汕頭櫃員機冷血刀手落網
1 :
GS(14)@2017-04-10 23:35:53■梁漢豹（左）刺殺市民劫財。
廣東汕頭前日發生恐怖劫殺案，一名冷血悍匪在自動櫃員機（ATM）前謀財害命，先後捅殺兩名市民，血案驚動省公安廳，出動大批警員搜捕冷血狂徒。疑犯昨早在距現場100公里外的陸豐市落網，被捕時他坐在地上露出怪笑，讓人不寒而慄。當地警方通報，33歲疑犯梁漢豹昨早在陸豐市甲子鎮落網，梁男被捕時光着雙腳，並換走犯案時所穿的衣服。梁男被擒獲後雙手從後反綁，口中叼煙，面露嚇人怪笑。當局通報案件造成兩人死亡，但未公佈他們的身份。
「刀刀置人於死地」
有網民指兇徒「刀刀置人於死地，一定要處以極刑嚴懲」。案發前晚6時半汕頭潮南區一家銀行櫃員機旁，攝像頭拍到兇徒持刀向身旁等候取款的男子猛刺數刀，搶走另一名取款市民的財物後離去。兇徒半途再殺電單車司機，搶車逃走。汕頭公安微博
來源:
http://hk.apple.nextmedia.com/international/art/20170410/19985547
中環在線：小小超罕有陪誠哥漫步汕頭
1 :
GS(14)@2017-07-01 10:18:01常言道"A picture is worth a thousand words"，噚日李嘉誠基金會出新聞稿，話畀大家聽「超人」李嘉誠出席咗汕頭大學畢業禮，但重點似乎係超人同佢細仔李澤楷行汕大嘅3幅溫馨照片，事關李澤楷以往甚少高調地陪爸爸出席公開活動，唔通超人想將汕大交畀細仔繼續發揚光大？
出席汕大活動
聽講，今次係李澤楷第3次出席汕大活動，對上一次已經好多年前嘅事。超人係汕大校董會名譽主席（主席係廣東省副省長藍佛安），李澤楷不在校董會內，以李嘉誠基金會董事身份出席活動，參加畢業禮同校董會會議。根據新聞稿，超人親自向阿仔介紹汕大各建築、地標、歷史同發展計劃，又喺名為碧玉潭嘅汕大水庫「漫步」，溫情滿瀉，算係難得一見。日前，李澤楷仲跟埋超人去同汕頭市委書記陳良賢開會㖭。超人明年90歲，大家近年成日問佢幾時退休，上星期又傳佢打算明年退休，轉做顧問，將長和系交畀大仔李澤鉅，可能傳咗咁多年，消息對系內公司股價冇乜影響，公司之後否認傳聞，大家又當冇事發生。不過大家心裏明白，超人總有退休嘅一天，除咗上市王國，佢嘅慈善教育事業都要有接班人，咁啱呢次超人帶埋細仔去汕大，多少令人有啲想法嘅。李華華
mailto:
[email protected]
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170628/20071074
超人基金會 否認撤出汕頭大學
1 :
GS(14)@2017-12-03 18:12:06【明報專訊】超人李嘉誠一直都當汕頭大學係心肝寶貝，不過內地傳出，超人旗下嘅李嘉誠基金會汕頭大學嘅辦公室已經被「除牌」，噚日汕頭大學同基金會相繼否認，基金會仲澄清話，佢哋只係按規定，將幾個辦公室合併搬到深圳。
只係「合併辦公室遷往深圳」
江湖傳聞，李嘉誠基金一直以來都係直接資助幾個學院，拒絕校方「資金要先通過學校，再到學院」嘅要求；學校就以「學院聘請教授、教師，或者舉辦活動都應先通過學校批准」作回應；而雙方因為對有關問題未有共識，所以李嘉誠基金就此撤退。
噚日李嘉誠基金會澄清，對從汕頭大學撤退嘅消息感到莫名其妙，佢哋只係按有關境外慈善機構嘅最新規定，將基金會喺國內嘅幾國個辦公室合併搬去深圳。
基金會仲話眾所周知李嘉誠對汕頭大學係「超越生命的承諾」，喺基金會內甚至有特別為汕頭大學基金會而設嘅獨立立項。汕頭大學仲話對於網絡上嘅不實言論，保留訴諸法律嘅權利。
[小琴密語]
來源:
http://www.mpfinance.com/fin/dai ... 1209&issue=20171129
Next Page