二五中環 萬南 超人坐電動車 唔夠喉要加碼
1 :
GS(14)@2017-09-18 04:01:34http://www.metrodaily.hk/metro_c ... 94%9F/?page562=3853
萬南早前寫恒地(012)有力大爆發，結果撞正賤價農地憧憬變寶潮，股價連埋除淨，三扒兩撥已升咗約一成半，有老友跟買咗，問追揸沽策略。我重申四叔要食尾胡，單睇市區重建已領先全行，未來麵粉充足，可以坐定定。
講完四叔，要講另一大孖沙李超人(圖)，佢最近同紅顏知己周凱旋入股收購咗日本電動車公司GLM CO.嘅奧立仕(860)，佢哋第一輪以每股0.82元入股，短時間內覺得唔夠喉，再公布以1蚊再加碼入股，可見超人非常咁睇好電動車前景。
唔好唔記得，超人係眾多大孖沙之中，對高科技最有認識，以往經常私人入股初創企業賺數以十倍計，今鋪超人入股終於有得跟，上唔上車自己決定吧。