ZKIZ Archives


宋熙年約姊妹食飯公佈婚事陳智燊驚喜求婚 得咗

1 : GS(14)@2015-08-10 08:31:48

■Jason即日來回飛悉尼,送上驚喜求婚予宋熙年,令她畢生難忘。互聯網圖片


近日娛樂圈喜事一單接一單,被喻為新一代筍盤的陳智燊(Jason)前晚在Instagram宣佈7.21在澳洲悉尼向女友宋熙年(Sarah)求婚成功;前港男黃長發前日亦與捷克籍模特兒女友Zuzana在捷克布拉格舉行婚禮,大哥黃長興即送現金作賀禮。昨日30歲生日的宋熙年,前晚約會一班好姊妹食飯兼宣佈喜訊,胡蓓蔚、張曦雯等輪流在網上貼相及送祝福。Jason前晚在電話中透露,自己即日來回悉尼送驚喜,在宋熙年父母見證下跪地送花及戒指求婚,當天生日的宋爸爸笑到見牙唔見眼,一對戀人相擁而哭。宋熙年昨亦透過WhatsApp回覆:「好意外,非常難忘同感動,hard to describe in words!」



■宋熙年早前返澳洲跟爸爸慶生,Jason突然現身求婚。互聯網圖片

■眾好姊妹出席宋熙年生日飯局,Jason之後現身埋單。互聯網圖片





■Jason昨晚捧住一箱紅酒去上環出席新劇煞科宴。DV圖片

■Jason春風滿面,獲高海寧恭喜求婚成功。



Jason:我好鍾意小朋友


Jason、高海寧昨晚捧住一箱紅酒去上環出席新劇煞科宴,他笑說:「孝敬吓啲同事。」Jason被問送幾多卡求婚戒指?他大賣關子:「唔講嘞,不過係自己設計。」Jason自言為給女友驚喜花盡心思,問到Sarah爸爸是否好滿意?他笑說:「咁佢生日,我又咁錫佢個女,成件事大家開心,我哋都覺得好perfect。」計劃幾時生BB?他說:「原本諗住二人世界先,之後努力造人,但唔知實質幾時,我有四兄弟姊妹好熱鬧,我都好鍾意小朋友,三、四個都OK。」


■黃長發與捷克籍女友Zuzana前日在布拉格拉埋天窗。互聯網圖片


前晚有份出席Ladies Night派對的陳爽,大讚Jason好識做:「Sarah係約埋幾班friend一齊慶祝,全班都係女仔,但Jason好gentleman,最尾出現幫大家埋咗張單。」可有催二人快生BB?她笑說:「Jason對小朋友好得,抱上手BB好快就瞓着,係典型好爸爸。」採訪:嵐山、黃曉妍攝影:陳慧安





來源: http://hk.apple.nextmedia.com/entertainment/art/20150810/19249481
宋熙 熙年 年約 姊妹 食飯 公佈 婚事 陳智 智燊 驚喜 求婚 得咗
PermaLink: https://articles.zkiz.com/?id=291984

宋熙年公司影婚照

1 : GS(14)@2015-09-04 07:22:12

陳智燊7月在澳洲向女友宋熙年求婚成功,宋熙年昨日出席活動,問到打算在哪裏影結婚相,她說:「佢話想喺公司影,我唔介意其中一輯咁樣影,我哋真係喺嗰度認識,係好重要嘅地方,都幾有意義。可能唔着婚紗,着得靚仔靚女少少,約一班姊妹同事一齊影。」而結婚日子仍未決定,她謂已交由雙方家長擇吉日,一切聽從長輩意見。撰文:王連連





來源: http://hk.apple.nextmedia.com/entertainment/art/20150903/19280113
宋熙 熙年 公司 婚照
PermaLink: https://articles.zkiz.com/?id=292110

馮仁昭四圍超:宋熙年陳智燊擺酒「最想搞三次」

1 : GS(14)@2015-09-09 07:21:52

■宋熙年同陳智燊噚日手拖手登場,全程表現恩愛。








陳智燊喺7月秘密到澳洲向宋熙年驚喜求婚後,噚日以準夫妻檔現身銅鑼灣一個礦泉水活動,兩個着到襯晒色咁手拖手出場,又向市民派水。今次係佢哋公佈婚訊後首次出席公開活動,叫價應該更加高,陳智燊話:「唔知呀,應該唔會嘅,要問經理人。」有傳佢哋會喺年底擺酒?陳智燊話:「年底快得滯,我父母喺英國,佢父母喺澳洲,兩個媽咪見過面,但雙方屋企人就未見過。」宋熙年補充指:「有啲習俗同傳統,睇吓有乜要做,畀多啲時間佢哋商量。」問佢哋婚宴搞三次定一次過?陳智燊抹晒汗咁話:「計一計條數先,能力範圍內做到嘅都想做。」宋熙年又話:「最理想係搞三次,不過盡力而為啦!」


■陳智燊同宋熙年仲用手機同粉絲玩selfie。

先婚後Plan B

有傳佢兩個馬鞍山築愛巢趕生B,陳智燊否認話:「結咗婚先計劃plan B。」宋熙年想按部就班,如果一次過發生要好多嘢配合,所以係唔會有其他喜訊。陳智燊都唔想有意外,想賺多啲錢,籌夠錢喺三個地方擺酒。對於最近有唔少人離巢,陳智燊指自己同無綫仲有幾年合約,而宋熙年就仲有一年,佢話,「結咗婚唔會唔做嘢,怕被社會淘汰。」撰文:馮仁昭





來源: http://hk.apple.nextmedia.com/entertainment/art/20150909/19287543
馮仁 仁昭 四圍 宋熙 熙年 年陳 陳智 智燊 燊擺 擺酒 最想 想搞 搞三 三次
PermaLink: https://articles.zkiz.com/?id=292158

姊妹團滿額 龔嘉欣做戥穿石宋熙年12月嫁陳智燊 DIY超性感婚紗

1 : GS(14)@2016-03-14 01:43:48

【新人試床】■陳智燊昨日與未婚妻宋熙年出席床褥活動,兩人更坐大床接受訪問。



娛圈今年旺嫁娶,同樣姓陳的陳智燊、陳柏宇和新城DJ陳達仁將排住隊娶老婆,陳智燊去年中向女友宋熙年求婚成功,兩人即着手籌備今年12月在港舉行的婚禮,宋熙年力邀同是選美出身的陳爽、高海寧、李亞男和朱璇做姊妹,陳智燊則找來龔嘉欣反串做兄弟,助他一臂力搶新娘。宋熙年近日正埋首設計獨一無二的性感嫁衣。


現年38歲的圈中筍盤陳智燊(Jason),去年7月秘密飛澳洲,向2007年國際中華小姐冠軍、年輕8載的女友宋熙年(Sarah)驚喜求婚後,一對準新人決定把婚期定在今年12月,距離婚期尚有半年以上,Sarah已籌備得如火如荼。



【箍實男友】■獲床褥贊助的陳智燊鬼馬表示婚後會慢慢生小孩。

【笑到瞇眼】■陳智燊和宋熙年昨提到年底婚禮,即笑到見牙唔見眼。



胞妹做伴娘

Jason和Sarah去年更低調到中環大牌檔,搞搞新意思影pre wedding照片,兩人邊拍邊吃咕嚕肉兼嘆紅酒,拍了一輯具香港特色的結婚照。Sarah更邀請同是選美出身的陳爽、高海寧和李亞男一齊出鏡,增加驚艷效果。據知Sarah更意屬三人再加朱璇做姊妹團,伴娘就安排胞妹Kylie及另一好友。Jason的兄弟團則有楊明和反串的龔嘉欣,齊齊出力搶新娘。有報道指Jason要送千萬豪宅給Sarah做愛巢,兩人仍未選中心水樓盤,不想太倉卒扑鎚,有待下半年Jason開劇後才再決定。Sarah則緊張選獨一無二的嫁衣,Sarah的閨蜜爆料指她已找了設計師度身訂做婚紗,並會親自設計,婚紗性感尺度更是無底線,Sarah有意玩神秘,會待結婚當日才讓新郎Jason看到其新娘look。



【胞妹陪嫁】■宋熙年會邀胞妹Kylie(右)當伴娘。

■宋熙年與陳智燊去年到中環大牌檔影pre wedding相,獲好友陳爽、高海寧和李亞男客串。資料圖片



唔心急造人

Jason和Sarah昨日拍拖到沙田出席「雅蘭床褥50週年慶典」活動,問到婚禮詳情,Jason大方說:「12月會先喺香港搞,最重要係唔好同無綫及各個頒獎禮撞期,出年去澳洲搞,至於英國就未諗,搞婚禮需要時間。」蜜月之旅,Jason同樣想玩神秘兼驚喜,他有意收埋Sarah的護照及至出發才告知地點,但Sarah有很多地方想去,地點尚未落實。記者取笑Sarah很濫,她風騷回答:「去旅行濫唔緊要,對感情唔濫就得喇!」冧到身邊Jason笑不攏嘴。提到婚後造人大計,Jason說:「搞掂婚禮先,一步一步啦,我哋都鍾意小朋友,而家有床褥贊助,可以慢慢生。」採訪:黃曉妍、陳杰



【反串戥穿石】龔嘉欣

【反串戥穿石】楊明

【選美姊妹團】高海寧



【選美姊妹團】陳爽

【選美姊妹團】朱璇

【選美姊妹團】李亞男



來源: http://hk.apple.nextmedia.com/entertainment/art/20160313/19527321
姊妹 滿額 龔嘉 嘉欣 欣做 做戥 戥穿 穿石 石宋 宋熙 熙年 12 月嫁 嫁陳 陳智 智燊 DIY 性感 婚紗
PermaLink: https://articles.zkiz.com/?id=297804

Suki宋熙年鬥水着

1 : GS(14)@2016-06-06 02:54:38

■Suki背着老公晒三點式。


人妻徐淑敏(Suki)和即將當人妻的宋熙年結伴到越南峴港度假,人妻大解放,狂影三點式寫真,前晚不約而同在社交網貼出水着相。Suki昨凌晨貼相到facebook後留言:「Eat, sleep, spa」老公黃浩即回覆:「嘩,示威呀?」昔日的咪神上圍有縮水之嫌,她昨在電話中說:「個身形係選美弗啲,面形係而家弗啲。」


■宋熙年希望在海灘舉行婚前單身派對。


至於宋熙年在當地變身美人魚,以三點式放閃,宋熙年受訪時說:「大家睇到張靚相,係角度問題,我之前太瘦,呢排增咗磅,仲跟咗導師做gym,一星期一次。」她表示希望年底可以舉行婚前最後一個陽光與海灘單身派對,更歡迎閨蜜報名。採訪:陳杰





來源: http://hk.apple.nextmedia.com/entertainment/art/20160603/19638656
Suki 宋熙 熙年 年鬥 鬥水 水著
PermaLink: https://articles.zkiz.com/?id=301789

【馮仁昭四圍超】陳智燊12月娶熙年

1 : GS(14)@2016-08-07 01:48:27

陳智燊(Jason)同趙希洛噚日到新城電台宣傳,提到宋熙年日前同一班好姊妹開婚前派對,Jason話一有時間就會開,因為想避開11月無綫台慶月,婚禮定喺12月香港舉行,確實日子未定,之後再飛澳洲補辦婚禮。」講到擔正嘅新劇前日首播遇到颱風「妮妲」,Jason相當興奮咁話:「平日冇時間睇電視劇,嗰晚由《東張西望》開始睇,仲係宋熙年做主持,好睇到不得了。」撰文:馮仁昭





來源: http://hk.apple.nextmedia.com/entertainment/art/20160804/19721649
馮仁 仁昭 四圍 陳智 智燊 12 月娶 娶熙 熙年
PermaLink: https://articles.zkiz.com/?id=304498

Suki陪宋熙年辦嫁妝

1 : GS(14)@2016-08-14 14:29:25

今年12月將與陳智燊拉埋天窗的宋熙年(右),昨日下午與老友徐淑敏(Suki)到銅鑼灣濕平,未知此行是否辦嫁妝。
Suki和宋熙年先到名店Chanel揀耳環,徐淑敏不時照鏡左拼右拼之餘,更為宋熙年幫眼,拼上好友身上研究一番。惟其後二人發現記者影相,雖然都有揮手,但其後轉到另一門口離開。之後二人到另一店舖睇手袋,再次見到記者時都有揮手打招呼,心情不錯。




來源: http://hk.apple.nextmedia.com/entertainment/art/20160814/19735259
Suki 陪宋 宋熙 熙年 年辦 嫁妝
PermaLink: https://articles.zkiz.com/?id=305806

猴年旺選美佳麗黛黛熙年今年結婚

1 : GS(14)@2016-08-18 06:04:29

2012年港姐冠軍張名雅早前被好友陳庭欣踢爆好事近,今年9月喺洲際擺酒,嫁律師男友Joe。戚黛黛2003年港姐季軍戚黛黛下月13號同副機師男友Calvin喺意大利一座古堡舉行婚禮。李雪瑩2010年最上鏡港姐李雪瑩喺大台做咗四年,於2014年以進修為由同TVB提前解約,上月宣佈結婚,於Instagram貼出張同未婚夫蘇頌輝頭貼頭嘅合照。宋熙年陳智燊(Jason)去年向宋熙年求婚成功,計劃年底拉埋天窗,於6月在港秘密入紙排期註冊,Jason透露會先註冊後擺酒,陳宋聯婚會在香港、澳洲同倫敦三地輪流舉行。




來源: http://hk.apple.nextmedia.com/entertainment/art/20160818/19741019
猴年 選美 佳麗 黛黛 黛熙 熙年 今年 結婚
PermaLink: https://articles.zkiz.com/?id=306381

蜜月晒恩愛宋熙年打tag爆行蹤

1 : GS(14)@2016-09-28 05:04:31

喺娛圈中有學識、有外表、又夠型,大多被封為圈中筍盤…自陳豪娶咗陳茵媺(Aimee);林峯中咗BB降,就連型男陳智燊亦正式封盤,上年飛咗去澳洲向拍拖7年嘅女友宋熙年求婚!今年7月爆出38歲陳智燊同31歲宋熙年喺香港入紙排期結婚,點知今個月,佢哋就喺英國搞秘密婚禮,圈中好友龔嘉欣、高海寧、李亞男、楊明、陳爽等亦有現身,見證好友嘅浪漫時刻,一對新人年底會喺香港擺酒。新婚嘅宋熙年一開唔肯講去邊度蜜月,不過前日佢同老公陳智燊分別喺Instagram晒旅行相,幸福甜蜜果然係要晒出嚟,先見宋熙年大晒pose相,留言「I found myself in a painting……」更打hashtag自爆行蹤,原來佢哋兩公婆去咗威尼斯玩。而陳智燊就喺網上貼出一張坐貢多拉船嘅相,好歎咁戴上黑超,成個大爺咁款,睇嚟好享受蜜月之旅,寫道:「who da boss? da boss is holding the camera rahrah(Sarah) Song have a great week everyone」仲叫宋熙年做「boss」。




來源: http://hk.apple.nextmedia.com/entertainment/art/20160928/19783963
蜜月 恩愛 宋熙 熙年 年打 tag 行蹤
PermaLink: https://articles.zkiz.com/?id=310439

宋熙年買錶當動力

1 : GS(14)@2016-11-18 17:56:37

宋熙年與鋼琴家郎朗昨日於尖沙嘴出席手錶品牌活動,戴上約十八萬港元的手錶,笑言令她更有動力去工作,她說:「呢隻錶就係我鎖定嘅目標,咁做嘢先有進步。」問她可會叫老公陳智燊送給她作聖誕禮物?宋熙年說:「都可以,佢識做嘅,佢同我爹哋都好鍾意錶,因為我爹哋係鐘錶師傅,佢哋一傾就好開心,我就覺得好悶。」



■鋼琴家郎朗昨即席表演彈琴。

宋熙年謂很期待跟郎朗見面,更希望可以集郵,她又大讚郎朗是中國人的驕傲,是她學習的對象,她又自爆跟老公都沒有音樂天份。問她希望將來培養孩子學音樂嗎?她說:「都想,因為可以練吓耐性,各方面都要識啲。」採訪、攝影:羅慧敏




來源: http://hk.apple.nextmedia.com/entertainment/art/20161118/19837178
宋熙 熙年 年買 買錶 錶當 動力
PermaLink: https://articles.zkiz.com/?id=316129

宋熙年九圍婚宴寓長久

1 : GS(14)@2016-12-31 10:18:07

■宋熙年和陳智燊大前晚補擺婚宴,笑言似做回司儀。



宋熙年和陳智燊(Jason)今年9月在英國結婚,大前晚在ICC的龍璽設宴招呼親友,Jason的父母也專程由英國返港。宋熙年前晚回覆傳媒:「擺咗九圍,寓意長長久久,我全晚着咗一套紅色衫,casual為主,想大家聚埋食餐飯。」宋爸爸和宋媽媽因工作忙,未有從澳洲返港,反而妹妹神秘現身,給姐姐宋熙年一個驚喜。宋熙年說:「親友都講笑問我哋係咪做番司儀,真係啩,我哋有拎住咪同大家傾吓偈、分享吓開心事,呢晚冇儀式,所以多咗時間同到場親友互動,大家好溫馨好開心。」並表示下月會返回娘家澳洲再擺酒。採訪:楊定




來源: http://hk.apple.nextmedia.com/entertainment/art/20161231/19882219
宋熙 熙年 年九 九圍 婚宴 長久
PermaLink: https://articles.zkiz.com/?id=320812

宋熙年要陳智燊操肌

1 : GS(14)@2017-01-09 08:11:33

陳智燊(Jason)和老婆宋熙年及吳業坤等,昨日在沙田出席馬拉松活動,Jason和宋熙年以夫妻檔現身參賽,他自爆最近被老婆打擊得自信心盡失:「佢叫我學吓余文樂咁去操肌,搞到我自信心冇晒,?家要努力操練。」宋熙年坦言婚後體重暴增,最近亦開始努力操練,免得肌肉下垂。問兩人何時實行造人大計?Jason自言早有計劃,只是尚未進行,宋熙年卻說:「身心健康之後至諗下一步啦!」此外,坤哥透露因前一晚出席音樂頒獎禮慶功至深夜,雖然要在休息不足的情況下參加跑步賽,但沿途獲得不少市民打氣,最終順利完成賽事。撰文:葉綠悠




來源: http://hk.apple.nextmedia.com/entertainment/art/20170109/19890602
宋熙 熙年 年要 要陳 陳智 智燊 燊操 操肌
PermaLink: https://articles.zkiz.com/?id=322049

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019