ZKIZ Archives


Money Walker:英國脫歐或關你事

1 : GS(14)@2016-03-11 12:57:42

英國會喺6月23日,就係咪會脫離歐盟舉行公投,呢件事對香港人嚟講好似好離地,雖然香港係英國前殖民地,但兩哋家陣嘅經濟往來其實唔算重。不過如果你係滙控(005)、電能(006)同長建(1038)嘅股東,英國脫歐就絕對關你事。根據法巴嘅講法,無論公投結果係點,單單係公投落實舉行,都已經會有壞影響,因為公投增加咗英國嘅不確定性,繼而會損害到當地嘅消費同投資信心,亦都不利英國嘅外國直接投資。如果英國最終真係脫歐,影響就更大,因為英鎊會首當其衝下跌,當地GDP亦都難免會受累。講到喺英國有業務嘅本港上市公司,滙控一定榜上有名,事關英國同愛爾蘭,夾埋佔滙控收入28.19%,不過都唔夠電能多,電能喺兩國嘅收入合計佔公司收入49.52%。唔止喺英國做生意嘅企業,就連喺歐洲有業務嘅企業亦受牽連,因為脫歐會觸發英鎊滙價下跌,繼而間接削弱非英國企業喺歐洲嘅競爭力。新秀麗(1910)同歐舒丹(973)喺英國以外歐洲地區嘅收入,分別有19.08%同17.53%,佔比唔輕,所以英國脫歐多少都會對佢哋有影響。究竟英國脫歐機會大唔大呢?我用賠率答你。英國博彩公司Ladbroke就英國脫歐開賭盤,買英國留喺歐盟嘅賠率係1.33倍,買英國脫歐嘅賠率就係3.25倍。雖然暫時英國脫歐嘅機會睇落唔算大,但距離公投仲有三個幾月咁多,中間可以存在好多變數,揸住有英國同歐盟業務股份嘅散戶,唔能夠掉以輕心。
El.本欄逢周二、五刊出





來源: http://hk.apple.nextmedia.com/financeestate/art/20160311/19524602
Money Walker 英國 脫歐 歐或 或關 關你 你事
PermaLink: https://articles.zkiz.com/?id=297561

Tod’s年內或關港分店

1 : GS(14)@2016-03-17 14:50:37

【未獲減租】奢侈品牌香港區銷情持續疲弱,意大利名牌Tod's集團日前公佈2015年全年業績,香港是唯一一個收入下跌的市場。集團財務總監Emilio Macellari透露,本港分店未能獲業主減租,料年內或關閉一至兩間分店。
Tod's集團旗下品牌包括Tod's、Hogan、Roger Vivier等,目前在香港經營14間分店,包括位於圓方、海港城等商場。Macellari指,香港業績未見改善,雖然市場上不少舖位租金下調,惟Tod's未能成功爭取減租,僅兩間分店獲凍租,集團或考慮關閉本港一至兩間分店。
Tod's去年整體收入增長7.4%,至10.4億(歐元.下同),包括香港、澳門、台灣及中國在內的大中華地區,按固定滙率計收入跌12%。集團主席Diego Della Valle透露,香港是唯一一個收入下跌的市場,中國生意則初見起色。





來源: http://hk.apple.nextmedia.com/financeestate/art/20160317/19532774
Tod 年內 或關 關港 分店
PermaLink: https://articles.zkiz.com/?id=298242


ZKIZ Archives @ 2019