於大潭雅柏苑的單位,暫時未被勒令逼遷。

何家女婿有底

要當上何家女婿,首要條件門當戶對。何家二房女婿正是最佳人辦,個個家底都有番咁上下。想食得住何家淑女,陳山聰未有資格!

許晉亨

身為何超瓊前夫,雖不再是何家女婿,但許晉亨是已故船王許愛周的孫兒,其父許世勳現為中建企業界主席,公司主要業務包括地產及投資。為免後人爭產,生前許愛周用基金管理形式管理幾百億名下資產,故許晉亨每月跟其他家族成員一樣在信托基金支取生活費,地位和身份絕不失禮賭王家族。

陳子聰

Model出身的陳子聰,跟何超儀婚後雖一直無事生產,但家底背景其實有番咁上下。其母是太平餅乾家族千金,家族身家估計過億。陳子聰小時移居澳洲,並在墨爾本皇家理工大學機電工程系學士畢業,有底有學歷。

何志堅

身為何超鳳丈夫的何志堅,是70年代在馬會地位舉足輕重的何壽南姪兒,迎娶何超鳳後,他加入信德,為賭王外父打理業務。他為人低調,偶然才陪愛妻出席名人派對。

夢一場

父親是億萬富豪的何超雲,千揀萬揀揀中陳山聰,兩人戀情更被一致睇死遲早玩完。

拋棄糟糠

傳出周栢豪追求何超雲,陳山聰微博寸情敵只為博見報,其後被揭與超雲共渡情人節,戀情曝光;之後再被揭為與賭王女兒拍拖,10年底跟妻子Ponny離婚,贍養費由超雲代付。

停工陪玩

歐遊多月的超雲與陳山聰結伴返港,有指陳山聰為陪女友,放棄工作,向無綫請長假;返港當晚,兩人返回三太大宅見家長,更將相片上傳到微博,證明男友得父母認許。之後,兩人多次結伴出國遊玩,做全職跟得男友的陳山聰,更加心廣體胖,肥到凸腩。

多次傳婚訊

拍拖以來,婚訊、分手時有傳聞,每次皆由超雲主動上載兩人親熱合照澄清,並有指賭王送豪宅做嫁妝,不過兩人均堅決否認婚訊。

與好友絕交

10年陳山聰生日時,契姐伍詠薇微博留言祝福,有指此舉激怒何超雲,結果祝福變收絕交電話,伍詠薇氣得取消陳山聰關注,圈中好友亦炮轟陳山聰被金錢沖昏頭腦。

山聰 起義 放水 男裝 爆粗 粗鬧 鬧超 超雲
PermaLink: https://articles.zkiz.com/?id=54405

Bob爆粗鬧《玩嘢王》

1 : GS(14)@2013-04-22 22:57:13

http://www.sharpdaily.hk/article ... 9%E5%98%A2%E7%8E%8B
李思捷主持無線整蠱節目《玩嘢王》前晚首播,林欣彤、林盛斌(Bob)及許廷鏗均被整,笑料百出。其中思捷擺下十幾圍酒席,動員半百人喪玩婚禮司儀Bob,迴響最大。網友大讚Bob面對結婚蛋糕跌落地、思捷醉酒鬧事、舊愛搶新娘及契爺暈低等突發事,執生功力一流,被封執生王!
不過亦有人質疑造假,Bob昨於電話中說︰「唔會造假。朋友間幫上幫接job,去到婚宴見到導演、攝影師係自己人唔出奇,今次佢哋製作認真,現場衣香鬢影,新人又錫曬。」提到他面對騎呢場面時O嘴表情一絕,Bob自爆當時接連爆粗:「返房我用好多助語詞鬧人,成晚嘅助語詞可以拍幾部《低俗喜劇》,惟有成段刪。」他又重申沒有嬲︰「玩嚇唔緊要,係冇咗封司儀利是,得無線一個騷啫。」
曾被整蠱的沈卓盈昨說︰「俾人整完我一直守住秘密,希望更多人中招。自己都有底線,玩蛇同青蛙一定喊。」
2 : GS(14)@2013-04-22 22:58:12

去片
Bob 爆粗 粗鬧
PermaLink: https://articles.zkiz.com/?id=282599

出爐港姐冠軍撐傘運馮盈盈爆粗鬧梁特「愛之深 責之切」

1 : GS(14)@2016-09-13 08:04:20

■馮盈盈昨以出爐港姐冠軍身份與傳媒見面,她承認爆粗鬧特首梁振英是因為愛之深,責之切。



今屆立法會選舉結果,年輕人議政的勢力抬頭。22歲出爐港姐冠軍馮盈盈(Crystal)原來亦是性情中人,從她的facebook發現,前年她力撐雨傘運動,對反佔中的時任立法會議員和特首梁振英,都不留情面連環爆粗怒罵。昨日馮盈盈出席活動時,承認發表過有關言論,原因是「愛之深,責之切」。



應屆香港小姐三甲前晚誕生,馮盈盈大熱奪冠,亞軍及季軍分別是劉穎鏇和陳雅思。馮盈盈當選後,其facebook即被網民起底,指她在前年雨傘運動期間,不時以極流利的粗言穢語留言,更爆粗鬧特首梁振英,認為她有損港姐的優雅形象。翻看馮盈盈的舊貼文,當年食物及衞生局局長高永文指,沒有數字顯示佔領運動阻礙急救,馮盈盈爆粗鬧梁振英:「而家自己人都撐你唔落,再次X到冇眼睇!」又以「呢個人真係相當有嫌疑」質疑梁特收受澳洲公司回佣一事。


粗口流利順暢

馮盈盈對建制派的批評更是不遺餘力,特別對鍾樹根、蔣麗芸及葉劉淑儀等的言論,她不留情面以粗口侍候,例如問「全盛時期嘅tree gun(鍾樹根)到底要X幾多鑊先夠?」對於在雨傘運動中,有反佔中阿伯抓向女佔領者胸部,事後阿伯被警員帶離現場了事,馮盈盈感同身受在fb爆粗大罵「X你老X冚家X!條死鹹蟲大大力狂揸落去,個女仔不停喊非禮都唔放手……以後我出街俾人非禮,有晒證人有晒片捉埋個疑犯都唔X洗旨意告得佢入。」昨日馮盈盈在將軍澳電視城接受傳媒訪問,她直認曾在fb爆粗留言,指當時剛剛考入大學,受到當時整個大學的狂熱氣氛影響,她說:「我係香港土生土長嘅,好關心香港嘅時事,愛之深,責之切,所以特別有強烈嘅情緒,先會有啲較激嘅言論。」她強調自己平時言行絕對不會如此,只是會在比較私人的fb平台上,與最親的朋友抒發情緒,她說:「平時言行,同人日常交往,冇可能講呢啲嘢,女仔都要斯文啲,唔應該講!」



【鬧梁振英】

【五珠連爆】■馮盈盈前年在fb鬧梁振英,又寸鍾樹根。

【寸鍾樹根】


網友撐真性情

訪問期間,馮盈盈兩次表示以後會小心言論:「經一事長一智,始終畢咗業,個人投身社會,選完港姐成熟咗成長咗,明白到同一件事有好多睇法同真理,要有包容開放心態,總之抱住多啲正能量嘅態度就好!」另她接受無綫新聞部訪問時,問到作為港大畢業生,面對早前校委會風波及副校長任命時的衝突,馮盈盈認為要加強雙方溝通:「校委會增加多啲學生代表,採取開明包容嘅態度。」雖然有網友認為講粗口有損港姐形象,有亦有網友力撐「支持Crystal!香港人邊個冇講過粗口?對着不公義有氣憤填膺好出奇?咁都唔嬲一係人渣一係白癡。」前晚港姐決賽亦公佈香港先生結果,冠軍黎振燁、亞軍丁子朗及季軍鍾君揚。今年港姐觀眾票選,馮盈盈得票為36,679票,對比上屆冠軍麥明詩得票為166,659票,但上年及今年總投票人數都約為23萬人,馮的得票率不像麥明詩般一面倒。採訪:李森


【批評特首】■馮盈盈轉貼《蘋果》新聞後,批評梁振英的言論得罪好多人。

■馮盈盈揚言是土生土長的香港人,十分關心香港時事。



來源: http://hk.apple.nextmedia.com/entertainment/art/20160913/19768696
出爐 港姐 冠軍 撐傘 運馮 盈盈 爆粗 粗鬧 鬧梁 梁特 愛之深 責之 之切
PermaLink: https://articles.zkiz.com/?id=308900

袁詠儀爆粗鬧老公唔畀囝囝聽

1 : GS(14)@2016-09-23 08:09:58

■靚靚直言會講粗口,不過拉老公張智霖入房先講,怕囝囝聽到。



袁詠儀(靚靚)、謝玲玲、林恬兒、Lisa S.及楊張新悅等昨晚現身中環ifc,出席護膚品牌Clé de Peau Beauté的15周年活動,靚靚笑言老公張智霖同囝囝魔童都愛她以素顏示人。提到今屆港姐冠軍馮盈盈被爆講粗口,靚靚表示:「粗口係香港嘅傳統文化,我唔會話我唔講,我會同老公喺房入面講,每次講佢都話我好似一個廣東人,但作為港姐要履行責任,特別係代表香港嘅時候就唔應該講。」提到梁佩瑚日前爆港姐黑幕,靚靚笑言:「當年保母叫我哋睇多啲雜誌學擺甫士,有個佳麗拎咗大堆雜誌返嚟,大家以為佢好善解人意。點知隔咗一陣就選友誼小姐,保母提我唔好睇表面,最後呢位佳麗冇被揀中,當時翁杏蘭就攞咗友誼小姐。」採訪:林嘉慈攝影:陳順禎


■Lisa S.表示會催好友馮德倫積極造人。

■楊張新悅昨日性感現身。



來源: http://hk.apple.nextmedia.com/entertainment/art/20160923/19778921
袁詠儀 爆粗 粗鬧 老公 唔畀 畀囝 囝囝 囝聽
PermaLink: https://articles.zkiz.com/?id=309716

爆粗鬧標本手袋石希露成手紋身悼離世貓

1 : GS(14)@2016-09-25 10:28:16

ViuTV選美節目《美選D.n.A》即將開鑼,之前話過會將啲參賽者分做天使組同魔鬼組,咁16號石希露就一定係歸入天使組。講起石希露,最大賣點肯定係手臂上嘅各個紋身,佢話過由18歲開始紋身,身上加埋應該有十幾個,呢個數量絕對非一般,但等等先,石希露唔係貪靚先紋身,而係為咗紀念佢每一隻離世嘅愛貓!石希露好有愛心,現職獸醫助護,佢參選時就講過養緊16隻貓,絕對係位貓癡!佢仲有一個facebook專頁分享下啲養貓資訊,最近有新西蘭拍賣網站拍賣貓標本手袋就觸動到石希露嘅神經,佢甚至忍唔住喺facebook爆粗留言鬧爆,為咗貓,佢真係可以去得好盡。




來源: http://hk.apple.nextmedia.com/entertainment/art/20160925/19781264
爆粗 粗鬧 標本 手袋 石希 希露 露成 成手 紋身 離世
PermaLink: https://articles.zkiz.com/?id=309975

【真性情】爆粗鬧梁特

1 : GS(14)@2016-10-11 08:11:51

馮盈盈曾是港大校花,讀書時期不時參與模特兒工作,馮盈盈當選港姐冠軍(上圖)後,被網友翻查其facebook,發現她力撐雨傘運動,佔中期間又爆粗鬧政府官員,又指特首梁振英「X」到冇眼睇(下圖)。另外,她又為反佔中阿伯抓向女佔領者胸部後,被警察帶離場了事,氣得爆粗大罵:「X你老X冚家X!」真性情盡現。


事後馮盈盈直認自己爆粗,指是土生土長香港人,十分關心香港時事,並謂:「愛之深,責之切。」但有網民直斥她爆粗有損港姐形象。




來源: http://hk.apple.nextmedia.com/entertainment/art/20161011/19796975
真性 爆粗 粗鬧 鬧梁 梁特
PermaLink: https://articles.zkiz.com/?id=311534

踩場舊愛周家蔚婚禮林建億被洪天明爆粗鬧爆

1 : GS(14)@2016-12-11 14:12:47

數到林建億其中一單最爆嘅新聞,可以數番4年前,佢舊愛周家蔚同洪天明舉行婚禮當日,林建億不請自來,又飲又食又追女仔喪「抄牌」,最勁嘅係佢喺婚禮上,倒瀉水落新娘子周家蔚身上,整濕女主角套晚裝,激到洪天明紮紮跳,事後更爆粗鬧林建億:「媾女死遠啲。」同「仆街要開名講,不請自來。」,最後林建億同王愛倫分別打畀洪天明道歉,更有傳佢被阿媽放逐去美國作「懲罰」。其實林建億唔止媾過周家蔚一個女星,之前亦有傳「藍莓」劉俐都有拍過拖,雖然女方否認有其事,但當林建億被洪天明鬧爆時,佢又力撐對方。另外,有「E Cup超蓮」之稱嘅鍾采羲都傳搭上過林建億,佢哋兩個喺英國讀書時認識,返港發展後就傳出兩人拍拖嘅消息。




來源: http://hk.apple.nextmedia.com/entertainment/art/20161211/19861935
踩場 舊愛 周家 婚禮 林建 億被 被洪 天明 爆粗 粗鬧 鬧爆
PermaLink: https://articles.zkiz.com/?id=319202

鼎爺爆粗鬧為錢變心楊思琦分手一年即誕女

1 : GS(14)@2017-01-14 12:25:39

楊思琦係地地道道嘅屋村妹,不過有幸喺01年贏到港姐冠軍、最上鏡小姐在內嘅6個獎項,一登龍門,成為咗炙手可熱嘅大台花旦。思琦妹人氣唔錯又形象入屋,05年就獲頒「最佳女配角」,不過翌年拍嗰套《人生馬戲團》就失蹤咗兩個鐘頭,傳聞四起,甚至有指思琦係遭到性侵犯。前年思琦妹講番起件事,話係唱完K見到一大班兇神惡煞嘅人衝出嚟,嚇到佢哋要搵地方匿埋,仲話係最接近死亡嘅一次。至於思琦妹嘅感情生活,傳過嘅緋聞唔多,02年佢拍劇邂逅咗「鼎爺」李家鼎嘅公子李泳豪,拍拖9年後,11年6月思琦妹單方面提出分手,有指當時港隊跳水隊成員吳帥介入,成為分手導火線。之後李家上下不滿大數思琦不是,尤其係鼎爺爆粗大鬧思琦為錢變心,只係當個仔係司機咁使喚。同一時間,吳帥好快被起底,絕非有錢之人。分手未夠一年,思琦妹喺12年3月宣佈已經誕下女兒Krystal,冇透露爸爸係邊個,只係講咗BB女會跟母姓楊。思琦妹5年嚟都係獨自湊女,絕對係單親媽媽嘅模範。




來源: http://hk.apple.nextmedia.com/entertainment/art/20170114/19896424
鼎爺 爺爆 爆粗 粗鬧 鬧為 為錢 變心 楊思 思琦 分手 一年 年即 即誕 誕女
PermaLink: https://articles.zkiz.com/?id=322648

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019