ZKIZ Archives


傳港姐未卸任可拍劇 龐卓欣趁未拍劇遊日本

1 : GS(14)@2015-09-23 02:14:02

今屆出爐港姐才貌出眾嘅麥明詩(Louisa)贏冠軍,傳被亞軍龐卓欣(Ada)同季軍郭嘉文聯手杯葛,事後三個得獎佳麗忽然「friend番」,23歲嘅Louisa起初未知係唔係擔心影響星途,居然將拍拖兩年嘅大律師男友林作(Joe)「降呢」做朋友,嫌棄男友「唔夠成熟」,不過,最終佢都大方公開戀情,反而,港姐亞軍Ada就一直勇敢去愛,不時貼出佢同富三代男友Solomon嘅合照,戀愛大過天!
Ada日前喺Instagram貼出佢同男友面貼面嘅合照,男友Solomon仲出手輕攬女友,有網民讚佢哋好似樣,好有夫妻相,兩個似乎打風都打唔甩。
Ada昨日又同父母去咗日本心齋橋行街街,留言:「Good morning osaka.」早前已盛傳大台小生花旦出現人才荒,有意想搵今屆港姐選完之後,即刻簽約佢哋做花旦力捧兼有劇拍,分分鐘連藝訓班都唔使入就可以埋位開工,不過,為咗箍住一班新人,傳大台要佢哋簽10年約,公司先會捧佢哋,未知Ada係唔係趁未開工拍劇前,先同家人去下旅行,享受家庭樂呢?





來源: http://hk.apple.nextmedia.com/entertainment/art/20150922/19305047
傳港 港姐 姐未 卸任 可拍 拍劇 龐卓 卓欣 欣趁 趁未 未拍 劇遊 日本
PermaLink: https://articles.zkiz.com/?id=292481

龐卓欣撐馮盈盈:爆粗好正常

1 : GS(14)@2016-09-17 17:33:05

龐卓欣、松岡李那、李月、日本AKB48前成員永尾瑪利亞昨日在尖沙嘴為日本時裝店任開幕嘉賓,松岡表示首次見永尾瑪利亞,不知道是哪個AKB,不過覺得對方好可愛。龐卓欣剛卸任港姐身份,未有跟無綫簽約,她說:「而家可以乜都試吓,唔簽無綫都係想乜都做吓,唔係只做演員或主持。」現時她教小朋友聲樂為主,獲男友支持。



■松岡指首次見永尾瑪利亞(左),覺得對方好可愛。

出爐港姐馮盈盈當選後被揭爆粗鬧政府,龐卓欣表示有留意:「如果我話我冇講過粗口你信唔信?最緊要唔喺台上面講,細個點講都好正常,大個咗可以用其他詞語表達自己會更好,大個咗會識諗。」採訪:卓寶花攝影:陳順禎




來源: http://hk.apple.nextmedia.com/entertainment/art/20160916/19771988
龐卓 卓欣 欣撐 撐馮 盈盈 爆粗 粗好 正常
PermaLink: https://articles.zkiz.com/?id=309395

龐卓欣講明唔結婚

1 : GS(14)@2016-11-17 11:30:37

■龐卓欣與男友孫智威錫錫晒恩愛,孫智威直言拒讓女友拍床戲。



劉亦菲、上屆港姐亞軍龐卓欣與男友孫智威等,昨日於尖沙嘴出席天梭表活動,品牌全球形象大使劉亦菲排場十足,事先聲明不受訪,在台上大晒英文幫品牌賣廣告,以英語多謝品牌外籍高層,認真識做。龐卓欣與孫智威就不停晒恩愛,更咀足5次,問他們是否預演婚禮、有結婚大計嗎?孫智威說:「唔公佈住,未求婚,大家事業啱啱起步。」龐卓欣則說:「大家鍾意唔一定要結婚。」而龐卓欣將拍電影,問孫智威怕不怕女友與男演員有親熱戲?孫智威說:「心裏面一定唔想,不過佢要做都逼唔到,底線一定有,床上戲應該唔會,比堅尼係底線。」此外,陸漢洋指與苟芸慧只是朋友關係,問苟芸慧是他的女神嗎?陸漢洋表示:「我心目中嘅女神係鍾楚紅,由細到大都係。」採訪:羅慧敏攝影:葉君海


■劉亦菲(右二)多謝品牌高層,非常識做。

■陸漢洋謂心目中的女神是鍾楚紅。



來源: http://hk.apple.nextmedia.com/entertainment/art/20161117/19836173
龐卓 卓欣 講明 結婚
PermaLink: https://articles.zkiz.com/?id=315940

龐卓欣男友執屎

1 : GS(14)@2017-01-26 18:08:31

前港姐龐卓欣(Ada)與男友孫智威(Solomon)拍拖3年多十分恩愛,趁農曆新年將至,二人帶愛犬洗白白。Ada養了3隻松鼠狗,Solomon亦養了3隻不同品種的狗,二人經常為愛犬扮靚,Ada說:「我哋係佢哋嘅奴隸,Solomon有時返到屋企,佢隻狗會專登喺佢張床屙屎,佢要自己執,其實我嘅願望係最少有7隻松鼠狗。」



■趁農曆新年將至,龐卓欣帶愛犬洗白白。

不過原來Solomon對松鼠狗敏感,Ada笑說:「佢每次上我屋企都會變豬頭炳,遲啲如果一齊住,要有一間房隔離佢。」新年是享受家庭樂的日子,Ada說:「我會帶埋狗仔去拜年,利是會大封啲。我哋同屋企人都會行大運,會帶埋佢哋一齊去行山頂。新年多數留喺香港,可以變返細路仔?利是,好開心。」問新年願望會否想早日派利是?Solomon說:「我哋事業都係剛起步,等我賺到錢先,兩、三年啦!」採訪:羅慧敏攝影:陳慧安場地提供:Dogaroo




來源: http://hk.apple.nextmedia.com/entertainment/art/20170125/19907403
龐卓 卓欣 男友 執屎
PermaLink: https://articles.zkiz.com/?id=324166

龐卓欣離無綫過檔Viu

1 : GS(14)@2017-04-30 15:22:21

2015年港姐亞軍龐卓欣因為不想與TVB簽長命約,去年11月回復自由身後,隨即為Viu Online做主持。龐卓欣受訪時不肯透露詳情,但表示很開心,可以選擇喜歡的工作,問她怕不怕激嬲TVB?她說:「唔會,佢哋對我好好,冇乜嘢,如果TVB想要番我,我都想客串吓,除咗做YouTuber同教小朋友唱歌外,都想試吓鏡頭前做多啲唔同嘅嘢,好開心今次ViuTV畀咗咁大嘅機會我。」問何解不簽約TVB?龐卓欣說:「咁我又唔係真係想全職做演員或主持,我都未試過演戲,根本唔知適唔適合,一嚟就簽咁長嘅話,我簽唔落手,哈哈。」採訪:嵐山



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170430/20006129
龐卓 卓欣 欣離 離無 過檔 Viu
PermaLink: https://articles.zkiz.com/?id=332067

龐卓欣做軍師教同事選美

1 : GS(14)@2017-07-01 09:53:39

上山詩鈉囡囡Hilary、龐卓欣、林作及姜麗文等昨晚在中環出席手機發佈會,現場嘉賓用手機自拍,林作笑言自拍是媾女高招,對方不會抗拒之餘,還覺得受到欣賞,問他有否成功過?他卻說:「咁就冇,我自己鍾意直接表白。」前港姐龐卓欣提到今屆港姐面試,其中一位參加者Regina跟她樣相似,龐卓欣說:「有啲角度係似,已經兩年(參加港姐),時間過得好快。」而另一位參加者Leanne則是她的舊同事,龐卓欣坦言有給意見:「佢有問我見評判時點做,我都講佢聽,其實係好簡單嘅問題,做自己,唔好理人講乜嘢,網民好有創意,我對佢有信心。」採訪:羅慧敏攝影:葉君海


■林作(右)笑言識自拍就可以媾女。

■上山女Hilary昨晚有份出席手機發佈會。



來源: http://hk.apple.nextmedia.com/entertainment/art/20170629/20071894
龐卓 卓欣 欣做 軍師 同事 選美
PermaLink: https://articles.zkiz.com/?id=337198

赴美讀古典音樂 畢業作留遺憾龐卓欣自覺被歧視 投訴老師

1 : GS(14)@2017-07-09 03:39:05

■身為富二代的15年港姐亞軍龐卓欣,透露在美國讀音樂學院時疑遭老師種族歧視。



【向世界升學】現年25歲的港姐亞軍龐卓欣(Ada),雖然是富二代,大學時又考進了美國著名音樂學府曼克頓音樂學院,攻讀古典音樂,她日前受訪卻透露在大學的畢業歌劇表演時,自覺遭老師種族歧視,歌劇內71個角色全不安排亞洲女同學演出,僅能唱合唱團,她憶述時說:「我嗰時好嬲,種族歧視都唔好咁明顯,我哋寫晒投訴信去投訴呢個老師。」

自嘲70分小姐


Ada的父母均於聖保羅男女中學畢業,母親Juliana畢業後亦返母校附屬小學教了幾年,再轉做師資培訓,退休後現於中文大學兼職做音樂培訓老師的工作。日前Ada與龐媽媽接受本報專訪,回想女兒升小學的過程,龐媽媽說:「佢考咗兩間小學,一間聖保羅,一間女拔萃,嗰時諗吓兩間都係好學校,聖保羅點樣我哋估到,而女拔萃比較活潑啲。」



■龐媽媽早年鼓勵龐卓欣發掘自己興趣,提早讓女兒到美國留學。

■修讀古典音樂的龐卓欣,累積了不少在台上演唱的經驗。

■前年參選港姐的龐卓欣(左),屈居中小學同學麥明詩(中)之下得亞軍。資料圖片

Ada最後選讀女拔萃,笑言自己的成績是「70分小姐」,經歷了尖子學校競爭,更受到同學排擠:「我由細到大讀書好中挺,平均係70分,但身邊同學98分都喊。小學嗰時,我係比較受歡迎,受老師鍾意,個個都想入我組,但六年班時候,有個朋友知道我係唔高分,同我絕咗交,細個淨係攞成績嚟比較,我真係好灰。」龐媽媽發現女兒找不到方向,不想她被成績框住,便讓女兒提早去美國升學,更遇上良師,引導她去讀音樂,入讀了美國著名音樂學府曼克頓音樂學院,Ada說:「全中學唱歌最好、最叻,去到大學另一回事,太多叻人,讀咗四年,有學音樂歷史、音樂理論、藝術歷史,有表演堂,老師教你上堂台風點樣,我哋唱歌有好多小動作,或者唱歌表達能力點樣,學意大利文、法文、德文。」



■龐卓欣自小喜歡音樂,參加過不少合唱團。

■龐卓欣經常跟父親龐寶林及媽咪Juliana周遊列國。


不忿差別對待


不過,在畢業歌劇表演上,Ada稱遇到種族歧視問題:「成個class要做一個歌劇,有71個角色,應該人人都有個角色,偏偏全部亞洲女仔都係唱合唱團,冇一個人有角色。我嗰時好嬲,種族歧視都唔好咁明顯,佢哋解釋角色要大隻身形,其實有好多白人角色都係黑人演,我哋寫晒投訴信去投訴呢個老師,好失望。因為呢件事,校長有同我哋見面,話呢個係好嚴重問題,會同嗰位老師講,最後位老師有同成班同學道歉,話自己冇心,唔係特登。」採訪:梁錦雯攝影:郭賢興 場地:Kyoku(希雲街)




來源: http://hk.apple.nextmedia.com/entertainment/art/20170708/20082392
赴美 美讀 古典 音樂 畢業 作留 遺憾 龐卓 卓欣 自覺 歧視 投訴 老師
PermaLink: https://articles.zkiz.com/?id=338480

龐卓欣鍾意「同爸爸打網球」被淘汰劉穎敏嗜好「撰稿」

1 : GS(14)@2017-08-04 06:11:50

香港小姐呢個比賽,參加得嘅佳麗,都要美貌與智慧並重,所以一班佳麗嘅資料,都要報告下自己嘅資料,身高、體重、三圍呢啲就基本啦,仲有一樣就係嗜好喇,其實以前啲嗜好都正正常常,但到咗近年,啲嗜好都奇奇怪怪咁。好似麥明詩咁,佢嘅嗜好係唱歌,跳阿根廷探戈,看維基百科/時事新聞,以麥明詩嘅能力嚟講,應該係睇英文維基嘅,咁真係學到嘢,如果係睇中文維基呢,可能會睇到啲古怪嘢。同屆嘅仲有龐卓欣,佢嗜好係:騎馬、唱歌、和爸爸打網球、健身、陪狗狗同行山。大家留意,龐卓欣嘅嗜好,唔係打網球,而係「同爸爸打網球」,唔通同其他人打就唔係嗜好?小小超女友郭嘉文,佢嘅嗜好係:唱歌、烹飪、寫作同寵物訓練。嗜好唔係養寵物,而係寵物訓練,幾有大志。到上年喇,港姐們嘅嗜好都好特別,好似落選嘅陳惠麒咁,佢嗜好係:搜羅健康美味的食物及食肆、瑜珈、唱歌、學習中醫食療保健養生知識,講得好詳細,因為平時啲人都係就咁寫美食咁,但佢就要「搜羅健康美味的食物及食肆」,可惜佢落咗選,唔係嘅話可以做飲食節目。到咗今年喇,就真係精采喇。今次嘅候選港姐,嗜好亦填得相當詳細,好似張寶欣咁,佢運動嗰一部分,係要寫埋咩運動,例如排球、游泳、遠足、跑步。而被淘汰嘅劉穎敏呢,佢嗜好係彈鋼琴、跑步、閱讀、繪畫、撰稿。點解係「撰稿」?而唔係用「寫作」,咁佢係咪可以撰返佢自己被淘汰嘅稿呢?梁雯蔚佢其中一樣嗜好係唱歌,但當中強調咗包括粵曲,仲有跳舞,都強調係中國舞,真係相當熱愛中國文化。順帶一提,好多佳麗都有寫嗜好係「觀賞電影」,字眼上真係靚咗好多,以前就係「電影」兩個字就算,今時今日就要變做「觀賞電影」。唔通真係越多字越有文化?




來源: http://hk.apple.nextmedia.com/entertainment/art/20170803/20110549
龐卓 卓欣 鍾意 爸爸 網球 淘汰 穎敏 嗜好 撰稿
PermaLink: https://articles.zkiz.com/?id=339538

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019