ZKIZ Archives


【馮仁昭四圍超】華仔憶無綫恩師何家聯病逝

1 : GS(14)@2017-01-05 08:07:16

■何家聯當年曾經因為叫唔到劉德華續約而被調職。





無綫前高層何家聯前日因肺炎離世。曾同何家聯共事多年嘅舊同事曾醒明,噚日接受本報電話訪問時話:「今日下午收到消息,聽到佢噚日走咗,知道何生早幾年患鼻咽癌,入住東區醫院。」據知何家聯前日喺東區醫院離世,享年約80歲。消息指佢上月平安夜因肺炎併發症昏迷入院,延至前日不治。何家聯於五、六年前曾患鼻咽癌,醫好惡疾後去年初入住安老院,佢同太太育有一子,?家住喺美國。當年由佢一手簽約嘅五虎之一劉德華噚日受訪時話喺自己被雪藏期間,多得何家聯精神上支持:「佢把所有TVB啲藝人都當作仔女,最難忘嘅係佢因為冇成功說服我續約而被處分,我一直特別內疚。離開電視台後斷斷續續都有聯絡,近年就比較少,佢離開得太突然、太可惜,希望佢一路好走。」



■湯鎮業話當年五虎都有啲驚何家聯,因為佢為人比較嚴肅。資料圖片

「五虎都驚佢」

另一五虎成員湯鎮業接受電話訪問時話,當年五虎都有啲驚見佢:「80年代佢喺TVB管藝員部,所有約都係佢傾,佢係用家長式管教,都幾嚴肅,嗰時見佢都幾驚佢。」汪明荃喺電話話:「當年我入《歡樂今宵》大家做同事,一齊成長,佢做導演好叻,後來有段時間佢管藝員科,大家都溝通好好,佢離開公司後冇聯絡。」何家聯係香港第一代電視人,由麗的年代做起,初入行時任職製作部,之後加入無綫做攝影師,其後升至製作部總監,當年佢一手發掘簽下五虎劉德華、梁朝偉、黃日華、苗僑偉同湯鎮業。撰文:馮仁昭




來源: http://hk.apple.nextmedia.com/entertainment/art/20170104/19885365
馮仁 仁昭 四圍 華仔 仔憶 憶無 恩師 何家 家聯 病逝
PermaLink: https://articles.zkiz.com/?id=321371

許紹雄關菊英送別伯樂何家聯

1 : GS(14)@2017-01-18 22:21:28

無綫前高層何家聯本月初因肺炎離世,享年80歲,其家人昨在北角香港殯儀館為何家聯以基督教儀式設靈,今早安息禮後,遺體送往柴灣歌連臣角火葬場火化。



■許紹雄帶同太太及囡囡(中)前往弔唁。

■關菊英很尊敬何家聯,昨日親往送別。


曾醒明打點

何家聯的靈堂佈置簡潔,橫匾寫上「主懷安息」,中央放了遺孀黃慧兒及兒媳的花圈。何家聯紀念特刊中,遺孀黃慧兒悼亡夫:「老公,你不用擔心我!你在彩虹橋上等我們,約定你。」無綫前宣傳科副總監曾醒明和無綫綜藝及體育科製作主任李漢源到場打點,許紹雄夫婦與囡囡、關菊英、陳家瑛、鄧英敏、吳雨、莫文蔚媽媽、蔡和平等昨到場致祭。許紹雄說:「入行就識佢(何家聯),當時佢係《歡樂今宵》導演,我離開麗的再返無綫,佢已經係藝員科,佢簽我返去。」許紹雄最難忘當年結婚由何家聯做證婚人,他遺憾說:「我哋最後一次食飯係兩年前,成日講得閒食飯,但冇做到,佢太太同囝囝心情OK。」關菊英則說:「七幾年我入無綫,係何家聯簽約,我叫佢何家聯叔叔,佢好好人,私下會食飯,但多年冇見。」曾醒明表示何家聯兒子何冠珩趕及由美返港見爸爸最後一面:「佢囝囝辦妥喪事後先返美,喪禮好多無綫舊同事協助。」吳雨跟何家聯相識逾30年,他說:「人生總有一個段落,希望佢安息,同埋佢家人節哀順變。」



■曾醒明(左)和李漢源昨日到靈堂打點。

■何家聯當年發掘五虎之一的劉德華,昨日送上花牌致祭。


華仔送花牌

此外,何家聯當年發掘了五虎劉德華、梁朝偉、黃日華、苗僑偉和湯鎮業,昨日劉德華、黃日華夫婦、許冠文夫婦、羅嘉良夫婦、曾華倩等均有送花牌致祭。採訪:黃曉妍攝影:陳順禎




來源: http://hk.apple.nextmedia.com/entertainment/art/20170118/19900047
許紹 雄關 菊英 送別 伯樂 何家 家聯
PermaLink: https://articles.zkiz.com/?id=323083

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019