ZKIZ Archives


首選法國最差印度 中環在線:老外僱員買樓唔吼香港 李華華


2008-12-11  AppleDaily


 

香港人愛磚頭,市道好唔好一樣有人買樓,不過對老外僱員嚟講,佢哋似乎對喺香港做業主冇乜興趣。滙豐向全球2155個海外僱員做調查,結果最受歡迎嘅置業地區,頭三甲都喺歐洲,倒數三甲呢?喺晒亞洲,香港雖然不入倒數三甲,但就係梗頸四(見表)!

呢 份報告由滙控(005)旗下滙豐銀行國際做,係講「海外僱員的體驗」,比較全球14個國家或地區,睇吓外地僱員對工作地嘅睇法,除咗會唔會喺當地置業,仲 有三大範疇:有冇同當地人建立友誼(即係睇吓當地人有幾cool)、有冇加入當地社團(易唔易融入當地社會),同埋會唔會學當地語言。

倒數第四未入「三甲」

中 環人最想知嘅,自然係呢班老外員工理想置業地喺邊,原來首選係浪漫嘅法國,有六成四人已經喺法國置業;香港排第10,唔夠三成人喺香港買樓。雖然排得後, 但未係最差,仲有印度、中國內地及新加坡墊底,可惜報告純粹反映現實,冇解釋原因。華華心水清,留意到置業嘅排名榜上冇咗第11位,但就有兩個第10,邊 個同香港爭做倒數阿四呢?呢個唔係亞洲國家,而係同香港甚有淵源嘅英國!好彩香港喺另一面都有得分,有超過一半老外僱員話有加入當地社團,講嘅當然係合法 社會團體,排名僅次於第一嘅德國(65%),華華諗應該係因為香港夠國際化,多老外社團啩。香港整體排名中規中矩,簡單啲講,即係老外僱員要融入香港呢個 社會唔難,但要佢哋置業嘅話,就咪嘞!李華華LiWaWa@AppleDaily.com

海外僱員理想置業地區

--最受歡迎 --第1位法國(64%)第2位加拿大(55%)第3位西班牙(52%)第4位美國(-)---最不受歡迎--第14位印度(6%)第13位中國內地 (12%)第12位新加坡(24%)第10位香港/英國(28%)註:()當地置業百分比資料來源:滙豐銀行國際
 
首選 法國 最差 印度 中環 在線 老外 僱員 買樓 樓唔 唔吼 香港 華華
PermaLink: https://articles.zkiz.com/?id=4545

香港商場唔吼港大碩士北上sell掂儲分app

2016-07-11 TWM

在香港做生意,難免要遇上貴租、高人工,令一眾年輕準老闆望而卻步,寧願繼續「早啲起身返工」捱騾仔。今年三十三歲的港男周晉生(Jason),美國威斯康辛大學畢業後再回港深造,港大地產學碩士畢業後就到房地產行業工作八年,上年決定與友人投資二百萬一嘗做老闆滋味,創立儲積分的手機app「悅逛」,幫商場儲積分谷人流。Jason一心在港發展,但面對地產霸權,發展商嫌棄他無往績,統統「say no」。奈何他「已洗濕個頭」,決定隻身到北京碰運氣,其間試過多個月無收入,今年終於找到三個商場加入,一年間收入過百萬人仔。他見「悅逛」終於有人賞識,上個月決定「強勢回歸」,向各大財團力sell,但初步看來portforlio「靚仔」都未必得,到底衰啲乜?我點sell?入商場就有嘢送!

會員積分系統大家用得多,但多數都是消費後才有積分,Jason就想打破現有傳統:「好似港鐵優惠站嘟八達通卡有得減兩蚊咁,我哋會喺商場入面嘅鋪頭set咗啲藍牙裝置,好似八達通讀卡器,入到去就有得儲積分,儲到一定分數就可以喺個app換禮物,好似coupon咁,而且加入嘅商場都可以用!」他表示:「我哋仲會加入抽獎系統,好似刮刮卡咁,配合番商場舉辦嘅function,肯定會谷大人流!」由於商場以增加客源為主要目標,「悅逛」會提供技術及人手來維持系統,收入就以商場繳付的月費為主。他指出,現時個app已獲三個中國商場簽約,共二百多間店鋪,註冊會員達八萬:「最犀利嘅會員係咁又出又入,七個月內換到iPad。」今年香港零售市道下滑,Jason反而覺得是一個機遇,決定回港發展:「見香港商場搞個function都幾百萬,做個app都係幾十萬,平好多,點都會吸引到佢哋傾。」惟現時香港不少商場都有「自家app」,毋須再加入新app,他就解釋:「唔少app其實每兩、三年都會轉一次,佢哋多數都會將個app外判出去搞,我哋就係等呢啲機會。」

專家盤問:好難吸引發展商

李:李勁華悅:悅逛Innopage Limited行政總裁及創辦人之一李勁華,有多次接觸大財團的經驗,他接受訪問時坦言「呢個市場好難打」,指香港各大商場業主「一隻手都數得晒」,對於能否吸引他們存有疑問。

李:你每月收商場月費,但感覺上投放的資源都很多,會不會很難回本?悅:其實我們一至兩名員工可以負責二至三個商場,如果商場自己做一個app,他們都需要自己請一個負責的員工,算起上來我的成本會較低。而且硬件我會逐件收費,我會以成本價來計算。現時我的團隊有十三個人,理論上三至四間商場已經可以回本。

李:大家都知道,香港商場的地產商來來去去都是那幾個,要知道他們用不用很快就有結果,會不會到中國內地,或者到其他地方發展會更好?悅:始終我們的語言是用中文,除了內地,台灣及澳門都是我們的目標。而且我以往在發展商工作,所以對商場的需要十分了解。我回港後都曾經與兩間發展商接觸,但他們的app剛做了大型的更新,我就可能要等下一個機會。

李:(續問)其實很多香港app公司都用定位技術去洽談,但最終很少地產商肯投資。最大問題除了技術未夠成熟之外,運作上都有不少難處。好像最傳統的「積分卡換禮物」,在員工訓練、設置都會比用app簡單。商場最後都會設一個活動,用幾個禮拜去試用就算,到目前為止我都看不到有比較成功的案例。我就比較懷疑能不能吸引地產商。

悅:傳統的形式是用會員卡去櫃台拿積分,我們就想增加趣味性,一來可用定位系統,每一次去一個地方,就可以有額外獎勵,可以鼓勵消費者去不同的商店。比起社交及遊戲app,我們的app人數增長真的會比較慢,我們真的要做多一重功夫去介紹這個app的好處,就好像二十年前八達通一樣。我覺得商場花那麼多錢去做歌星簽唱會、大型活動,效果十分明顯,但往往要數百萬成本。但如果不用花那麼多錢,去做一個長達一年的宣傳,平均來說成本低很多,我相信他們會考慮。

終極判決:太少客源

我覺得整個app最大的限制就是與地產商合作,因為客源不夠多,由接洽到簽約時間太長,客戶增長會很慢。我會建議你不如集中做商店客,加快用戶數量,另外一個原因是當你和發展商合作,放在app的廣告費很大機會被地產商侵吞,到時就少了一個收入渠道。地產商有很多考慮,就算最終成功,所花的時間都可能會很長。如果預料結果都不是太好,我就會建議不如早一點考慮香港以外的市場。整個構思是好,但由於發展空間不算太大,我會給6.5分。

業界:生意多咗送乜都肯

在零售界擔任數碼總監的陳超琼(Matthew)指,行內每年都會在流動應用程式留有一定預算,每兩、三年有一次大型更新都很常見,所以市場有一定潛力,他對這個app有以下看法:以國內的市場來看,市民對app的接受程度反而比港人高,在香港發展會員系統需要提供較大的誘因:「內地人一有新嘢就會試咗先,但係香港人接觸呢類型資訊太多年,都會比較精明,有優惠都會留意,但未必會令到佢哋即刻嚟,Jason要諗多幾個辦法去吸引人。」他續指,若要成功取得地產商的支持,最重要是能夠說服投放後能得到多少回報:「如果七個月換到iPad對市民係一個吸引之處,我覺得發展商都唔會因為覺得太快而卻步,反而因為禮物帶動到一定數量生意,送車都唔介意,Jason一定要好清晰去表達。」

撰文:梁延宇攝影:鄭樹清、廖健昌攝錄:廖健昌ed_bn@nextdigital.com.hk

香港 商場 唔吼 吼港 大碩 北上 sell 掂儲 儲分 app
PermaLink: https://articles.zkiz.com/?id=205462

冇面俾 林峯唔吼《使徒行者》電影版 監製戚美珍推老公苗僑偉升男一

1 : GS(14)@2015-06-11 12:40:37

2015-06-11 NM



大台打鑼宣布開拍《使徒行者》電影版,話明原班人馬,林峯、佘詩曼孭正,點知已離巢的峯少唔稀罕,一句「無興趣」,推!被老死曾志偉拉落海做電影監製的三嫂戚美珍,索性順勢推在劇中飾演臥底阿Sir卓凱的三哥苗僑偉,做電影版男一,夫妻檔上陣,話晒事。唔傾片酬即推

繼《衝上雲霄》一開二後,無綫拍板開拍去年最高收視劇《使徒行者》電影版,並屬意沿用已經離巢的林峯做男主角,但林峯話之你,以「無興趣」為由拒絕,完全冇面俾。「林峯梗係唔接!《使徒行者》都叫做高收視,但TVB淨係俾佘詩曼攞視后,就算Seed哥都好有口碑,但林峯因為唔續約,就連豬肉獎都冇!既然係唔開心咁走,點解仲要俾面;況且林峯而家集中打大陸巿場,嚟緊又會同古天樂合作《尋秦記》,所以佢連片酬都懶得傾,一口就推咗。」林峯身邊人說。

徐子珊謀住

大台開戲,一貫慣例,自己友玩晒,《使徒行者》由曾志偉負責策劃,自己友戚美珍處女下海做監製;男主角換人,劇本亦要重新執過。「三哥三嫂同殼王玩得好埋,年前志偉叫三嫂出山幫大台主持飲食節目,三嫂碌卡搵咗好多紅人好似梁家輝、洪金寶做嘉賓;今次由佢做監製,對搵大卡士幫手都有幫助。而家林峯唔做,三嫂索性叫自己老公做男主角,反正之後都會搵啲大卡士坐鎮。」知情者說。男主角有變,女主角釘姐亦可能換,據了解,明年二月約滿的佘詩曼,仍與大台在拉鋸 階段。「如果阿佘唔續約,TVB未必俾佢做女一,加上樂小姐之前安排咗一班就快約滿嘅藝人同老闆食飯,徐子珊講到明續約條件係要有機會同想拍戲,所以如果阿佘傾唔掂,徐子珊分分鐘做女主角。」知情者說。

食得唔好嘥

電視劇收視好,亦唔擔保拍電影版有捧場客,但大台食得唔嘥,近年將收得的電視劇一開二,執多劑!

《Laughing Gor之變節》09年電視劇《學警狙擊》的Laughing哥大爆,大台搵影帝黃秋生及吳鎮宇坐鎮,捧謝天華做男一開拍電影版《Laughing Gor之變節》,公司揼本捧,不過謝天華人氣未有受惠,前年約滿大台後自組公司返內地發展。

《衝上雲霄》《衝上雲霄2》大收,不單令Cool魔張智霖人氣爆燈,大台更趁勢開拍電影版,除了安插親生女佘詩曼做女主角,又搵來古天樂、鄭秀文等大星孭飛,今年賀歲檔期收二千多萬,票房一般,慘蝕收場。
冇面 面俾 唔吼 使徒 行者 電影版 電影 監製 戚美 美珍 珍推 老公 苗僑 僑偉 偉升 升男 男一
PermaLink: https://articles.zkiz.com/?id=290790

阿旦要錢唔吼 深溝欣宜

1 : GS(14)@2016-11-13 11:32:41

■阿旦跟低胸裝的欣宜做對手戲時,全程目不斜視。



鄭丹瑞(阿旦)事隔26年再自導自演電影《小男人週記3之吾家有喜》,他再演男主角梁寬,除安排D奶女神周秀娜做女友,還有35F「巨胸翠如」鄧月平扮他的囡囡,對手「胸」湧而出。阿旦日前再跟重量級女神鄭欣宜在上環餐廳開工,他與穿deep V連身裙的欣宜講數,面對欣宜的巨咪,阿旦被發現全程目不斜視,事後尷尬說:「黐線!」



■戲中欣宜扮陳友小三,戲外搞笑地輕掃阿旦背。

300萬掟煲費

故事講述阿旦為老闆陳友出頭,向陳友小三欣宜追討300萬掟煲費,阿旦說:「陳友發噩夢,夢遊除老婆衫,大叫欣宜個名,老婆打咗陳友一嘢。陳友肉赤畀咗欣宜300萬分手費,只有梁寬可以咁『契弟』,幫佢追番兼攞凸。」中文麻麻的欣宜笑言:「我而家先正式知道『契弟』含意,淨係知以前細個介紹契媽個仔時唔可以講。」 欣宜強調現實生活抗拒小三:「我會叫個男仔選擇咗先,除非我唔知。」欣宜與陳友這對沒有激情戲,她說:「我哋好pure,用想像空間交代。」但劇情需要她都肯拍,阿旦就抵死說:「咁要陳友自費,我已超支,俾老細鬧。」採訪:陳杰攝影:陳慧安




來源: http://hk.apple.nextmedia.com/entertainment/art/20161113/19831737
阿旦 要錢 唔吼 深溝 欣宜
PermaLink: https://articles.zkiz.com/?id=315349

拒接受姊弟戀黃心穎落閘 唔吼坤哥

1 : GS(14)@2016-11-20 23:52:10

黃心穎、蘇麗珊和吳業坤前晚在荃灣一商場主持聖誕燈飾亮燈儀式。在台上黃心穎開金口獻唱,她接受訪問時指這次並非首次公開演出,第一次是出席公司annual dinner時獻唱,她說:「我由細到大都鍾意唱歌,近排公司翻錄一啲經典金曲,所以有機會唱王菲同Sammi(鄭秀文)啲歌。」她笑言有跟老師學唱歌,但自知天份有限,不過就自讚有眼光,一早看好坤哥歌藝出色,當問到會否嘗試姊弟戀時,她即醒目回應說:「坤哥細過我,自己冇諗過呢樣嘢,佢好鍾意窒我。」


約女仔過聖誕

聖誕節將至,坤哥表示已安排好節目,當日會跟一班朋友外出,他說:「有男有女,其實我唔熱衷,都係出去感受吓節日氣氛。如果要約女仔,都喺boxing day嗰日約啦。」當問到會否約龔嘉欣外出時,坤哥沒有正面回應,只表示近兩個月都沒有在網上貼女孩子的照片,希望可減少點緋聞,暫時效果很好。但在出席無綫節目巡禮時,被宅男女神孫慧雪等捉着合照,孫慧雪將照片放上網,搞笑留言:「陷害坤哥圖之偽毒可恥,坤哥你死梗」,坤哥笑言:「有啲創新標語都幾好。」採訪、攝影:張俊銘


■孫慧雪(左)貼大合照,留言:「陷害坤哥圖之偽毒可恥」。互聯網圖片

■蘇麗珊前晚在荃灣主持聖誕燈飾亮燈儀式。



來源: http://hk.apple.nextmedia.com/entertainment/art/20161119/19838382
接受 姊弟 弟戀 戀黃 黃心 心穎 穎落 落閘 唔吼 吼坤 坤哥
PermaLink: https://articles.zkiz.com/?id=316285

梅窩居屋100個賣剩蔗單身友都唔吼點解嘅?

1 : GS(14)@2017-10-22 17:43:25

新一期居屋進入單身人士揀樓的最後階段,僅餘100個梅窩居屋單位供中籤市民選購。黃女士昨日陪同以一人綠表成功中籤的母親馮女士前來揀樓,但最終空手而回。她稱指原本屬意觀塘彩興苑的一人單位,亦心儀上期貨尾單位,但一人揀樓次序被安排在最後,只餘下梅窩低層單位,儘管今次已是第二次抽中揀樓,仍無法揀到「心水」單位。截至昨日11時30分,梅窩銀蔚苑所有單位售罄,銀河苑A座及B座各餘下24伙及9伙,合計僅餘33伙單位。而白表單身50個配額已經用完,在場職員呼籲白表申請者離開,由綠表單身人士繼續選樓。黃女士稱,母親現住彩虹坪石邨,交通便利,故希望購買市區單位。她亦期待政府推出更多綠置居單位,又稱未來會轉戰申請房協資助出售房屋和位於火炭的「綠置居」大單位,預算500萬元以下,稱5名兄弟姊妹會分攤供款。第二次抽居屋的趙小姐首次獲得揀樓機會,本身在九龍城工作的她稱梅窩交通不便,「打風落雨唔方便,又要睇船期」,最終她亦放棄購買。她認為,政府推出的居屋單位數目不足,現時樓價亦高,未來會留意其他居屋項目,預算200萬至300萬元置業。而選得梅窩銀河苑13樓一單位的劉小姐現時與母同住鑽石山,她稱由於每日要到大埔上班,故購入單位後不會即時遷入,暫時會作為度假和未來退休養老之用。計劃結婚的25歲霍先生因女友以白表單身資格抽中前來揀樓。他指,原以為首輪抽中可揀選心儀單位,但單身人士被編配最最後一輪揀樓而無分揀選心儀的彩興苑單位,其餘可揀選的單位亦已所餘無幾,他們坦言今次到來不為揀樓,只為體驗和認識買樓程序,未來會繼續考慮抽居屋或房協資助出售的房屋,但要了解其更多詳情。對於現屆政府的房屋策略,霍先生形容「冇抱有希望,就冇失望」,他認為政府與建的居屋數量不足,新推出的港人首置上車盤亦無法幫助年輕人置業,因政策是以夾心階層為對象。




來源: http://hk.apple.nextmedia.com/news/art/20171020/20189174
梅窩 居屋 100 個賣 賣剩 剩蔗 單身 友都 都唔 唔吼 吼點 點解 解嘅
PermaLink: https://articles.zkiz.com/?id=343106

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019