📖 ZKIZ Archives

早排爆出「二噁 烷」風波之後，雖然霸王（1338）個老細陳啟源口口聲聲話單嘢可以化危為機，但係話晒洗頭水都叫做貼住頭皮嚟用，消費者點都驚啲有毒物質會滲入皮膚，對 品牌同銷路都咪話會無影響。所以呢，陳老闆已經度咗條絕世好橋推啲新產品嚟力挽狂瀾，推乜嘢？草本衞生巾是也！

陳老闆日前同傳媒講，佢哋啲 特種衞生巾有消炎同去異味嘅功效，佢覺得中高檔女性護理用品市場好有潛力，應該有得做，而呢個產品佢已經諗咗幾年o架喇。根據計劃，草本衞生巾會喺兩年內 推出市場，不過就無講實啲巾有無「翼」！而除咗衞生巾之外，陳老闆仲打算推出草本洗潔精同埋草本牙膏o忝！

消息一出網民迴響大

霸王衞生巾消息一出，網上討論區即刻有好大迴響，網民除咗關心啲衞生巾含有乜嘢物質之外，更關注嘅係，霸王一向慣咗將代言人個嘜頭放喺產品上面，呢勻搞衞生巾，邊個會係代言人呢？而代言人個樣只係出現喺產品嘅包裝上面，抑或每件獨立包裝嘅巾都有個嘜頭呢？

講開又講，大家應該可以好放心用霸王嘅衞生巾，事關廣東省嶺南中藥文化遺產保護工作領導小組，噚日批准認定霸王「中藥世家」，兼夾將霸王八道秘方納入第二批廣東省嶺南中藥文化遺產保護名錄，如果用完有唔舒服嘅話，記得搵呢嗰工作小組查詢查詢喇！

李華華

[email protected]

「衞生巾大王」、恒安國際（1044）行政總裁許連捷，連小學都未畢業，又係出名大男人到爆嘅閩南人，勢估唔到佢會搞衞生巾！佢點靠衞生巾「殺出一條血路」，又點靠衞生巾成為「閩南商業教父」嘅呢?

話 說1984年，有個叫楊榮春嘅技術員，拎住一堆香港衞生巾說明書嚟搵許老闆，許老闆話衞生巾當時響好多發達國家已經用咗幾十年，但大陸嘅「用家」（即係女 人）連呢塊係乜都唔係好知。有一日，一個上海朋友嘅太太同佢講，用咗十包之後就買唔到「很痛苦很難受」，於是佢認為呢個產品係可以為消費者帶嚟改變、舒 適、衞生同埋方便，加埋「價錢不是太貴，一般家庭收入都買得起」，所以應該有得做，於是，佢就拎住好多人夾份嘅20萬美金本錢，開始生產「安樂」牌衞生 巾！

佢同四個男業務員，周街跑推銷衞生巾，但係成個月都冇人問津，第一筆價值成千銀嘅生意仲被人呃埋！就響呢個時候，一部三色台劇集救咗 佢！1986年，大陸播三色台嘅《八仙過海》，許老闆就插播廣告，卒之佢嘅事業好以加咗對翼咁全速起飛，到1998年，佢仲說服到股東將恒安嚟香港掛牌上 市，成為第一隻南下香江掛牌嘅民企！

恒安 （1044）喺舊年5月，總共委任咗3個執行董事，分別係許水深、許連捷位三公子許清池，同埋主席施文博嘅寶貝仔施煌劍。點知最後跑出做接班人嘅，唔係兩 位太子，反而係遠房親戚許水深。問到點解唔揀3個親生仔接班？許連捷就話，3位公子海歸返嚟，對造衞生巾冇咩興趣，所以費事逼佢哋。

咁呢3位公子，按長幼順序排，即係許清流、許清水同許清池（華華真係懷疑許家係唔係五行欠水，咁多水，仲要整個「流水池」出嚟），分別又有咩搞作呢？原來許連捷已經有好清楚嘅分工。

目 前大仔許清流就負責打理家族嘅資產管理業務，之前投資幾隻新股就係出自佢手筆；二仔許清水主要負責房地產投資，入股好多內房企業；三仔許清池就曾經喺英國 巴克萊做過，o依家喺家族嘅商貿公司做嘢，最近部署緊喺內地打通銷售網絡，賣奶粉、尿布等BB用品。3位公子各有所長，難怪許連捷可以安安樂樂諗退休啦！

上週《當蔣志光巧遇謝霆鋒及周星馳》，是《壹計就明》第52篇的分析文章，在不知不覺間這專欄已寫了一年。剛巧文中提到的藝人，是不少同事朋友的偶像，故亦引起了一年來未遇過的一輪哄動和爭議。可幸，暫時還未覺被同事朋友「unfriend」。可以依賴研究報告嗎？

上週文章也提到唐詩《琵琶行》的句子，詩中很多名句傳頌到今天，其中以「千呼萬喚始出來，猶抱琵琶半遮面」來形容本週開通的「滬港通」，無疑很貼切。透過「滬股通」買賣上海股票，扣除當中86間已有H股在香港上市的公司，一下子要分析揭開482間公司的「半遮面」，依賴研究分析看來也有需要。巧合地在上週，有多間證券行發表研究報告，將恒安國際（1044）的評級由沽售上調至中性，甚至是正面或吸納，就試試分析恒安，看看可否依賴研究報告？自稱是內地最大的生活用紙和婦幼衞生用品製造商，恒安算是較少受注意的恒指成分股。證券行分析指出恒安原材料價格輕微上漲，毛利率受壓，但在產品組合及質素提升下，估計恒安今年至2016年的盈利增長有7%至21%，表現將「優於大市」。恒安今年中期收入121億港元（下同），對比去年同期上升16%，去年全年收入對比前年上升14%，收入增長算是持續和可觀。今年中期和去年全年毛利率都約為45%，毛利亦算穩定，恒安的毛利率似乎並未受壓。

收入上升而利潤背馳

不過，投資者袋得到的不是毛利，是稅後利潤。恒安今年中期稅後利潤有18億元，利潤率15%，對比去年和前年全年的18%和19%，就發現利潤率是持續下跌，而下降的速度更有加劇趨勢。更堪憂的，是恒安利潤率下跌，導致去年稅後利潤上升不能同步，只升7%；更嚴重的，是今年中期甚至背馳，下跌4%。恒安利潤率下跌，主要有兩個原因。首先，恒安分銷成本升幅大過收入升幅，由前年佔收入17%，升至今年中期21%。恒安是否以加大分銷推廣力度和犧牲利潤率，以催谷收入？另外，恒安的財務費用由前年佔收入1%，升至今年中期3%。恒安財務費用增長，與借款大幅上升有關。恒安中期現金及銀行存款達226億元，現金及現金等價物也達153億元，為什麼還持續增加借貸？

主要分部利潤率持續下降

細看恒安的分部資料，不難發現恒安的收入和利潤，主要來自衞生巾產品、紙巾產品和一次性紙尿褲產品三個分部。三個分部的收入佔總分部收入約九成，利潤更佔總分部利潤97%。當中，尤以衞生巾產品的利潤貢獻最高，佔總分部利潤65%。可惜，三個分部都面對同一個困難：分部利潤率持續下降！恒安紙巾產品的收入一向最高，但利潤率卻較低，利潤率由前年15%下跌至今年中期8%；一次性紙尿褲產品的利潤率，由前年22%下跌至今年中期17%；衞生巾產品是當中下跌幅度較小的一個分部，利潤率也由前年43%下跌至今年中期40%，故此仍能支撐恒安的利潤率不致大幅下跌。在收入上升而稅後利潤下跌，和分部利潤率收窄下，怎可預計恒安2016年的盈利增長有21%？證券行是否有一些大家不知的資訊？《壹計就明》一向原則，以數字做分析，有話直說，還希望可以在「unfriend」潮中，繼續生存下去！

林智遠Nelson Lam

執業資深會計師，會計專業發展基金主席，最愛與太太旅行，出名講talk及撰寫大學會計書，其著作已被翻譯成不同語言。目標以淺易簡單的方法，使牛頭角順嫂也能看懂會計數字和陷阱。[email protected]