ZKIZ Archives


中環在線:畢菲特預言幾時都啱用 李華華

2008-12-29  AppleDaily


 

2008年步入尾聲,總係有好多年度回顧或者09年預測,美國CNBC.com睇番07年股神畢菲特點睇08年股市同經濟時,發現股神所謂嘅08年預測,原來係唔受時間規限。雖然08年股市歷盡滄桑,但畢菲特都認為,衰退會創造新機遇,大家唔使睇得太淡。

唔識止賺得個桔

股 神8個不死預言貫徹佢嘅投資格言,好似股市永遠都唔會抵買,同埋投資者誤以為股價下跌係壞事等。華華就認為,股神話美好嘅幻覺會令投資者錯失離場機會呢一 點,最有參考價值,畢菲特用灰姑娘比喻投資者,認為股價勁升就好似灰姑娘參加舞會,連灰姑娘都知道凌晨12點前要離場,但投資者就往往賴死唔走,當時間一 到,南瓜車同玻璃鞋通通打回原形,得番個南瓜同幾隻老鼠。諗番起科網泡沫爆破,畢菲特講過從歷史上可以睇到,投資者永遠都唔識喺歷史吸取教訓。不過,畢菲 特另外幾個不死預言都可以勉勵投資者。佢話喺資本主義社會,衰退無可避免,我哋更應該喺過去幾次衰退中,學習點應付o依家同未來嘅衰退,股神仲對CNBC 個記者講,佢咁後生,有生之年起碼要經歷多六至七次經濟衰退。

股神的永恒真理

‧永遠唔能夠避開衰退

‧從歷次衰退中學習,應付 現時及未來將會出現的衰退

‧衰退創造機會‧股市永遠都唔會抵買

‧市場總係錯誤‧投資者錯誤地認為股價下跌係壞事

‧美好嘅幻覺,會令投資者錯失離場機會

‧巨 變之後將展現更迷人嘅盛宴李華華LiWaWa@AppleDaily.com
中環 在線 菲特 預言 幾時 都啱 啱用 華華
PermaLink: https://articles.zkiz.com/?id=4910

電子書未必啱用 左丁山

2011-12-27  AD

唐英年在造勢大會上講到教育,話:「提升教育開支,由現 時佔 GDP 3.5%增至 4%,減輕家長在教科書、補習的不必要開支。」似係原則性講法,提升教育支出在 GDP嘅比例,當然人人歡迎,香港名義人均 GDP約二十四萬七千元( 2010),零點五個百分點就係 1,235元,七百萬人計就有八十六億四千五百萬元左右,算多不多,算少不少,如果動用新增教育支出之中嘅十億元來資助全港家長買書,就乜嘢教科書售價問 題都冇晒,天下太平,如果唔計現在已接受書簿津貼嘅學生,上述數目會更加降低。教育局局長孫明揚與副局長陳維安與教科書出版商糾纏近三年,造成三輸局面, 教育局無面,書商耗費氣力,家長無得益,真係不知為何,講到尾,就係本地學校無錢買分拆教材、政府不肯承諾撥款買教材、書商唔願蝕本,於是弄至如斯收場, 孫局長之病雖不是由此而起,但為此而費心費力,導致身體更弱,就好值得同情。如果政府唔係將一個小小問題搞大到成為政治問題,教育界一早安樂晒!

 

孫局長話以後會大搞電子教科書,潛台詞係用電子書逐漸消減印刷教科書,等啲印刷書商冇得亂 搞,一了百了。表面睇,電子書係潮流所趨,政治正確到極,但電子書之真正教育作用、效用,是否能為學生成績帶來好處,誰也說不準。美國係電子科技最先進 國,但「紐約時報」曾有報道(九月三日, In Classroom of Future, Stagnant Scores)大力質疑美國電子書與電子教育嘅成效。科技之都矽谷所在地,大把科技專家將佢地嘅子女送入一間叫做 Waldorf嘅反潮流學校,就係在校內完全沒有電腦,禁用 iPad,要學生背誦乘數表,學算術只係用鉛筆與白紙。啲家長係十九世紀人物呀?儍仔呀?唔係噃,家長包括 eBay嘅首席科技總監、蘋果高層、 Google、惠普、雅虎嘅職員,呢啲家長認為學生學習要從基本做起,愈靠電腦電子幫助,學子頭腦愈笨鈍!呢間 Waldorf School位於 Los Altos,地區鄰近 Google、 Apple、 Yahoo總部所在地,教育局不妨派人去考察吓,咪人云亦云,空言電子書取代傳統印刷書,會禍延下一代㗎。 \

電子書 電子 未必 啱用 左丁 丁山
PermaLink: https://articles.zkiz.com/?id=30281

【iPhone7到手】Jet Black新色開箱 舊機殼啱唔啱用?

1 : GS(14)@2016-09-14 05:53:26

Gadget Guy從美國親身帶來的兩部實機,一部是亮黑色的iPhone7,另一部是普通黑色的iPhone7 Plus,更即將在中環Apple Store對出的天橋讓大家試玩,有興趣見iPhone7和7 Plus真身的觀眾更可來到現場。



Gadget Guy從美國親身帶來的兩部實機,一部是亮黑色的iPhone7,另一部是普通黑色的iPhone7 Plus。普通黑色機的機盒包裝不太特別,源用白色盒再印上黑色機背,而今代焦點的Jet Black亮黑色機盒就有型得多,少有地用上全黑機盒再印上亮黑機背相,神秘感十足。



開箱發現配件和佈局都跟舊機差不多,不過跟機的全新Lightning耳機就不再像上幾代般有小膠盒包裝,而反過來就會見到Lightning轉3.5mm的耳機轉插。Jet Black亮黑實機雖較特別,但亦的確易留有指紋,幸好指紋不算印很深,清理尚算容易。iPhone7,7 Plus和6,6 Plus無論大小和厚度都完全一樣,不過最大分別就是鏡頭位置,新機的鏡頭除了大了位置也更貼近角位,實試亦發現舊機殼不能用在新機,鏡頭位置卻不合適,除非你的機殼只是包邊或包不到鏡頭位置,否則還少買新機殼好了。記者:韓繼聰攝影:鄧鴻欣


Jet Black亮黑實機雖較特別,但亦的確易留有指紋,幸好指紋不算印很深,清理尚算容易。

新機機背的iPhone字樣跟上代有所不同。

實試亦發現舊機殼不能用在新機,鏡頭位置卻不合適,除非你的機殼只是包邊或包不到鏡頭位置,否則還少買新機殼好了。



來源: http://hk.apple.nextmedia.com/su ... t/20160914/19770036
iPhone7 到手 Jet Black 新色 開箱 機殼 啱唔 唔啱 啱用
PermaLink: https://articles.zkiz.com/?id=309086

【蝸居啱用】港牌的骰洗碗機 四月尾開賣

1 : GS(14)@2017-04-13 22:41:03

煮飯定洗碗,如果要二擇其一,相信不少人最怕洗碗。現在有不少洗碗機,大多是嵌入式安裝設計,機身較大。Rasonic最新推出座枱式洗碗碟機,在4月尾開賣,免安裝及免駁入水喉,設有背部水箱,有沖洗及烘乾組合,最高約70度高溫清洗,設有3重過濾網,聲稱每次平均用水量為15至20升、約1-2kwh能源,看起來容量不算大,聲稱適合1至4人家庭使用,不過售價不算平,有白色和粉紅色兩款顏色選擇,未知粉紅色會否炒起呢?售價:$2680銷售點:各大百貨公司、人氣電器店、Living Station by Panasonic及經銷商有售記者:何嘉茵2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


設有港女最愛的粉紅色,未知會否炒起呢?

設有背部水箱,有沖洗及烘乾組合,最高約70度高溫清洗。



來源: http://hk.apple.nextmedia.com/su ... t/20170413/19988630
蝸居 啱用 港牌 牌的 的骰 洗碗機 四月 尾開 開賣
PermaLink: https://articles.zkiz.com/?id=330454

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019