ZKIZ Archives


中環在線:意馬CEO等埋小飛俠至走 李華華

2009-05-12  AppleDaily






 

成 日停牌復牌又停牌嘅意馬國際(585),原來行政總裁兼執行董事Douglas Glen喺前日已經離職,公司新聞稿冇解釋原因,淨係話Glen會轉做顧問,為期6個月。董事會已經開始物色接任人選,填補佢嘅空缺,目前暫時由董事 William Courtauld頂住先。睇番Glen嘅CV,現年63歲嘅佢喺06年9月加盟意馬,負責業務拓展同投資者關係;之前做過好多大公司,例如全球最大玩具 公司美泰(Mattel)高級副總裁,又喺Sega of America同埋Lucas Arts Entertainment做過,仲係麻省理工出身,真係唔少嘢。不過,個人勁還勁,但對意馬嚟講都已成歷史。屆指一算,足以決定意馬生死嘅電腦動畫電影 《小飛俠》10月上畫,而佢又做6個月顧問,即係上埋畫先走。咁放唔低,點解要走得咁急呢?



中環 在線 意馬 CEO 等埋 小飛俠 小飛 至走 華華
PermaLink: https://articles.zkiz.com/?id=7897

Robert Ng派股票 「等埋發叔」

2015-07-09  NM

系內持有《資本壹週》、《Jessica》等多份雜誌的南華系老闆吳鴻生(Robert Ng),對員工嘅待遇,真係傳媒行內「數一數二」。上年尾佢忽然慷慨,喺集團嘅annual dinner內,宣布每位員工送一手8155。8155就係南華置地,喺內地有多個地產項目。

員工當然個個都好高興,不過附帶條件,係annual dinner當日要坐到尾。有員工同小宗話:「早走無份!臨尾仲要簽名加影相,證明喺度。」跟住,員工等吓一個月,等吓又一個月,直至最近才有南華證券 (吳生另一瓣業務)員工上來,幫每位員工開戶。但說好的股票,卻仍未轉賬到手。眼見本週一8155跌咗百分之十六,每手剩番千三蚊左右,睇到員工囉囉攣。 南華啲員工話,派股票都「等埋發叔」,話俾又未俾,睇住股價碌番落嚟,似整蠱多過恩賜,好大折磨呀!

金融逍遙客「包島」好享受

游走於中港台併購、私募投資的金融多棲動物,現為多間上市公司主要股東及董事過去兩週看着慘不忍睹的股市大冧,逍遙客曾同一個A股新進大戶食飯,佢全晚臉 色發青,無厘神氣;撩佢講嘢,他答一日蝕咗兩艘遊艇了。市況不定,不如抽離一下講旅行。上回逍遙客有真正識歎識食老友,組團去咗巴哈馬。呢個被譽為美國後 花園的加勒比海小國,主島有間知名亞特蘭斯賭場酒店外,更有過百個分散的形形色色小島,好多美國大亨都各霸一島建造各自理想家園。我們一行人便入住由魔術 師大衞高柏飛持有的「夢幻天堂」。夢幻天堂以私秘聞名,全島10間大villa共可招待22名賓客,但只接受「包島」,即無論1人或22人費用都一樣,並 任食任住任玩。10間各具特色嘅villa佔據島上每個靚位,屋內盡是高柏飛歷年喺東南亞收購、甚具味道嘅傢具擺設,唔只有六星級硬件設施,成隊crew 更提供一流貼身服務,由廚師到專業按摩師,還有一位美女醫生駐島。晚上還可以捧住爆谷、蓋住毛氈,躺在沙灘睇部露天恐怖片。原來高柏飛小時家窮,祖父母為 慳戲飛,常將他裹在毛氈偷運入戲院,此經歷是他一生最甜蜜的記憶,沙灘戲院便由此而來。見識過先知道呢班old money如何識歎,島附近,除咗豬島、蜥蜴島外,潮退時,漫步在每日只出現一小時的海中沙灘(sand bar),拿起杯粉紅香檳,對着餘暉下的加勒比海黃昏,才感受到什麼是世外桃源。正準備執嘢離開之際,見工作人員已急忙將島重新布置,問經理為何咁緊張? 答曰:明天Bill Gates 一家駕到。

中環寸嘴食完法國餐再飲涼茶

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,細味人生百態,讓讀者「嗒」落有味。睇《南早》介紹個法國廚 師,用唔同嘅酒嚟煮食,玩到出神入化;我就去睇吓呢間喺「差館上街」嘅Upper Modern Bistro有幾巴閉;唉,以為間嘢喺荷李活舊警察宿舍附近,搞到要行餐飽,差啲要爆粗問候人,真係「你奶奶」吖。一句講晒,個位置就唔得啦,氣勢唔夠, 勝在租平啦。擸眼個餐牌,都屬中上,點咗隻French Pigeon,分量足,我食到半隻咋,但食唔到有咩酒味;反而杯cocktail幾好,嗰塊薄荷葉好新鮮,我估係自己種新鮮摘;食法國菜,戲肉都係甜品, 我叫Poached Cherry,齋睇賣相就知掂,我老友死蠢叫set lunch,個dessert梗係普通料嘅Cream Brulee;呢間嘢環境麻麻哋,不過幾嚿水食個法國lunch,扮吓優皮一族都抵嘅。其實喺香港我唔鍾意食西餐,唔抵吖嘛,同樣道理,喺外國我又唔食唐 餐嘅;近排天口㷫,人都躁啲,食完法國菜特登行去大道西間街坊涼茶鋪同濼堂飲碗廿四味,呢度啲涼茶夠watt數,簡直苦盡甘來呀。踎喺度飲,九皮搞掂!

壹週圖片

此Robert Ng不同彼Robert Ng,信置(83)主席黃志祥,對捐助新加坡一向慷慨。最近當地以佢伯爺黃廷方命名嘅綜合醫院開幕。睇間醫院外形,成間豪宅咁,有晒露台,住院都住得好享 受!不過咁,就算精神病院包食包住,你都唔想行入去啦,尤其新加坡。原因,你懂的!

金牙大狀講嘢全民齊撐握手曾

一如李碧華所言,炎炎夏日,鬍鬚曾「進階」為握手曾,有消暑之效也。二○一七距今尚有兩年,大把變數,但握手曾倘能入主港督府(過去只有港督入住,故此非 前港督府也),喺香港固然係個突破,亦一新大陸景象。共和國開國之初,只得兩個領導人留鬚,其一係做過國家主席之董必武;另一個係做過副總理之賀龍元帥。 捨此之外,個個領導人都將啲鬍鬚剃得乾乾淨淨;今天更有不成文規定,所有領導人嘅頭髮都要染到烏卒卒、梳到好似習總咁立立令。反觀握手曾,非但留鬚,電過 嘅頭髮斑白兼且中間分界,儀容舉止超出位。阿爺咁都接受得到,俾佢老哥做特首,此又何止一新景象,意識形態、精神面貌直情係同世界接軌啦!鬍鬚曾,我撐! (弊在小圈子冇我份呢。)

中環人語迷你版

“冷靜可以騎上牛。”估中邊個中環人講呢句說話,送你plantronics. Voyager Legend Signature Black藍牙耳機一個有意參加者,請於七月八日(星期三)下午一時後,將答案、姓名及聯絡電話電郵至centralman@nextmedia.com 小宗只接受電郵,郵寄免問。本刊員工及直系親屬不得參加。為求公平及杜絕偷步搶答起見,請於每個星期三下午一時後來電郵競猜答案;在此之前發出之電郵作 廢。超過一位讀者估中,先到先得,恕不接受上訴。答案及中獎者姓名將於下期本欄揭曉。


Robert Ng 股票 等埋 埋發 發叔
PermaLink: https://articles.zkiz.com/?id=152421

等埋食飯 四出試菜新婚夫婦易暴肥

1 : GS(14)@2015-10-08 07:39:09

【本報訊】婚後安穩生活、住家飯及少運動,易令人發福。營養師指不少準新人在婚期臨近時會注重身形,惟婚後鬆懈便出事,加上飲食習慣改變,如二人世界生活多圍繞飲食、愛試新餐廳等,為婚後肥胖元凶,建議新婚家庭可逢周一或每日其中一餐食素,有助控制體重。記者:梁麗兒美國北卡羅來納大學教堂山分校(University of North Carolina-Chapel Hill)曾有研究發現,受訪的20多歲女士在結婚首5年內平均增加24磅,男士婚後5年內平均增加30磅;增磅情況比拍拖人士厲害。註冊營養師陳秋惠表示,婚後夫妻通常會「等埋一齊收工」才食飯,在互相等候的時間若吃多了零食、喝多了糖份飲品便有增磅危機。夜食飯、飲食不定時可影響消化功能,延緩新陳代謝,也令身體容易累積脂肪。「無飯夫妻」經常外出食飯或食飯盒,食物普遍油膩高脂,也令人越食越肥。



每周素食日抗衰老

要適應伴侶生活習慣、脾性乃新婚夫婦另一挑戰,同時管理家庭大小事務致壓力上升,可改變荷爾蒙及致肥。另外,隨着年齡增長,新陳代謝減慢,身體燃燒能量速度減慢,若不控制飲食,肥胖機率自然增加。要提防婚後暴肥,陳建議可奉行Green Monday素食主義,逢周一或每日其中一餐食素,食物要非煎炸或油炸,多吃蔬果,增加抗氧化物和纖維素吸收,對抗衰老、腸道健康有幫助。針對太夜食飯或出街食飯,陳秋惠建議預早計劃整個星期的餐單,或於前一晚準備食材,「可避免因太晏放工,諗唔到食咩,索性出街食或食外賣」。若太夜食飯,中場應吃健康小食,避免因太餓而過量進食,如食一杯士多啤梨、手掌大小份量的原味果仁、一杯原味乳酪等,不夠飽可加飲一杯無糖豆漿,餐與餐之間多於4小時宜吃小食。陳表示需謹記三餐中,晚餐份量應最少,避免脂肪儲存;與伴侶每日一同做運動,如飯後散步,不但可加快新陳代謝,亦有助增進感情。另外,身形水腫與身體缺水有關,陳建議每日飲8至13杯水(每杯240毫升),其中早上起床後先飲兩杯室溫水更佳。



八招預防婚後暴肥

1實行Green Monday,每周設茹素日,或每日揀一餐吃素2早餐食得最豐富,晚餐要吃得少,多菜少肉為關鍵3飲夠水,提防水腫型身形4夜食飯時中場應吃健康小食填肚,如水果或原味果仁,並減少晚飯食量5預早計劃一周餐單,減少外出飲食6每天一起運動半小時,可加快新陳代謝兼增進感情7避免暴食減壓8即使要遷就伴侶飲食喜好,也要避免餐餐食肉或食得太濃味資料來源:註冊營養師陳秋惠





來源: http://hk.apple.nextmedia.com/news/art/20151008/19325071
等埋 埋食 食飯 四出 試菜 新婚 夫婦 易暴 暴肥
PermaLink: https://articles.zkiz.com/?id=292884

共和黨「等埋大選」隨時自食其果

1 : GS(14)@2016-02-15 18:03:30

【拆局】美國最高法院突如其來的大法官空缺成為兩黨角力戰場,控制參議院的共和黨,為免民主黨總統奧巴馬任命自由派法官,要求從缺至總統大選後,但「等埋大選」隨時自食其果。共和黨人主張由新總統填補空缺,但共和黨人能否當選總統仍言之尚早,而在參議院改選中,共和黨在佛羅里達、依利諾等七州形勢未許樂觀,若同時輸掉現有的四席優勢及總統寶座,民主黨委任堅定自由派新大法官障礙大減,比起接受奧巴馬可能為盡快填補空缺而折衷提名的中間派人選,是更差結果。奧巴馬眼前有兩個選擇,倘若他任命溫和自由派或較中立法官,將令共和黨參院領袖麥康奈爾進退兩難:通過會惹保守派反感,否決則阻礙審理重要案件,令共和黨參議員陷入政治僵局中心。他亦可能推舉堅定自由派並任由共和黨阻撓否決,刺激民主黨選民在總統及國會選舉更積極投票。



或出現首位亞裔繼任人

分析相信奧巴馬會取第一個選擇,迅速挑選一位往績無可挑剔的法官,其中48歲、生於印度的華盛頓上訴法院法官斯里尼瓦桑(Sri Srinivasan)、越南裔的三藩市上訴法院女法官杰奎琳.阮(Jacqueline Nguyen)都是熱門人選。一旦成事,美國將出現首位亞裔最高法院大法官。其餘被看好的包括非裔法官沃特福德(Paul Watford)和女法官凱利(Jane Kelly)等。美國《紐約時報》/路透社





來源: http://hk.apple.nextmedia.com/international/art/20160215/19491786
共和黨 共和 等埋 大選 隨時 自食 食其 其果
PermaLink: https://articles.zkiz.com/?id=295993

避談政改「等埋發叔」鬧劇

1 : GS(14)@2017-07-01 10:09:40

【本報訊】梁振英在《施政匯報》中,避重就輕觸及政制發展,但他既沒提到政改方案因建制派「等埋發叔」遭立法會大比數否決,也沒提到政府引入確認書取消支持港獨候選人參選立會資格,就政改一役只說「向立法會提出行政長官普選方案」。有立法會議員指,梁令政制發展停滯不前,根本毫無政績可匯報。


政府立會關係極惡劣


梁主政5年間,政府與立法會關係極惡劣。在《匯報》中,梁連2012至2017年間舉行5場立法會、區議會、選委會及特首選舉也列作政績。愛把曾蔭權的政績當自己政績的梁振英,亦將取消區議會委任議席的諮詢和立法工作當作自己功績。至於政改,《匯報》只說2013至2015年就特首進行兩輪公眾諮詢,啟動五部曲的憲制程序,2015年向立會提出特首普選方案,不但隻字不提立會表決時因建制派「等埋發叔」未有投票,令方案只得8票支持,有28票反對,甚至連方案遭否決也沒提。公民黨立會議員陳淑莊指,梁在政制上根本無政績,因此其《匯報》只能把日常工作當政績。她指政改在「等埋發叔」鬧劇下遭大比數否決才是梁任內「成績」,難以理解他為何不提。■記者姚國雄



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170628/20071384
避談 政改 等埋 埋發 發叔 鬧劇
PermaLink: https://articles.zkiz.com/?id=337276

二五中環 萬南 2017/10/17 (週二) 澳博美高梅傳續牌兩年 「等埋6間」先再傾過

1 : GS(14)@2017-10-23 03:48:23

http://www.metrodaily.hk/metro_c ... %E5%82%BE%E9%81%8E/
萬南上星期又過大海,今次過去主要係拜會一批經常就博彩業出謀獻策嘅智囊,佢哋不時要同政府以及各持份者周旋。智囊話呢段時間超忙,除咗搞賭場禁煙及研究荷官放假禁足賭場外,其實有壇更勁更影響深遠嘅超級大項目一直進行中。登登登櫈,講嘅就係賭牌續期!
依家澳門賭牌由3個變6個,澳博(880)同美高梅中國(2282)嘅賭牌率先係2020年到期;至於其餘4間金沙中國(1928)、銀娛(027)、永利澳門(1128)及新濠(200)嘅賭牌,則係2022年到期。
點解同一日批牌,會有兩個到期日呢?咁要由2002年開放賭權說起,澳門政府發出3個賭牌畀澳博、永利及銀娛,基於由賭王何鴻燊揸旗嘅澳博,早已在澳門擁有賭場,可以無縫交接即時開檔,所以獲批18年牌。其餘因為需時興建新賭場,一律得廿年牌。後來每個賭牌一拆二,美高梅中國透過澳博得牌,所以都係2020年到期。
數數手指,澳博同美高梅仲有兩年零賭牌就夠期,偏偏佢哋各自仲有一間位於路氹嘅賭場仍在趕工興建階段,對投資者而言存在唔少疑惑。智囊話曾經旁敲側擊,打探政府點處置賭牌事宜,發現有關當局非常咁口密,其中一位官員只答句「無例可依」,事關澳門回歸以來從未試過續賭牌,而且呢樣關乎整個澳門經濟命脈的福祉,所以每一步都要小心計算。
消息人士話其中一個較實在的做法,係先將澳博及美高梅嘅賭牌,依照原有條件,破格自動續牌兩年,可一次過同6大賭牌公司講數。消息人士仲話有競爭先有進步,分分鐘再加一兩個新牌都唔定。

萬南
筆者為資深中環
金融界人士
central25@ymail.com
二五 中環 萬南 2017 10 17 週二 博美 高梅 傳續 續牌 牌兩 兩年 等埋 先再 再傾 傾過
PermaLink: https://articles.zkiz.com/?id=343174

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019