📖 ZKIZ Archives

為咗抗衡七一回歸大遊行，政府真係花心神，搞咗個啟德巨蛋「維穩騷」。但原來show前一日，有謝霆鋒同阿里巴巴創辦人馬雲講創業嘅「鋒雲際會」，都係「維穩騷」系列之一，當日仲吸引咗七千人湧去朝聖。

呢個由霍啟剛做活動召集人嘅《家是香港‧伴你啟航》青年創業論壇，邊有力請得郁咁重量級嘅嘉賓呀，背後梗有阿爺「十卜」啦。當日真係政商界猛人雲集，忙到甩轆嘅政務司司長林鄭月娥都蒲頭，同場仲有中聯辦副主任王志民、民政事務局局長曾德成，同一大抽全國政協委員，企到成個台滿晒，「紅光四射」。商界方面，摩根大通證券亞洲區副主席方方都有上台分享。（有運行矣！）台上馬雲同謝霆鋒落力演出，一個耍太極、一個煮嘢食，又講吓「認真工作便輸了」的馬雲式理論，啱晒場內年輕人口胃。唉，政府搵晒猛人出來，無非驚七一遊行太多人，又怕如箭在弦嘅佔領中環會癱瘓香港。之不過，小宗騷後離開時，喺巴士聽到個好清醒嘅市民話：「今日聽完馬雲，聽日（七月一日）再去遊行！」所以話，你估眉精眼企嘅香港人，是傻的嗎？

李根興「爛gag」抽水

除咗馬雲、謝霆鋒同方方，大會仲請咗盛匯商機創辦人李根興做演講嘉賓。同台嘉賓太猛料，講者都要出盡法寶，免得成為「廁所位」。嗱！李根興就醒目呢，因為佢識搵當日最紅嘅馬雲做話題。話說馬雲當日雖然一落機就趕去現場，但都遲咗成個鐘先出現，李根興就喺台上話：「頭先馬雲係搭巴士過嚟，佢喺途中，遇到一個朋友揸林寶堅尼，朋友話為咗唔遲到，所以要開最快嘅跑車！馬雲聽完，就施施然咁講：『如果你真係咁重要，所有人都會等埋你！』」李根興再補充：「為咗見馬雲，我哋由三點等到七點都肯﹗」究竟想暗寸定抽水？佢自己至知啦！

Give me a break踩單車穿梭中環

中環人多車多斜路多，點睇都唔係一個踩單車嘅好地方。但近年金融區喺上班日，不時見到單車喺大街小巷穿梭，不少金融佬受外國行家啟發，提倡踩單車返工，既環保又可以做運動。小宗朋友、中環老金煎餅嘅老闆Brian就係其中一個。Brian係美國人，以前喺灣仔嘅法興證券（香港）返工，當時佢已經喺中環開咗老金煎餅，每日都踩單車穿梭中環灣仔睇鋪。識講普通話、熱愛中國文化嘅Brian興奮道：「我鍾意踩單車，好有Beijing style，中環去灣仔只係七分鐘，唔使錢又方便。」他指踩單車和其他車輛一樣，要遵守交通規則。「喺灣仔，我鍾意踩電車路，無其他車行，好平靜。不過踩電車路要用厚呔，如果唔係條呔好易攝入路軌，好危險。」喺市區踩單車危險性較高，Sky Blue Bikes嘅職員Hugo就推介單車友揀公路車（Road Bike）：「中、上環斜路多，呢款車車身較輕，較適合石屎地。」另外，法例規定單車友要戴頭盔，Hugo強調：「單車仲要裝前後燈，前白後紅。喺馬路上，最緊要留意其他車輛，有啲司機會覺得單車慢而唔理單車友嘅安全o架。」

本週街招

近日股市反反覆覆，唔少股票跌到一仆一碌，正所謂「寃有頭債有主」，由是以往經典嘅追債街招又再出現。上月初，詹培忠同阿仔詹劍崙（上），喺中環被貼街招追數；到近日，就到大凌集團（211）嘅張志誠同張浩宏父子（下），俾人喺炮台山「貼堂」。素有「大凌張」之稱嘅張志誠，十幾廿年前喺股壇甚有江湖地位，但因為虧空公司資產，搞到大凌自○四年起被停牌長達八年，坐艇小股東成日跑去港交所示威。直至上年，過完八年抗戰嘅大凌先「奇跡」復牌。睇呢兩張街招，無論擺位、構圖、字樣都好鬼似；咁今次究竟係父債子還，子債父還，定父子債、父子還呢又？

金牙大狀講嘢取消雙辣招

官家為咗增加供應，延長樓花售賣期至三十個月，期限加幅達五成。配合埋買家印花稅等辣招，樓市不難從此進入所謂「下行」階段也。從世界宏觀大局睇，美國聯儲局已有言在先將在下半年開始退市，到出年更逐步結束「量化寬鬆」。果如此，利率會點走法，仲使問阿桂乎？利率上升，樓價會起定跌，當然亦唔使多講矣。發展商莫不挑通眼眉，見到咁嘅形勢，你估佢哋會加快抑或減慢出貨進程吖？現今官府更又延長樓花售賣期以為配合，咁樓市又有乜辦法唔開始「下行」先？怕且怕，呢個增加供應嘅辦法有效過頭，以致個市「下行」過頭，則手尾長矣。取消雙辣招等特殊行政措施，此其時也？

再怎麼練習卻記不起來、認真學習卻成效不彰嗎？

原因可能出在你用了錯誤的學習方法。

不妨練習提取記憶、交錯學習等方式，讓記憶不再是難事。

有些永恆不變的學習特性，或許各位都能認同：首先，學習需要記憶才有用，因為日後有需要，我們才能記得學得的知識。

其次，我們必須終身學習和記憶。如果沒有掌握一些語言技巧、數學、科學等，就無法完成中學學業；在職場要出人頭地，需要掌握工作技巧以便應付難纏的同事； 退休後要能學習新興趣；年邁時，趁還能適應，搬入比較簡便的住宅環境。所以，如果你擅長學習，在人生中就占有優勢。

第三，學習是一種後天養成的技能，而且最有效的方法，往往是違反直覺的。

努力的學習才能更深入且更持久。輕鬆的學習就像在沙上寫字，今天存在，隔天就不見了。我們不太會判斷何時學習得好，何時學習得不好。當學習的進展變得更加 艱難和緩慢，而且感覺成效不彰時，我們很容易受到感覺上較有成效的方法所吸引，卻沒有意識到，用這些方法學到的東西往往只是暫時的。

一項技能或新知識的重複閱讀和集中練習，是各領域學習者比較喜歡的學習方法，卻也是效果最差的。

所謂集中練習，指的是專心、連續重複某件想烙印在記憶中的事情，即傳統智慧的「練習、練習、練習」，為了考試死記硬背就是一例。重複閱讀和集中練習，提高了熟悉程度，這種熟悉程度被視為精熟的象徵，但對於真正的精熟或持久性，多半是浪費時間。

祕訣一：喚起練習

利用學習卡，強化記憶提取練習，意即喚起記憶中的事實、概念或事件，是比重複閱讀複習更有效的學習方法，學習卡便是一個簡單的例子。在閱讀課文或是聽完一堂課之後，進行單一且簡單的小測試，所獲得的學習和記憶效果，勝過於重複閱讀課文或複習課堂筆記。

祕訣二：交錯學習

能區隔問題，學得更快雖然大腦並不是靠鍛鍊就會變得更強壯的肌肉，但當我們提取了記憶並熟練學習時，構成學習系統的神經路徑確實變得更強大。定期練習會遏阻遺忘，並強化提取記憶路徑，而且對於牢記想要獲得的知識，更是不可或缺。

將一項作業間隔開來練習，間隔期間會變得有點生疏；又或者交錯學習兩個以上的不同主題，想要喚起記憶會比較困難，並感覺效果較差。但這些努力可以創造出更持久的學習，且學到的東西，日後能夠應用在更多方面。

在他人傳授解決辦法之前，先試著自行解決問題，才能獲得更好的學習，就算在過程中出錯也沒關係。

如果你擅長區隔問題類型，那麼當你遇到不熟悉的狀況時，會更容易找到正確的解決辦法。舉例來說，交錯練習計算不同種類幾何體的體積，將來考試出現何種幾何體，你都有能力選擇正確的解答。

許多人相信，智能是與生俱來的。但每次學習新的事物，你都在改變大腦─你的經驗殘餘被儲存在大腦裡。我們的生命始於遺傳基因，但學習和心智模式的發展賦予我們能力也是事實，心智發展讓我們能夠推理、解決問題和創造。

換句話說，決定智能的因素，是受自己控制的。理解這點，能讓你把失敗視為努力的象徵，和有用資訊的來源。

你需要理解：當學習困難時，你在做著重要的工作；你需要理解：就像學習任何動作電玩或新的自行車越野賽特技一樣，如果你想要超越目前的表現水準，成為真正的專家，努力和挫折是不可避免的。

（本文摘自第一章．孫蓉萍整理）“為了考試，我們可能練習、練習、再練習，但那只是精熟的象黴;事實上，這是浪費時間。”撰文 / 彼得•布朗、亨利•羅迪格三世、馬克•麥克丹尼爾