ZKIZ Archives


中環在線:仰融「三年身家翻17倍」 李華華

2008-06-10  AppleDaily

華 華較早前引述大陸報章話,華晨汽車(1114)創辦人兼前主席仰融,想借遠東金源(1188)再造風雲,咁啱遠東金源上月底開股東會,華華為咗見吓呢位 01年《福布斯》中國富豪榜排第三嘅傳奇人物,所以專登喺股東會當日,走上遠東金源香港辦事處,睇吓有冇機會撞到佢,結果無功而回,但有關方面叫華華留底 卡片,話仰總會覆。

起初華華以為呢啲係客套說話,點知過咗幾日,身在美國LA嘅仰融,真係親自打長途電話畀華華。話說04年,仰融同內地政府因公司股權出 現爭拗,搞到要出走美國,唔經唔覺喺美國一住5年,仰融話用咗3年半時間,同遼寧省政府打官司,目的係要證明自己「乾淨」,結果係點?「水落石不出囉!」 仰融形容成件事就好似阿媽唔理乜嘢事,打咗個仔先,做仔嘅唔可以同阿媽劃清界線,更加難要阿媽認錯。

計劃明春返港

咁仰總會唔 會返中國呢?佢話返唔返都冇所謂,但應該唔係短期嘅事,皆因覺得人身安全冇保障,不過,佢有計劃出年春節嚟香港探吓朋友,同埋睇吓公司業務。佢仲好有信心 咁話:「3年之內,身家一定多過以前。」01年仰融做《福布斯》中國富豪時身家70億銀,家吓佢揸住約四成嘅遠東金源,以遠東金源市值10億銀計,佢身家 只係4億幾,要翻17倍先可以同舊時嘅身家一樣,仰總嘅決心咪話唔大。

佢仲同華華講,老婆仔女都好適應美國嘅生活,佢亦日日做45分鐘運動,每年又去滑雪 兩三次,「以前都唔識滑,喺美國時間多咗,先至學識!」

電郵:[email protected]
PermaLink: https://articles.zkiz.com/?id=1130

中環在線:吳光正行衰運身家縮摩通落井下石叫沽會德豐(20) 李華華

2008-06-20  Appledaily會德豐(020)主席吳光正Peter近排認真黑仔,旗下九倉(004)嘅時代廣場過去15年出租公眾地方,搞到畀政府告上法庭,之前袋袋平安嘅租金隨時要 上繳庫房。一波未平,一波又起,前日大行摩根大通落井下石,出份報告唱淡會德豐,加上市況唔就,會德豐噚日股價急挫逾半成,累Peter單日賬面身家唔見 14億。話說時代廣場之前最高以日租12.4萬出租公眾地方,鶽條財路15年來都相安無事,俾人揭發之後唔只見財化水,之前落咗袋嘅錢分分鐘要畀番政府。


摩通估計,鶽筆數唔會多過5000萬美金,即係約3.9億港銀,對九倉濕濕碎。不過摩通認為,九倉阿媽會德豐家吓嘅股價,對資產折讓太窄,所以狠手將投資 評級由增持調低幾級到減持,目標價由23.85蚊降到20.77蚊,以噚日收市價22蚊計,仲有差唔多半成調整空間。

單日賬面身家唔見14億

俾 政府告單嘢未收科,自己旗艦又俾人唱淡,會德豐噚日股價跌咗1.2蚊,據會德豐舊年年報,Peter揸住12.05億股,即係單計噚日賬面身家就蒸發咗 14.45億銀。Peter屬狗,佢今年運程應該唔錯,不過今年6、7月嘅運程麻麻,某位堪輿學家著作度仲批屬狗嘅人喺6月生意唔好,要慎防因一些地方出 了小錯,引起一連串難以解決嘅問題,希望醜嘅唔靈好嘅靈。[email protected]
PermaLink: https://articles.zkiz.com/?id=1209

隱世油王一億身家住美孚

2008-07-24  NextMagazine香港遍地黃金,有錢不願為人知者比比皆是,但上市公司的年報,原來會揭露投資者的身家!

中石油最新的年報,刊登了兩名手持現值七千萬元中石油股份的散戶姓名。經本刊仔細調查,發現他們是一對居於美孚的退休夫婦,外間對他們全無認識。這對夫婦生活簡樸,計及其物業及鋪位,更有逾億元身家,是名副其實的隱世油王。

上月底,記者到美孚登門拜訪這名神秘的中石油股東凌芙生,應門是一位年逾七十的老伯,記者道明來意,並拿出中石油年報展示之後,他才自認身份並笑說:「年報居然有我哋名?咁賞面呀。」原來他雖然每年都會收到中石油的年報,但從未仔細翻閱,故不知自己竟榜上有名。

他 兩夫婦現有約六百九十萬股中石油,市值逾七千萬,「我咁多年嚟不斷買貨,其實到而家只係差不多打個和,所以唔會賣住,佢派息又幾好,咪由佢放喺度。」凌芙 生強調將股票轉為自己名下,收息時便不用被銀行或證券行「過水濕腳」;以中石油息率約四釐計算,他每年收息逾二百六十萬元;以自己名義收取,可省回逾萬元 的代收股息費。

香港上市公司的年報,只披露持股逾百分之五的股東,惟中石油自去年回歸國內發行A股後,須按國內上市規定,同時披露十大流通股的股東資料,因此○七年的年報,在十大流通股東一欄內,才有凌芙生夫婦的名字出現。香港投資者學會主席譚紹興表示:「佢哋轉咗自己名才會被揭發,否則存喺證券行,都會包含在香港中央結算代理人一欄,唔會出自己名。」因此很多同時在兩地上市的公司,其最大的流通股東皆屬中央結算代理人。

出身石油行業

凌 芙生買重中石油,並非只為收息,而是因為唔熟唔做,「我以前喺石油公司工作了幾十年,好清楚知道石油係必需品同好熟行情,我覺得中國嘅石油發展落後世界, 有好大進展空間。」現時國際油價高企,他卻認為難以持續,「當油價貴,自然會有人開發另類能源,從而減低原油的需求。現時已經有好多人開發風力、太陽能 等,所以我覺得油價都差不多到頂了。」

原來,他自六十年代初期,便在美孚石油當工程師,對股票的認識,亦由當時開始,「我在美孚做的時候,有個收買佬經常嚟收爛銅爛鐵,我同佢好熟,佢係一個股票迷,成日講唔停,我跟得佢多,都開始睇書研究,發覺股票真係幾好。」

他認為投資股票,一定要買有往績可循的龍頭股,所以從不抽新股,「因為睇唔到佢以前做成點,我覺得好多招股書都係吹水。」在股市打滾四十年,雖經歷多次股災,但卻未曾損手:「完全唔關我事!因為我唔係炒股,係長線投資,買嘅又係龍頭實力股,就算股價跌,遲早都會升番。」

他的投資期,往往長達十幾二十年,「我買新鴻基地產嘅時候,佢先幾蚊,揸到而家都未放。」所以他認為買股票,幾乎是穩賺。「只要有耐性,買優質股,基本上唔會有問題,我唔係要發達,我係要有系統咁積累財產。」

更重要的,是他用作買股票的錢全屬閒錢,「當年美孚母公司係全球第四大石油公司,在香港請嘅人,好少會炒,而且人工同福利都相當好。加上我無乜嗜好,好少使錢,自己份人工根本用唔晒,咪買股票當儲錢,由佢擺喺度囉。」

住 屋幾乎是香港人的最大負擔,但凌芙生卻倖免於難。美孚石油於六十年代,把油庫從荔枝角海旁遷往青衣,把原有地皮用作發展美孚新邨;八十年代初屋苑建成後, 油公司讓員工率先選樓,除樓價有一成七折扣外,還提供免息貸款:「唔使俾真金白銀,公司借錢俾你買樓,再每個月喺你人工扣少少嚟還錢。」

他當年還以三百一十萬元,買入美孚區內其中一個商場的大鋪位,間成六個鋪面出租至今,「當時我按咗手上啲股票,向銀行借錢買呢間鋪。買鋪無優惠,但我個鋪正正在商場門口,我睇好佢嘅前景。」二十年後的今日,不計每月六位數字的租金收入,該鋪位現已升值至四千二百萬元。

父母離異寄人籬下

由於凌芙生的股票和物業都買得早,隨着香港經濟飛躍,他雖一介打工仔,亦囤積了過億身家,但原來其身世艱苦。土生土長的他,父母在他小時候已離異,最初他與父親生活,但像大多數粵語長片一樣,遇到惡後母,「讀小學時,佢唔俾我讀書,阻咗我年半。」他遂轉投靠親戚家裡寄住。

凌芙生自小寄人籬下,朋友亦不多,只與書本作伴。他愛流連書店,站在書架前讀上四、五個小時亦不覺倦。閒時有點零用錢,便到嚤囉街買《讀者文摘》,「一蚊一冊,內容包羅萬有,仲可以學英文。」

他愛在書海浮沉,所以讀書成績相當優異,中學在香港華仁就讀,畢業成績全是優等,最後更獲獎學金到海外修讀電子工程。艱苦生涯自此完結,凌芙生笑言:「我開始工作之後,可以講得上係一帆風順。」

每日屋內散步兩小時

因 投資有道,凌芙生工作生涯比一般人短,二十年前已退休,現與結婚四十年的妻子及一隻貓居於逾千呎的美孚新邨,一子一女亦已成家立室。他說:「我好少老友, 所以唔多出街,平時主要都係睇書,咩書都睇。」除了每天朝早落街拿報紙外,凌芙生可以整天都足不出戶,「有時老婆叫落街買嘢咪去囉,但我好少自己話要去 街。」

多年的退休生活,沒有讓他培養出什麼興趣,既不養魚亦不好園藝。唯一是喜歡走路,但亦是在家中。他專程在木地板上用透明膠鋪出一條步行徑,「我以前都會打網球,但而家無了,淨係行路,每日固定快步行個半至兩個鐘。」

兩個小時,就這樣不斷由門口走到露台再折返,儘管樓下荔枝角公園景色秀麗怡人,但凌芙生說,「我喺屋企行,同喺下面行無分別,一樣呼吸新鮮空氣,但喺屋企可以睇電視,行完可以馬上沖涼,行到熱可以除剩條底褲,你可唔可以喺下面公園除剩條底褲吖?」

除 此之外,凌芙生其餘的時間還會做家務,「其實我請得起工人有餘,但無請,因為我認為一個人應該做運動,家務就係運動,所以屋企都係我同老婆自己打理。」事 實上,凌氏夫婦的生活沒有絲毫富戶色彩,家裡不見豪華裝修之餘,每件家具都非常平實,就連電視都是傳統大牛龜款式,「我只係一個好普通嘅普通人,只要住得 舒服就得。」說時,他穿着一套睡衣,躺坐在沙發上,一派悠然自得。

身家上億

資 產價 值

691.2萬股中石油$7,105萬

美孚高層住宅單位約$500萬

美孚商鋪約$4,200萬

總計約$1.18億

資料截至本週二。

揸30萬股江西銅上年報

除了中石油外,另一間同樣在中港兩地上市的江西銅,其○七年年報亦披露了四個散戶的名字,其中Yam Kam Ming的持股量僅得三十萬股,市值約四百五十五萬元,但已是十大流通股股東之一。

另一位榜上有名的Shou Yin Kiu,更完全不知道自己的名字為什麼會被披露,她說:「點會有o架,我又唔係董事又唔係乜!」後來更說:「都係上年嘅事了,今年等錢使,啲股票已經賣晒啦!」
PermaLink: https://articles.zkiz.com/?id=1483

中環在線:25歲紹興少婦身家4億 李華華

2008-07-30  AppleDaily

一 位25歲少婦,身家起碼近4億,你會有乜聯想?大陸《每日經濟新聞》報道,紹興有位25歲嘅少婦,最近拋售2449萬股廣州白雲山企業股票,賺咗3500 萬人仔,由於佢賣出嘅股份,佔白雲山總股本5.22%,所以依例披露,咁先至俾大家認識呢個隱形富豪。呢位少婦富豪叫蔣菲,舊年用3.59億人仔入咗 4200萬股白雲山,平均每股8.5蚊,跟住喺7月1至20號,多次拋售合共2449萬股,平均價9.97蚊。

中國地大物博,有錢人亦唔少,25歲有4億 唔係新聞,不過,據報道嘅記者調查,蔣菲只係紹興商務電視綜合部一名文員,早前仲試過失業。屋企唔似大把,老竇係一名普通教師,老公做地盤監工,蔣菲個同 學話佢有3幢樓揸手,一幢自住兩幢放租。記者搵到蔣菲,問佢資金邊度嚟,佢話:「都是我自己的錢。」記者問會唔會有人用佢賬戶炒股?蔣菲好決絕話「沒 有」。華華最想知係,你估佢老公知唔知老婆有咁多私己錢呢呵?
PermaLink: https://articles.zkiz.com/?id=1548

身家20亿美元女富豪朱林瑶从不透露发家史

http://finance.sina.com.cn/leadership/sxyrw/20080805/03425166426.shtml
PermaLink: https://articles.zkiz.com/?id=1620

中環在線:郭氏兄弟身家縮完又脹 李華華

2008-09-19  AppleDaily

繼 舊年8.17之後,港股噚日又嚟另一個大奇迹日,驚心動魄嘅場面,比舊年8月17號更誇。散戶當然迷失方向,大戶有錢佬亦唔好受,一升一跌,一日講緊過百 億上落。香港富豪中,以超人李嘉誠最傷,佢揸住嘅四成長實(001),股價朝早兩個鐘最多急跌9蚊,低見86蚊,賬面身家蒸發84億銀,後嚟股價跟隨大市 反彈約6蚊,賬面身家即時又增加番57億銀,但全日計賬面身家仍少咗27億銀。

超人跌咗追唔番

俾隻碧桂園(2007)拖累、 大呻輸得好慘嘅四叔李兆基,旗下恒地(012)噚日上晝最多跌4.25蚊,四叔揸住53%恒地,賬面身家一度損失近49億,好彩晏晝一開市反彈3蚊,臨收 市前差唔多追貼前日收市價,賬面只係損失2.3億。至於彤叔鄭裕彤嘅新世界發展(017),開市唔夠20分鐘就跌穿10蚊,急挫一成或1.13蚊。彤叔揸 住37%新世界,賬面身家即時蒸發15.6億銀。晏晝開市冇耐,新世界股價陸續收復失地,收報9.89蚊,跌0.45蚊,賬面身家損失收窄一半至6.2億 銀。唔係個個都唔見錢嘅,講到好彩算係郭氏三兄弟。新地(016)噚日朝早急跌7.25蚊,郭氏兄弟持有42%新地,賬面身家單喺一個上晝就蒸發超過79 億銀。好在晏晝回穩,仲越升越有,收市前半個鐘,股價反彈超過6蚊,收報91.15蚊,股價仲較前日高1.1蚊,賬面身家唔單止冇少到,仲多咗12億銀, 唔知係咪同郭老太鄺肖卿家陣坐鎮新地主席有關。

富豪身家單日變幅

李嘉誠持有公司:長實昨最低價(元):86.00

身家最多蒸發(億元):-84.31昨收報(元):92.15

身家變幅(億元):-27.02

郭氏兄弟持有公司:新地昨最低價(元):82.80

身家最多蒸發(億元):-79.04昨收報(元):91.15

身家變幅(億元):+11.99

李兆基持有公司:恒地昨最低價(元):33.75

身家最多蒸發(億元):-48.73昨收報(元):37.80

身家變幅(億元):-2.29

鄭裕彤持有公司:新世界昨最低價(元):9.21

身家最多蒸發(億元):-15.63昨收報(元):9.89

身家變幅(億元):-6.22

資料來源:港交所

李華華
PermaLink: https://articles.zkiz.com/?id=2234

中環在線: 股市大跌賭王:我身家冇少到 李華華

2008-10-08  AppleDaily

噚 日重陽,咁啱係賭后何超瓊(Pansy)旗下嘅天機公關廿周年紀念,佢哋搞咗個酒會,賭王老竇何鴻燊同世伯彤叔鄭裕彤一齊嚟捧場。唔知係咪市況差,一向受 傳媒歡迎嘅彤叔,似乎冇乜心情同傳媒講股,反而啱啱喺葡萄牙攞咗傑出企業家勳章返港嘅賭王,依然興致勃勃。佢話經濟唔好係歐洲嘅事,唔關香港事,仲不改牙 擦本色,話港股咁跌法佢「一啲都唔擔心,身家又冇少到,有乜所謂啫,我又唔買股票,唔買唔賣。」

唔掂股票冇損手

賭王咁講,即 係唔掂股票就冇損手啦。華華記得上個月中賭王都話自己唔炒股票,全部放晒喺夾萬,所以跌市都可以照樣大覺瞓。既然身家冇少到,咁究竟佢老人家身家有幾多個 零呢呵?佢忽然謙虛話:「好少啫。」咁有冇十個零?佢嘻嘻笑回應:「冇!」咁即係唔過100億啦,不過,華華記得,今年初《福布斯》公佈香港40大富豪 榜,賭王以超過700億身家,排第五。咁究竟係賭王身家縮咗唔認,定係有百億身家佢自己都唔知呢?究竟賭王邊句先真呀?賭王身家真係唔受市況影響?好難 講。前日幾隻濠賭股全線報跌,賭王揸住超過一成股權嘅信德(242)跌5.11%。睇埋半年前4月份高位,信德由10.84蚊跌到得番前日收市2.23 蚊,跌近八成。仲有佢揸控股權嘅澳博(880)前日都跌咗3%。睇嚟賭王都好睇得開!

何超瓊呻俾人累

佢愛女Pansy就未到 呢個境界,佢噚日喺同一場合,向傳媒大呻俾人拖累。佢話:「我哋(指信德)唔係一隻賭業股,受牽連都有少少無辜,我哋有資產、有土地。」不過佢補充,若然 澳門博彩業受影響,佢哋都會受牽連,仲話覺得整體經濟會進入一個低增長期,要幾時先彈番起呢?就要等整個經濟市場康復,佢哋好難做到一枝獨秀咁話。李華華 [email protected]
PermaLink: https://articles.zkiz.com/?id=2533

你身家縮水了? 李純恩

2008-10-12  AppleDaily離開香港兩個星期,回來約朋友吃飯,她問我:身家縮水多少?

我笑着反問:你呢?

這年頭,手裏稍有點閒錢的,不想現錢放在銀行貶值,都會買些股票之類。股市大瀉,身家自然縮水。但如果買的是些靠得住的股票,放在那裏,總有一天會升回去的。

現在不是計算身家的時候,一天股票不脫手,算來算去不過是數字起落。高的時候你不賣,「贏」的錢不是你的。低的時候你不賣,「輸」的錢也不是你的。

反倒是些整天買進賣出的「投資專家」,一定要埋單結數。比如我認識一個在大學裏教課的「投資專家」,天天這個理論那個理論,又是衍生又是槓桿什麼的,前兩天苦着臉告訴我,實實在在虧了三百萬。

這三百萬,是一去不復返的,才叫「身家縮水」。

航空界的消息說,經濟一差,出外公幹和旅遊的人數大減,飛機少人坐了,航空公司就要減價促銷,捱不住的,就要倒閉。

一個多星期前我從杜拜回來,班機商務艙爆滿,但經濟艙還有空位,可以讓人躺下來睡覺。這就猶如去年過時過節後香港飛日本的航機,頭等艙商務艙總是供不應求,一張空椅都沒有,反而後面經濟艙鬆鬆動動。

飛 機的座位最反映貧富差距,也反映經濟狀況。從杜拜飛出去的班機頭等艙商務艙爆滿,說明世界經濟再差,也影響不了那些靠原油賺錢的人的「基本需要」。要到從 香港過年過節飛出去的班機,經濟艙滿座,而頭等艙和商務艙卻鬆動了,「身家縮水」的陰影才真正籠罩到香港人頭上,因為,連有錢人都開始擔心「生活小節」 了。
PermaLink: https://articles.zkiz.com/?id=2581

中環在線:身家縮四叔父子加薪幫補 李華華

2008-10-24  AppleDaily


恒 指連續3日腳軟,插水超過1500點,恒地(012)噚日喺港股風雨飄搖嘅日子公佈最新年報,四叔李兆基間寶號出年報,華華當然馬上揭吓。撇除物業重估唔 計,恒地08年度核心盈利倒退3%至57億銀,但高層荷包繼續腫脹,董事局總薪酬勁升近四成至1.6億銀。單計四叔三父子,合共咗3574萬,升近兩 成。金融海嘯殺到,恒地股價今年急跌63%,四叔手上嘅恒地股票賬面縮水至310億,三父子人工加兩成當幫補吓啦。

二公子加足44%

四 叔三父子薪酬以大仔家傑最高,08年1390萬銀,不過只係微升6.6%,都叫做跑贏通脹;老竇四叔算係最少,只攞1051萬銀,增長18%。論人工 升幅以二公子家誠最高,加咗44%至1133萬銀,絕對係老竇賺錢仔享福。家吓二少女細老婆嫩,平民百姓養一個細路都要400萬銀,佢位小公主晞彤梗唔止 呢個數,再加埋個靚老婆要keep住咁靚,一闊三大,人工加四成相信都係勉強夠家用。

林高演4156萬

恒地08度總共有 7300名員工,較上個年度請多咗百零人;集團人工支出13億銀,上升23%。一眾高層中,仍然以四叔左右手、副主席林高演薪酬最高,達4156萬銀,勁 升57%,當中花紅佔3400萬,四叔三父子加埋都唔及佢,足以證明林生喺集團嘅地位。緊隨其後嘅係執董葉盈枝,3452萬銀,急升66%,係一眾執董 中薪酬升幅之冠,當中花紅勁升近九成,至2806萬銀。同系公司恒發(097),噚日同時出咗最新年報,經過業務重組後,四叔三父子冇再喺恒發支薪,只係 象徵性各收2萬銀董事袍金。

恒地高層08年人工

‧執董:李兆基薪酬:1050.9萬元升幅:18.2%

‧執董:李家傑薪酬:1390.1萬元升幅:6.6%

‧執董:李家誠薪酬:1133.3萬元升幅:43.7%

‧執董:林高演薪酬:4156.0萬元升幅:56.9%

‧執董:葉盈枝薪酬:3451.6萬元升幅:66.3%

資料來源:恒地年報

李華華

[email protected]
PermaLink: https://articles.zkiz.com/?id=2834

買窩輪輸身家雜工:唔好貪心

2008-10-30  AppleDaily

【本報訊】恒生指數一年以來蒸發六成,不少過去日日大魚大肉的股民,現時身家大縮水,要節衣縮食,他們寄語投資者不要貪心;也有看清股市凶險的投資者及時進退,成為金融海嘯中少數贏家。

「舊年股市好我專炒窩輪,貪佢可以以小博大。」有10年投資經驗的Jimmy過往只買滙豐等大藍籌收息,屬於穩陣一族,去年中股市暢旺,他改買窩輪,「幾乎買邊隻就賺邊隻。」10多萬元本金便賺了近60萬元,「搭程地鐵嘅時間都可能賺幾倍,都咪話唔癲。」

「得幾仙放都冇用」

全 民皆股,Jimmy越賺越心雄,到美國次按爆煲、雷曼清盤,以至全球股市急瀉,他堅持不抽身離場,今年累積已倒蝕近60萬元,「幾毫子買嘅窩輪得番幾仙, 放都冇用啦。」做雜工的Jimmy坦言已輸掉整副身家,現惟有節衣縮食。近日不少股民撈低入貨,Jimmy則忠告大家:「唔好貪心,唔好心存僥倖。」自言 炒股逾30年的蘇先生,幾乎逢交易日都到中環一家證券行打躉。他說,去年10月恒指逼近32000點已感不妙,只是一年下來跌幅超乎想像,累計損手 30%。港股浩劫令他稍為「縮手」,看清形勢才小注買貨,「市況反覆下滑,玩即日鮮賺錢難,好難講將來好市係咪冚得番輸咗條數。」目前他正伺機入貨,但會 反覆考慮,「睇機會囉,你覺得今次嘅金融風暴完咗喇咩?」

少數贏家及時抽身

金融海嘯淹沒不少人身家,盈富物業主席張錦成是少 數在股海獲利的人。去年今日很多人摸頂入市,張錦成卻把九成股票賣掉,賺了數百萬元;張錦成指,去年9月恒指升到26000點時已感到危機,「當個個都唔 理公司市盈率就買股,就係退出股市嘅時候。」如今很多股票現價已「跌到殘」,但他也不輕言入市,只炒短線,「大跌過千點先會撈底,升500點嗰陣就出 貨。」張錦成笑指08年至今,靠這投資策略仍能保不失。
PermaLink: https://articles.zkiz.com/?id=2959

Next Page

ZKIZ Archives @ 2019