ZKIZ Archives


讀者教睇數 左丁山

2010-6-14  AD





 

前星期有讀者來 問一個字:斁。呢個字國音讀作yi,廣東話讀作「都」,意思係「厭倦」。不過左丁山唔係文字專家,請大家以後自己查字典或者上網搜尋。

最近 講起富士康事件,左丁山懷疑如果富士康得唔到「蘋果」嘅支持,點可能大幅度加薪。有數得計,假如原本工資係一千元人民幣,即時加薪三成,就變咗一千三百 元,到咗十月,再加薪六成六,就增加至二千一百五十八元。加薪幅度係115.8%。即使唔係咁計,而係前後加薪九百六十六元,加薪仍然增至一千九百六十六 元,加99.6%,全世界邊度有公司可以咁樣加薪o架,加俾個別優秀員工就話啫,全體員工在半年內加薪100%以上?任何一位生意人都認為不可能,除非係 獲利極高嘅公司。但富士康唔係啫,做一百元生意,毛利只有五元九角(二○○九年度數字),一說富士康薪酬佔營業額8%,如果薪酬增加一倍,就變成營業額嘅 16%,毛利全部冇晒,直情虧損o忝!

咁唔合邏輯之事,左丁山唔明白。一位讀者A用英文來郵,指出好多人都唔知道,台灣啲代工 (contract manufacturing)公司有幾本帳簿嘅,一本俾客戶睇,一本俾監管當局及投資者睇,一本俾中國大陸地方政府睇,仲有一本只係自己閂埋房門睇。咁講 法,代工咪有四本帳簿?邊本先至係真?讀者A話香港人唔識科技,唔熟代工,點會明白咁多嘢吖。

 

多謝A先生提點,果然係有經 驗之談。騎騎,左丁山假假地做過銀行,上世紀八十年代平均每個月出差三至四次,在星馬泰印菲台日嘅酒店留下不少腳毛,或多或少都知道邊本帳簿可以相信嘅。 有一次見到一份泰國工廠損益帳,蝕到眼坦坦,但同一廠家與美國合資聯營嘅同一行業工廠,純利率超過一成,何以有此分別?廠家對左丁山講:「同美國佬合作, 一蝕本佢哋就話要查數,又要增資,好麻煩o架,自己獨資嘅廠就唔同,我哋同稅局有偈傾嘅啫!」一講就明白晒,從此學曉Profit is a function of tax嘅道理,其實成個東南亞都係咁,唔係啲賓架做貸款,點會成日要私人擔保或者要有磚頭抵押噃。



讀者 教睇 睇數 左丁 丁山
PermaLink: https://articles.zkiz.com/?id=16110

黃炳均10.75%股份下周一招標想投資ATV 睇數要付50萬元

1 : GS(14)@2015-01-11 19:51:59





■德勤協助亞視大股東黃炳均賣盤,即將啟動為期兩周的招標程序。


【欠薪第39日】【本報訊】法庭下令亞視大股東黃炳均出售10.75%股份的招標程序下周一啟動,但協助亞視賣盤的德勤會計師行表示,有意入標的投資者須先付50萬元,並且不會退回,才可了解亞視更多內部現況。德勤代表稱未有就一旦流標作下一步打算。另外,亞視拖欠員工12月份薪金已過七日限期,勞工處今會派員到亞視廠房查核出糧紀錄。記者:韓耀庭



德勤中國華南區主管合夥人黎嘉恩昨舉行記者會交代亞視股份招標詳情,稱過去兩天已對外發放入標亞視的項目簡介,未來數天會再發放招標程序文件,下周一會開設一個網上數據資料庫(data room),「將公司嘅資料擺入去,等潛在投資者可睇得到」。不過,有興趣的投資者須先填寫表明有興趣的承諾書,並繳付50萬元才可查看資料庫及財務資料,不論之後是否繼續投資,該筆錢都不會退回。若投標者有需要實地視察或與現時股東會面,德勤會協助。據了解,所有收取的錢都屬於亞視的收入。黎續稱,投標程序由下周一起至本月26日結束,之後德勤會花三至七日時間整理入標資料。他解釋,近日收到不少收購查詢,故收取50萬元可盡快看出投資者是願意投資,因營運一個電視台須具足夠財力,若投資者連50萬元都不願意投資,難以表明真心想收購股份,故收取50萬做法並非「揀擇」,投標者亦須付上營運亞視的計劃書。



未知黃炳均開價


黎透露,曾與本港及來自內地的投資者接觸,但拒透露數目,又稱今次招標沒有設下底價,指買家除財力外,經驗及有否能力營運好亞視也是考慮因素。他直言不希望流標,聲稱若真的流標也「唔知到時會點」,但又強調會做「最好嘅預備,最壞嘅打算」。黎被追問不少重要資料問題,包括亞視有多少剩餘資產、負債金額、市值11億元的大埔廠房是否已被抵押還債、王征及黃炳均一方賣盤開價多少等,他全部拒絕回答。黎前日與通訊局主席何沛謙開會商討續牌,對於投資者憂慮入股後不獲續牌,他拒透露通訊局取態,稱「呢個世界冇100% guarantee(保證)」。




「賽馬節目做得幾好」


他又拒回應第二大股東蔡衍明指亞視被掏空、形容亞視已成「爛殼」的言論,認為亞視都有「好嘢」,例如「賽馬節目就做得幾好」。對於已自動遣散的前員工有權入稟申請亞視清盤並追討欠薪,黎承認前員工作為債權人有此權利,但表明「希望佢哋唔好咁做」,指很多人想亞視繼續存在,又指一間公司的主要債權人不是員工,而是股東。亞視執董葉家寶昨稱,12月份的欠薪仍在計算中,期望可盡快解決。他透露,亞視正考慮變賣部份資產,包括長期不用的道具、服飾及器材,而近日推出的廣告優惠亦吸引到一些新客戶,相信可增加收入。他承認,按勞工法例自動遣散的員工增至約50人,佔全體員工約6%,但過去數日部份原本縮減了播放時間的新聞報道有所增加,反映員工離開對新聞部影響不大。亞視拖欠員工去年11月份薪金逾月才出糧,及至今仍未發放上月的薪金,均違反《僱傭條例》。據悉,勞工處今會有所行動,派員到亞視廠房查核出糧紀錄及跟員工接觸。





來源: http://hk.apple.nextmedia.com/news/art/20150108/18995474
黃炳 炳均 10.75% 股份 下周 招標 投資 ATV 睇數 數要 要付 50 萬元
PermaLink: https://articles.zkiz.com/?id=287071

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019