ZKIZ Archives


身家縮水追女慳皮中環在線:iBanker筍盤變神枱貓屎 李華華


2009-02-06  AppleDaily


 

銀行家,特別係投資銀行家(iBanker)曾經係唔少女士心目中嘅「筍盤」,但一場金融海嘯,令呢班過往喺異性圈內炙手可熱嘅金融才俊,身家兼身價大縮水,紛紛被情婦同埋女友離棄。才俊莫財自然吸引力不再,但最慘仲要喺網誌度「俾女唱」。

攞花紅俾人當打劫

華 華噚日係彭博睇到Matthew Lynn寫嘅專欄,佢話呢班iBanker以前份工雖然單調乏味,同事間嘅相處又爾虞我詐,但起碼都有豪裝辦公室同豐厚花紅,即使唔夠靚仔,識女仔同喺婚 姻市場都「有價有市」。不過今時唔同往日,iBanker已經唔再係一份夢寐以求嘅好工,o依家佢哋攞應得嘅花紅,都好似攞住支槍去打劫咁,情況簡直同神 枱貓屎一樣,人見人憎。Matthew仲話,有個紐約網誌收集咗唔少正在,或曾經同iBanker約會女士嘅痛苦經歷,而呢班自稱唔係「拜金女」口中嘅慘 事,只不過係唔滿意過去優質生活不再。好似有位網友話,佢男友出手冇以前咁大方,以往拍拖會去高級餐廳飲靚紅酒,如果呢招都唔能夠打動芳心,就隨時送 Tiffany名貴首飾,誓要博紅顏一笑。不過,o依家就要去必勝客食pizza,埋單時仲要用優惠券攞折扣,最慘係要聽埋男友呻公司裁員嘅遭遇。

飲靚酒淪為食pizza

拜金女仲話,花紅大減令iBanker吸引力大跌,話佢哋破咗產最好行埋一邊,唔好嘥大家時間。華華睇完之後喺度諗,唔知香港嘅銀行家,有冇遇到呢方面嘅感情煩惱呢?李華華LiWaWa@AppleDaily.com
身家 縮水 追女 女慳 慳皮 中環 在線 iBanker 筍盤 盤變 變神 貓屎 華華
PermaLink: https://articles.zkiz.com/?id=5646

無綫奧運節目慳皮幕後怨工時長

1 : GS(14)@2016-08-20 11:41:47

■有份主持無綫奧運的伍家謙昨指每次有體育大賽工時都會長。



近日有人在網上爆料,指無綫奧運節目人手不足,每人工時長兼沒假放,全數體育組導演也去了巴西,令香港控制室全是沒有體育專業導演,因溝通混亂,跟巴西大隊經常隔空嘈交。據了解,無綫08年派了近二百人到北京做奧運,由於今次每人開支逾10萬,無綫為慳皮而將人手減到五十多人,眾人工作量自然倍增。節目因人手緊張,直播會由綜藝組導演負責,眾人不時為cut畫面問題跟巴西大隊隔空嘈交。有份為無綫主持奧運節目的伍家謙,昨表示未有聽聞嘈交,但對工時長就有聽聞,他說:「其實每次有體育大賽,工時都會長,我哋都慣。」採訪:魯吉攝影:仇志德




來源: http://hk.apple.nextmedia.com/entertainment/art/20160820/19743114
奧運 節目 慳皮 幕後 怨工 時長
PermaLink: https://articles.zkiz.com/?id=306623

財經評論:細發展商慳皮大法

1 : GS(14)@2016-11-16 05:09:02

港人眼中的地產發展商,幾乎與「地產霸權」成等號。不過,市場上有許多的小型發展商,在幾大巨無霸及中資的擠壓下經營。這些小型發展商,推廣樓盤時無法像新地(016)般,一個決定便將銷售中的樓盤改名,斥天價將所有已見街的宣傳品通通砍掉重練;又或者如長實(1113)買起整個黃埔站的所有廣告燈箱。小型發展商只能夠嘗試以性價比最高的方法爭取曝光,賣樓各方面亦慳得就慳。例如宏安地產(1243)下半年先後推售的馬鞍山劏房盤薈晴及薈朗,同樣主打劏房、單位格局相近、售樓處均設於尖沙嘴同一幢商廈、同一樓層,連示範單位都仿如雙胞胎。今年8月推售的薈朗,連裝修示範單位是第1座8樓A08室,而10月推售的薈晴連裝修示範單位則是1座12樓A08室,圖則間隔一模一樣是297方呎,內櫳傢俱更是似曾相識。例如床旁邊的玻璃衣櫃及內裏的衣物、浴室牆磚、甚至電視櫃上的相架通通熟口熟面。兩個樓盤示範單位仿如雙胞胎,估計是發展商基於支出控制。第一,可節省重新搭建另一種戶型示範單位的使費;第二,簡單更換佈置有助縮短售樓處租用時間;第三,後續樓盤可速推,有利資金回籠。唯一壞處是向隅客在參觀後續樓盤示範單位時,可能會有種時空錯亂的感覺。同時想要重用示範單位,前題是兩個新盤的開則格局無差別。另外,部份小型發展商賣樓的主導權甚至交予大型地產代理行,後者參與整個新盤宣傳、價錢制定等。細發展商樂於慳水慳力,代理行可以獨吞佣金,一家便宜兩家着。記者:陳東陽




來源: http://hk.apple.nextmedia.com/financeestate/art/20161114/19832615
財經 評論 細發 展商 慳皮 大法
PermaLink: https://articles.zkiz.com/?id=315622

飛甩潘源良冇留戀李麗珍慳皮陪女長住加拿大

1 : GS(14)@2017-02-12 15:22:49

2017-01-19 NM

與許愿離婚後,李麗珍07年跟離合多次的男友填詞人潘源良再復合,可惜一直未被女兒許倚榕接受,去年六月,二人宣布第四度分手。失去潘源良每月十萬生活費資助,李麗珍慳得就慳,由貝沙灣搬到黎耀祥老婆平租給她的深井碧堤半島單位;她在香港再沒留戀,上週決啟程飛加拿大,在當地長住陪女。平租視帝屋

上週四(一月十二日)下午,天氣回暖,仍著住長身羽絨的李麗珍,推住兩個大喼,一個人出現機場。跟潘源良分手超過半年,心情未完全平復的李麗珍雖然精神不錯,但身形腫脹,大了接近一個碼;辦完check in手續後,她便排隊入閘。「佢同阿潘(潘源良)一齊時,每個月有十萬蚊零用,除咗交租,珍妹基本開支唔算大,分手後冇咗呢筆錢,佢唔係成日開工,甚至一年都拍唔到一部戲,貝沙灣咁貴租,唔化算。知道舊同學Julia(黎耀祥老婆)喺深井碧堤半島個單位放租,珍妹就搬咗過去住。Julia同珍妹識咗好多年,又做過佢助手,係以低過巿價好多嘅價錢平租俾佢。」知情者說。

不積極復出

好偶然才接戲的李麗珍,女兒許倚榕一三年到加拿大升學後,她正式復出幕前,接拍好友曾志偉監製的大台劇《M Club》,以及在電影《紀念日》跟舊拍檔邵仲衡做夫妻。不過李麗珍不積極於搵銀,就算劇集受歡迎,《M Club》幾個中女人氣急升,大把登台騷拍門,她都是推的多,甚至試過以病為由,臨時甩底。

復合又分手

事業冇野心,但戀愛大過天的李麗珍,前年一度傳出會再婚做潘太,其時,潘源良亦公開承認珍妹已經是家人;去年六月,她突然決定,跟拍拖再九年的潘源良斬䌫。「甩咗阿潘,珍妹心情一直都係麻麻,佢兩個人唔同性格,成日嗌交夾唔到,但又好愛!同阿潘咁多年都係復合分手又復合分手,好難一時間放低。啱啱甩拖嗰陣,佢都會搵朋友陪周圍飛散心,不過大家都唔可以成日陪住佢,所以珍妹覺得最好都係飛去加拿大,同個女一齊生活。佢兩母女感情好好,咁做亦可以慳番好多,起碼唔使俾多份租。」

長住陪女讀書

其實當年李麗珍以百萬酬勞拍全裸寫真集及拍了三部三級片,目的也是賺錢,安排家人移民加拿大。「珍妹係宅女,平日匿喺屋企睇戲睇書唔多出街,都幾啱喺加拿大嗰邊生活。如果真係有job要返香港開工,隨時可以飛返嚟,好方便。」身邊人說。李麗珍入閘前,記者上前問她是否留在加拿大長住。「我陪個女讀書,佢返(香港)我咪返囉!佢好多假(期)嘅。(近期有冇接戲?)啱啱拍完兩部。」李麗珍說。

30歲炒樓賺千七萬

寫真天價100萬李麗珍14歲被星探發掘拍廣告,17歲正式入行,並火速於影壇走紅。演技好,身材亦好的她,曾撕破玉女形象,以九十年代的天價酬勞100萬,拍全裸寫真集,首批賣出六萬本銷量,前後推出過兩本寫真集都十分暢銷。

胞妹經紀做明燈當年30歲未夠的李麗珍,九十年代開始炒樓,專吼港島東及西半山豪宅,根據土地註冊處資料顯示,李麗珍當年在炒賣樓宇方面,累計有千七萬進賬。據知,李麗珍的親妹李麗敏是地產經紀,早年賣出寶翠園套現,亦是妹妹負責。多年炒賣只失過一次手,蝕約三百萬,可謂炒樓高手。

婚前最後三級96年,與音樂人許愿結婚前,李麗珍以四百萬片酬作最後大膽演出。由王晶操刀,夥拍舒淇接拍三級片《玉蒲團之玉女心經》。往後她大幅減產,甚至處半退休狀態。

戀愛大過天

李麗珍一生奇情,由十七歲初戀開始,段段情史都非一般,話題性強過連續劇。

林利中五畢業後出道的李麗珍,初戀奉獻給狄波拉胞弟柏德烈,但只得兩年貨仔,原因是珍妹與小虎隊成員林利合作電影《瘋狂遊戲》撻着,但之後又翻撻舊愛。

潘源良20歲拍《戀愛季節》時介入導演潘源良婚姻,令對方婚變,當時男方更寫了首《最愛是誰》冧珍妹。多年來二人四度離合。

錢嘉樂拍電影《殭屍叔叔》搭上嘉樂仔,當時珍妹更指對方為「一生中最愛」。

祁文傑87年邂逅漫畫家祁文傑,二人感情快來快去,拍拖唔夠一年即撇。

雷有暉九四年公開與太極樂隊主音雷有暉拍拖,不久更宣布訂婚,但最終被許愿撬牆腳,一年玩完。

許愿因一次撞車意外而撻着,九六年,二人於加拿大閃婚,同年誕下女兒許倚榕,被指是「美女與野獸結合」。有傳○○年許愿破產,珍妹缺乏安全感而成離婚導火線。

Jacky Ma○四年正式離婚後,珍妹介入已婚髮型師馬桂燦(Jacky Ma)婚姻,事後馬太李靜婷出書大爆三人迷幻性史,轟動全城。

撰文、攝影、攝錄:娛樂組
飛甩 甩潘 潘源 源良 良冇 留戀 李麗珍 李麗 慳皮 皮陪 陪女 長住 加拿大 加拿
PermaLink: https://articles.zkiz.com/?id=326576

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019