ZKIZ Archives


Trekkerz首次開騷失眠

1 : GS(14)@2016-08-13 14:50:26

樂壇新組合Trekkerz(圖)昨日在銅鑼灣HMV舉行新碟音樂會,同門組合小塵埃、黃浩琳等都有到場支持。由兩男Mike、Pong及一女Mischa組成的Trekkerz原來已經出道3年,但今年才有機會推出第一張唱碟,他們說:「我哋係逐首逐首歌咁推出,今年終於集齊可以出一隻碟,之前喺iTunes同HMV銷量都算唔錯,緊貼五月天。」昨日的音樂會招待近二百位歌迷參與,全都是買碟換飛,Trekkerz說:「第一次出騷真係好緊張,噚晚仲開心到瞓唔着,因為反應好好,遲啲我哋會拍新歌MV,希望可以快啲再推出第二隻碟。」採訪:曹家誠攝影:陳志嵐




來源: http://hk.apple.nextmedia.com/entertainment/art/20160812/19732528
Trekkerz 首次 次開 開騷 失眠
PermaLink: https://articles.zkiz.com/?id=305571

捱足22年首次開騷趙學而爆喊發台瘟

1 : GS(14)@2016-11-16 04:54:07

■在台上爆喊的趙學而,笑說自己是喊包。



從未被封過做樂壇天后的趙學而,等了22年才舉行兩場處女騷「我趙學而演唱會」,首場騷開賣時僅6分鐘被秒殺,前晚終於在九展揭幕,學而以日式歌姬look登場,惟唱完《難懂》後想說話卻咳了一咳,學而打趣自嘲:「好明顯我畀口水濁一濁,真係『自濁位』。」



■趙學而聽到觀眾起哄要求她唱《皆大歡喜》主題曲,大叫「黐線」。

■趙學而(右一)因當年演出《皆大歡喜》林玉露一角,為她帶來人氣。資料圖片


「遲到好過冇到」

學而感慨說:「喺娛圈活咗20幾年嘅第一個演唱會,有時啲嘢遲到好過冇到呀。」她在個唱上兩度爆喊,當演繹完《你是你本身的傳奇》後,邊說邊喊:「多謝過往自己人世間經歷,每次唱呢首歌都喊,人生經歷高低起跌,我一世好似活咗七世咁。啲人成日覺得我好惡、好煩,其實我好易喊,係喊包。」此外,學而唱出《輸給戀愛的女人》首段後,突然說:「不如嚟過啦,我唔好!啲歌改過晒編曲,年紀又大,又唔好記性!真係好大壓力㗎!呢度又多人,好似好分心咁,做live係咁㗎啦,唔得咪再嚟過囉!」怎知重唱時再重蹈覆轍,學而
捱足 22 年首 首次 次開 開騷 趙學而 爆喊 喊發 發臺 臺瘟
PermaLink: https://articles.zkiz.com/?id=315544

最後一次開騷冇避忌朱咪咪寸TVB愛照肺

1 : GS(14)@2017-02-05 10:55:41

■朱咪咪前晚開騷,重口味扮學生妹唱兒歌《跳飛機》搞氣氛。



朱咪咪前晚假紅館舉行首場「利利是是演唱會2017」,穿銀色珠片裙登場唱《白金升降機》後跟觀眾拜年,之後換閃爆紅裙孖醒獅繞場?利是,她搞笑地說:「我奶奶嗰封一定要攞,唔係叫個仔休咗我點算!」咪咪姐指今次最後一次開騷,之前很多記者問她是否有病,她說:「我話『啋!你就有病!』只係做一次個唱好多嘢要準備,我想下半生舒服啲啫。」



■朱咪咪和黑仔一唱一和,寸爆TVB鍾意照肺。

■劉玉翠和李思捷為咪咪姐個唱擔任嘉賓,齊齊向觀眾拜年。

■咪咪姐取笑大仔(左)以前想做謝霆鋒。


重口味扮學生妹

咪咪姐自嘲沒經理人又沒簽大公司:「最大間嘅係TVB,我知道好多同行睇唔起我哋,唔緊要,我只係想開開心心,同大家好似自己人咁傾吓偈唱吓歌,其實大同細有乜分別,最大嘅歌星咪又係開四面台,唔通可以開六面咩!」為帶給觀眾歡樂,62歲的咪咪姐更化身重口味學生妹唱兒歌。前晚,姜皓文(黑仔)、劉玉翠和李思捷擔任嘉賓,勇字當頭的咪咪姐將TVB擺上枱,介紹黑仔出場時說:「佢係隔籬台(亞視)嘅人,其實我好鍾意聽隔籬台電視劇嘅歌。」兩人合唱麗的和亞視的主題曲,之後咪咪姐扮收到電話,聽完後扮驚豬並寸爆TVB:「我哋都係要唱番啲我個台嘅歌,如果唔係我聽日就要返去照肺㗎喇!我哋公司好鍾意叫人照肺㗎!」


爆大仔想做霆鋒

黑仔抵死地說:「乜TVB啲醫療福利咁好㗎!乜你有病咩?」咪咪姐笑罵:「病你個死人頭,係入高層房照呀!」黑仔詐儍扮不知,又說:「你台啲歌,我唔識㗎喎,只識一首《難為正邪定分界》。」咪咪姐的兩個兒子上台獻花,咪咪姐笑說:「大仔呢,以前同我講想做謝霆鋒,但係我同佢講800萬人入面,謝霆鋒就得一個,其餘700萬人唔係打工就係餓死,所以做人都係踏實啲。」採訪:曹家誠攝影:陳慧安




來源: http://hk.apple.nextmedia.com/entertainment/art/20170205/19918113
最後 一次 次開 開騷 騷冇 避忌 咪咪 TVB 愛照 照肺
PermaLink: https://articles.zkiz.com/?id=325539

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019