ZKIZ Archives


推跌樓市話咁易 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130301/18180030

梁振英政府為了壓抑樓市,腦筋不停轉動,成日掛住諗一啲辣招,但講番轉頭,梁振英未上台前,好多分析師與左丁山都錯誤地以為梁振英會不理豪宅呢類與普羅大眾無關嘅天價,會集中力量增加細樓、低價樓供應,令中下樓宇難以加價,令一般人容易啲置業。誰知能吏害人,不知那一位軍師想出一招「五千白表居屋免補地價」,以為討好小市民,咁就觸發咗居屋價大升浪,跟住細單位大升溫(沙田第一城係最佳例子),再引發一連串升浪,於是梁政府手忙腳亂,繼去年八月三十日提出「梁十招」,九月十四日金管局收緊按揭,十月二十六日推出SSD、BSD之後,今年二月二十二日推出印花稅加倍徵收,工商樓宇不可豁免。
前三招都唔掂,中原城市領先指數由2012年7月1日嘅105.46升至2013年2月17日嘅121.58,八個月升咗15.28%,有此往績,第四招(印花稅加倍)是否可以奏效,疑問好大。有咗咁多招數之後,只有首次置業人士買200萬元以下單位,先至完全不受影響,以後其他人買樓嘅交易成本增加好多,申請退稅要辦手續及有時間差,好鬼煩,一言以蔽之,就係特區政府唔想你買樓!唔怪得香港大學地產學系嘅姚松炎在「明報」撰文話:「試想若果今次天水圍天榮站上蓋項目沒有流標,中標的財團以當時的房產稅項和發展限制來估價,然後同意支付標書所指定的補地價金額,政府卻在穩收該補價後,推出新房產稅項和新發展限制,令所餘利潤大幅下降,這豈不是一場騙局?一如盜跖所言?」
梁振英政府隨時改變印花稅,用作調控樓市工具,為地產市場帶來高度不穩定性,對置業人士及投資者構成傷害。我地成班老友吃午飯時為此辯論不休,有一位出題目:「樓價下跌三成,梁特首民望提升三成,試討論之」,呢條係好好嘅通識教育題目,中學老師不妨試吓。樓價跌,梁振英是否變得受市民歡迎?真難講。其實如果真係有心砌跌樓價,好易啫,只要宣佈兩件事,樓價工商舖位價必然下跌:(一)梁特首咁威,可以立即宣佈,禁止所有自由行遊客來港,內地旅客來港,恢復2002年狀態;(二)宣佈解除聯繫匯率,金管局即時將港元利率提升。梁振英敢唔敢?如果佢唔敢嘅話,香港樓市仍有水泡鈎住,頂多浮浮沉沉,難以下沉,梁先生想民望上升,冇咁易。

推跌 樓市 話咁 咁易 左丁 丁山
PermaLink: https://articles.zkiz.com/?id=53467

轉工話咁易 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20140228/18640022

營業總監C以前住在西貢,後因揸車返工路程遙遠,東隧又愈來愈塞車,於是搬去鰂魚涌租住一個單位,呢日同佢吃午飯,見佢咳個不停,但又唔見有痰,顯然係氣管有事。總監C話:「咳咗成個月都唔好,睇完中醫睇西醫,跟住又睇中醫,吃乜藥都唔掂,慘也。」咁又是否城市空氣有關,佢話:「我都有懷疑㗎,我朝早六點鐘就起身拖狗行街,七點幾返工,朝早屋邨內校車密佈,噴出好多死氣及汽油味,我聞到就咳。返到屋企同狗仔抹腳,先用濕紙巾、後用濕布,抹三次先至唔見咗啲黑色。以前住喺西貢,拖完狗行街,抹腳一次就得嘞,鰂魚涌啲街道係污糟啲嘅。」
咁講法,不如搬返西貢。總監C話:「正有此意,下半年租約一滿,為自己,為隻狗,我就搬返鄉下村屋,以漫長返工塞車時間換取新鮮空氣及乾淨道路!」
香港幾難搵到一個安樂窩,經常係得一樣唔得一樣,魚與熊掌不可兼得,住在鄉郊或住在市區,要睇個人偏好。傾傾吓,有一位夥計走過嚟與總監C打招呼,原來佢以前在鰂魚涌一間日本餐廳工作,啱啱轉過來呢間「唐人館」,轉工好似話咁易。此亦唔奇,上星期同一位業界人士傾偈,佢話一級廚師、星級廚師非常搶手,大酒店好似有實力搶人,但同時大酒店嘅廚師亦會隨時跳槽出外創業開餐廳,故此人工搶到十幾萬以上,前所未見。以此求證餐廳R,佢話只有少數米芝蓮星級廚師先至咁巴閉啫,一般廚師人工冇咁高,但月薪二萬至五萬之間嘅級數,轉工似音樂椅,轉個不停,佢自己都因為缺人而頭昏腦脹,HR俾佢逼得失失慌,話有人應徵嘞,不如請啦,餐廳R要自己見一見,一見之下,方知唯一一位應徵者係一位中年OL,因為厭倦寫字樓工作,自己又鍾意在家煮嘢食,故此寧願減薪,話要辭工嚟做廚師。餐廳R為之啼笑皆非,職業廚師嘅工作量與複雜性點可以同在家煮飯仔相比呀?點請得落手?但HR話:「冇其他應徵者咯噃。」餐廳R為之踢晒腳,短期內不知如何是好。

轉工 工話 話咁 咁易 左丁 丁山
PermaLink: https://articles.zkiz.com/?id=92362

中門大開:洗腦話咁易 添馬男

1 : GS(14)@2013-05-10 01:37:37

http://hk.apple.nextmedia.com/financeestate/art/20130509/18253838

                港台周一播出《鏗鏘集》,題目係愛國愛港,成集都係用曲筆去刻劃,所謂愛國愛港係不斷改變,其中一段關於紀念五四運動活動中,兩位穿校服之女學生,回答記者提問乜嘢係五四精神,不約而同答係尊重與包容。此片段在網上熱傳,網民反應熱烈。
當時我睇緊《鏗鏘集》,已即時爆粗,「有冇搞X錯!」問題不在女學生,而係幾時開始將內地扭曲歷史的五四觀引入香港,同時心中難過係受訪學生,穿着香港校服,典型乖學生,由佢地口中講出五四精神係尊重、包容,出自香港下一代之口,你話幾得人驚。政治灌輸與洗腦,不知不覺間已經完成,產品也推出了市場。

尊重包容竟變五四精神

                八十年代念中學,邊個學生唔知五四精神係民主與科學,德先生與賽先生,文化上要反傳統,政治上聲討北洋政府,喪權辱國,青年學生上街。共產黨建政後,一方面唔敢攻擊五四運動,因為不少學生走上左傾,皆源於五四,但又怕五四民主與科學精神,被用來挑戰共產黨專政,於是便為五四運動進行整型手術,將五四扭曲成為只有愛國主義,而將其他部份以手術切除。紀念五四變咗升旗禮,本身已經係一種愛國主義宣傳。
本地左派當然在五四升旗禮上,繼續上下其手,針對當前中港人民矛盾,樹立「尊重、包容」宣傳句語,無知學生因而受騙而不自知。追本溯源,在於梁粉紅人羅范椒芬當年出任教育局常任秘書長,與李國章局長雷厲風行,教改紅旗四處飄揚,其中課程改革中取消初中必修中國歷史科,今日回望才驚覺刻意貶低中國歷史科正好為日後政治教育、愛國教育等洗腦活動鳴鑼開道。當一個中學生在課堂上從未學過五四運動歷史,冇學過近代史,一旦遇上扭曲歷史之政治洗腦,根本無從抗拒,比政治寶藥黨呃咗都未知。
共產黨以政亂史,用黨定下的政治角度去詮釋歷史,將之變成一種管治控制意識形態。過去幾十年如是,但今日新媒體時代,人人可以翻查歷史資料,國外學者研究,內地亦已經冇人信呢套史觀。本地左派將劣等貨色運來香港,為學生洗腦,香港人應對此口誅筆伐。
左傾愛國冇問題,但至少唔好咁低B庸俗!
中門 大開 洗腦 腦話 話咁 咁易 添馬 馬男
PermaLink: https://articles.zkiz.com/?id=282758

阿信屋賣韓國女裝業務多元化 老闆:冇咁易被圍堵

1 : GS(14)@2014-10-10 13:22:10




■阿信屋位於九龍灣展貿的超市分店,上周五開始試賣女性時裝。 黃耀興攝



【本報訊】CEC國際(759)旗下阿信屋繼8月中開雲吞麵店後,最近又有新搞作,於旗下超級市場試點銷售女性時裝,業務多樣化得令人眼花繚亂;CEC國際主席林偉駿解釋,多樣化正是阿信屋生存之道,「乜都要做,咁先冇咁易被人圍堵!」



■顧客華小姐希望女裝定價在100至200元左右,較適合阿信屋平價形象。

「靠供應商支持」

阿信屋位於九龍灣展貿超市分店,於上周五開始作為試點銷售女性時裝。林偉駿解釋是因為有4個韓國服裝供貨商肯供貨;之前已跟韓國供貨商有緊密合作,向阿信屋提供食品、化妝品等。他形容阿信屋的業務發展特色,「就係靠供應商支持……過去四年阿信屋都一直處於被動。」上周五第一批試點韓國時裝僅供應30多款,本周六第二批女性時裝將增加至300款。他表示要觀察試點一個月,才清晰市場反應,然後再作下一階段部署。記者本周三中午到該超級市場分店現場視察,只有兩個時裝貨架擺放在一旁;半小時內約15位女性經過,個個都「手摸摸」看看,最後有一位挑了兩件恤衫去付款。於附近工作的華小姐對於阿信屋引入女性時裝表示歡迎,但希望女裝定價在100至200元左右,較適合阿信屋平價形象。


百佳開戰 市民得益

另外,百佳旗下銷售零食為主的滋味佳,將於今日(周五)在調景嶺開設全港第2間分店,與鄰近阿信屋分店只約10步距離。對於行業巨頭百佳也加入零食市場戰線,林偉駿形容心情「好開心、好難得……引到百佳都郁手。」而消費者肯定在這場戰爭中受惠,所謂「鷸蚌相爭,漁人得利」。他分析現時全港超市生意額一年約500億元,「阿信屋今年攞到其中18億元,以百佳惠康較高貨價,相當於佢哋30億元生意額!」若再讓阿信屋薄利多銷平價策略任意發展下去,「佢哋生意額會繼續萎縮」。他相信對方將緊盯阿信屋最暢銷首26位貨品,並以貼近甚至更低價錢銷售,實行將阿信屋圍堵;消費者將因而受惠。百佳發言人表示,滋味佳8月中首家店開幕以來反應理想,部份產品更為滋味佳獨家採購,未有在其他百佳分店發售。早於8月份百佳已率先在將軍澳新都城開設首間滋味佳分店;有報道指目標是擴至50間。




來源: http://hk.apple.nextmedia.com/financeestate/art/20141010/18895135
阿信 屋賣 韓國 女裝 業務 多元化 多元 老闆 冇咁 咁易 易被 圍堵
PermaLink: https://articles.zkiz.com/?id=286016

葉問上身?甄子丹愛駒初試啼聲 話咁易砌低惡馬

1 : GS(14)@2016-03-02 15:17:11

沙田馬場這天有多組試閘,最矚目應是第五組800米草閘,皆因首度養馬的甄子丹,其愛駒「宇宙車神」在這組出試,是牠在港第一次試閘,結果即有好表現。摩廐「宇宙車神」都算神奇,抵港只一段短短日子,綵衣仍未製成,這天由雷神操刀,暫時穿住馬會官方綵衣頂檔,馬兒起步敏捷,速度甚佳搶放帶到,走勢純熟有勁,擊敗93分二班惡馬「鵲橋先」勝出,季軍是「開心有你」。3歲澳洲自購馬「宇宙車神」評三班75分,馬主乃蔡加讚與甄子丹,在澳洲三戰兩冠一亞,贏1200及1250米,仍有相當大進步空間,稍後上陣必須重視。





來源: http://hk.apple.nextmedia.com/sports/art/20160302/19512015
葉問 上身 甄子 子丹 丹愛 愛駒 初試 啼聲 話咁 咁易 易砌 砌低 低惡 惡馬
PermaLink: https://articles.zkiz.com/?id=296609

【泰好彩】地盤工發夢見數字 中千萬彩票話咁易

1 : GS(14)@2016-06-20 05:45:13

泰國一名建築工人從夢境取得啟示,然後購買彩票,結果成功中了3,002萬泰銖(約661萬港元)的頭獎,實行來個大翻身。42歲的幸運兒本身在曼谷工作,他開工的地盤就位於前總理阿披實的大宅附近。他說有日發夢見到一串紅色數字,於是就在地盤附近買了2套彩票,之後就返回位於沙功那空府的老家。他後來核對彩票結果,才發現早前買的彩票竟然中了頭獎。他說會把獎金用來做善事,以及應付家庭生活開支。泰國網





來源: http://hk.apple.nextmedia.com/international/art/20160620/19661901
好彩 地盤 工發 夢見 數字 中千 千萬 彩票 話咁 咁易
PermaLink: https://articles.zkiz.com/?id=302229

上內地節目易彈起?鄧紫棋變宇宙巨G.E.M.話咁易

1 : GS(14)@2016-10-27 06:02:40

大陸咁多歌唱節目,好多本地藝人見喺香港冇咩成績,都會上大陸節目博一博,博掂咗就有「錢途」喇。鄧紫棋 G.E.M第一個緊係要數「宇宙巨G.E.M.」啦!本身G.E.M.喺香港都已經有「小巨肺」之稱㗎喇,唱功係有嘅,識得飊高音咪啱晒大陸觀眾口味囉!喺《我是歌手2》入面,G.E.M.挑戰唱汪峰嘅《存在》,大騷Quali,多次爆高音,唱到啲觀眾都喊晒口,咁就紅咗喇。李克勤克勤唱功就不置疑啦,《紅日》、《我不會唱歌》、《高妹》、《大會堂演奏廳》,呢啲歌相信大家都會記得講得出,不過喺香港就好似唔係好紅,拍過劇又做過主持《殘酷一叮》。15年上《蒙面歌王》,戴住個面具化身「白棱鏡」,最後贏埋冠軍,咁就翻到身喇!許志安安仔以「鐵皮人」形象參加《蒙面歌王》第二季,一開口觀眾都認得,唱《安靜》嘅時候,嗰種沙沙地嘅聲線加埋啲鼻音,真係ip都唔使check就知係許志安。陳樂基 Rocky陳樂基係香港獨立樂隊KillerSoap嘅主音,KillerSoap贏過多個比賽,喺08年仲贏得世界性比賽——Global Battle of the Bands(GBOB)嘅中國區冠軍。可惜,贏過咁多比賽喺香港都係冇咩知名度。喺14年,Rocky參加《中國好聲音》第三季,唱《月半小夜曲》升Key爆高音,而且唔係一味「X叫」,打入16強。當時Rocky參加《好聲音》有好大迥響,從此騷價上升,仲成日出騷o添!




來源: http://hk.apple.nextmedia.com/entertainment/art/20161027/19813427
內地 節目 彈起 鄧紫 紫棋 棋變 宇宙 G.E.M. 話咁 咁易
PermaLink: https://articles.zkiz.com/?id=313689

大掃除法寶你要知 除塵抹漬話咁易

1 : GS(14)@2017-01-24 03:00:11

新年就到,大掃除是例行公事,想事半功倍,以下數招,不可不會。對付瓷磚間的污迹,牙膏幫到你,如用白蠟燭上一層蠟,效果會更持久。家中的白色家具,也可用牙膏來清潔,至於白色布料如床單,則可浸洗米水後再清洗。馬桶及茶杯亦容易藏有舊迹,可靠醋「重拾清白」;而掛鈎的膠痕,也可用醋輕易抹除。泡過的茶葉可吸附灰塵,掃地前先灑一點在地上,會更有效率。若要抹玻璃,則可在抹布上沾一點洋蔥汁或白酒。抽油煙機盒容易儲下不少油份,但只要用肥皂水或加入中性清潔劑的暖水,浸20至40分鐘,頑強油污便可輕易除掉。對付滾筒式洗衣機的污垢,可倒半支至一支食用醋,再加入暖水至桶的3/4容量,浸2至3小時後,開機清洗。想家居煥然一新,不妨試做,絕無難度。綜合報道




來源: http://hk.apple.nextmedia.com/international/art/20170123/19906240
大掃除 法寶 你要 要知 除塵 抹漬 漬話 話咁 咁易
PermaLink: https://articles.zkiz.com/?id=323801

傳楊明暗撻「白淨版Rosanne」莊思明得啖笑:邊有咁易呀?

1 : GS(14)@2017-05-18 01:10:55

浪子回頭係咪真係金不換?情史厚過演出史嘅楊明,舊年因拍《愛‧回家》,撻着同劇嘅大馬拿督千金莊思明,兩人好快就認愛,又不時喺社交平台孖住放閃,楊明早排接受訪問時又放聲氣話想成家立室,以為佢滾……係情場翻滾咗咁多年,又已屆36歲,終於肯修心養性,揀定一個伴侶,唔做浪子啦,點知一樣有是非流出。昨日有周刊報道楊明背住女友莊思明,暗媾現年28歲、貌似「白淨版Rosanne」嘅大台姐仔郭千瑜(Mina),報道指楊明喺自己擔正嗰套《抱佣情人》中,對Mina照顧有加,就算喺月前一場外景戲中,大熱天時困喺架開篷巴士上拍攝,唔使埋位個個落車唞氣期間,楊明同Mina都留喺車上,享受獨處時光。報道除咗話楊明除低頸巾畀Mina遮太陽之外,更指楊明對女方面部吹氣,又似想對女方晒肌騷quali咁,仲講到佢哋傾偈時,楊明用下身對正Mina頭部……吓?!周刊指其實好多人都見到楊明同Mina啲曖昧行為,但就當睇唔到。同晚劇組拉隊去尖沙嘴慶功,莊思明冇份演但卻有現身,楊明勁識做,攬實女友好sweet咁,周刊指Mina見到「正印」在場就扮冇嘢,楊明亦表現得比較收斂。睇番Mina個facebook,發現佢經常貼自己啲開工相上去,當中唔少得同楊明嘅合照;至於報道中提及嘅慶功宴,Mina除咗喺大合照中同楊明及莊思明同相現身外,仲有一張係莊思明同楊明包抄Mina影嘅合照,真係三個主角都喺齊度喇。報道稱,被蒙在鼓裏嘅莊思明,今個月初接受網台訪問期間,提及同楊明嘅婚事,佢承認兩人之間有共識,亦唔係玩玩吓,不過當同場嘅周志文送上恭賀時,莊思明又即刻閘住,其實莊思明係咪已經索到陣除……?對於背女友莊思明、暗撻Mina嘅報道,正身處越南拍劇嘅楊明昨日回應傳媒話:「其實我坐嗰個位,就係我要埋位嗰個位,而嗰個女同事企嗰個位,亦係埋位嗰個位,咁同事未埋位傾幾句就叫做『媾』,咁一日咪媾好多人?」至於莊思明亦對男友百分百信任,佢回應傳媒時就話:「哈哈,佢send咗段報道俾我睇啦,其實真係冇嘢、得啖笑咁囉,行過傾吓偈就話撻着,邊有咁易呀?如果係咁,每拍一套劇咪要換一個女朋友?」「其實佢係一個好有交帶嘅人,去到邊做緊乜,都會同我講,反而我自己唔算交帶,佢咁做,搞到我都要成日向佢報到。況且,千瑜我本身都識,咁就更加冇可能(撻着)啦!」問到同男友婚期,莊思明就話「在心中」:「冇呃你哋,婚期係未定,不過大家對呢樣嘢一早有共識。」而楊明頭先更喺Instagram貼咗一張佢瞓喺屋頂嘅相,仲留言話:「第一次到越南感覺非常好,天氣、風景和食物全部都好,還有謝謝劇組為我挑選的露台房間,讓我可以曬太陽。(我真的很喜歡睡覺的)」睇嚟未受周刊報道影響心情。至於莊思明就同家姐開工,兩姊妹仲輪流貼相上Instagram。




來源: http://hk.apple.nextmedia.com/entertainment/art/20170517/20024198
楊明 暗撻 白淨 Rosanne 莊思 思明 明得 得啖 啖笑 邊有 有咁 咁易 易呀
PermaLink: https://articles.zkiz.com/?id=333157

【贏在起跑線】點解好少見愛因斯坦病? 牛津新研究:IQ高都無咁易病

1 : GS(14)@2017-07-05 03:43:18

要贏在起跑線,其實不單要贏在射精前,根本就要「贏在智商前」,但難道給小朋友吃「聰明藥」就會變聰明?智商是天生的,愛因斯坦的智商(IQ)估計就有160至190左右,雖然愛因斯坦在76歲因腹主動脈瘤破裂而內出血死亡,但智商的確有為他的前半生帶來健康。據最新一期《英國醫學期刊》(British Medical Journal)內一份有關智商、患病和壽命的研究指,原來智商高生病機會較低,壽命亦因而比較長。



英國牛津大學和蘇格蘭愛丁堡大學(University of Edinburgh)的學者追蹤了65,765個在1936年蘇格蘭出生的男女,根據他們在11歲的智商測試成績,並了解他們的身體狀況至2015年底,結果發現,智商高的男女在79歲前有較低的死亡風險,患上呼吸系檧疾病的機會減少28%;患上呼冠心病的機會減少25%;患上因吸煙而引發的疾病減少24%,其餘還有消化系統疾病和老人癡呆的患病機會亦有所降低。在今期《英》評論該研究的瑞典學者指,由於研究未有深入調查受訪者的智商,故未能肯定成因,但相信可能與基因有關。資料來源:
Daniel Falkstedt, Anton C J Lager. Higher IQ in childhood is linked to a longer life. BMJ,2017; j2932 DOI:10.1136/bmj.j2932
Catherine M Calvin, G David Batty, Geoff Der, Caroline E Brett, Adele Taylor, Alison Pattie, IvaČukić, Ian J Deary. Childhood intelligence in relation to major causes of death in68 year follow-up: prospective population study. BMJ,2017; j2708 DOI:10.1136/bmj.j2708記者:盧逸文2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily



想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20170704/20077858
贏在 起跑線 起跑 點解 解好 少見 因斯坦 因斯 牛津 研究 IQ 高都 無咁 咁易 易病
PermaLink: https://articles.zkiz.com/?id=337939

細奀時代:無痛發達點有咁易

1 : GS(14)@2017-10-29 23:38:09

「炒股票咁易賺大錢,就無人返工喇!」上周本欄講到朋友積極培養個仔做股神,並且以地盤工作為後路。出現以上的回應,在今時今日的香港,絕對是意料中事。炒股票唔容易的確是事實,但相比曹星如打拳,李慧詩踏單車,炒股票成功的機會率一定高得多,而且亦更加值博。運動員生涯有限期,畢菲特卻炒足一世未言休。如果不是有特別運動天賦以及強烈的興趣,選擇炒股票去博一博其實十分合理。成功之路必然艱辛,否則也不會高回報,尤其是全球一體化,資訊發達,更加摧毀了不少過往的財路。例如幾十年前胡國雄,在香港絕對是高收入人仕,今時今日,香港足球先生姓甚名誰根本無人知。這個年代要成功,只有追求卓越,標準比以往更高。可是這一代的香港人,卻越來越欠缺韌性,太容易知難而退,滿足於中庸之道。其中一個主要理由,是過去幾年的確出現過一條輕鬆又容易的成功道路,就是搭上樓市的順風車。沒有太高技術含量,一味死供爛供,轉個頭來就是人生勝利組。晨操晚練固然傻,甚至廢寢忘餐研究股票,同樣也是浪費時間吃力不討好。發夢但求樓市爆煲樓市入門門檻高,有幸上車多數靠家人相助,不過結果比過程重要,英雄莫問出處,有樓揸手就是成功人仕。於是乎香港人的願望很簡單,就是上車,上車並不單單是解決居住問題,更加是成功理財的踏腳石,假以時日,一間變兩間,逐步疊上去,就解決人生大部份煩惱。至於其他成功方法,通通都是一戰功成萬骨枯,既辛苦成功率極低又毫無保障,完全提不起興趣。隨着樓價水漲船高,最簡單的成功道路要入場也不簡單,可惜知難而退、好逸惡勞成為了習慣,「點有咁易喇」已是口頭禪。唯有長期集體發夢,先求樓市爆一次煲,最好跌五成以上,畀自己上完車之後再升一倍,完成無痛發達的旅程,又或者最低限度,也要發生上半部,大眾攬炒鬥窮亦可以。整個社會的心態,和全球化追求卓越的大趨勢嚴重脫節,就算出了曹星如李慧詩,大眾只是羨慕,又或者化身酸民,而拒絕被啟發,要改變真是點有咁易喇!阿飛本欄逢周二刊出




來源: https://hk.finance.appledaily.co ... e/20171024/20192964
細奀 時代 無痛 發達 點有 有咁 咁易
PermaLink: https://articles.zkiz.com/?id=343348

財經評論:MPF買樓冇咁易

1 : GS(14)@2017-11-13 03:59:50

新政府上場後,明顯於房屋政策上落藥,積金局亦一改口風稱正研究提取強積金(MPF)用作首置買樓,料明年第二季可將報告交予政府。不過,最顯然而見的問題,正是MPF根本不足以應付首期及退休。或者值得大家一探。一)MPF得雞碎咁多:財經事務及庫務局局長劉怡翔一直強調,新加坡及香港不能直接相比,原因正是新加坡打工仔供款率高達37%,香港供款率只是10%。新加坡打工仔每月有17%人工自動上繳公積金戶口,另外僱主供款20%,自然令公積金累積較多資產。二)首期太貴:本港樓價高企,加上金管局按揭辣招,上車首期數額極大。新加坡則多逾八成人住在平價組屋,200萬港元已夠買千呎單位。換言之,當地供款較香港多,買樓又較香港平。現時積金局對適用於MPF買樓的樓宇種類未有定案,但觀乎目前香港的居屋、首置上車盤供應有限,私樓首期則以「球」計,MPF的確是杯水車薪。三)退休點算好:積金局一直強調,MPF是為打工仔退休作準備。若一炮過用以置業,變相就要犧牲退休儲備,假若樓市逆轉,打工仔是否能安享晚年?反觀新加坡公積金設有三個賬戶,分別是應付醫療費的「醫療戶口」、應付晚年退休的「特別戶口」,以及應付首期或教育費等的「普通戶口」。意味即使動用公積金置業,退休與醫療供款亦不受影響。要解決第一、三點,上調供款比率相信是第一步;至於第二點,則關係到撤辣等調控政策,兩者均是A1大新聞。記者:陳洛嘉



來源: https://hk.finance.appledaily.co ... e/20171109/20209169
財經 評論 MPF 買樓 樓冇 冇咁 咁易
PermaLink: https://articles.zkiz.com/?id=344183

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019