中環巴打：乜係「人生教練」
1 :
GS(14)@2012-04-18 22:59:26http://www.sharpdaily.hk/article/sup/20120418/79658
中環又有火熱議題：乜嘢係「人生教練」？人生有教練嘅咩？對於無記嘅造假節目，阿飛除了想嘔之外，無言。不過，老實講，每個人都有「人生教練」，就是你阿爸同阿媽。但長大後跌跌撞撞，就只有磨煉那有教練。在人生中，每日出門，往右走往左走，都可能改變一生，變化和可能性無窮無盡，哪一個教練能夠告訴你正確的方向？拜托，請饒了我們，別再抽香港人水了！
香港男女比例目前係8.76對10，不過大學教社會學嘅老友同阿飛講，因為女多男少而造成嚴重社會問題，就算毫無解決辦法，估計亦係30年後嘅事。男女婚嫁問題根本就長期存在，無論是剩女又或敗犬，老友妙喻，佢哋只係城堡裏的公主，以為世界上只有兩種人：年輕的王子和公主。問題是她們只能計算低年級數學：公式是，城堡裏有多少公主，外面就應該有多少王子！
幸福幾時都應該係自己主動爭取，阿飛認識一個真正教練，佢教嘅係理財；教練話，做人最緊要係愛錫自己，先一步管理好為自己嘅現金流、健康、保險、居住安排同養老，剩與不剩一樣開心精采，而一個社會無剩男剩女又點撐起消費，唔信的話，可以留意已婚嘅人換電話多，還是未婚男女換得多。
電郵：
[email protected]
吳政飛
[跪求]高登巴打絲打
1 :
GS(14)@2012-07-19 22:12:29幫幫手在高登發個貼反對405交易啦，見link 即磅100GJ
2 :
idsdown(1658)@2012-07-19 22:14:25俾埋內容啦, copy & paste就搞掂
3 :
GS(14)@2012-07-19 22:26:28[realblog]http://realblog.zkiz.com/greatsoup/34988[/realblog]
內容
4 :
idsdown(1658)@2012-07-19 22:34:06高登係咪冧左?!
5 :
GS(14)@2012-07-19 22:39:02唔知
6 :
wilsonchui(9055)@2012-07-20 09:52:45叫 Intel (Louis)貼 lor 佢咁鐘意貼文
7 :
david395(4434)@2012-07-20 10:00:36http://forum8.hkgolden.com/view.aspx?type=FN&message=3848478
成功人士
8 :
GS(14)@2012-07-21 13:02:54http://forum8.hkgolden.com/view.aspx?type=FN&message=3848370'
我覆番呢個問題
呢個在3.5X已開始諗. 但無法.無買始終無買到. 同埋佢前後彈1X%那下吸盤係邊派真係耐人尋味. [sosad]
根據各項我所得的資料，其實好多是透過是散戶行買，所以大家齊心即可反對
羅鈞滿炒窩輪欠巨債 他會唔會求助RF巴打呢?
1 :
GS(14)@2013-07-23 00:10:56http://hk.apple.nextmedia.com/entertainment/art/20130721/18342285
羅鈞滿近日接受周刊訪問，他透露想4年內迎娶新聞小花張文采，組織幸福小家庭。羅鈞滿又表示在05年時，曾在歌唱比賽中奪冠，可惜沒有唱片公司對他垂青，於是他決定大學畢業後投身金融界，結果他因炒窩輪、期指等而欠債幾十萬，他表示當時不敢告知家人，而險些借大耳窿，最後到了絕境時，惟有向家人求助，而家人亦伸出援手為他還債。
2 :
GS(14)@2013-07-23 00:11:40http://hk.apple.nextmedia.com/entertainment/art/20130722/18343222
羅鈞滿於2009年參加無綫第23期藝員訓練班，畢業後簽約成為旗下藝人，
翌年即在台慶抽中一百萬獎金獎品，成為首位加入無綫後最短時間抽中大獎的藝人。作為三、四線藝人的羅鈞滿，曾參與不少劇集演出，最先令人留下印象的是在《點解阿Sir係阿Sir》的「囂屎」一角，之後他在劇集《天與地》飾演年輕版鼓佬，可算是暫時的代表作。不過，他最為人津津樂道的，相信是與新聞小花張文采（圖右）拍拖，在張文采與另一小花黃紫盈爭上位時，他更在微博留言力撐女友。
3 :
GS(14)@2013-07-23 00:12:25http://hk.apple.nextmedia.com/en ... t/20130722/18343218
無綫人氣節目《星夢傳奇》造就了高分王鄭俊弘人氣急升，帶挈他上位兼有不少搵真銀機會，陣中的羅鈞滿在前晚錄影一集比賽中，僅以一分之差輸給鄭俊弘，僅僅輸馬鼻！曾自爆欠債數十萬的羅鈞滿，揚言四年內迎娶新聞之花女友張文采，現正發憤爭取成另一高分王儲老婆本。至於處女參賽的王君馨則借來六萬元靚衫，輕鬆將騎呢古裝look的何傲兒踢出局。
無綫《星夢傳奇》前晚錄影第四集，賽事搞搞新意思，參賽藝員邀請一位朋友做拍檔，以合唱形式進行比賽，今集有王君馨、「鬼妹」陳明恩加入組成一隊合唱《Amazing Grace》，而連續三集最高分的鄭俊弘，搵來「豹哥」單立文合唱披頭四的《If I Fell》，在比賽中一直表現平穩的羅鈞滿，則與《天與地》兄弟楊潮凱合唱草蜢的《我們都是這樣失戀的》，何傲兒則請來敖嘉年合唱林子祥、葉蒨文的《選擇》。
本已是高分王的鄭俊弘，再請來前輩歌手豹哥單立文助陣，贏面即時大增，惟最後只以一分之微僅贏羅鈞滿，而且羅鈞滿在評判的評分中，比鄭俊弘還高，二人可謂叮噹馬頭！前晚鄭俊弘拍住豹哥唱慢板英文歌，有別前幾集激情表演，但效果未算理想，分別獲評判的83分及觀眾88分，合共171分，而羅鈞滿與楊潮凱合唱草蜢的《我們都是這樣失戀的》則獲評判86分、觀眾84分，合共170分，鄭俊弘僅以一分之差贏羅鈞滿，繼續成為最高分參賽者。不過回顧第一集，羅鈞滿只獲評判81分，鄭俊弘則有88分，在羅鈞滿發憤急起直追下，二人距離已收窄。
羅以鄭為目標
羅鈞滿昨日接受訪問時坦言，為女友張文采努力向上，他說：「一定以鄭俊弘為目標啦！我總分仲係低過佢！」二人之間雖有競爭性，但羅鈞滿強調不會影響兄弟情，且看到鄭俊弘有今日成績，也戥對方開心，是否也想如鄭俊弘般有更多工作、搵錢機會？羅鈞滿說：「其實我已經好好彩，入無綫後拍咗好幾部劇。」至於他年前炒窩輪、期指欠下數十萬元債，羅鈞滿未有正面回答是否已還清：「而家OK嘅，多得屋企人幫手，又中過啲台慶獎幫補吓，總之而家有畀家用啦！」
提到曾揚言四年後迎娶女友張文采，已跟女友有共識的羅鈞滿即嚴肅地說：「我今年29歲，所以希望四、五年內可以結婚，我仲係七線咋！」曾經投資損手的羅鈞滿承認正努力儲老婆本，且不會再作高風險投資及賭博，只作穩陣長線投資。
至於獲豹哥相助的鄭俊弘坦言，很感激對方百忙中抽空幫手，還一起捱眼瞓練歌，問到連續三集得最高分可感壓力？鄭俊弘說：「我唔諗分數，只想用歌聲打動觀眾。」力撐鄭俊弘的豹哥被取笑高手出場時說：「音樂冇分高低，係交流，鄭俊弘唱得偏向真誠，如太假發揮唔到，真誠唱觀眾會感受到。」豹哥表示曾找過鄭俊弘唱demo歌，讚他唱腔似鄭中基，除豹哥外，被out的梁烈唯也專程到場為鄭俊弘打氣。
採訪：何慧斯
攝影：陳俊強
五載經典財技會巴打之上集 高仁
1 :
GS(14)@2015-02-16 10:42:132015-02-09 HJ
......
講開又講，高仁在《信報》「開壇作法」（專欄撰文）亦正式踏入第五周年，為了報答各位「巴打」與「絲打」多年來鼎力支持，遂決定重溫五載以來部分經典財技以會「巴打」。
我係高仁，《財圈識真假》專欄作家，我先用中文再用英文講，I will now recap in English……講笑！現在各位「巴打」與「絲打」一起來重溫首5個經典財技個案：
一、破解抽水大王「削合」法
提到抽水大王一詞，永義系大股東官永義「認了」第二，相信不會有人敢認第一。
永義實業（00616）於1991年上市之後20年，供股次數有7 次之多，2003 年8 月二供一、2004 年1月一供五、2005 年7 月一供十、2007 年12 月二供一、2008年12月一供十、2009年10月一供四、2011年2月二供一（應該無抄漏！）。
在供股的背後，永義實業下了不少「工夫」，包括進行資本削減、股份合併、股份拆細等，早為抽水鋪設了「康莊大道」。
高仁按： 不用多說，集團之後繼續「長供長有」，2012年8月二供一、2012年10月一供五、2013年4月一供三、2013年10月一供5、2014年9月一供八，最新建議是股份20合1後，再1供20。
但如果抽水大王未來再供股的話，高仁不擔保不會抄漏囉！
二、揭「唉賓架」搵客秘招
在整個上市的「水」過程中，IPO公司、「芬佬」（基金公司）與i-bank 存在一個「曖昧」的關係，IPO公司會被視作為「產品」出售，「芬佬」是「產品」的「收買佬」，而i-bank就是「產品」的「大sales」。
在這微妙的三角戀之中，出現「一高兩低」的情況；上市公司老闆的「彈藥」（股票）有限，當然希望「吊高」來賣；「芬佬」心態是又想買得「平」，又想升到「聲」；i-bank永遠顧客是對的，除非單刁「好鬼正」，否則（股票產品）定價一定平。
高仁按： 隨近年民企爆煲案例不斷增加，watchdog又睇得緊，這個年頭的i-bank將會似Sherlock Holmes（福爾摩斯）多於「大sales」。
三、拆解李寧抽水Style
李寧（02331）聲稱，公開發售CS（ConvertibleSecurities，可換股證券）為股東提供公平方式參與集團未來發展，並且可獲得按比例維持股權的機會，故此符合集團及股東的整體利益。
但是，高仁以打麻雀來形容的話是，對家十三么叫糊，高仁跟要打牌，真是「唔敢打九筒」（不敢苟同）。公開發售既無「威士」trade，CS 又無公開市場買賣套現，兌換成為正股程序又麻煩，實屬本港股壇罕見例子，可以稱之為李寧抽水style。
高仁按：各位「巴打」，體操王子變財技高手，勁不勁？
四、解構老總妻子愛作戰
戴孤劃：我知道老婆只不過係託管角色。但點解要揀送畀老婆？揀送畀仔女唔得咩？
李至成：你諗…… 如果你將上市公司股權送畀你老豆做託管，萬一佢出面有小三甚至係小四幫佢生一堆仔女出，當呢班小三、小四同「哎」兄弟姊妹知道你老豆有錢，仲唔撲出同你分身家咩，咁你就有排煩。
戴孤劃：咁送畀阿仔呢？
李至成：大陸富二代通常外國留學，個個掛住跑車四圍溝女，無心向學居多，你話放唔放心得落？
高仁按：從上述「豬朋狗友」對話可以解釋到，老總饋贈股權給老婆或女兒，可能是相對較為安全的做法。
各位「巴打」現在應該知道，為何民企老總即使有多少個小三及小四，都對老婆不離不棄的真正原因吧。
五、SCA維達「聯婚」好處
高仁早已指出，SCA在維達國際（03331）上市前入股並一直長不放，繼而再向大股東以溢價收購舊股增持權益，均反映SCA對維達的「一往情深」，可能會有「驚喜」（動作跟尾），不排除日後會有控股權轉讓、注資等行動。
高仁按：一年多後，SCA果然有「動作跟尾」，向維達提出全購建議，導致控股權出現變動。
由此可見，風水佬呃你十年八年，高仁就絕對唔會呃各位「巴打」！ （上）
本欄逢周一刊出
五載經典財技會巴打之下集 高仁
1 :
GS(14)@2015-02-16 10:47:40[table=100%]
[td=3,1][table=100%]
| 2015-02-16 HJ |
|
|
[td=3,1]
....
六、揭「唉賓架」搵客秘技
在某一次BMW（Blow Much Water）飯局中，「唉賓架」施展了箇中的搵客「必殺技」，「佳市長」的小孩子「小佳」過五關斬六將，由芸芸申請人中脫穎而出，奪得「毛巾」的赴美獎學基金。
四年後，「小佳」大學畢業，心仍是「fifteensixteen」（十五十六），尚未決定是申請投行還是Boston Consulting Group（BCG）較好，但「毛巾」的HR Director 向「小佳」招手說，「小佳」既然獲得獎學金，倒不如繼續在「毛巾」返工。
上任後，「小佳」的第一個客戶就是他的父親「佳市長」…….。
高仁按：本文「出街」一、兩年後，摩通就發生了類似的案例，足以證明高仁絕非BMW。據了解，自從該事件被廣泛報道之後，現時大行的compliance已變得非常嚴謹。
七、解構紅股「寒冰綿掌」
高仁曾經提醒各位「巴打」，對於上市公司派送紅股，切勿掉以輕心，尤其是大比例派送情況之下，因為在除權至紅股上板期間，股份猶如被「寒冰綿掌」擊中一般，大部分「血脈」（市值）會被凝結（凍結）成冰，股價容易被人舞高弄低，損害到小股東利益。
講到大比例送紅股，志高控股（00449）簡直是「賣大包」，2010年底曾經以1送9的「超大」比例，向股東派送紅股，使到股份市值90%被「凍結」，其「寒冰綿掌」功力果然深厚。
高仁按：回看股價圖，志高股份除權後，股價即被舞高弄低，初期是大幅挾上，後期則是急速回落，直至紅股「出廠」，股價才回復平靜。
八、股票CB當雞汁 埋單找數
高仁發現，乜都落雞汁的風氣已悄悄入侵股壇，上市公司不論是償還貸款，抑或是支付專業費用的酬金，均可以利用股票與CB（可換股債券）埋單找數，令到股票與CB淪為雞汁。
在資本市場上，有一些「打工仔」（公司）向上市公司提供貸款及專業服務，「打工仔」出力最理想報酬當然是「茄殊」（cash），奈何「惡搵食」（上市公司可能欠缺「茄殊」）要收取「雞汁」（股票與CB）頂替。
高仁按：最近，有一家中資投行協助上市公司做placing，竟然割價「大平賣」只收區區10萬元，隨時燈油火蠟都蝕埋，倒不如收取「雞汁」就算了！
九、「光頭神探」再施必殺技
在基金界之中，有「光頭神探」、「光頭佬」、「光頭博士」等稱號的麥樸思，絕對是足智多謀的「芬man」（Fund Manager），鄧普頓基金（Templeton）入股天溢控股（00756）「再度」施展必殺技。
2014年2月底，天溢與鄧普頓新興市場基金訂立認購協議，對方同意斥資1.16 億元，即每股作價1.12元折讓8.2%，認購約1.04億股公司股份，入股天溢7.77%權益。
原來，公司執行董事、主席兼大股東辛克與鄧普頓於同日簽訂了承諾契據，設定了三個不同的認購股份收益率，保證鄧普頓達到「穩賺不賠」的效果。
高仁按： 雖然距離「埋單」計數還有兩年多時間，但以現時集團股價僅介乎0.7至0.8元來看，大股東很可能需要按1.7元減去售價補回差額，即是鄧普頓將錄得15%的IRR（內部收益率）。
十、大股東押股借錢蠱惑招
程更計：第一個方法係用人頭股票去抵押借錢，而由大股東作為借款擔保人，借款輾轉畀返大股東用，咁大股東咪唔使披露囉。
戴孤劃：大股東無端端幫人做擔保，點解釋先？
程更計：你可以話，人頭買你公司股票，之後等錢使又唔想賣出，咁你咪幫手做個人擔保。戴孤劃：呢條好橋喎。
高仁按：自從上文「出街」將押股借錢蠱惑招曝光後，據聞上市公司大股東好似已不敢再以上述原因作為抗辯理由。
（五載經典財技會巴打之下集）本欄逢周一刊出
歡迎交流上市公司的財技個案及招數，請電郵至[email protected]。
高仁
加國預婚巴打找數鄭敬基：我一毫子冇出過！
1 :
GS(14)@2016-04-15 04:29:392016-04-14 NM
53歲，又離過婚的鄭敬基，下月再做老襯，娶細19年的地產女友Angie。自嘲「又老又冇錢」的他，難得老婆仔唔mind，更為老公慳一蚊得一蚊親手製作囍帖。老婆抵錫，鄭敬基傾盡友情力量，上週同準新娘及雙方親友，在加拿大舉行一個百分百韓式pre-wedding trip，讓女友化身韓劇女角。有個以他為重的老婆，仲有班戥他開心，包起成個pre-wedding使費的好兄弟，鄭敬基在party內對另一半情深表白：「你知我包袱有幾大，但你都可以接受。」兩口子感動到攬到實，半百鄭敬基難得有情人。嘉樂仔做伴郎
鄭敬基半生吊兒郎當，廿年前更因偷食導致離婚。由多倫多回流香港後，亦不停換畫，女友名單不乏圈中人，包括鄧萃雯、鄺文珣。人生下半場，與三十四歲做地產的女友Angie拍拖半年決定拉埋，女友條件好又體貼，但令鄭敬基決定再娶，是對方冇嫌棄年紀大又冇錢。「本來打算唔擺酒，未婚妻仲話：『我喺教會派餅宣布消息就得。』我更加要逼自己唔可以返轉頭，要對佢一條心，就要公告天下。」鄭敬基說。好日子是下月七日，一對新人上午先在北角國際神召會堂區行禮簽字，晚上設宴十圍招待至親摯友，伴郎「南山三虎」錢嘉樂走唔甩，他一對廿多歲仔女亦會做戥 穿石。冇錢唔緊要，鄭敬基肯花心思，一樣氹到另一半冧爆。上個禮拜，鄭敬基偕未婚妻飛加拿大，出席佈道會同教友分享，實情是搞pre-wedding party氹老婆。
抄足《浪漫滿屋》
Party於香港時間四月八日晚在多倫多一酒店舉行，出席者包括雙方親友，及鄭敬基當地的「巴打」。鄭敬基吹雞搞party，但他竟然一毫子冇俾過，一班朋友負責全部使費兼安排行程，更刻意安排準新娘一嘗做韓劇女角滋味，令也是韓迷的Angie冧晒。從party場內的片段可見，現場氣氛有如韓劇《浪漫滿屋》一樣浪漫；雖然只是預婚派對，但一對新人進場、上台合巹交杯、互餵蛋糕、祝酒等等，過程跟正式婚宴 無異。
讚老婆完美
席上，準鄭太公開多謝出錢出力的賓客。「多謝你哋經常咁幫佢，尤其喺佢孤單時候陪佢飲咖啡，飲到佢咁醒（全場爆笑）。」讚醒目未夠，Angie更當眾表白：「你唔需要成功，唔需要完美，你已經對我好重要，因為你係神為我預備嘅 伴侶。」之後鄭敬基攬住老婆跳舞唱《酒杯敲鋼琴》，又一邊對住老婆唱《為你鍾情》，一邊講：「佢對我真係好包容，佢知我包袱有幾大，但佢全數接受，想話俾大家知，你（老婆）真係接近完美。」二人隨即攬住喊晒。
一毫子冇俾
鄭敬基接受本刊長途電話訪問時說：「我哋喺呢邊仲影多咗輯新嘅結婚相，影相嗰日得零下六度落緊雪，好凍但好靚。攝影師想有韓劇feel，就算漫天風雪，都有我撐起另一半，要佢幸福，感覺真係好正。呢個trip我哋仲坐直升機環島、去睇NBA同影呢輯相，仲有成個pre-wedding晚宴啲費用，我真係一分一毫冇出過，全部係朋友嘅心意。」鄭敬基自認「冇樓冇車」，下月的婚禮亦慳得就慳，但因為朋友多，禮服、婚紗、首飾通通有贊助，而囍帖則是未婚妻親手製作，自己黐黐貼貼，賢內助。
專食花旦
鄭敬基唔高大亦唔靚仔，但識氹人，更是「花旦殺手」。
撰文、攝影、攝錄：娛樂組
財金「巴打」潮流袋巾由我創 高仁
1 :
GS(14)@2016-07-05 02:04:402016-06-27 HJ
戴Sir「投訴」高仁把「豬朋狗友」飯局內容「搬上枱」，坦白說，在報章上以飯局對話形式探討財技，而又讓各位「巴打」輕輕鬆鬆「有嘢」（財技知識）落袋，高仁可能是財經界的第一人，戴Sir最終都「給力」支持。
各位「巴打」是否記得高仁講過，投行對「唉賓」的Look或禮儀相當講究，甚至有專門教授選購及穿着西裝的課程（詳見今年1月初〈「唉賓」穿西裝的大學問〉文章）。高仁決定再encore，撰寫「財金『巴打』衣着」系列文章。
「高仁指點」話你知，「唉女」可以靠高跟鞋及手袋提高貴氣，而「唉賓」則可透過袋巾提升氣派及品味。高仁最愛的是一字平摺法的袋巾，主要是貪其簡單且大體，並帶領財金「巴打」用袋巾的潮流。
在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
程更計──本地證券行經紀兼財務顧問，除了招呼散戶之外，亦向上市公司出謀獻計。
尊重客戶場合
戴孤劃：高仁，你真係厲害！自從你用咗一字平袋巾之後，就好似帶起咗一股潮流咁，其他財金「巴打」都爭相仿效喎。
高 仁：哈哈！以往財金「巴打」衣着嘅靈魂係領呔， 但我覺得用袋巾有畫龍點睛嘅功效，可以把一套西裝由平凡變得不平凡。有時候，我用袋巾係唔想打領呔，因為怕熱兼且食飯時又麻煩。財金「巴打」跟風用袋巾，就可免卻在大熱天時打領呔嘅痛苦。
戴孤劃：係啦，近排天氣真係愈嚟愈熱，我見到有啲財金「巴打」索性除咗條領呔，先至落街去食lunch。
高 仁：咁要視乎不同場合而定嘞！如果我唔打領呔嘅話，就會為西裝加上點綴，通常就用一字平袋巾，主要係要體現對客戶同場合嘅尊重之餘，仲可以進一步「升呢」，一舉數得。
程更計：乜袋巾唔係淨係得三角形咩！？
戴孤劃：你真係見識少，袋巾又點止三角形一款咁簡單！
高 仁：其實，三角形袋巾係叫做角錐摺法，佢係將方形袋巾對角摺成正三角，之後左右兩角再向內摺，再塞內西裝袋口，就會露出三角嘅造型【圖1】。
角錐摺法簡潔霸氣
程更計：呢種摺法，我經常喺社交活動或婚禮場合見到，望落去簡潔得嚟又有啲霸氣。
戴孤劃：高仁，你通常用嘅一字平袋巾，感覺上相當乾淨利落，究竟係點樣摺出嚟呢？
高 仁：哦！其實，一字平摺法好簡單，首選揀白色袋巾。方形袋巾對摺之後，再向上摺三分一， 塞入西裝袋口露出1 cm【圖2】，個look就最perfect，簡直係型到冇朋友。
程更計：咁聽落呢兩款袋巾摺法都好簡單喎！
戴孤劃：嘩！阿程嫌簡單，高仁介紹幾款難嘅畀佢！
高 仁：冇問題。等我食番隻燒鵝左髀，飲啖普洱茶休息一下先。但再講之前，提提各位財金「巴打」，有一樣嘢要切記嘅係，除非場合係異常隆重，否則用袋巾加領呔就會over咗。（飯局未完，下周待續。）
財金「巴打」衣着系列文章之一
本欄逢周一刊出。
歡迎交流上市公司的財技個案及招數，請電郵至
[email protected]。
?
#高仁 #財經拆局 #財圈識真假 - 財金「巴打」潮流袋巾由我創
「巴打」西裝配袋巾大學問
1 :
GS(14)@2016-07-05 02:05:002016-07-04 HJ
上文提要：「唉女」可以靠高跟鞋及手袋提高貴氣，而「唉賓」則可透過袋巾提升氣派及品味。高仁最愛的是一字平摺法的袋巾，主要是貪其簡單且大體，並帶領財金「巴打」用袋巾的潮流。
「高仁指點」話你知，各位「巴打」不要小看細細塊的袋巾，袋巾摺法千變萬化，除了角錐及一字平之外，還有兩角、三角、泡芙，到花捲式的摺法，其創造的不同造型效果，與西裝配搭絕對是一門大學問。
在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
程更計──本地證券行經紀兼財務顧問，除了招呼散戶之外，亦向上市公司出謀獻計。
兩角三角層次感強
程更計：燒鵝左脾食完，普洱茶又飲完，高仁可以繼續講未呀？
高 仁：OK！No problem！以下落嚟要講嘅兩角摺法同三角摺法，兩種都係稍為複雜嘅摺法，但就會畀人一種好強層次嘅感覺，分別散發出一股時尚優雅氣質同華麗嚴謹風格，最適合喺正式場合作為配搭。
戴孤劃：咦！呢兩款睇嚟啱我喎，高仁快啲講畀我聽點樣摺。
高 仁：顧名思義，兩角摺法係利用交錯三角形去形成兩個峰嘅層次，左右兩角再向中間內面摺埋，再放入西裝袋口【圖1】；三角摺法就喺交錯三角形形成兩個峰嘅基礎上，再把左邊嘅巾向右上面摺，右面嘅巾就直接向內面摺埋，放入袋口就會形成3個峰的層次【圖2】。
程更計：Mmm……呢兩款真係有啲難度，仲有冇其他款式可以介紹番？
高 仁：OK，冇問題。泡芙摺法係最隨意嘅摺法，只要捏住袋巾嘅中心點，垂低四隻角放入袋口，咁就搞掂【圖3】。
程更計：Good！呢個快、靚、正，啱晒我呀！
高 仁：最後一種花捲式嘅摺法係，一隻手捏住袋巾嘅中心點，另一隻手就握捲去營造花瓣嘅層法，放落袋口真係成朵花咁【圖4】。
戴孤劃：淨係諗到都覺得靚。
高 仁：最後，要再提提各位「巴打」一句，袋巾同手巾係兩件完全唔同嘅嘢嚟，大家千祈唔好攞袋巾用嚟抹汗，否則「唉賓」嘅高貴、時尚、優雅、尊貴、霸氣、專業形象會乜都冇晒。
程更計：Mmm……唔經唔覺，高仁原來已經教咗我哋6種袋巾嘅摺法，包括角錐、一字平、兩角、三角、泡芙同花捲式。
戴孤劃：我相信高仁除咗係第一個喺《信報》寫拆局文章超過6年嘅專欄作家之外，仲係第一個喺《信報》教人用袋巾裝身嘅「唉賓」。
高 仁：各位「巴打」賞面啫！
程更計：財金「巴打」用袋巾果然係型英帥靚正，等我都去買返幾條袋巾裝下身先。
財金「巴打」衣着系列文章之二
本欄逢周一刊出。
歡迎交流上市公司的財技個案及招數，請電郵至
[email protected]。
?
#高仁 #財經拆局 #財圈識真假 - 「巴打」西裝配袋巾大學問
【巴打現真身】受星爺啟發創on9協會 打正旗號宣揚戇居文化
1 :
GS(14)@2016-12-28 08:12:58二人均認為香港是on9的完美演繹。
數月前，「香港on9協會」在臉書成立，分享搞笑、無厘頭的圖片和短片，聽個名都知戇居。所謂「on9」即廣東話「戇鳩」（下稱：on9），兩位分別是80後和90後的搞手Kimochi和 Man，甫見面我問佢，呢個係咪得兩個會員的「協會」，on9的他們咁答：「兩個人好像很弱，所以我會答背後其實有13億人。」
源自星爺 on9的完美演繹
創立這個專頁究竟有何目的？Kimochi解釋:「我們覺得on9是香港獨有的，在內地或外國都沒有類似的字眼，都挺代表到香港本土文化的象徵。」我個表情話俾佢知「很on9」，Kimochi反駁：「這位小姐不要太學術去探討(記按：我冇講嘢！)，其實我們是講求精神上、意識流層面。以前責罵別人『你戇居戇鳩鳩』時語氣是重的。但現在話別人on9反而是笑着說，感覺輕點正面點。」」哎，九唔搭八，佢哋變成咁，都係受周星馳影嚮：「我們由細睇周星馳戲大。其實on9和香港無厘頭文化很相似，但現在說『無厘頭』不夠鏗鏘有力。」專頁的宗旨，Kimochi：「在facebook按一下便開到專頁，我們不是內容農場出帖呃like、做生意，純粹有兩個人，不是，是一班成員，擁抱這個價值和傳揚這個信念。而這次我們戴面具不是因為不能見人，是因為不想把on9定位。我相信每個香港人有on9的一面。」Man在旁忍不住鼓掌：「說得真好，看來你on9得來都有預備。」
惡搞感被打壓 只想認真地on9
不過，看似無聊專頁，但成立不足一星期，因為標誌設計與某媒體相似而收到律師信警告。Kimochi笑說：「不知為甚麼，也許是我們有內鬼。」兩人對視大笑，連記者也忍不住說一句：「你倆人可否不要那麼on9？」笑完，Kimochi終於帶點認真地說：「現在的創作是分兩個層面的，有由零到一，好像臉書由無變有。而現在社會上的創作多是由一到二，是參考。其實不只標誌，整個專頁方向都是找有趣的素材加入自己的元素。出無聊的帖，都只是希望博到網民一笑，香港人可以鬆一鬆，就這麼簡單。」兩個字，二創、惡搞，完。Man從旁解釋：「他們作為大媒體，卻出律師信給我們，其實我覺得有少許打壓二次創作。但某程度上都幫了我們，因為這件事我們由200like增至5千like，反而建立到一群粉絲群。其實有些網民投稿，你看得出是認真地搞笑，而我們正正想認真地做一件事，認真地on9。」
雄圖偉業推廣on9文化
協會其實構思了許多雄圖偉業推廣on9文化，如用了一晚時間即興改詞和參考網民，出了一系列改詞圖，例如把皆大歡喜的副歌換成一句「唏呀唏呀唏丫希拉莉，團結一心有新轉機」，又或是「無言的Trump Trump Trump Trump襲我心」。嘩，有聲的。又計劃用Minions做吉祥物：「因為他們個樣實在太on9。」可惜拿不到版權，又想在西洋菜南街搞一起大叫『你好on9』或猜on9枚大典，現正考慮申請成為一個正式組織，但有技術上問題：「就是要三個人才能登記。」
有興趣的朋友，不妨聯絡一下他們。
難得兩位巴打現真身，記者預備了幾條問題，讓他們選出on9的代表：覺得香港最on9的人是？
Kimochi：我選游蕙禎，因為我相信她夠大方不會嬲。我相信她欣賞on9協會，而且她應該加入我們，你們明白的吧。
Man：某補習老師在網上發表有學生撐自己，豈料原來是自己和自己的對話，簡直是本年度十二月之星。還有李偲嫣，我不是指她一個人，而是那群盲撐的人。在應該明辨是非的時候，他們只是口號式支持。覺得香港最on9的地方是？
Kimochi：金紫荊廣場。香港的區花是洋紫荊，但這個是金紫荊，完全不關事。而且它外樣有點像女性下體，太嘔心。
Man：一樣，見到很多旅客來拍，但來過都不知道有甚麼值得拍。好像去星加玻不知道為何要跟魚尾獅拍照一樣。覺得香港最on9的事？
Kimochi：就是你們訪問我們，哈哈。(記者無言。)其次是香港完全是on9的完美演繹，社會民生行政政治打工仔演藝文化教育公共政策全都是on9。
Man：不能避雨的避雨亭、爛地招呼外國球隊、用過千億興建高鐵。又例如香港不少小學都用普通話教學，我不明白為何自己人都不保護地方語言，都是on9的。你覺得自己on9嗎？
Kimochi：如果有人說我們無聊，批評我們，我們不會平反，正如說我們靚仔不會平反一樣。
Man：我們的信念是，不論怎樣打扮，外表嚴肅或衣着華麗，但每個人的內心都像minions一樣有on9的一面，是裝扮不到，是潛藏在每個人的內心裏。記者：鍾藹寧攝影：林栢鈞不過無可否認，其實是有少少受周星馳啟發的。」由細睇星爺電影到大的他們，Kimochi回答最深刻的星爺金句是：「周星馳《少林足球》裏一句對白，大概是『我們一定要努力！努力！千萬不可以輕敵！輕敵！」Man忍不住問：「但這個好笑嗎？你確定讀者想知？Kimochi反駁：「不好笑嗎？我覺得很on9，所以很喜歡。」難怪你能做到on9協會會長。
二人解釋帶面具是不想把on9定位。
二人拿着改詞的歌詞牌高歌，盡顯on9一面。
圖為二人即興改詞的句子。（受訪者提供）
圖為二人即興改詞的句子。（受訪者提供）
Man相信不論怎樣打扮，外表嚴肅或衣着華麗，但每個人的內心都像minions一樣有on9的一面。
來源:
http://hk.apple.nextmedia.com/su ... t/20161228/19878596
【膽小鬼慎入！】處女鬼專搞男人 韓國巴打6招K.O.
1 :
GS(14)@2016-12-31 10:18:08《鬼怪》第七集講孔劉陪金高恩去睇戲，搞笑在睇返自己演嘅《屍殺列車》驚到死。（《鬼怪》截圖）
【三個粉絲追韓劇】韓劇迷集集追《鬼怪》，第七集講孔劉陪金高恩去睇戲，超搞笑地睇返自己演嘅《屍殺列車》驚到死，相反金高恩由細到大都見慣鬼，驚都未驚過！講到見到鬼，原來韓國人特別驚幾種鬼！
相反金高恩由細到大都見慣鬼，驚都未驚過！（《鬼怪》截圖）
喺金高恩見到嘅鬼之中，唔知有冇韓國人最驚嘅處女鬼呢？（《鬼怪》截圖）
處女鬼喺韓國人心目中嘅形象係長頭髮，着白色裙兼成身血。
三個粉絲喺韓國街頭做訪問，大部份受訪者都話最驚「處女鬼」！處女鬼喺韓國人心目中係長頭髮，着白色長裙兼成身血，韓女Lee Si Yeon話，「因為處女鬼未嫁人就死咗，怨氣特別重！」亦有傳聞話，韓國古代因為重男輕女，唔會為未婚女仔做喪事，所以處女鬼就好嬲，怨氣特別重，會妒忌差唔多年紀嘅女仔同專搞男人。
韓女Lee Si Yeon話處女鬼因為未嫁就死，怨氣好重。
Shin Hee Young話最驚係Red Mask。
韓男Lee Dong Uk話最驚九尾狐。
除咗驚嚇度No.1嘅處女鬼，仲有無臉鬼、Red Mask、九尾狐同水鬼都喺韓國好出名。如果撞到Red Mask就死梗，呢隻鬼戴住染血口罩，口罩下佢個嘴係裂開o架！傳聞話佢見到人，就會除口罩問：「我靚唔靚呀？」如果你答：「唔靚」佢就割開你個嘴，變成佢咁樣；如果答：「靚」，佢就會話你講大話，割你喉嚨！至於九尾狐同水鬼，香港人應該比較熟識，都係傳聞話九尾狐要搵凡人結婚，之後食人類嘅肝臟，水鬼因為浸死要搵游水嘅人做替身。
Kim Ji Sun話最驚水鬼。
劇中有隻女鬼想搞劉仁娜，咁啱佢爆粗。（《鬼怪》截圖）
韓國人都認為爆粗係可以嚇窒啲鬼。
《鬼怪》劇中，有隻女鬼想搞劉仁娜，咁啱劉仁娜爆粗嚇窒返隻鬼。有韓國人話如果咁黑仔撞鬼，講粗口都係一個好方法，韓男Lee Dong Uk就話梗係第一時間走人！韓國有網上漫畫畫咗六種方法，畀各位巴打專門對付處女鬼，究竟係乜嘢妙法？即刻去片！
韓國巴打仲有六招對付處女鬼，想知即刻睇片！（網上圖片）
Ruby話聽韓國人講，做娛樂圈撞鬼先會旺，會發達。
撞鬼驚到震，不過viu韓劇導賞員Ruby就話，聽過韓國人講做娛樂圈唔怕撞鬼。佢舉例話，「男團B1A4有隻歌叫《없구나(Lonely)》，隊長振永有一晚喺錄音室寫歌，不停聽到有人嗌成員Baro嘅真名。」Ruby話《Lonely》呢首歌當時爆紅，雖然唔知同撞鬼有冇關係，不過有韓國人話做娛樂圈見到鬼，先會旺同發達！主持：動主播阿仙、viu韓劇導賞員Ruby記者及繙譯：卓惠媛(Joyce)攝影：陳家文、李錦鏵《鬼怪》片段由Viu提供：
https://goo.gl/nVkiGe【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161231/19882335
Next Page