ZKIZ Archives


境隨心轉 江美儀

1 : GS(14)@2016-02-03 14:29:47

2016-01-27 EW

江美儀說,她是一個農夫,除了基於愛食飯,也基於自己天生一副賤骨頭。

「我唔係少奶奶命,我真係要耕田,要自給自足㗎!哈哈哈!」

所以,去年二月,她拍完劇集《性在有情》後,因為無綫再沒有給她安排新工作,曾令她感到相當不安。「即係嗰種:咦?我明明係忙到甩晒轆㗎,點解我突然間咁得閒嘅?好唔慣囉!」說時她皺皺眉頭。

沒有劇集在身,她形容這年來,她都很「清閒」,「拍咗幾套電影、去過馬來西亞拍《姊妹淘》、連我最恨拍嘅ICAC(港台劇集《廉政行動2016》)都拍過,又做咗幾個廣告代言,又去過日本兩次、去過北京好多次,仲去過巴黎;又跟豹嫂(胡蓓蔚)個健身教練做運動,跟住就開始排呢套舞台劇《羅生門》囉。」她邊說邊數着手指。

最重要是,無綫這年來仍有出糧給她。「The main point is佢哋嘅人工好低㗎咋!哈哈哈!不過好彩我都有幾個廣告,頂住個雞頭!哈哈!」老老實實,又不是完全沒有工開,又未致於影響收入,那還有甚麼好不安呢?

「都係㗎!好多嘢只係一念之差!我可以覺得咁樣嘅一年幾好呀,有得休息吓;亦都可以覺得,係咪冇人用我呢?但我後尾都諗通咗,唔使做嘢,我白逗緊人工㗎喎!係咪先?所以個人開心唔開心,都係由自己決定囉!睇你自己心態係點咋嘛。」說罷,她又哈哈大笑起來。大情大性得佢呢。

徬徨感

差不多整整一年沒有劇拍,江美儀說,也不知這樣是否叫做「遭雪藏」。

「我都唔知喎,不過就算我係『急凍奇俠』,咁個雪櫃裏面都仲有好多人,I'm not alone!哈哈哈!

「我 家唔夠膽再同外面講,公司(無綫)將會有啲乜嘢畀我做㗎嘞!你睇番啲報道就知,上年我同人講完會開乜嘢劇之後,臨門埋牙先嚟冇我份,但又唔會特別通知我喎,我驚啲人以為我吹水咋,我不嬲都唔係啲造新聞、博見報嘅人呀!」

她坦言,曾因此鑽了牛角尖。「最慘係,佢哋唔係逐少逐少咁減你工作量,而係sharp cut!跟住我就會係咁諗:點解啲人唔搵我呢?點解會冇嘢開嘅呢?我嗰種驚,係因為覺得突然乜嘢都冇晒,個心好耿耿於懷。」

最難頂是,她○七年離開亞視後的那種徬徨感,也一下子湧了出來。「亞視嗰陣本來傾好晒續約嘅條件,點知星期五滿約,星期三先打嚟話所有嘢要由頭傾過,咁即係想點呢?我男朋友(吳君祥)話:『如果你唔簽,你會好嬲;但照簽,你會仲嬲!』咁我就冇簽約,走咗。嗰陣我真係覺得自己好似被遺棄咗咁,我坐過喺屋企,嗰種不安呀、冇安全感呀,真係好難受㗎!」

一餐飯

最後,她找了《名媛望族》的好拍檔劉松仁為她解心結。

「我終於明白,乜嘢叫做『與君一席話,勝讀十年書』!松哥佢話:『呢個時候,你就要學放下!你初初入TVB嗰陣,都唔係套套劇都搵你啦,咁點解 家人哋唔搵你,你要咁唔開心呢?你 家仲多咗個獎(一三年憑《衝上雲霄II》『Head姐』一角獲「最佳女配角」獎)喎!做人嘅嘢,今日有嘅一切,第日都要放低㗎啦,何不瀟灑啲!』

「嘩!佢講完之後,我腦裏面嗰啲『北京霧霾』當堂『sa』一聲散晒!兩、三個鐘咋,佢就搞掂咗我!你話呢餐飯係咪抵請呀!我真係即刻『叮』一聲喎!之前成日係咁問點解、點解,如果我乜都知道點解,我就唔係人,係仙人啦!咁好多嘢既然永遠都唔會有答案嘅,咪由佢囉!」

想通後,江美儀連視野也擴闊了。「TVB唔係我經理人,咁佢哋冇畀劇我拍啫,但係我仲可以拍出面啲電影,拍出面啲廣告,仲可以去埋馬來西亞同新加坡拍嘢㗎!係唔可以去其他電視台拍劇啫,不過香港 家仲有乜嘢電視台啫?係nowTV同有線咋嘛,唔通仲諗亞視咩!」

同學會

雖說她曾經在亞視效力過十年,然而,對於這個電視將於四月一日牌照期滿,成為歷史,卻沒有甚麼不捨得。「全部都係佢哋自己攞嚟嘅!佢哋根本就唔識珍惜佢哋下面做嘢嗰班人!我做嘢,你出糧畀我,天公地道,點解要我問你借番轉頭呢?成件事都好ridiculous!我哋一班『A記同學會』,已經諗住四月一號出嚟聚會,慶祝佢執笠!咁樣一call,應該有成千人出嚟,真係會展先搞得掂呀!哈哈!」

她口中的「A記同學會」,即是現在或曾經在亞視工作過的台前幕後。「我哋好團結,每年都有聚會。有次聚會,有個舊同事嘅老公啱啱過咗身,陳啟泰一句叫大家幫吓佢手,一晚就籌到五萬幾蚊!幾感動呀!」

團結,只因他們也真正體會過從前的「亞視精神」。「我喺裏面做嗰十年,公司資源咁少,我哋冇得唔團結,一唔團結,公司冧檔,大家就冇嘢做,咁我哋咪惟有不斷諗啲新嘢出嚟做,大家堅持做好佢囉!

「其實亞視都有輝煌過呀!至少都有《今日睇真D》、《我和殭屍有個約會》、《情陷夜中環》、《縱橫四海》呀!我 家睇番嗰陣我有份嗰套《義無反顧》,嘩!曾江、葉德嫻、郭藹明、譚耀文、羅家英、鮑姐(鮑起靜),全部電影卡士!好睇到呢!其實好多勁嘅前輩,我喺亞視都合作過晒㗎!」

軟皮蛇

還以為江美儀這年來沒有劇在身,應該會有更多時間跟男友吳君祥享受二人世界,但實情大半年前,男友已開始長駐北京。「佢間中都有返吓嚟嘅。不過咁長時間見唔到面,我哋又OK喎!始終我哋都一齊咗十年,大家都係比較成熟嘅人,好多嘢我哋都明白唔可以改變對方,只可以改變自己嘅立場同睇法。」

然而內地美女多,不擔心嗎?「喂,我覺得呢樣嘢,女人唔應該驚喎,女人應該要話畀佢聽,你有你嘅北方佳麗,我都可以有我嘅香港小鮮肉,呢樣嘢公平㗎喎!」但他前年才被拍到跟已故的潮流教母黎堅惠妹妹黎曉靈(Kimmy)當街拖手喎。「其實我同Kimmy不知幾friend!佢哋如果真係有嘢,都唔會畀你哋影到啦!係咪先?」

有為過這些事鬧交嗎?「咁又冇喎!同埋所謂鬧交,其實好多時都只係我鬧佢啫!哈哈哈!佢係一條軟皮蛇,點嗌交啫?你鬧佢咩?佢會當冇事,笑笑口就過咗去,冇佢符㗎!即係如果我係少林,佢咪詠春囉,點打得成交啫?

「其實兩個人相處,大家知道大家做緊乜咪得囉!一驚,個人就會有負能量!再者,我又唔係依賴佢去生活,嘩!如果我要依賴佢生活,仲要睇佢面色,我寧願唔買Hermes,淨係用H&M呀!所以我唔係少奶奶命,我真係農夫,我要自給自足㗎!哈哈哈!」

二世祖

談到吳君祥,當然也要問問幾時結婚。「呢條問題,問過九萬七千次啦喎!結婚,what's the point?」例如生小朋友囉。「嘩!唔生啦!黐線!我都四張幾(四十四歲),都收經啦!仲生?唔好玩啦!而且我哋 家都已經有個仔啦!」說罷,江美儀跟懷抱中五歲的愛犬Teddy對望。「係呀!講緊你呀!」

然後又說:「對我嚟講,生細蚊仔係個黑洞嚟㗎!我寧願多啲時間照顧佢(Teddy),好過湊小朋友!

「喂!Teddy起碼唔會吸毒、唔會做援交、唔會駁嘴、唔會打機、唔會揸刀斬死我、唔會郁吓就話要吊頸喎!哈哈哈!只不過係二世祖啲啫,未辛苦過、未捱過、未熱過、未凍過,最緊要係佢未餓過!所以佢從來唔會同其他狗爭嘢食㗎,佢會覺得,搶乜啫?我係咪都有得食㗎啦!而且你畀佢食,佢都唔一定食㗎喎!哈哈!二世祖要做乜㗎?只係氹掂個老母同老竇咋嘛!哈哈哈!」

這個時候,只見Teddy一直定睛看着她—正確來說,這種眼神,應該也可以叫做啤。

想知江美儀點講佢嘅「軟皮蛇」男友吳君祥,即掃QR Code上東周網睇片啦!

撰文 周彩霞 攝影 何國豪 鳴謝 新光戲院設計 吳俊彪
隨心 江美 美儀
PermaLink: https://articles.zkiz.com/?id=295115

馮仁昭四圍超:江美儀現身樂視有麻煩

1 : GS(14)@2016-06-01 11:37:03

李居明同江美儀幫dbc數碼電台主持節目《李居明妙論天下》,嚟緊會有埋畫面喺樂視播放,噚晚佢哋喺北角舉行記者會,有FFx、梁思浩、陳彥行等撐場。呢排電視大戰好激烈,李居明話同邊個合作都冇所謂,不過同無綫合約去到2018年嘅江美儀應該濕滯啲,佢話:「我都係小演員箒!電台嚟之嘛,唔使咁快杞人憂天,到時真係搵我傾至算。但我係唔會放棄,因為師傅好錫我。」撰文:馮仁昭





來源: http://hk.apple.nextmedia.com/entertainment/art/20160601/19635641
馮仁 仁昭 四圍 江美 美儀 現身 樂視 視有 麻煩
PermaLink: https://articles.zkiz.com/?id=301624

老銅掃平貨有心得江美儀街邊買打底褲

1 : GS(14)@2016-09-11 05:50:27

【揀肉色底】■素顏的江美儀在銅鑼灣街檔揀肉色打底褲。DV圖片





【銅鑼灣】下周二便是江美儀45歲生日,大前日她帶着愛犬Teddy與女友人出動銅鑼灣渣甸坊逛街檔,素顏的江美儀斜孭着大袋,Teddy就安全在袋中隨「媽咪」去濕平,去慣街的Teddy全程乖巧,江美儀還到內衣街檔揀打底褲。於4年前在無綫劇集《名媛望族》中,江美儀因為一幕黑絲情挑劉松仁的重口味戲份,為她贏盡人氣,更被封「黑絲女王」。



【極速找數】■便服打扮的江美儀在渣甸坊買髮夾。DV圖片

■江美儀帶着愛犬Teddy行街。

■(左起)梁琤、胡杏兒、江美儀和邵美琪日前為舞台劇《我和春天有個約會》綵排。互聯網圖片


分享髮夾心得

當日下午3時多,江美儀現身銅鑼灣,以為她又掃招牌黑絲,但原來只在賣平價胸圍底褲檔揀打底褲。記者見江美儀細心研究一條肉色打底褲的物料,檔主都一一解答,江美儀更拉扯打底褲測試彈性,似乎已睇啱貨品。江美儀之前亦在附近的買了髮夾,可能平日擅於打扮,所以她一邊細選,一邊跟友人分享心得,還介紹那一款好用,那一款會拮頭。


舞台劇置裝備

江美儀沒買黑絲改揀打底褲,估計是為本周三在上海演出的經典舞台劇《我和春天有個約會》做準備,她昨日透過WhatsApp回覆:「真係買打底褲㗎。」江美儀將在舞台劇中飾演金露露,胡杏兒演女主角姚小蝶,而梁琤和邵美琪分別演鳳萍和蓮茜,兩位男主角是謝天華及關禮傑,而其他角色還有張學潤和鄧健泓等。這次江美儀演出用回粵語對白,保持原汁原味,江美儀日前在Instagram貼出與邵美琪、梁琤及胡杏兒的綵排,江美儀說:「我們四姊妹越來越有默契了,沒有說好的情況下一起穿上了白色衣服,到舞台劇的時候,我們的心照不宣應該會令表演更精采囉!」採訪、攝影:吳耀輝




來源: http://hk.apple.nextmedia.com/entertainment/art/20160911/19766903
老銅 掃平 貨有 心得 江美 美儀 街邊 打底
PermaLink: https://articles.zkiz.com/?id=308615

江美儀演《春天》嗌過癮

1 : GS(14)@2016-09-18 10:51:54

江美儀上周被發現在銅鑼灣街邊檔揀打底褲,為到上海演出舞台劇《我和春天有個約會》做準備。《春天》今天公演第五場,胡杏兒演女主角姚小蝶,江美儀、梁琤和邵美琪,分別飾演金露露、鳳萍和蓮茜,兩位男主角是謝天華和關禮傑。江美儀表示今次演出過足戲癮,前晚短訊回覆:「希望餘下兩場更好,更希望可以到世界各地巡迴演出,呢次好好玩,大家合作得非常愉快。上海觀眾非常熱情,冒着大雨都來支持捧場,整個團隊精神發揮極致。」採訪:陳杰




來源: http://hk.apple.nextmedia.com/entertainment/art/20160918/19773737
江美 美儀 儀演 春天 過癮
PermaLink: https://articles.zkiz.com/?id=309594

新劇入雪櫃改行做主持江美儀鬧拍檔譏魚販犯眾憎

1 : GS(14)@2016-12-07 08:00:59

■江美儀昨日出席活動時回應被指不尊重拍檔及魚販是角色設定。



已屆45歲的烈女江美儀最近連環爆是非,有傳她篤走無綫高層曾勵珍愛將監製關永忠,珍姐一怒之下,將她由女主角打回原形變配角,擔正的新劇更無限期放入雪櫃。據聞江美儀向珍姐對家余詠珊投誠,但拍攝綜藝節目《街市遊樂團》時,又因經常鬧顧紀筠囝囝陳浚霆及貶低魚販,遭師奶網民圍插,她昨日出席活動時自辯說:「係角色設定,亦證明我好戲!」



江美儀最近猶如「烈火奶奶」上身,周圍辣火頭,先後向無綫新劇《親親我好媽》監製關永忠和舞台劇《嬉春酒店》監製朱仲銘開火。由亞視過檔無綫的江美儀,早前終於等到機會在《親》劇擔正做女一,但有指她對劇本諸多不滿,趁戲劇製作總監曾勵珍放大假時,單人匹馬向當時仍是助理總經理的杜之克,越級投訴珍姐下屬的《親》劇監製關永忠。結果劇集臨時煞停四日大執劇本,而在無綫任職三十年的關永忠就要「孭鑊」執包袱走人。



【辱魚販】■江美儀(左)一邊剝蝦殼,一邊說曬蝦乾工作是自甘墮落,被網民插說話難聽過粗口。電視圖片

【踩新人】■江美儀(右)在節目中鬧顧紀筠兒子Andrew(左),指他是「富二代,冇嘢叻」。電視圖片

■江美儀在新劇《親親我好媽》首次擔正做女一,傳向高層篤走監製關永忠。資料圖片


「而家個個識佢」

據知此舉令珍姐震怒,即時將她擔正的《親》劇無限期放入雪櫃,在新劇《同盟》又淪為大配角。近日「坐冷板」的江美儀棄珍姐,投誠對家余詠珊,與麥長青、滕麗名和顧紀筠兒子陳浚霆(Andrew)拍綜藝節目《街市遊樂團》。節目出街後,有師奶網民插她獨有的老牛沙啞聲,一開口煩厭兼勞嘈;但更多人指她恃老賣老,狂鬧做「下把位」的陳浚霆是「富二代,冇嘢叻」,令對方尷尬。大前晚播出的一集,江美儀更指魚檔劏魚「每日賺嗰260蚊一斤」,又說「剝蝦曬蝦乾真係自甘墮落」,被網民鬧爆她刻薄兼看低人。江美儀昨日在觀塘拍攝香港學生輔導會親善大使海報,明顯有備而來說:「都唔係咁大件事箒,自己平常心,係啲人拉埋啲嘢嚟講。」對於節目中狂鬧Andrew,她解釋說:「其實呢個係節目嘅風格,係角色設定,Andrew係下把位,俾我哋恰,俾我哋話,係設定嘅效果。」是否硬食做衰人?她說:「證明多人睇,亦證明我好戲!其實我哋幾個都好錫Andrew,佢又好有禮貌,好尊重人。我都幫咗佢㗎,而家個個都識佢啦。」被指貶低工人階級,江美儀又解釋說:「我唔係話佢哋,係話我哋幾個大食懶,如果我真係話佢哋,嗰啲檔口就唔會咁開心歡迎我哋去拍啦。」她又澄清與珍姐和關永忠關係不變,但承認有與杜之克傾過,她說:「第一次做女主角,人哋做女主角好順利,但自己就好似唔係咁開心,好擔心影響到人,但我冇帶隊上去投訴。杜生有問我拍成點,咁我當時叫佢放心,我哋會做好本身,但收唔收得唔係我哋控制。」



■顧紀筠認寵兒子Andrew,笑言要多謝美儀幫她教仔。互聯網圖片

■KellyJackie(後排左)昨表示有去過澳門探陀B吳若希,更逼對方進食。


顧紀筠:惡惡地

對於囝囝Andrew經常被鬧,顧紀筠認為「惡惡地」是美儀的風格,她前日在電話中說:「我平時唔會打唔會鬧Andrew,都多謝美儀幫我教吓個仔,鬧佢都係想袋錢入佢袋箒!」Andrew亦覺得自己有時說話未經大腦,他笑稱:「美儀係錫住嚟鬧,可能自己有啲被虐狂。」據悉《街》將於下周拍第二輯,由於角色設定,江美儀又可能成為箭靶!採訪:舒娜、王梓嫚、黃曉妍攝影﹕葉君海




來源: http://hk.apple.nextmedia.com/entertainment/art/20161207/19857155
新劇 雪櫃 改行 主持 江美 美儀 儀鬧 拍檔 魚販 犯眾 眾憎
PermaLink: https://articles.zkiz.com/?id=318615

江美儀黑絲都冇用?男友曾偷食34C走光女王

1 : GS(14)@2016-12-07 08:00:59

江美儀男友為吳君如胞弟吳君祥,兩人至今愛情長跑十一年,四年前吳君祥曾與過氣艷星嚴淑明被揭約會,兩人感情起波瀾,但江美儀卻以一句「當男友應酬」了事,又不時與男友晒恩愛,力證情不變。




來源: http://hk.apple.nextmedia.com/entertainment/art/20161207/19857129
江美 美儀 黑絲 都冇 冇用 男友 曾偷 偷食 34C 走光 女王
PermaLink: https://articles.zkiz.com/?id=318619

篤走珍姐愛將監製?江美儀認珍姐搵過佢

1 : GS(14)@2016-12-07 08:01:00

江美儀昨日回應早前有傳佢接到好籌、喺新劇《親親我好媽》中擔正做女一,不過有指佢對劇本諸多要求不滿,更趁戲劇製作總監曾勵珍放大假時,單人匹馬殺上珍姐老頂、當時仍係助理總經理杜之克房中,越級投訴屬珍姐「馬房」嘅《親》劇監製關永忠。結果唔止套劇臨時煞停四日要大執劇本,最後喺無綫任職30年嘅監製關永忠都要執包袱走,江美儀:「第一次做女主角,當時可能有啲……人哋做女主角好順利,但自己就好似唔係咁開心,好擔心影響到人,但我完全冇帶隊上去投訴。只係默默同黃智賢睇吓嚟緊啲戲點做…最近珍姐都有send messgae畀我,叫我唔好為呢啲無中生有嘅事唔開心,仲叫我如果返去就搵佢傾偈。」但係又幾巧合喎,有傳你投訴完後,就冇拍過珍姐啲劇,江美儀就表示:「唔係,我現在開緊工,開《同盟》(文偉鴻監製),可能咁啱得咁橋。」問到有冇打畀關永忠?江美儀就話一向有聯絡。




來源: http://hk.apple.nextmedia.com/entertainment/art/20161207/19857329
篤走 走珍 珍姐 愛將 監製 江美 美儀 儀認 認珍 姐搵 搵過 過佢
PermaLink: https://articles.zkiz.com/?id=318623

江美儀撐麥包外闖

1 : GS(14)@2017-01-02 01:06:36

昨日麥長青(麥包、右)、江美儀與顧紀筠兒子陳浚霆於新城電台接受訪問,麥包將離開服務29年的無綫,他自言大家關係良好:「TVB係我母校,到?家能夠出去打仗嘅武器、賴以為生嘅都係靠TVB。中學畢業就入訓練班,如果TVB係大學,讀咗29年幾先畢業。」江美儀則表示不捨:「唔想你走,咁難得節目咁合拍,想延續落去,但都想佢有好發展,作為好朋友,希望佢出去搵吓錢。」採訪、攝影:羅慧敏




來源: http://hk.apple.nextmedia.com/entertainment/art/20170101/19883017
江美 美儀 儀撐 撐麥 麥包 包外 外闖
PermaLink: https://articles.zkiz.com/?id=320945

C1精讀班 江美儀

1 : GS(14)@2017-01-02 17:03:38

2016-12-14 EW

「江美儀遭網民圍剿無有怕」、「江美儀鬧拍檔譏魚販犯眾憎」……

上周三(十二月七日),江美儀登上了多份報章娛樂版的C1頭條,內容主要指網民鬧爆她主持《街市遊樂團》時,經常責罵「街僮」、新人顧紀筠兒子陳浚霆,又狂轟她說話涼薄,一時嫌魚檔劏魚只賺到二百六十元,一時又指剝蝦殼的工作自甘墮落。

忽然成為了C1女郎,她說,這是自己入行二十年以來的第一次。「C1喎,不嬲都係好大件事先會做㗎嘛,估唔到今次小妹竟然被寵幸,畀人擺咗上去,哈哈哈!」

然而,始終這單頭條新聞,牽涉到個人人格問題啊,難道不怕形象因此受損嗎?「對我嚟講,呢件事只係茶杯裏嘅風波,我只不過係做咗被批評嘅對象,有啲觀眾唔係集集睇開,咪會對我有呢啲誤會同批評囉,如果我當中真係有啲表現令到人覺得唔舒服,咁真係唔好意思!

「我相信,我入行以嚟一直所做嘅嘢,都應該夠去釐定番,我係一個點嘅人!」

不過,說到底,這趟上C1,對江美儀來說,也不是沒有得着。「我直情係感恩啦!因為我學識咗完全冇怪任何人,學識咗點去處理呢件事!而且,冇呢啲C1,我今日就唔會多兩個呢啲訪問啦!幾好呀!係咪先?」

說罷,她仰天大笑,繼續向來豪邁的作風。

自甘墮落

至於被網民狂轟說話刻薄,她則解釋:「我同麥包(麥長青)、滕麗名、『街僮』喺節目第一集,已經有句口頭禪形容自己,就係『麻雀耍樂、吃喝玩樂、自甘墮落』,呢啲係節目嘅形象設定,原意係要我哋呢啲咁嘅人去體驗吓,街市裏面默默耕耘工作嘅人嘅辛苦。

「我話剝蝦殼係『自甘墮落』,只係攞番句口頭禪嚟笑自己。喂!人哋要用十斤蝦肉,先曬得嗰十五両蝦乾;我哋剝啲殼時,真係剝到手指頭痛,啲皮皺晒㗎,可想而知日日做呢件事嘅人幾辛苦呀!

「我哋喺個魚檔,腳又踎到痺,手又脹晒,嗰度又濕,啲魚又腥又臭,去幫手劏魚片去曬,曬曬埋埋一斤先賣得二百六十蚊, 但魚檔嗰兩公婆呢,就日日都係咁,竟然願意去做呢啲嘢喎,我覺得佢哋好偉大㗎!

「我哋夏天去拍賣菜,嗰個檔口又熱又焗又濕,我哋只係企一日,個個啲衫都未曾乾過,跟住個個都出晒熱痱,你諗吓賣菜啲人長時間係咁,幾攞命呀!」

縱使成了被抨擊對象,上了C1,但江美儀仍覺得這節目讓她賺凸。「喂,買蔥搭菜,收我五蚊,一陣又三百蚊賣兩隻嘉美雞畀我,哈哈!我哋幾個 家去到街市,多咗好多朋友,個個都會主動走嚟同我哋傾偈,好開心、好有人情味㗎!」

你走開啦

江美儀因為主持《街市遊樂團》而遭網民圍剿,對於被網民指責在節目中經常惡言對新人陳浚霆「街僮」,她笑着說:「『街僮』做『下靶位』,係事前嘅角色設定,成個團隊,包括佢自己都知。

「我諗啲觀眾係唔明,點解我哋成日叫『街僮』走開囉!事源係之前我哋去訪問一間凍肉舖,『街僮』突然問老細:『如果我唔食肉,咁我可以喺度賣到乜?』(一個反白眼表情)哈哈哈!喺凍肉舖問人唔食肉賣到乜?我除咗叫佢走開,我都唔知可以點應佢呀!哈哈哈!不過呢段片最後被剪走咗,觀眾唔知頭唔知路,咪只係見到每次『街僮』問問題時,我哋都叫佢『你走啦!』其實就係咁咋嘛!」

而事實上,即使是「街僮」媽咪顧紀筠,也沒有介意兒子在節目中成為下靶位。「我都係呢個節目先識『街僮』,有次佢爹哋媽咪喺日本約埋我食飯,我問過顧老闆(顧紀筠)介唔介意我哋咁對佢個仔,佢話:『冇嘢呀!OK呀!』仲同我講,個仔自從做咗呢個節目,返到屋企會同佢講番拍嘢時啲嘢,顧老闆覺得佢開心咗好多。呢單C1新聞出咗,都係『街僮』同我講嘅,我都同顧老闆講唔好意思,佢話佢完全明白乜嘢事,反而叫我唔好咁介懷!」

冇人理我

而另一則C1 內的新聞,便重提了她拍劇集《親親我好媽》,越權投訴劇本致停廠四日,兼逼走無綫戲劇製作高層曾勵珍愛將、監製關永忠,令劇集成了倉底貨的傳聞;有說她因此連拍新劇《同盟》,亦由主角淪為七線角色。

「話《同盟》我由主角淪為配角,咁講對監製、公司、同劇其他演員都唔公平。監製阿Jazz(文偉鴻)係我恩人,佢搵我,我都會二話不說應承佢,呢啲係交情、義氣同信心,唔關個角色事。」

當說到《親》劇的傳聞時,她坦言拍攝期間確實不太開心。「我冇帶隊去投訴鬧個劇本!嗰個唔係我,我亦唔知係邊個!呢隻死貓都幾大隻,幾難啃!

「喂!TVB喎!第一次做女主角喎,幾難得呀!但劇本有問題,又有好多不利嘅傳聞,點解人哋做女主角可以一帆風順?點解我做就會遇到呢啲嘢呢?有冇人理過我感受呢?冇!係完全冇!好多人叫我放鬆啲,你試吓去放鬆呀!你估真係咁容易咩?」

慶幸的,是她跟關永忠卻沒有因此反目。「我喺陳曼娜嫁女時見過關永忠,我有同佢道歉,佢話:『喂!冇嘢呀真係!嗰陣個個都大壓力啫!我好明白嘅!』然後仲話,我同佢係一世嘅朋友,我真係當堂釋懷晒㗎!」說到這裏,終於見她見笑番——咁咪幾靚女。

死十八次

除了主持《街市》被網民批評,當日C1的新聞,也有提及她曾演出的舞台劇《嬉春酒店》近日再度公演,但因她上次演出對監製朱仲銘無禮而被飛。「係囉!我樣衰囉!哈哈哈哈!我講嘢倔,可能係有啲言語上嘅誤會囉。點都好啦, 家又唔係淨係唔用我,係咪?你話如果上次啲人用番晒,淨係唔用我就講得通啫,但 家重演,都唔係要番晒之前啲演員,同埋我上次演嗰個角色,今次係由伍姑娘做,我都想睇吓佢做成點㗎!」

那有否因被飛感到不開心呢?「嘩!如果吓吓我都唔開心,咁我咪要自殺十八次?我收咗十四場錢,但只係演咗十場,咁我係咪應該要多謝人呀?如果冇《嬉春》,我上年就唔會做到《羅生門》,唔會識到李居明師傅。李師傅好錫我㗎!佢唔做DBC(數碼電台),去咗商台開咪,都搵埋我過去;佢每次搞活動,都會搵我幫手做司儀、唱歌,你話嘞,係咪要感恩呀?」

貪字得個禪

江美儀說,拍《親》劇那段不開心的日子,整個人充滿着怨氣。「我嗰陣成日係咁問點解要擺我上枱,點解個個都要話我,好多『點解』,然後就覺得好唔忿氣!」

結果,一直有在慈山寺做義工的她,參加了一個兩日一夜的禪修活動,終於淨化了她的心靈,更啟發了她在微博,寫下了「道歉信」。「呢次禪修令我明白到,我同一般人一樣,當有事發生,就會第一時間怪人哋唔啱,將人哋嘅缺點放大,但最終煩嗰個又咪係自己!而且我仲明白咗,唔好因為人哋講自己,牽動到自己嘅情緒,跟住就產生一啲憎人嘅念頭,係好深㗎,但我學緊囉!

「其實之前我會咁唔開心,都係因為我自己貪咋嘛!如果我當初唔睇得『女主角』三個字咁重,咁我就唔會要求多咗、唔會壓力大咗、唔會失望、唔會對周圍嘅嘢唔滿意囉!講到尾,所有問題又咪係嚟自自己!

「嗰篇『道歉信』,我係衷心咁寫出嚟,可能我過往真係有好多嘢對人做錯咗,但我又未必知,咁不如同大家講聲『唔好意思』,希望由嗰日開始做一個重新嘅自己啦!」

難怪向來率性的她,即使成了C1女郎,今天依然見她氣定神閒。

撰文☆周彩霞 攝影☆梁比利 髮型☆Ivan Lee 服裝☆Laurèl 設計☆美術組
C1 精讀 江美 美儀
PermaLink: https://articles.zkiz.com/?id=321109

江美儀難頂米雪演母女

1 : GS(14)@2017-02-19 13:59:59

江美儀昨日帶同愛犬到馬鞍山探訪長者,提到電視劇《親親我好媽》,有網友不接受她與米雪演兩母女,她笑謂:「我都唔受落,佢又靚,出嚟真係似兩姊妹,唔緊要啦,下套我做番佢阿媽。」而有傳劇中她的大女兒江嘉敏被雪藏?江美儀大讚對方聽話又有演技:「佢工作態度冇嘢,ViuTV嗰度,我就真係唔知。我都有問點解最近唔見佢,知佢簽咗TVB幾年,幾年冇嘢做點得?都有叫佢同公司解釋吓,佢笑得甜又入屋。」




來源: http://hk.apple.nextmedia.com/entertainment/art/20170219/19932802
江美 美儀 儀難 難頂 米雪 母女
PermaLink: https://articles.zkiz.com/?id=327040

君如生日 江美儀冇影

1 : GS(14)@2017-08-06 11:39:12

吳君如大前日52歲生日,丈夫陳可辛、女兒陳是知、父親夏春秋、吳母及胞弟吳君祥陪她野餐,但不見吳君祥女友江美儀。君如昨日在facebook貼相,留言:「一班加起嚟都470幾歲嘅至愛親人為我開心到飛起慶祝生日,女兒為我彈結他唱生日歌,我點都要搏命晒一下幸福。」




來源: http://hk.apple.nextmedia.com/entertainment/art/20170805/20111901
君如 生日 江美 美儀 儀冇 冇影
PermaLink: https://articles.zkiz.com/?id=339798

江美儀同男友彼此稱呼「BB」分隔兩地感情亮紅燈

1 : GS(14)@2017-08-06 18:41:18

江美儀最為人知嘅感情生活,就係有一個拍拖11年幾嘅男友吳君如胞弟吳君祥。吳君祥比江美儀大4年,彼此互相以「BB」稱呼,二人關係尤如老夫老妻,江美儀嘅父母都視君祥好似半邊仔咁。其實江美儀緋聞一向唔多,只係聽佢喺專訪講過自己喺未同吳君祥一齊之前,曾經有一段戀情,令佢有好大教訓。江美儀覺得失敗原因係太遷就前度,對方更加肆無忌憚,最終江美儀喺戀愛中失去自己,就係呢段經歷令江美儀認為一紙婚書,並唔能夠證明啲咩,所以其後佢同吳君祥拍拖兼同居,都冇計劃生B同結婚。不過2012年爆出吳君祥趁江美儀飛巴黎拍劇,疑偷會中女嚴淑明,喺夜店咀嘴,江美儀最後回應「當男友應酬」就算,力證情不變。佢哋又真係冇事,繼續人前晒恩愛。直到今年初爆出吳君祥因長居內地,兼喺北京開製作公司,同江美儀聚少離多,感情亮紅燈,江美儀更表示已有心理準備男友可能發展新戀情。




來源: http://hk.apple.nextmedia.com/entertainment/art/20170806/20112986
江美 儀同 男友 彼此 稱呼 BB 分隔 兩地 感情 紅燈
PermaLink: https://articles.zkiz.com/?id=339895

江美儀露腿回春

1 : GS(14)@2017-08-06 18:41:20

【打扮減齡】■江美儀身穿恤衫款裙,僅遮半條大腿,配搭厚底涼鞋閒逛。



【江美儀(九龍塘)】現年45歲的江美儀曾在劇集《名媛望族》着黑絲襪情挑劉松仁,經典一幕被網友封為「黑絲」江美儀,原來江美儀在黑絲下的大腿又白又滑!日前下午約3時許,江美儀單拖現身九龍塘又一城商場,着淺藍色恤衫款裙的她,裙腳長度僅遮半條大腿,比黑絲更性感誘人,加上腳踏厚底涼鞋,打扮回春。


學生回頭望

雖然又一城食肆林立,但江美儀就好貼地揀去麥當勞買套餐,其間不少學生見到回春江美儀,都被吸引紛紛回頭,令她感到有點不自然,買完食物後即急步離開,然後到了一間髮型屋整頭,逗留約個多小時,離去時見她髮型變化不大,扮靚後江美儀到家品店濕平,買了一大袋戰利品才返歸。江美儀跟吳君如弟弟吳君祥拍拖多年,惟近年有傳兩人感情疑亮紅燈,日前吳氏一家為君如慶祝生日,但大合照卻不見江美儀,原來最近她要忙拍兩部劇,不知是否分身乏術才缺席呢?採訪、攝影:畢紹基、羅德光、梁繼光


【單拖買餐】■江美儀獨自到麥當勞買套餐。

【滿載而歸】■江美儀又到家品店濕平,並買了一大袋戰利品。



來源: http://hk.apple.nextmedia.com/entertainment/art/20170806/20113268
江美 美儀 儀露 露腿 回春
PermaLink: https://articles.zkiz.com/?id=339896

自覺語氣過火得罪人?江美儀又爆大家姐上身教做戲

1 : GS(14)@2017-08-06 18:41:21

亞視出身嘅江美儀,喺13年憑《衝上雲霄II》拎咗「最佳女配角」獎項之後,從此就是非連環爆,幾乎係有佢演出嘅電視劇、綜藝節目,甚至舞台劇,是非總係同佢連成一線。捱咗16年嘅江美儀終於有機會喺新劇《親親我好媽》擔正做女一,點知有傳佢對劇本諸多要求,趁曾勵珍放大假嗰陣,越級向杜之克投訴,結果搞到要停廠四日大執劇本,監製關永忠搞埋啲套劇嘅後期執包袱走人。江美儀雖然一口話冇件咁嘅事,又話珍姐叫佢唔好為呢啲無中生有嘅事唔開心。不過咁啱得咁橋,佢喺拍劇方面又靜咗一排。是非仲漫延去舞台劇《嬉春酒店》,有傳女主角之一嘅江美儀,有一日等齊全體演員到齊排戲嗰陣,就當住所有人面前質問監製,話「條數唔係咁計,咁你交代清楚!」再有指佢拖欠中介嘅介紹費,到再次公演嗰陣,美儀不見了。事後佢話可能係說話冇尾音,事件只係誤會。冇得拍劇咪改投余詠珊做綜藝,江美儀同麥包麥長青、滕麗名同顧紀筠個囝囝陳浚霆拍綜藝節目《街市遊樂團》,江美儀喺節目狂鬧做下把位嘅陳浚霆,跟住又話魚檔劏魚每日賺得嗰260蚊,又話剝蝦曬蝦乾係自甘墮落,結果江美儀俾網民狂插刻薄兼睇低人。江美儀事後接受周刊訪問,話反省到自己有錯嘅地方,語氣或態度過咗火得罪人,於是佢向大家衷心致歉。而近日就有傳江美儀拍《誇世代》,大家姐上身教後輩拍戲。




來源: http://hk.apple.nextmedia.com/entertainment/art/20170806/20112985
自覺 語氣 過火 得罪人 得罪 江美 美儀 儀又 又爆 大家 上身 做戲
PermaLink: https://articles.zkiz.com/?id=339897

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019