|
||||||
|
明星鍾意用微博晒料，咁banker又會用微博做乜？答案係呻寃！ 喺 一片質疑利益輸送嘅聲音底下，民生銀行（1988）好似我哋嘅財爺咁，「今日的我打倒昨日的我」，將融資方案推倒重來。原本向5名現有股東同兩名機構投資 者，以折讓達19%定向增發47億股A股嘅方案，因為俾市場質疑，只係得7個機構股東參與，小股東權益被攤薄，所以後尾調整為公開發行唔超過200億人仔 嘅6年期A股可轉債，加埋喺香港向獨立機構投資者發行唔超過6.51億股H股嘅方案，安撫一眾小股東。 「沒想到市場不認同」 雖然話順應民意「跪低」，但民生銀行董事長董文標就借微博呻，話「從來沒想過要向大股東利益輸送，也不想對資本市場造成太大的衝擊，只想讓大股東承擔責任，沒想到市場不認同，真的抱歉。」 眼睇就真係講緊sorry，但係真心定係晦氣話，只有佢自己先知。 |
||||||