ZKIZ Archives


李小加口才好 左丁山

http://hk.apple.nextmedia.com/template/apple_sub/art_main.php?&iss_id=20110816&sec_id=12187389&art_id=15526654&cat_id=255&coln_id=22

港交所網站「披露易」俾黑客入侵,不能運作,導致七家上市公司及四百幾隻窩輪、牛熊證停牌,其中包括三隻大藍籌滙控、國泰與港交所自己,停牌時股市正在上 升;停牌之夜,美國股市大跌,杜瓊斯指數跌 519點,次日早上(八月十一日)復牌,投資投機人士,無論機構抑或散戶,除非係淡友,無不蒙受無辜損失。
公 司停牌半日,啱唔啱?中環普遍指責港交所不能隨機應變,只識睇例書,死板到極,目的旨在保護自己唔俾一啲無聊人士(即更加死板之人士)控告。港交所總裁李 小加口口聲聲話基於「公平原則」,維持保護散戶傳統,繼續交易(不停牌)係對散戶不公平喎,故此下咗一個痛苦決定,兩害相權取其輕!
今時今日,呢 啲理由站不住腳。保護散戶當然重要,保證所有交易人士同時得悉公司發放嘅資料,當然係公平,但係公司嘅重要股價敏感資料,在「披露易」當機之後,點解唔可 以通過其他渠道發放?今日有邊個散戶唔上網站、用電腦取得最新資料?只要港交所知道當機之後立即向所有電台、電視台、本港最通用嘅十個八個財經網站、報紙 即時新聞網站、彭博、路透社、杜瓊斯等等發出通知,發放七公司最新資料並指示投資者上嗰七間公司網站瀏覽最新資料,相信全港在下午一點半復市前已經知道 晒,七家公司唔駛停牌,有邊位夠膽厚面皮到話自己乜都唔知,港交所對佢不公平,告上法庭去呀?
事隔一日,李小加先至話港交所有補救措施,以後有事 就用本文前一段所述方法告知大家,屬後知後覺之類,令人感嘆,對蒙受無辜損失嘅股民來講,只能對李小加講番一句趙紫陽名言:你來遲了(原文「我來晚 了」)。成個港交所咁多人才,人工咁高,點解冇人在八月十日下午一時半開市前已經諗得到上述方法?而且要停牌嘅話,應在開市前已經通告所有經紀,唔應該在 開市後有買有賣之時,才突然停牌。李小加平時辯才無礙,寫萬言書議論滔滔,依家有啲華資經紀開始懷疑佢係講就天下無敵一類嘅高談闊論人士。

李小 小加 口才 左丁 丁山
PermaLink: https://articles.zkiz.com/?id=27074

【飲食籽】29歲女接手川菜館 腦力口才不足靠勞力

1 : GS(14)@2017-06-23 01:45:15

冰粉,是透明的涼粉,加上黃糖,有解暑作用,餐廳不定期供應。



【飲食籽:心水食桌】渝川菜館老闆林翔瑜說:「我是好運的,沒有經歷過創業階段,只是守業。」餐廳原由舅父開設,十年前轉讓給阿翔媽媽再由她接手。和一般川菜館不同,餐廳沒有大紅大紫的傳統裝潢,相反格局低調。「我們不想做傳統川菜館,選擇以私房菜形式經營。我們很少接受訪問或宣傳,只想靠實力。」今年29歲的阿翔,已成為一間餐廳的老闆,「一開始就有間舖頭,是輕鬆很多。我知萬事起頭難,做了老闆,才知道很多事不是這樣簡單。我在管理方面沒有經驗,都是慢慢學的,最初我不去街市買食材,不看單價,有甚麼便買甚麼,後來做得多,開始識比較,知道哪裏入貨較抵、質素較好。」餐廳屬私房菜形式,收費每位計,再按人頭可點不同冷菜和熱菜數量,現時餐廳只有四個員工,「一個涼菜師傅、一個熱菜師傅,再加一個清潔女工和一個侍應。好多事都要自己跟進,有時親力親為都是一種滿足感。」由20歲開始在餐廳間中幫手,到現在接管餐廳,阿翔說:「我本身不喜歡讀書,那時媽媽叫我來幫手,發覺幾喜歡對着客人,我不會覺得大才小用。很喜歡在這裏上班。」每天朝十晚十一工作,她笑言:「不辛苦怎得世間財,我本身腦力不足,口才又不行,要靠勞力了。」採訪當日,餐廳6時多已客滿,阿翔一人忙着招呼客人,有些客人自動波拿餐具,絲毫不介意。「客人想食乜,我們可以幫他們準備,甚至有些四川甜品,我媽媽有時會專程返四川買材料,免費做來送給客人品嚐。」像圓餅形的糍巴,外面會蘸上黃豆粉、花生粉,炸得香脆,內有年糕,可分鹹甜,蘸白糖吃較佳,吃到嘴裏又軟又綿又甜甜的。還有冰粉,是透明的涼粉,加上黃糖,有解暑作用,是不定期供應。



今年29歲的阿翔,已接手媽媽的川菜館。

和一般川菜館不同,沒有大紅大紫的傳統裝潢。

渝川菜館灣仔廈門街7-17號百旺都中心1樓B室收費每位$268(套餐)



記者:何嘉茵攝影:許先煜、張志孟編輯:馮秀珍美術:利英豪




來源: http://hk.apple.nextmedia.com/su ... t/20170619/20058362
飲食 29 歲女 接手 川菜館 川菜 腦力 口才 不足 勞力
PermaLink: https://articles.zkiz.com/?id=336500

中環在線:九建樓神「口才」勁過趙樓神

1 : GS(14)@2017-06-23 02:49:24

以口水多過浪花兼帶幾分無厘頭見稱嘅九建(034)「樓神」楊聰永,每次推盤都可以將風馬牛不相及嘅嘢同樓盤溝埋一齊講,巧厲害㗎。好似九建新近有個西營盤樓盤,主打開放式同一房納米樓,楊聰永介紹樓盤,唔講面積,唔講價錢,用半粒鐘去講英國牛津同西營盤嘅關係。佢指,牛津大學、劍橋大學同香港大學,不謀而合咁屬於新古典主義嘅建築,例如有圓拱門、迴廊之類,九建新盤嘅基座(即係最低幾層非住宅空間)亦有喎。所以呢,三間世界一級學府嘅血脈就喺個基座度傳承落去嘞。聽到呢度,除咗O嘴,應該畀唔到其他反應。去到問答環節,楊聰永又用早古味嘅賽馬術語「爆炸灣」、「養和院灣」去形容樓盤嘅推銷進度,新一輩聽到呢類術語,下巴應該早掉落地。楊聰永以前喺長實(1113)做營業經理,6年前轉會九建,賣樓搞花臣肯定可以青出於藍,例如佢曾經拎住一籠包推盤,形容自己係「賣大包」,又搵老臨扮白居易介紹白居二優惠。趙樓神可能都後悔畀佢走。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170622/20064313
中環 在線 九建 建樓 樓神 口才 勁過 過趙 趙樓
PermaLink: https://articles.zkiz.com/?id=336563

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019