ZKIZ Archives


【馮仁昭四圍超】鄧小巧成功瘦身着細碼

1 : GS(14)@2016-11-18 17:56:41

鄧小巧噚日到商台宣傳新歌《荒唐》,漏夜同監製親手將鐵罐仔消毒再入方糖,限量做咗90個宣傳品,而首歌係講經歷荒唐嘅事後,有療癒自己作用。問小巧有冇類似經歷?佢話:「早前好努力減肥,拍完MV嗰晚就去咗麥當勞,好似豪食放題咁不停食,事後好內疚諗唔知要跑幾多公里先減得番。」但最開心係佢日前着得番細碼衫,八年都冇試過。撰文:馮仁昭




來源: http://hk.apple.nextmedia.com/entertainment/art/20161118/19837329
馮仁 仁昭 四圍 小巧 成功 瘦身 著細 細碼
PermaLink: https://articles.zkiz.com/?id=316147

鄧小巧哽咽奪新人獎

1 : GS(14)@2016-12-24 10:42:36

超級巨聲出身的鄧小巧和譚嘉儀,昨晚分奪勁爆新人獎,獲金獎的鄧小巧上台攞獎時心情激動,她哽咽說:「大家唔好咁多歡呼聲,怕自己忍唔住,首先喺度多謝七年嚟由參賽者,到今日同咁多歌手參加頒獎禮,今次係我第一次參加頒獎禮,之前諗如果上台,講啲乜,真係一隻字都寫唔到,多謝寰亞畀咁大自由度我,多謝家姐,冇佢行唔到呢步。」至於性感谷胸的譚嘉儀則獲銅獎,她亦興奮說:「好開心,好緊張,入咗行五年,今日好開心可以企喺呢度,多謝新城,多謝畀咗《Can You See》我唱。」而現年30歲的菊梓喬獲銀獎,她說:「好多謝公司令我成為歌手,冇嫌棄我不足同年紀。」




來源: http://hk.apple.nextmedia.com/entertainment/art/20161223/19874149
小巧 哽咽 新人獎 新人
PermaLink: https://articles.zkiz.com/?id=319873

【馮仁昭四圍超】鄧小巧嘲許廷鏗賴皮

1 : GS(14)@2016-12-27 12:32:22

鄧小巧同林師傑噚日喺南昌出席「聖誕雪國幻想曲」活動,小巧提到前晚同許廷鏗、何雁詩去咗陳詠謙屋企開party,佢話:「我哋玩交換禮物,但許廷鏗冇帶嚟,我哋罰佢100蚊,佢賴皮唔肯攞出嚟,賺得最多係佢,唔帶禮物係佢,唔肯畀錢又係佢。」林師傑早前喺微博指自己遇上唔起錶兼超速駕駛嘅的士司機,佢話:「冇投訴,純粹嗰刻一時不快啫!」撰文:馮仁昭




來源: http://hk.apple.nextmedia.com/entertainment/art/20161227/19877642
馮仁 仁昭 四圍 小巧 嘲許 許廷 廷鏗 賴皮
PermaLink: https://articles.zkiz.com/?id=320232

鄧小巧怪坤哥紅傳不和

1 : GS(14)@2017-01-07 07:08:17

鄧小巧昨日到商台宣傳,她在三個音樂頒獎禮奪得新人獎,被問到即將舉行的《勁歌頒獎禮》有否信心?她說:「信心都差唔多,我做晒自己要做嘅嘢,有冇獎就留番啲單位決定。」有網友為鄧小巧於中文金曲輸給譚嘉儀感不值?小巧說:「冇要唔抵嘅地方,有獎都唔代表我係最成功。」對於有傳她與吳業坤不和?她笑謂:「人紅係咁㗎啦,我都想攻擊佢。」




來源: http://hk.apple.nextmedia.com/entertainment/art/20170107/19888784
小巧 怪坤 坤哥 哥紅 紅傳 不和
PermaLink: https://articles.zkiz.com/?id=321787

側面與刀削面鄧小巧

1 : GS(14)@2017-02-12 15:41:51

2017-02-09 NM

鄧小巧的名字幽了自己一默。以藝人的標準來說,她距離「小巧」仍差很遠,雖然體重已經由巔峰時的146磅、回落至120幾磅,「減肥呢,因為我本身包包面。拍MV、影相,冇理由每隻歌都係present我嘅側面。多咗正面,就多個角度去睇你。」側面始終不及「刀削面」,鄧小巧狠心引刀成一快嗎?她連雙眼皮膠紙都不肯用,「化妝師以前幫我黐過,係好bling bling,但我覺得好辛苦。觀眾唔會因為你隻眼大咗而鍾意你。冇黐都係咁靚,哈哈哈""」豁達方能自嘲。小巧有她自己想像中那般豁達嗎?不願把眼皮由單變雙,卻介意拍攝角度,「我覺得呢個角度靚啲,但都係我。黐雙眼皮膠紙,係改變咗眼嘅形態,其實假眼睫毛都係。雙重標準,所以女人都係麻煩。」自信方能自嘲。但小巧的自信得來不易,「我媽成日都話,你睇吓你條象腿、你啲皮膚、你啲鬈毛""話你都算,仲要攞你同隔籬屋七姨婆個仔去比較。」「有時自信可以插到落谷底。以前讀書有段時間唔自在,唔敢講自己真正諗法,舉手投足都唔係自己。呢兩年上咗軌道,做自己鍾意嘅嘢,自信就喺度。」軌道

每個人對「上軌道」的定義都不同。鄧小巧○九年參加《超級巨聲》入行,在大台五年,只唱了一首劇集主題曲。《半杯水》晚晚伴隨《天天天晴》播出,替全港觀眾洗腦。在家中兩老和七姨婆眼中,這是「上軌道」的表現,「我喺TVB頭兩年,儲咗六位數嘅積蓄。唔差啦,冇出歌,淨係參加節目;嗰時仲要讀緊書,未係全職。所以TVB真係一個好勁嘅平台。我就係用呢嚿錢,搣咗幾年。」她跌入貧窮線,是後來的事。每日在家中的散紙兜討吃,靠做廚師的二姐接濟;為了節省租金,二人搬到錦田邊陲,租金由二姐承擔。「到第三年,佢(TVB)會問你續唔續約。如果知道你會走,就唔會擺資源喺你身上。都好正常,係一種投資。」鄧小巧就此在公仔箱消失。「我好早就決定唔再續約。純粹覺得佢哋做音樂個模式唔啱我。我希望我嘅音樂有自己嘅故事,喺裡面比較難控制。」在生活與生存之間,鄧小巧曾經在小學做代課老師,教中文。反正爸媽兄長輪流叫她「正正經經搵份工、正正經經嫁人」,「好似單身就係唔正經、好似我做咗咩壞事咁。太多人標籤咗『正當職業』呢樣嘢。咩先叫正正經經呢?你正正經經做一件事,全程投入,板仔都可以『正正經經』。」扯遠了。回到校園,她又再次感受到大台的威力,「 教小學,諗住至多俾其他老師認得。因為要送小朋友放學,家長來到認得我。小朋友返嚟又問:老師,你係咪唱歌嗰個鄧小巧?《半杯水》係咪你唱o架?」好多藝人想入屋但求之靡途。鄧小巧入了屋、又跑出來,簡直是「身在屋中不知屋」了,「我又唔覺得佢哋會捧我喎。從商業角度考慮,捧鄧小巧係幾危險。」

開礦

冇瓦遮頭的日子,鄧小巧經常去Backstage(一間已結業的live house)演唱,「有次唱《弱水三千》,我好鍾意呢首歌。落台後有人問我:知唔知邊個作o架?我話,馮穎琪嘛。」當時馮穎琪就在隔籬。她後來成為了鄧小巧的經理人。事隔兩年,鄧小巧終於推出了首張EP,其中《煩可寧》出自馮手筆,「兩版加埋印咗二千張。而家印一版都好艱難,可以印兩版,都係個小小嘅成就啦。」小學算術題:二千隻碟,每隻賣一百蚊,賣光了,鄧老師就此上了軌道嗎?「做音樂係蝕本生意,仲要拍MV呢。成本我諗加埋要五十萬。」「出碟之後,多咗人搵我做嘢。馮穎琪話,你而家一日有幾個call,以前一個月得幾個咋!安慰我、叫我唔使擔心。」 蝕本生意可以怎樣維持?「要keep住做有口碑嘅音樂,直到有一日,人哋覺得你嘅作品有特定嘅位置,咁件事就變得sustainable。」「有次馮穎琪揸緊車,我問,未來三、四年我哋嘅目標係乜。佢話:要建立我哋音樂嘅brand、一個高質素嘅brand。一出歌,人哋就覺得係堅嘢。我哋就係有呢啲奇怪嘅共識,唔使討論,但一講就中。」要成為Juno,你得有個大金礦,「唔""我都搵緊個錫礦。但唔掘就一定冇。」

心結

鄧小巧與馮穎琪的默契,很可能基於二人的家庭背景。雖然鄧氏草根,馮氏中產,但雙方家長對女兒的音樂夢都不以為然。馮穎琪在母親大人施壓下,放棄了修讀音樂,成為律師。幾經掙扎才撥亂反正。鄧小巧自細也聽過不少冷言冷語,「以前我喺歌唱比賽攞第一,同學都戥我開心,冠軍喎。」爸爸瞄準她潑冷水,「唱歌攞第一有咩用?讀書攞第一先有用。」「我耿耿於懷。有一年,我真係考第一。佢又話:今年攞第一,出年就唔係你啦。呢句說話,我到死都記得。」「我同自己講,佢唔係有心,甚至唔關教育程度事。佢哋嗰代,可能鍾意用激將法。但其實有好多壞處,我到而家仲有心魔,自動波會同人比較。有乜好比呢?每個人係獨立個體,唔同嘅成長環境,造就唔同嘅quality。」 鄧小巧還是找到反擊的機會。一四年,她在陳奐仁推薦下,參加《中國好聲音》,入了廿四強。在上海拍攝期間,她請爸媽去現場觀戰。但爸爸還是那一句:「唔好比賽啦。正正經經去教書啦。」「老豆,你三十幾歲時由深圳偷渡嚟香港,唔危險咩?你選擇你覺得啱嘅嘢,其實我都係。」鄧爸爸文革期間來港。在某個年三十晚,沒有留下片言隻字,便丟下妻兒離家。事隔數月,才寫信、寄錢回鄉,「如果事先張揚,媽一定會阻止。」自此他對鄧小巧唱歌,沒有再說什麼。「我諗我有責任令佢哋明白。好難用片言隻字解釋你做緊乜,但盡量唔好令佢哋擔心。」

家長日

今年叱咤頒獎禮,主題是「點解做音樂咁窮」,大致解釋了現代歌手的生存環境,「我媽去完叱咤,忽然淡定咗好多、好似明白咗發生咩事。」鄧小巧出道九年終於獲新人獎,在台上向工作夥伴道謝之餘,也向父母道歉,因為自己多年來都沒有俾家用云云。就像學校的頒獎禮、與家長日掛鈎一樣。樂壇不再是銷金窩,反而變了家庭作業。

台上還有若干與鄧小巧同病相憐的行家。欣宜聲淚俱下,說「好多人叫她回去讀書、不要唱歌」 。問題來了:窮家孩子不應唱歌,有家底的不應唱歌。誰做歌手?

「總之唔係自己仔女就得。」鄧小巧是孻女,對上有三名兄姊。家庭重擔至少有人分擔,「唉,我唔知。可能華人社會就係咁。喺外國,父母供書教學到十八歲就完。其實我都係喎,讀大學、自己養自己。對我來講,人生係好獨立嘅。當然,我都想幫補屋企,至少令我媽有安全感。」

撰文:蔡慧敏攝影:葉志明攝錄:胡春輝服裝:PortsPURE、TELA形象:黃碧珊、麥曦庭化妝:Leo Tam@Annie G
側面 刀削 面鄧 小巧
PermaLink: https://articles.zkiz.com/?id=326600

【馮仁昭四圍超】小巧着高踭鞋難郁動

1 : GS(14)@2017-06-10 13:30:47

鄧小巧早前拍新歌《兩溝》MV,原本諗住挑戰自己,第一次着高踭鞋跳舞。天不怕、地不怕嘅小巧,原來最怕就係着高踭鞋。小巧話:「學咗個半月跳舞,首歌要表達身體語言,肢體要靈活,淨係學扭動已經好大難度,本來我要着住高踭鞋跳,但原來我咁樣係跳唔到,仲會失重心,顧得對腳嚟,又跳唔到舞,為咗肢體動作要靚,最後都係要放棄着高踭鞋!」撰文:馮仁昭




來源: http://hk.apple.nextmedia.com/entertainment/art/20170609/20049242
馮仁 仁昭 四圍 小巧 著高 高踭 踭鞋 鞋難 難郁 郁動
PermaLink: https://articles.zkiz.com/?id=335124

【馮仁昭四圍超】鄧小巧被屈睇AV

1 : GS(14)@2017-06-25 10:11:26

鄧小巧聽日就31歲生日,噚日佢喺新城宣傳新歌《兩溝》時表示:「其實早排喺商場,邀請咗一啲粉絲同路人參加呢個派對玩遊戲。」網上資料指小巧係5月生日,佢澄清自己生日是6月24日:「我試過喺百度見到自己嘅資料,興趣嗰欄竟然係話我鍾意睇AV,睇到個吓真係粗口都嚟埋,好哋哋一個女仔做乜嘢會鍾意睇AV,其實我係鍾意睇DVD,可能呢個AV係影音咁解啩。」撰文:馮仁昭




來源: http://hk.apple.nextmedia.com/entertainment/art/20170623/20065449
馮仁 仁昭 四圍 小巧 被屈 屈睇 AV
PermaLink: https://articles.zkiz.com/?id=336922

港研健身單車 電動小巧吸客

1 : GS(14)@2017-11-19 15:38:47

【明報專訊】做運動也需要時間,忙碌的香港人要抽點時間健身也不容易。近年就有港商研發出一種電動健身單車,操作方便,可隨時在家輕鬆健身,其第一代產品先攻復康市場,成功賺得第一桶金,第二代產品將增加運動強度選擇,還會配備手機App和遊戲,並進一步減重修身,已獲多國買家洽購,預料將可打入一般消費者市場。

明報記者 薛偉傑

卓維企業有限公司(Max Concept Enterprises Limited)銷售總監孔玉婷、產品設計師楊見昇表示,公司在內地從事製造業多年,一直替外國客戶代工設計及生產(ODM)多種家用保健和健身儀器,不過公司一直沒自己品牌,也沒有在港銷售產品,直至2012年才成立附屬公司MaxCare,自創同名品牌,在港設連鎖店。

第一代專攻復康人士 累積出口數十萬部

孔玉婷承認,當時已有一些按摩椅品牌在本地開設多家連鎖店,MaxCare算是較遲入場。但她指出,考慮到競爭對手的定價,公司有信心提供較相宜價格,而且MaxCare定位和對手有分別,雖然其分店也有銷售多款按摩椅,但產品策略較多元化,同時銷售按摩產品、健身器材、美容儀器、健康補充品等四大類產品。其中,按摩椅和按摩坐墊大多是向代工廠採購,健康補充品也是代理外地產品;而健身器材和美容儀器則是該公司自行研發及生產,包括健身單車、跑步機、美肌儀器等。

公司近年研發出一款迷你電動健身單車,專攻物理治療和復康用途,用戶毋須費力踩單車,只需選擇合適速度,讓摩打帶動用戶雙腳被動地進行單車運動。結果,該產品在外國賣得相當不錯(在外國是貼上客戶的品牌),累積銷量高達數十萬部。

該公司由此看到了商機──既然復康人士接受這種被動式運動的健身單車,一些較少運動的普通人也可能會接受。孔玉婷及楊見昇稱:「尤其是,很多年青人整日都是長坐兼且智能手機不離手,運動量實在很低,更可能增加患上某些慢性疾病的風險。」

楊見昇表示,主動運動的健身效果雖較好,但需要較為集中精神。若用戶一面做其他事情,一面運動,可能難以集中。被動式運動正好解決這問題,用戶運動時可分心玩智能手機、上網或看電視等。另一方面,他又想到,健身單車或可與智能手機結合在一起,例如用手機App來遙控健身單車和儲存運動數據;又或是一面踩健身單車,一面玩一個單車比賽手機遊戲,用戶可在遊戲中鬥速度、避開障礙物等,令運動過程增添趣味。

而這念頭就是第二代迷你電動健身單車Bicit Automatic Game bike的由來。「Bicit」是由「單車」的西班牙文「Bici」修改而來,「cit」的讀音與「sit」相近,寓意用戶可舒適地坐着踩單車。

被動式運動免「分心」 迎合機不離手年輕人

孔玉婷和楊見昇表示,公司以約大半年時間研發Bicit,共花了70萬元。雖然公司已開發首代迷你電動健身單車,但Bicit大部分地方都需重新設計。因為第一代迷你電動健身單車專攻復康用途,所以轉速較慢,只有6個選擇;Bicit則適合一般用途,協助大眾用戶達到一定運動量,所以轉速需要較快,共12個速度及5種預設程序選擇(如可前轉或後轉,也可時快時慢)。

此外,Bicit的外型亦比較流線型和時尚,形狀和第一代產品有些分別,零部件亦需要改變,而且Bicit還要在第一代產品的基礎上再減重1公斤,下降至僅3.9公斤,體積亦設計成48.8厘米×40厘米×30厘米,可於一般寫字樓辦公桌下使用。

僅重3.9公斤 可和手機遊戲互動

研發過程中,最困難的是要設計和Bicit同步互動的手機遊戲。現時Bicit的研發已大致完成,唯獨是手機遊戲的程式還需要時間改善,例如植入風景或場景。若公司能找到一些合適的遊戲開發商,則可能會索性取得其內容授權,以節省開發時間。

Bicit已於10月在Kickstarter上完成眾籌,當時的價格由1318、1992至2232元不等,視乎搭配傳統遙控器還是手機App,以及有沒有手機遊戲,估計本地零售價將會和眾籌價相若。Bicit亦在貿易發展局主辦的「香港秋季電子產品展」中展出。雖然只籌得約27萬元,但孔玉婷表示,勝在吸引到一些外國媒體注意和報導,包括FOX、NBC、ABC等。有些外國入口商在「香港秋季電子產品展」中看到Bicit時,也表示曾在外國媒體上見過,商談訂單亦較為容易。

現時公司正與美國、德國、意大利、西班牙、日本的買家商討Bicit的訂單。此外,本地亦有一些健身室、屋苑會所和航空公司貴賓候機室有意採購,他們計劃先在12月底付運給眾籌的支持者,明年2月再正式量產。孔玉婷稱,保守估計,出口加上在港澳市場銷售,明年至少可賣出5萬部,足以收回研發成本有餘。

現時Bicit的手機App能記錄用戶踩單車的速度、時間、距離及消耗熱量等數據,公司計劃稍後推出一款智能手環,用戶帶着使用Bicit就可連心跳速度也記錄在手機App內。中長期而言,公司還會推出其他健身儀器,由同一個手機App平台來控制。

至於未來的產品設計方向,都是離不開體積小、輕巧、可摺疊、被動式運動、配合智能手機使用,以及遊戲化,甚至配合電競市場等原則。

[新經濟新天地]


來源: http://www.mpfinance.com/fin/dai ... 1565&issue=20171113
港研 健身 單車 電動 小巧 吸客
PermaLink: https://articles.zkiz.com/?id=344381

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019