財金「巴打」衣着升呢之術 高仁
1 :
GS(14)@2017-02-12 00:12:322016-02-06 HJ
戴Sir在早前「豬朋狗友」飯局中替高仁戴高帽，高仁不但是第一個在《信報》寫拆局文章第7年的專欄作家，還是第一個在《信報》教人用袋巾裝身的「唉賓」。
「高仁指點」話你知，這個「財金『巴打』衣着」系列文章，道出選購及穿着西裝、千變萬化的袋巾摺法，以及手錶與袖扣的飾物寶貝之後，本文將會教授財金「巴打」衣着「升呢」（升level）技巧，講解恤衫與領呔的配搭。在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
程更計──本地證券行經紀兼財務顧問，除了招呼散戶之外，亦向上市公司出謀獻計。
程更計：高仁，除咗西裝、袋巾、手錶與袖扣之外，「唉賓」喺衣着方面，仲有邊方面要注意呢？
戴孤劃：（普通話，高仁註：戴Sir又在賣廣告）「鐵哥」！看一看你的襯衫（即恤衫）和領帶（即領呔）吧！
高 仁：冇錯，恤衫係「唉賓」最基本嘅衣着之一，但就好少留意到恤衫嘅領型可以同自己臉型配搭，如果揀得啱嘅話，可能會有修飾線條嘅效果。
程更計：咁神奇！？咁快啲講啦！
高 仁：冇問題。恤衫領型可以分為3種常見類型，第一類係最常見嘅標準領【圖1】，唔會太闊或太窄，配搭任何西裝都咁得體，屬於標準嘅百搭款，適合任何臉型嘅人士穿着。
戴孤劃：高仁，你睇阿程個樣臉尖尖咁，有邊一款領型會啱佢呢？
高 仁：第二類嘅寬角領【圖2】啦！呢一種嘅領尖角度超過90度，臉型尖尖嘅人望落去好似被拉闊咗，如果配合埋寬闊同雙結打法嘅領呔，望起上嚟就夠晒氣派。
程更計：（偷笑中）高仁，如果好似戴Sir咁面圓圓嘅，又有邊一款領型會啱佢呢？
高 仁：第三類嘅釦襯型【圖3】啦！呢一種款式望落去可以有圓臉拉長嘅效果，最適合係配上單結打法嘅領呔。但各位「巴打」要留意，無論有冇打領呔，果兩粒釦都要扣起上嚟。
程更計：講完3類恤衫領型，之後再講乜嘢呢？
高 仁：你哋覺得同恤衫做配襯嘅話，最好「兄弟」會係邊個？
戴孤劃：高仁都講到口乾嘞，不如等佢飲啖茶、食個包，之後先再講啦。
（飯局未完，下周待續）上集
本欄逢周一刊出
歡迎交流上市公司的財技個案及招數，請電郵至
[email protected]。
高仁逢星期一刊出的專欄「財圈識真假」，及作者楊書健（約兩星期刊出一篇），請在稿尾加上下列的字句。謝謝！
(編者按：高仁著作《高仁財技--投資自由行》現已發售)
歡迎訂購：實體書
#高仁 #財經拆局 #財圈識真假 - 財金「巴打」衣着升呢之術
女尊男卑 被巴打勸放手陳炳銓戀李佳芯「對自己有信心」
1 :
GS(14)@2017-04-22 10:43:41■陳炳銓於加拿大大學修讀舞台劇製作，獲ViuTV賞識讓他炮製兩部新劇。
無綫上位花旦李佳芯與ViuTV藝人陳炳銓，去年初被周刊拍得於赤柱街頭拍拖咀嘴，令戀情正式浮面，陳炳銓隨即被指是奀星、被女友包養，矛頭全衝着36歲的陳炳銓而來。
■網民視李佳芯為女神，因而對其男友陳炳銓極反感。資料圖片
■李佳芯去年1月被拍到與ViuTV主持陳炳銓街頭咀嘴，令戀情曝光。資料圖片
■李佳芯於15年與朋友行山時認識陳炳銓，並擦出愛火花。資料圖片
「我哋幾健康」
日前陳炳銓在九龍城的教育中心接受本報專訪，面對種種報道，他輕鬆笑說：「首先對自己嘅信心一定要有，都唔能夠控制人哋點講，解釋都解釋唔嚟，反而係用實際行動，嚟緊有好多計劃，之前可能做好多幕後嘢冇人知。」面對種種是非，陳炳銓坦言起初感到不習慣，但隨着時間消化，明白到只是傳媒工作。李佳芯被網民封為女神，不少巴打都叫陳炳銓放手，陳炳銓笑言未有留意，但估計偏激留言外，應該也會有支持聲音。大大小小風雨會否影響兩人關係？陳炳銓滿有信心說：「我哋都幾健康嘅。」他強調兩人關係一向都處於低調，只是被影到時又沒有躲避，他說：「正常人，一切都自然去做，都係好正常行街食飯。」儘管身邊朋友為他被踩似軟飯王感不值，但陳炳銓明白做幕前便要承受，毋須計較內容真偽。
受公司賞識
從Now TV到ViuTV，陳炳銓於電視圈七年多，最初擔任旅遊及運動節目主持，至近年他受公司賞識發展幕後工作，繼監製《呃Like旅行團》等節目外，最近他成功向公司自薦開拍黑色幽默怪誕劇《賤民二十堂課》和警匪劇《PLAN B》，擔任統籌和演員，陳炳銓希望新劇給予觀眾新感覺，自己未來能當一位成功創作人、導演兼演員。採訪：馬建華攝影：仇志德
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170421/19996084