ZKIZ Archives


馮仁昭四圍超:薛凱琪最憎男友攞手袋

1 : GS(14)@2015-04-17 08:24:41

薛凱琪(Fiona左)同林欣彤(右)噚日喺尖沙嘴出席手袋活動,林欣彤以露出3吋事業線性感打扮突襲成功。Fiona同記者講討厭男友代勞拎手袋:「如果太重,𢭃一𢭃都可以,之前有男友話幫我拎,我即刻同佢講嗰手袋係襯我唔係襯佢,搞到人哋以為我有公主病。」林欣彤被笑禾稈冚珍珠,她表示:「多謝大會睇得起我,健康性感都OK,自己接受到露背,透視就要打底。」撰文:馮仁昭





來源: http://hk.apple.nextmedia.com/entertainment/art/20150416/19113874
馮仁 仁昭 四圍 薛凱 琪最 最憎 男友 手袋
PermaLink: https://articles.zkiz.com/?id=289648

千嬅最憎老公冇耐性

1 : GS(14)@2015-10-12 14:26:10

■千嬅近日接受有線專訪,透露最憎老公丁子高沒耐性。


楊千嬅近日接受有線訪問,分享人生中的苦與樂,出名是大笑姑婆的她,原來在事業路上亦曾遭受冷言冷語,她表示:「我曾經聽過好多難聽嘅說話,有人話『如果佢得嘅,我批個頭畀你坐』,初時會好唔開心,嬲到大喊。」千嬅與丁子高夫妻生活甜蜜,談到最討厭丁生的一件事,她笑言:「一定係冇耐性,佢成日未聽完或者未講完件事就走咗去,搞到我一頭霧水,好激氣!佢仲有一個怪癖,好鍾意喺我臨瞓前老點我做嘢,譬如叫我叉電呀、熄燈呀……有次我終於忍唔住爆佢『你跛㗎?』而家諗番個場面都幾好笑。」提到兒子Torres,千嬅笑言:「Torres從來冇令我勞氣,佢連扭計都好嗲好sweet,我一聽到就心軟,嬲唔落。」撰文:鍾國仁





來源: http://hk.apple.nextmedia.com/entertainment/art/20151012/19329488
千嬅 嬅最 最憎 老公 耐性
PermaLink: https://articles.zkiz.com/?id=293078

【男女之間】男士六大惡習 日本妹最憎唔肯嫁

1 : GS(14)@2016-02-08 03:20:05

日本40歲以上男性的未婚人口有上升趨勢,現時四人之中就有一人單身,令不能結婚的大叔成為近年熱話。日本有專家就嘗試從生活細節出發解話,解釋男人有甚麼行徑,會被日本女生認定是不可結婚的對象,迷戀日本妹的港男可以參考。


1堅持享有超越本身經濟能力的生活。婚後容易面對經濟壓力,對伴侶的收入亦有一定要求。2洗手盤有三個或以上洗碗海綿。證明重視細節,規矩多,有時太神經質,難相處。3收集狀態較好的紙袋。經常抱有「未來或許用得着」的心態。證明沒有決斷力,易錯失時機。4回覆短訊內容太簡短。欠缺溝通能力,不會刻意做些讓女生認為貼心的舉動。5坐的士時會不斷指示路線控制慾強,對他人不太信任。6約會前不會事先預訂餐廳做事沒有計劃。資料來源:9TSU記者:臧諾





來源: http://hk.apple.nextmedia.com/su ... t/20160205/19480035
男女 之間 男士 六大 惡習 日本 妹最 最憎 憎唔 唔肯 肯嫁
PermaLink: https://articles.zkiz.com/?id=295443

商台恩怨鬧「小學雞,杯葛我」 卓韻芝《晚吹》爆最憎Wyman

1 : GS(14)@2016-06-20 05:45:20

■卓韻芝前晚在《晚吹-真PK》中自爆最憎的藝人是「XXX」,有網友睇口形估是黃偉文。


【ViuTV風雲】填詞人黃偉文(Wyman)好惹火!多年前曾跟楊千嬅、陳奕迅傳不和的他,前晚商台舊同事卓韻芝在ViuTV《晚吹-真PK》節目上,自爆最憎的藝人竟然疑似又是─黃偉文!



「做乜都發脾氣」

前晚播出的一集由卓韻芝擔任嘉賓,當被主持火火和Kevin仔問到「最憎邊個藝人?」初時阿芝都猶豫避答,之後才爆料說:「好,我講,我最憎XXX,我好細個已經俾佢恰!」然而,節目卻將「XXX」的名字滅聲,但有網友睇阿芝口形,紛紛猜測是Wyman。當時火火追問阿芝:「即係商台嘅時候?」阿芝直認:「係呀!」火火說:「但個個都話你係商台公主,個個錫晒你,你打橫行,佢有乜恰過你?做過啲乜衰嘢?」阿芝揶揄對方似小學雞:「我總之做過啲乜,佢都會走去向其他人發脾氣:『點解佢又有份我又冇份』,佢直情拉隊杯葛我:『今日係佢生日,不如我哋全部同事一齊走晒。』跟住熄晒燈,小學雞咁。」



■阿芝爆「XXX」是商台舊同事,會拉攏其他人杯葛她。

■阿芝直言到現在心中仍有根刺。



「相信係佢本性」

接着火火問阿芝:「咁多年之後,仲有冇唔鍾意?仲有冇心病?」阿芝坦言:「好啲囉,因為覺得大家當時都係細個啲,但我相信呢個係佢本有性格,佢真係咁樣認知世界事情,所以有啲人都係唔好惹為妙!」之後火火給觀眾貼士「XXX」是誰人,他說:「佢頭先講最憎係邊個,佢又講緊以前做電台嘅,我估應該着衫幾潮嗰個。」Wyman曾在商台跟阿芝同期做DJ,近年他又有潮人之稱,答案呼之欲出。昨日本報致電向兩位當事人了解,但至截稿前沒回覆。Kevin仔則在電話說:「嗰日佢做口形,冇講名,我真係估唔到,佢咁多仇人,我唔敢亂講。」



■火火給觀眾貼士,阿芝最憎的人曾在商台工作,又是潮人,所以觀眾估計是Wyman。

Wyman



另外,阿芝在節目中爆以前曾有sex partner:「以前怕孤獨所以拍拖,嗰時係有(sex partner)嘅,後來佢慢慢變咗鍾意我,覺得佢出賣我,騙子嚟,唔准鍾意㗎。」採訪:皓騫





來源: http://hk.apple.nextmedia.com/entertainment/art/20160620/19660970
商臺 恩怨 小學 杯葛 卓韻 韻芝 晚吹 爆最 最憎 Wyman
PermaLink: https://articles.zkiz.com/?id=302246

男友派閃光彈 吳若希呻最憎人呃我

1 : GS(14)@2016-08-11 06:08:33

吳若希(Jinny)自從同澳門闊少男友何兆鴻(Alex)拍拖後,事業、愛情……連個人都變得好得意,昨日佢喺Instagram貼咗張圖,見白色上身中袖衫襯黑長裙嘅佢喺個相信係錄音室嘅地方,chok晒咁手掂咪高峰、半耷頭,再留言話「歌,係要咁錄」,最令人在意嘅係佢後面落嘅tag,包括「我真的很想放棄」、「但無奈尚在乎你」、「誠實好過你又再三演戲」、「最憎人呃我」同「講大話嘅人一世都會講大話」。當然有唔少人留言關心問發生乜嘢事,亦有網民指應該係歌詞。
Jinny個真命天子Alex又點呢?Alex前日貼相上Ig,話自己為咗愛可以去做「笨豬」——跳笨豬跳,佢留言:「我係一個嚴重畏高嘅人,但有天你會為咗你愛嘅人去做一些你從來都覺得自己永遠做唔到嘅事~never say impossible to love#foryou」,真係好「晒」呀。





來源: http://hk.apple.nextmedia.com/entertainment/art/20160811/19731457
男友 閃光彈 閃光 吳若 若希 希呻 呻最 最憎 憎人 人呃 呃我
PermaLink: https://articles.zkiz.com/?id=305398

《蘋果》專訪:為負評唔開心 祝福林宥嘉新婚G.E.M.最憎被稱宇宙巨漿

1 : GS(14)@2017-01-12 08:03:27

■G.E.M.昨日接受本報訪問,承認在內地掘到很多金,但自己好重視香港。



鄧紫棋(G.E.M.)近年轉戰內地市場狂賺人民幣,25歲已拍音樂紀錄片《一路逆風》,將於下周假兩間戲院上映三天,有網友認為歌神張學友都未出紀錄片,究竟G.E.M.憑甚麼呢?昨日她在紅磡接受本報專訪反駁:「作為一個故事紀錄,由自己遇到經理人到?家,行咗十年追夢過程,希望自己嘅故事,可以鼓勵到歌迷。」



■G.E.M.坦言最不喜歡「宇宙巨漿」花名,覺得漿同G.E.M.讀音不同。

■舊愛林宥嘉和丁文琪結婚了,G.E.M.祝兩人生活愉快。資料圖片

■G.E.M.憑《我是歌手》節目在內地爆紅,隨之而來被指態度差是非不絕。資料圖片

「我好重視歌迷」

問到在內地是否搵到好多錢?G.E.M.坦言:「都有賺到多過以前,冇幾億,幾多位數字唔講,但開始去諗點運用。」是否多些時間賺人仔好過留在香港?她說:「其實唔係,邊度畀到舞台我就好想去,好多人覺得點解你成日唔喺香港,之前開演唱會去咗49個地方,我好珍惜呢個機會,原因唔係開演唱會賺錢,原因係我想唱歌。」
G.E.M.近年負面批評不絕,是否鍾意返港?她說:「聽到呢啲聲音都唔開心,原因唔係啲人成日話你唔好返嚟香港,唔開心係我好重視我喺呢度嘅歌迷,我好重視香港呢個地方。」對「宇宙巨漿」、「時裝災難」等花名有甚麼睇法?G.E.M.說:「心情好嘅時候一齊笑,嗰排比較忙或攰會覺得好煩,最唔鍾意個漿字,因為漿同G.E.M.讀音都唔同。」怎睇藝人被批評為賺人仔跪低,在內地節目飲尿?G.E.M.愕然說:「有啲咁嘅事?點解嘅,咁勁,咁我又唔得喎!你唔可以斬釘截鐵話佢做呢樣嘢係為錢,之前都有節目要我跳笨豬跳,我係畏高嘅,但我都有跳咗,唔係因為節目畀幾多酬勞,我要挑戰嘅只係我嘅恐懼。」而紀錄片內重提前度林宥嘉,不怕被指消費舊情?G.E.M.坦言:「都唔會驚別人點講,只要你知道唔係,唔需特別證明畀人睇,呢套電影記載生命裏面影響我幾深嘅經歷,所以冇刻意避開邊一個部份。」林宥嘉同丁文琪結婚,會否祝福他?G.E.M.笑笑說:「會祝福佢,祝福佢哋生活愉快。」不再恨他?G.E.M.說:「時間會令你慢慢消化一啲嘢,呢一刻已經冇嘢嘞,好健康快樂。」



■天后林憶蓮參加《歌手》被歌迷抨擊,G.E.M.就期待憶蓮演出。資料圖片

期待憶蓮表演

此外,問到G.E.M.是否贊成林憶蓮參加《歌手》?歌迷都疾呼「愛錯憶蓮」!G.E.M.表示:「我有留意,其實都幾期待佢,自己覺得大家唔好當比賽睇,唔認同賽制咪唔理,有機會見到自己鍾意藝人表演,只要欣賞表演就得。」



採訪:余燕儀攝影:郭賢興、林德雄
Stylist:Emma Wallace化妝:Dora Chan assisted by Phoebe Ho(Spotlight Image)髮型:Freddy Chiu場地:紅磡都會海逸酒店




來源: http://hk.apple.nextmedia.com/entertainment/art/20170111/19892641
蘋果 專訪 為負 負評 評唔 開心 福林 宥嘉 新婚 G.E.M. 最憎 憎被 被稱 宇宙 巨漿
PermaLink: https://articles.zkiz.com/?id=322189

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019